طلبات نوتة أ / عادل صموئيل الجزء الثانى

[وليد100]

السلام عليكم ورحمه الله وبركاته
شكرا استاذ عادل علي ماتقدمه من روائع للفنانه ورده وندعوا الله مع قرب شهر رمضان ان يغفر لها ولكل من احترم عقولنا ورقي احاسيسنا
مع الشكر يامايسترو
اخيك وليد

[salhi_haithem]

سلام وتحية
يا حلوتك يا أستاذ عادل و أنا لن أظيف شئ على كلام الدكتور محمد إبراهيم حقا الأستاذ عادل بدأ يتوغل بنا في الأعماق و بحكم أنه قبطان ماهر سندباد المحيطات فلا خوف عليا فنحن في أمان معه و شوفوا مستوى الأستاذ عادل الرفيع جدا في التدوين و هذا ما أعتبره إنتاج حقيقي شوف كل القائمات التي دونت حليم و عبد الوهاب و القائمة العزيزة لأعمال فريد الأطرش و فايزة و الآن جاء دور أحد رموز زمن الفن الجميل و هي السيدة وردة و شوفوا ضخامة الأعمال يعني ما فيش كلام
و لو الأخوة يركزوا في الطلبات على زمن الفن الجميل 1919-1993 سنرى العجب من الأستاذ عادل لكن ساعات بعض الأخوة يطلبون أغاني ليست لها قيمة لا فنية لا موسيقية و كما نعلم أنه الأستاذ عادل يحب يرضي الجميع و يحب يستجيب للكل لأنه كريم و المشكل هو سأظرب مثال هو الأستاذ عادل كأنه سيارة أخر موديل أخر طيراز مثل سيارة "مازيراتي" عداد 300 كلم/س مكابح إدروليكية سيارة أخر ما يوجد في التطور و نيجي نطب من السيارة أنها تجري بسرعة 20 كلم/س اللي هو شئ غير معقول و غير مقبول
أرجو من الأخوة أنهم يساعدوا الأستاذ في تحقيق هدفه و هو إحياء زمن الفن الجميل و يعيد يبعث فيه الروح بإنتقاء أجمل الأغاني
هيثم

[ahmad_alahlawy]

أستاذنا الفاضل عادل :

طالما أن المزاج العام هذه الأيام مضبوط على وردة....أرجو وضع أغنية خليك هنا فى الاعتبار

و شكرا

[wahidfarid]

ممكن إضافة أوقاتي بتحلو

اخى العزيز
انا كنت حادونها طبعا لكن الاول دخلت فى البحث بحثت عن نوتة لها وجدت هنا فى المنتدى نوتة مكتوبة كويس
يعنى اعمل بحث حتلاقيها
انابدخل فى البحث ده واشوف فيه نوت بتنطلب بلاقيها مكتوبة اما غلط او صعبة جدا لذلك بدونها تانى لكن لما بلاقى نوتة مكتوبة كويس يعنى ممكن تشتغل بوفر الوقت ادون اغنية تانية تكون مش موجودة والحاجتين مكسب لكن اولا واخيرا
مع اطيب تحياتى عادل صموئيل

[الهنيدي]

شسء جميل الله يقويكم ...............

[muhamadibra]

طيب يا مايسترو كل سنة وانت طيب انا كنت طلبت نوتة لم اجدها في اي مكان واعتقد انها صعبة بعض الشئ علي هواة التدوين ويا ريت تتحفنا بتدوينها باحترافيتك المعتاده - وهي مقدمة مسلسل الايام غناء علي الحجار ولا اعرف ان كان المزاج متوافق معها ام لا
https://www.youtube.com/watch?v=v4aIsLPsiE4
وشكرا مقدما
د محمد ابراهيم

[منذر44]

بالفعل استاذ عادل
من الافضل تدوين اغاني لم يدونها احد من قبل فمثلا هناك اغاني يوجد لها اكثر
من نوتة واغاني لم يقترب منها احد لذلك نتمنى من حضرتك ان تتحفنا بروائع
لم يسبقك اليها احد
عتب صغير نابع من حبي الكبير
استاذي العزيز كنت قد طلبت من حضرتك اكثر من نوتة وما زلت في الانتظار
مع تحياتي
اخى العزيز انا آسف بس المشكلة فى حاجة , انا الاختلاف بينى وبين كل المدونين اللى معانا او اللى تكون شفت نوت من تدوينهم من قبل زى الاستاذ حبقجى .. انى انا الوحيد اللى عزفت مع العمالقة دول .. والاغانى بتاعهم بتنقسم الى قسمين القسم الاول الاغانى اللى عزفتها معاهم ودى بالذات ماحدش حايقدر يدونها زى ما انا حدونها لأنى عشت فيها ايام طويلة يعنى عارف مداخلها ومخارجها والمشاكل اللى ممكن تطلع فيها .. والقسم الثانى الاغانى السابقة عن عملى معهم واللى انا معظمها حافظها عن ظهر قلب وبرضو لما عملت ومعاهم فهمتهم اوى بكون عارف فى كل اغنية الملحن كان قصده ايه ودى حاجة مش ممكن يحسها حد لم يتعايش معهم فترة طويلة لأن اغانيهم كل اغنية فيها حاجة مختلفة ... عارف لما تكون عايش مع صديق لك وتفهمو اوى اوى بحيث ان لما يتكلم فى اى موقف تبقى عارف حيقول ايه بالتحديد .. المشكلة فى بعض طلبات زى ماقال فوق الاخ العزيز هيثم .. او حاجة تانى يعنى مثلا لم حد مش من مصر بيطلب اغنية يكتب اسمها فقط طبعا انا عمرى ماسمعت الاغنية ولا عارف اصلا بتاعة مين وممكن تكون مختلفة عن نوعية الاغانى اللى بكتبها اختلاف كبير يخلينى اخاف منها .. لكن لما حد مثلا يطلب اغنية كذا لجوليا بطرس مثلا ( وانت شفت ) ومنزل معها الملف الصوتى وانا معرفش جوليا بطرس ومعرفش الاغنية لكن خاصية انى ممكن اضغط واسمع الملف مباشرة اول ما اشوفه لقيت الاغنية سهلة وماشية مع طريقتى كتبتها فورا
لكن مش بترك طلبات على حساب طلبات .. انا دلوقتى مفرغ نفسى لكتابة 4 اغنيات من اهم اغانى وردة حاكتبهم تباعا اولا لأنى عزفت فيهم يعنى اكتر واحد فاهمهم وثانيا من حق وردة وبليغ الله يرحمهم عليا بصفة صداقة وعيش وملح انى ادون كام اغنية من احلا اغانيهم زى ماعملت مع فايزة وعبد الحليم وغيرهم وحاجة تانية من خبرتى مع الجمهورانا بحس انى بكتب اغنية طالبها واحد فقط وتهمه هو فقط واغنية تانية بيحتاجها عدد كبير مع اطيب تحياتى عادل صموئيل

[منذر44]

استاذ عادل
شكرا على سرعة الرد والتوضيح
ونحن في انتظار جديدك من الابداع

[wahidfarid]

آستاد عاذل هل تقصد نوتة الأستاذ طارق لآوقاي بتحلو فهي تنقصها المقدمة و على آي فهي تلات صفحات فقط

اخى العزيز لو ناقصة انا ماكنتش قلت عليها فيه واحدة كاملة وحلوة وانا لولا انى حسيت انها تمشى كنت دونتها فورا ممن تشوف تانى
مع اطيب تحياتى عادل صموئيل

[salhi_haithem]

صباح الفل
يعني ننتظر أربع قذائف باليستية صنعت في مصانع بليغ حمدي و سوقت في أسواق وردة الجزائرية و بطبيعة الحال من تدوين الأستاذ و المعلم الدكتور عادل صموئيل يا رب تكون من ضمنهم دندنه و خليك هنا و شوفوا الوفاء و العرفان متاع الأستاذ عادل يعني بعد هذه السنين لم ينسى رفقتهم و صحبتهم و العيش و الملح و جعل المسألة حق عليه أنه يدون لهم أعمالهم المشتركة و هذا ما يسمى بالوفاء في الصداقة برغم الزمن و السنين و هم الله يرحمهم لكن الأستاذ طريقة جيدة و سليمة أنه يحي أعمالهم للأجيال
و كما لا يخفى على أحد فالأستاذ كانت بينهم رحلت عمر إمتدت أكثر من 23 سنة و عاش العصر الذهبي لوردة من 73 إلى 79 و شارك في أعمالها العملاقة مع عبد الوهاب في فترة الثمانينيات
و يارب تتديك الصحة و العافية و توثق لنا أحسن ما في زمن الفن الجميل
و أنا مع أخي وحيد فريد لتدوين أوقاتي بتحلو رغم في نوتة لكن من أصابعك تكون أحلى لانه أعمال سيد مكاوي و وردة كلها روائع و كما تعلم و لا يخفى عليك أستاذي نحن جماعة المغرب العربي الكبير لينا ميول للسيد مكاوي و ألحانه
هيثم