طلبات نوتة أ / عادل صموئيل الجزء الثانى

[البطار بوشعيب]

طلب بسيط استاذ هل ممكن تحويل نوتة الموشح جمال نور المصطفى على درجة دو وشكرا
اخى العزيز
هو كده بنفس طبقة الملف الصوتى من صول انت عايز ارفعه 4 درجات ليكون من الدو ؟
منتظر ردك قبل ما اعمل اى حاجة هى عملية سهلة جدا بتاخد دقائق يعنى على الانكور
مع اطيب تحياتى منتظر ردك

[نور الصباح]

احبائى
اقدم لكم من الموشحات الدينية
جمال نور المصطفى
وللعلم القصائد والموشحات الدينية هى اللى عملت الظاهرة الخطيرة المسماه : ام كلثوم
يعنى من وهى طفلة كان والدها منشد للتواشيح والقصائد الدينية وكانت بتحفظ كل اللى بيقوله وده اللى عمل منها مطربة مش عادية وبالذات لما ابتدت تغنى القصائد ام كلثوم احسن واحدة تقول العربية الفصحى
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSS


اللهم صــــــــل وســــــــــــــلم وباركـ عليه
وعلى آله الكرام وأصحابه الأبرار
وعقبال طلباتنا التى طال عليها الزمان
وشكرررررررررررررررررررررررا
أخوكم
نور الصباح

[عادل صموئيل]

الاخ العزيز بطار بوشعيب

جمال نور المصطفى من دو

شوف تعجبك كده وانا تحت امرك
مع اطيب تحياتى

[نور الصباح]

الاخ العزيز بطار بوشعيب
جمال نور المصطفى من دو
شوف تعجبك كده وانا تحت امرك
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSS

اللهم صــــــــل وســــــــــــــلم وباركـ عليه
وعلى آله الكرام وأصحابه الأبرار
وطبعا كده برضه سهلة فى العزف
وهو ده السهــــــــــــــــــــــــــــل الممتنــــــــــــــــــــــع
الله ينـــــــــــــــور عليـــــــــــــــــــــكـ
وعقبال طلباتنا التى طال عليها الزمان
وشكرررررررررررررررررررررررا
أخوكم
نور الصباح

[البطار بوشعيب]

حييت ايها الاستاذ عادل بارك الله فيك ودمت متالقا في هذا المنتدى ومتعك الله بالصحة والعافية وشكرا مجددا

[yousef azmi]

مساء الخير
أنا عضو جديد في المنتدى وسعيد جدا بالعثور على هذا الكنز الرائع ولربما فاتني الكثير كما أرى الجهد الجبار في جمع هذا القدر من النوتات في مكان واحد في وقت يصعب به ايجاد مكتبة تضم المحتوى الثقافي الفني العربي.......

ممكن أطلب نوتة لأغنية جديدة بعض الشيئ في هذا الموضوع واذا كان الموضوع مخصص لاطربيات ولأسماء العمالقة فأرجو افادتي اين يمكن ان احصل على طلبات تخص الاغاني الحديثة بعض الشيئ عند الحاجة في هذا المنتدى الرائع

أخوكم يوسف
اخى العزيز
الموضوع محتاج تفهم شوية للأمر
اغانى زمان كانت بتعتمد على الميلودى يعنى اللحن الرائع بحيث انك لما تسمع اغنية لعبد الحليم مثلا ممكن تحفظها وحتى لو مش بتعزف تدندنها مع نفسك ولو بتعزف طالما اللحن واحدممكن تعزفه بألة واحدة ويطلع يجنن ومفهوم بالنسبة لكل اللى بيسمعوك واللى عارفين الاغنية يعننى اى واحد من اول مازورة يقول لك دى اغنية كذا ده حتى كان زمان فى الاذاعة برنامج مسابقات موجود فرقة وضيوف عاديين من عامة الشعب والفرقة تعزف جملة من اغنية ما والضيف يقول دى اغنية كذا وكان زمان لو 2000 اغنية بيبقوا متميزين ومعروفين من بعض يعنى استحالة انك تسمع موسيقى وتقول لأ دى اغنية كذا واتنين يختلفوا عليها اما الآن اولا الالحان كلها شبه بعض يعنى ماتعرفهمش من بعض ثانيا الاغانى كلها موزعة وتوزيع بتاع سوق مش توزيع علمى لذلك تلاقى اولا الاغانى كلها شبه بعض وكل اغنية لمطرب بتطلع بتحذف اللى قبلها وثانيا لما يكون الموسيقى مكونة من كذا جملة فوق بعض انت لو بألة واحدة عزفت حاتعزف اى جملة منهم ؟ حايبقى اللى انت بتعزفو شىء ناقص 6 او 7 جمل عليه .. يعنى انا كمدون محترف اى موسيسقى من بتاعة زمان اسمعها واكتبها لأنى سامع شىء محدد وبكتبو بالتحديد لكن دلوقتى لما بسمع اى اغنية اناسامع غلوشة صوتية كانى فى سوق مش عارف اسمع شىء محدد او خيط امسكو وامشى عليه ... كان زمان حتى لو فيه توزيع بتبقى جملة واحدة فقط من الاغنية موزعة بس توزيع ايه يعنى فوق العبقرية حتى وانت سامع بتبقى فاهم الآلات المختلفة بتقول ايه دلوقتى الكمبيوتر فيه برامج بتوزع يعنى بيتحط عليها الجملة وهى تحط اصوات مصاحبة
وصعب تلقى مدونات من هذا النوع
مع اطيب تحياتى عادل صموئيل

[thesherifalaa]

ممكن نوتة موال اشكي لمين الهوي لعبد الوهاب ؟

[فؤاد العلمي]

الاغنية طولها 28 دقيقة وحاولت الاول اخليها ملف Mp3 لن ما ينفعش اكتب من ملف الفيديو عندى محول على النت لكن بيحول فى حدود عشرين دقيقة فقط حاولت انزلها اعطتنى ملفات مش بتشتغل ..

أخي الأستاذ عادل
أشكرك دائما على كل ما تقوم به من تضحيات وعطاء.
أما فيما يخص التحويل من فيديو على يوتوب إلى mp3، فأنا لدي هذه الإمكانية في الموبايل، فإذا أردت فبإمكانك أن تبعث لي (وفي أي وقت تريد) رابط اليوتوب على الخاص لأي ملف، وبعد خمسة دقائق من قراءة رسالتك، أكون قد أرسلت لك الملف على mp3.
مع تحياتي- فؤاد.

اخى العزيز
اولا اشكر محبتك وان شاء الله لو احتجت اليك فى اى خددمة من هذا النوع لن اتردد
انا لما بتحصل مشكلة من النوع ده الاول بحاول اجيب الاغنية من اى موقع عليه ملفات صوتية ولو مالقيتهاش ان شاء الله حاابعتها لك
مع اطيب تحياتى عادل صموئيل

[سليم العباس]

الأستاذ عادل :

أود أن تبدي رأيك في هذه الأغنية لفيروز (يا حمام يا مروح ) ، و هي من بداياتها الفنية قبل أن تتعرف على الأخوين رحباني ، أعتقد أن اللحن للفنان حليم الرومي والد الفنانة ماجدة الرومي .

و هل أعجبتك فبروز بهذا النوع من الأغاني .

و شكراً .
اخى العزيز
اولا تكملة لكلامنا السابق لولا انت وضعت الاغنية دى هنا انا ماكنت سمعتها اصلا .. عندك مثلا جوليا بطرس انا اول مرة اسمع عنها لما حد منكم هنا طلبها وعجبتنى
اما بالنسبة للأغنية دى هى تقول عليها اغنية لطيفة لكن طبعا بالنسبة للشغل بتاعها مع الرحبانية مفيش مقارنة لأنهم طلعوا من داخلها امكانيات مذهلة .. يعنى فيروز لو لم تقابل الرحبانية مكانش بقت القيمة الكبيرة اوى اوى دى وبالذات لما التصقت بيهم فاهم قصدى ؟
يعنى الرحبانية عملوا اعمال لغيرها بس اعمال متفرقة لكن التركيز مع فيروز ومع امكانيات فيروز هو اللى عمل الصرخ الضخم ده يعنى هم طلعاو معاها كل اللى جواهم وهى طلعت معاهم كل اللى جواها .. والموضوع بيبقى حاجة من عند ربنا يعنى ممكن مطرب غلبان امكانياته رهيبة لكن مايلاقيش حد يكتشفه
مع اطيب تحياتى وشكرا ع الاغنية عادل صموئيل

[mony-85]

مع اطيب تحياتى ونبهينى انك قريتى الرسالة دى عشان احذفها او انقليلها عندك على ملف وورد واقريها على مهلك
[/COLOR][/SIZE][/QUOTE]



من خلال فهمي المحدود لما قرأت انا متهيألي ان مشكلة سيادتك تتلخص في
1- اعتيادك على xp اكثر من win7
2- والاهم من كده انك كنت بتشتغل على برامج معينة باصدارات بتشتغل على xp والبرامج دي مش بتشتغل على win7
3- ان حضرتك علشان تعوض برنامج واحد زي البرنامج اللي جاي مع اسطوانة الطابعة محتاج تحل محله بكذا برنامج
4- مشكلة عدم التوافق بين الملفات اللي بتعملها على xp مع win7 والعكس
5- وجود اتنين ويندوز على الجهاز ( ده في حد ذاته مشكلة ايضا ) علشان لو ويندوز ضرب ممكن يضيع التاني مثلا
*******
طيب انا عندي فكرة :
شوف يا أستاذي الفاضل . . احنا نبدأ من الاخر يعني اولا احنا بدل ما تخلي عندك 2 ويندوز جنب بعض انت تخلي عندك 2 ويندوز جوا بعض يعني حضرتك هتنزل ويندوز 7 فقط ، وهتنزل برنامج اسمه (VMware )
البرنامج ده بيخليك تعمل جهاز كمبيوتر تخيلي داخل الجهاز الأصلي وكأن عندك جهازين متوصلين ببعض وبشكل بسيط جدا وبعد ما تعمل الجهاز ده تنزل عليه ويندوز xp من اسطوانة الويندوز اللي عندك عادي خالص وتنزل عليه البرامج اللي انت عاوزها .
وتبقى مشغل الويندوز 7 عادي خالص وفي نفس الوقت تبقى فاتح الويندوز اكس بي في نافذة اخرى زيه زي اي برنامج ومع الشغل في البرنامج ده هتعرف تنقل الملفات بين الويندوزين براحتك وتشغل كل البرامج اللي انت عاوزها
لكن ملحوظة هامة : لا تحفظ الجهاز اللي انت هتعمله بتاع الويندوز اكس بي على الــ :C احفظه على اي بارتيشن تاني علشان لو الويندوز ضرب في اي وقت تفضل ملفاتك محفوظة وممكن كمان تشغلها على اي جهاز اخر لو انت عايز بس يكون عليه نفس البرنامج .

الاهم من ده كله :
بما أنك ساكن في عين شمس انا ممكن ابعتلك اللي يخلصلك الموضوع كله لحد عندك ودي مش جدعنة مني ده جزء بسيط من افضالك علينا . بس حضرتك تقول اوكي وهتلاقيه القصة كلها خلصانة كل الحكاية ان يكون عندك " بن " علشان الرجل ده مش بيشرب غير قهوة هههههههههههههههه او لو تحب تقابله في مكان ويديلك اسطوانة عليها البرنامج واي برامج اخرى تحبها وهتلاقي عنده رد لأي استفسار عندك خاص بالكمبيوتر ومشاكله
وعذرا على الاطالة

الاخت العزيزة متعتذريش اولاعلى الاطالة بالعكس كل الكلام المفيد بيبقى اكتر الواحد بياخد منه معلومات مفيدة
انا حاليا حليت كل المشاكل تقريبا الحمد لله هو زى ماقلت لك انا منزل نسخة xp على السى وويندوز 7 على الدى والمشكال كان اساسها ان معظم البرامج اللى بشتغل بيها كانت اضدارات فديمة مش بتشتغل على ويندوز 7 لكن الاوخة الاحباء وعلى الاخص الاخ العزيز دكتور وسام اكرم من العراق تقريبا حل لى المشكلة يعنى نزل لى شوية برامج اخطر من خطيرة بمعنى انو لو عدنك اى برنامج ما بتشتغلى عليه واصدار رقم 5 مثلا ومريحك وماشى معاكى زى الفل لو عشان ويندوز 7 لازم تنزلى مثلا اصدار 8 بيبقى حديث اوى ومقعد وفيه حاجت كتير مالهاش لازمة وبالعكس ممكن يبوظ لك شغلك .. الاخ العزيز وسام بحث ونزل لى اصدارات من نفس البرامج اللى بشتغل عليها بس عبارة عن القديمة زى ما هى بس متعدلة عشان تشتغل على ويندوز 7 وده اعجاز فى حد ذاته يعنى البرنامج اللى الواحد متعود عليه عمال زى الحاجات بتاعتك فى اوضتك بتبقى عارفة كل حاجة مكانها فين مش تتوهى عليها وبالذات التدوين بيحتاج ابقى قاعد مستريح يعنى عايز حاجة فى ثانية اعملها مش اتعطل يعنى من ضمن المعجزات برنامج كول ايديت 2 ده روحى فى الشغل نزل لى نسخة منو متعدلة زى ماهى تشتغل على ويندوز 7 زى الفل ومذا برنامج ... فيه حاجة خطيرة اكتشفتها كمان انا كان ابنى مدينى نسخة ويندوز 7 هو منزلها من على موقع ميكروسوفت تتصورى طلعت نسخة زبالة وكانت بتعمل مشاكل انا فيه واحد قاعد على الارض بيبع سيديهات اسمو رجب فى الشارع اللى متفرع من شارع عين شمس رايح على محطة المترو عند المسجد جنب المحل اللى بيعمل زلابية وبلح الشام الواد ده بيتميز ان عندو اسطوانات حلوة
مع ان معظم اللى بيبعوا اسطوانات ف الشارع بيبقى عليها فيروسات ومصايب لكن الراجل ده حاجاته حلوة مع انو مش بيفهم فى الكمبيوتر المهم اشتريت منو اسطوانة ويندوز 7 التيميت ( ودى الاصلية بتاعتها ب 1500 جنيه ) تتصورى طلعت اروع من الروعة ومافيهاش مشاكل زى الاولانية الحمد لله انا دلوقتى شغال الحمد لله وفيه بس حاجتين ناقصين فى الطابعة والسكانر بس بفتح ال xp لما احتاجهم ولو فعلا احتجت شىء من الاخ العزيز عندك ان شاؤ الله مش حاتردد ... عايز اسألأ على حاجة فيه طابعة ليزر اتش بى موديل p 1102 w الطابعة دى مالية الدنيا بس فه لاحظت حاجة هنا فى المول بتاع سوق العصر اللى ف شارع عيبن شمس بتتباع ب من 640 الى 700 جنيه ولونها ابيض قريت فى النت فى محلات مصر الجديدة الشيك اوى نفس الموديل ولونها اود ب 900 جنيه سألأت واحد قال لى اللى فى مصر الجديدة هى الاصلية واللى ف عين شمس تقليد لها .ز وواحد تانى قال لأ هى هى بس بتوع عين شمس بيتعاملوا مع ناس غلابة لكن بتوع مصر الجديدة حرامية وبيتعاملوا مع ناس اغنياء ماتفرقش معاهم الفلوس ايه رايك ف الموضوع ده
مع اطيب تحياتى عادل صموئيل