كلمات الاغاني وشرح المعاني

[doctorluxor]

الفل والياسمين والورد
كلمات: أحمد صبري النجريدي
ألحان: أحمد صبري النجريدي

الفل والياسمين والورد * عملم سوى صحبة موضة
ويا الزهور دول ربطم عهد * عايزين حبيبي في الاوضه
*****
صحيح تشابهم وجناته * لكن وفين لونه الزاهي
وسحر جفنه ولحظاته * وورد خده ده الباهي
*****
ده حسنكم يفضل ساعة * وحسن محبوبي دايم
ما فيش بقى إلا الطاعة * للي أنا في حبه هايم
*****
الزهر بعضه له ألوان * والبعض له ريحه جميلة
وحبي فيه حسن البستان * ما فيش بقى ف حبه حيله
*****
يا سلام عليه لما يخطر * يميل ويتعاجب بقوام
ما فيش كده أبدا مظهر * من دي المحاسن آه يا سلام

[doctorluxor]

أنا على كيفك
كلمات: أحمد صبري النجريدي
ألحان: أحمد صبري النجريدي
***
أنا على كيفك على كيفك * ما أقدرش أبدا أخالفك
***
الحب كان لي على جبيني * مكتوب يا ربي عقبالك
والله بعدك على عيني * إمتى أنا افرح بوصالك
***
طلبت مني يا نور عيني * روحي واديني اديتهالك
بينك يا روح قلبي وبيني * دايما رضاي بأفعالك
***
تغضب أقول صلحه قريب * ما دام بيعرف إخلاصي
أوعى يا نور عيني تكدب * ظني ده أمرك على راسي
***

[doctorluxor]

والله ما حدش جنيى
كلمات: أحمد رامي
ألحان : أحمد صبري النجريدي
***
والله ما حدش جنى * غير قلبي ده أنا عليا
خلاني في لحظة أهد * اللي بنيته من سنة
***
يا ما حكمت الناس فيه ** حتى الغرام أصبح بعيد
والهوى قلبي جافيه ** وكنت أنا عايش سعيد
***
ومرة يوم شفت الحبيب ** مياس بقده باعتدال
راح الفؤاد مغرم صبيب ** والدمع ع الخدين سال
***
حبيت وكان لي ع الجبين ** مكتوب أحبه من زمان
إيه العمل يا منصفين ** آدي اللي صار آدي اللي كان
***

[doctorluxor]

يا كروان والنبي سلّم
كلمات : أحمد رامي
ألحان : أحمد صبري النجريدي
***
يا كروان والنبي سلم * على الحبيب وأبقى تكلم
وقول له حبك متألم * من هجرك صبح في حال
***
يا كروان قول واشجيني * يا حلو صوتك يحييني
خلي حبايبي تهنيني * وده كله غرام ودلال
***
يا كروان غني وطول * وعن القمر لا تتحول
طول عمري عذالي تهول * وقلبي برضو لك ميال
***
يا كروان قول واتدلع * والله أنا قلبي مولع
إن طرت فوق ابقي أتطلع * وغني في حبي موال
***

[doctorluxor]

الحب كان من سنين
أحمد رامي
أحمد صبري النجريدي
الحب كان من سنين * والقلب يعرف أليفه
واللي انكتب ع الجبين * لابد م العين تشوفه
*****
أسيت كتير فى زماني * ماكنتش اشكى جراحي
وغلبت اكتم هواني * فضحني دمعى ونواحي
*****
حبك غرس فى فؤادي * غصن الهوى والاماني
قطف همومى وسهادي * وندى فكرى ولساني
*****

[doctorluxor]

خايف يكون حبك
كلمات : أحمد رامي
ألحان : أحمد صبري النجريدي
*****
خايف يكون حبك فيا * شفقه عليا
وأنت اللي في الدنيا ليا * ضي عنيا
*****
شفت إني مغرم بهواك * ولا بأسلاك
راضي بجفاك وبرضاك * خالص النية
*****
صعبت يا روحي عليك * وده يرضيك
مادام حياتي في أيديك * حني عليا
*****
أنا اللي عارف مقدارك * وطايق نارك
وراضي غلبك ومرارك * رق شويه
*****

[doctorluxor]

شفت بعيني
أحمد رامي
أحمد صبري النجريدي
*****
شفت بعيني ما حدث قال لي
*****
التقل ليه يا مالك قلبي * قصدي تمللي تكون جنبي
ما تقول لي بس إيه ذنبي * شفت بعيني ما حدث قال لي
*****
التقل ليه ده حرام عليك * أديني اهو ما بين أيديك
يكفي دلال وحياة عنيك * شفت بعيني ما حدش قال لي
*****
شفت الحليوة في البستان * قوامه يشبه غصن البان
ولمحت على صدره رمان * شفت بعيني ما حدش قال لي
*****
إمتى أشوف حبي الفتان * يضحك ويلعب زي زمان
وأقول يا ناس أهو جه وبان * شفت بعيني ما حدش قال لي
*****

[doctorluxor]

يا ستي ليه المكايدة
أحمد رامي
أحمد صبري النجريدي
يا ستي ليه المكايدة * مش يكفى قلبي المناهدة
تكايديني ليه * حينوبك إيه *مفيش من التقل فايدة
*****
حبيت قوي والأكادة * ماقدرش أحبك زيادة
ولا قادر أقول * حبك يزول * دي حبي فيكِ عبادة
*****
يا مامتي ده انت ضنايا * وادي انت شايفة هوايا
يكفى دلال * ده القلب مال * وبرضه قلبك معايا
*****
أشكي لمين نار بعادك * والهجر ده وكتر عنادك
امتى الوصال * لو في الخيال * ده القلب داب في غرامك

[doctorluxor]

على عيني الهجر
كلمات: أحمد رامي
ألحان: أم كلثوم
على عيني الهجر ده مني * ده بعادي كان غصبن عني
*****
حبيتك ورضيت باللوم * وجفاني وجفيته النوم
تعاليلي وشوفي حالي اليوم * على عيني الهجر ده مني
*****
حبيتك وصفالك ودي * وهاديتك بأعز ما عندي
أشجاني ودموعي وسهدي * وعلى عيني الهجر ده مني
*****
في غرامك ياما شفت الويل * سهران بك ونديمي سهيل
أتألم وتنامي الليل * وعلى عيني الهجر ده مني
*****
إصفي لي يصفالك قلبي * وراضيني ترضي عن حبي
حبيتك والأمر لربي * وعلى عيني الهجر ده مني

[doctorluxor]

يا نسيم الفجر
أحمد رامي
ألحان: أم كلثوم
يا نسيم الفجر ريان الندى
ما الذى تحمل من دار الحبيب
فرح الكون بلقياه غدا
والأسى غيمان فى عين الغريب
غرد الطير وغنَّى
كل إلف يتهنَّى
وأنا قلبىَ حنَّ
أرسل الشكوى وأنَّ
آهة تترى
مقلة حيرى
تبصر الأحباب من بين الدموع
رائح منهم وغادِ
وترى بالظن أيام الربيع
لخيالى وفؤادى
يا نسيم الفجر
ناديًا بالزهر
رنم الدوح ورن الجدول
وسرت فى الجو أنفاس العبير
وبدا النور فصاح البلبل
داعيا للشدو أسراب الطيور
والنجوم فى الغيوم
لبست منها نقاب
والشفق فى الأفق
لونه ورد مذاب
كل ما فى الكون
بشر وهنا
وأنا ؟
أنا ما زلت غريبا مفردا
فى ديار عزنى فيها الحبيب
فرح الكون بلقياه غدا
والأسى غيمان فى عين الغريب