مساء الخير أخوتي الكرام ,, الاخ بوبشار وعاشق القديم
تقبل الله طاعتكم وصالح أعمالكم وكل عام وأنتم بألف خير
حبيت أشارك فى الموضوع من خلال متابعتي للموضوع من
خلال مناقشتكم وبحثت عن الموضوع من خلال النت.
وجدت فى أحد المنتديات موضوع فيه شرح عن فن
( الفرينسي - أو الفريسني )
اتمني أن تكون مشاركتي فيها الفائده المرجوه ..ولو إنها تتمه
لمشاركتك أخوى بوبشار ,,
لعبة (الفريسني) (الفرينسي)
هو فن من فنون التراث الشعبي الأصيل ، مشهور ومتعارف
عليه عند الكثير من قبائل شرق وشمال شبه الجزيرة العربية ،
وعلى وجه الخصوص قبيله العوازم والخوالد ومطير والعجمان وبعض فخوذ سبيع
الفرينسي رقصة مصحوبة بحركات جماعية صفين، كل صف
مقابل صف، وصف يشعر ويقبل على الصف الثاني والصف
الثاني يستمع ثم يردح ويتراجع،
كان يستخدم قديماً لغرض الحماسة في الحرب.. واسمه قديماً
الفريسني نسبتاٌ الى الفرسن وهو مكان ضرب الرجل عند لعب
الفريسني
بعض قصائد اللعبه المشهوره...
وهذه بيتين للفريسني (1)
يامل قلب عذبوه المزايين ** خص إلى شاف الهنوف الطويله
الله يلوم اللي يلوم المحبين ** يبلاه بحمل من العنا مايشيله
(2)
قرب المحمـاس والنجـر والدلـه
سوي فنجالن على الكيف يالغالـي
شب ضو(ن) تجذب الضيف والدله
تجذب الي سارين في الخلا الخالي
وسط بيتن مابني في طـرف فلـه
وسط روضن عشبها الوان واشكالي
عند قرمن يذبـح الحيـل طبعلـه
وان لفاه الضيف يبشـر بالقبالـي
مايحسب زايـد المـال مـن قلـه
دون ربعه يبذل الحـال والمالـي
امدح الطيب وخـل الـردي خلـه
ماتساوي واطـي القـاع والعالـي
جعل ماقلنـا بعديـن عـن الزلـه
والسـلام يعـم شيبـان وعيالـي
(3)
يالله يالمطلوب يالوالي
ياكريم الجود سبحانـه
لابدينا بزين الامثالـي
زان قول الشعر والحانه
هاتو الدلـه وفنجالـي
دلتـن بالهيـل مليانـه
للحضور تصب وتشالي
مرحبا والنفس طربانه
لابتي يامزبن الجالـي
مزبنه من دون عدوانه
في نهار الكون عيْالـي
لأختلط عجه ودخانـه
(4)
يقـول منهـو بدالـة قـاف
قـافـن جـديـد يغنـونـة
يامحـلا ذبـت المـشـراف
ولاحـي الـورق بالحونـة
تعبت رجيلي مـن الوقـاف
اشـوف شيـن ماتشوفونـة
صدفة وأنا في مجمع نـاف
عرض علي داعتس عيونـة
عرض علي كامل الاوصاف
يمشي بخطـوات موزونـة
لونصوفة عند الاعمى شاف
لوكـان عــود يقـودونـة
خصرة نحيل وحسن اوصاف
ومبسـم وحجـان مقرونـة
ونهود وسط الصدر وقـاف
وجديلة اشقـر علـى لونـه
قبلـي أناوأفـي الـعـراف
فـي حـب شيمـه يعزونـة
وقفت حاير علـى الاسيـاف
روح وحـال البحـر دونـة
روح على الجمس ابو كشاف
يـوم مشـى عـد طبلونـة
صلوا على سيـد الاشـراف
محمـد يــوم يطـرونـه
(5)
من يسير على الرقه يودي سلامي
وصلولي سلامي للحبيب المزوحي
ليتني ماعرفتك ياغزال العدامي
ليه غيرت رايك ليه عني تروحي
مبطين عنك يالمزيون والقلب هاوي
كان قلبك على قلبي ضمنت النجوحي
(6)
البارحه عيني جزت عن نومها ماتنام
والناس مرتاحه وانا عيني سرى ليلها
سهران ليلي بس افكر في طويل المقام
ليته يشوف الحال من عقبه وياويلها
والبيض واجد مير مالي في هواهن غرام
شفني مع اللي دايم عيني تراعي لها
والجادل اللي في حشاها مثل بيض الحمام
ياقبلت الله لامشت مااحلى تعازيزها
من كثر مغليها تجيني في حلاة المنام
وافز من حلو الكرى عجل واناديلها
(7)
ارفع الثوب ياغظ النهد لاتجره
ياكحيل المدامع يابعد روحي روحي
بالامانة زرارك تطلقة ماتزرة
مقصدك يادقيق العنق تنقض جروحي
وش يحدك على شقر الجدايل تشرة
كل ماذقت مرة قام مسكة يفوحي
(8)
سلمولي على الغالي سلامن كثير
سلمولي عليها ثم قولوا لها
سلمولي عليها عد زولن يسير
عد ماهلت الجبله هماليلها
والله اني عليها اشفق من ام الغرير
عندها جاهلن توة يخطي لها
وكل ماشافته في حوشها يستدير
صفقتله وجاها الورع يومي لها
ماقعد من نماها كود طفلن صغير
هو توالي نماها من رياجيلها
ياخلف من غدالي ياعديل النظير
والعلوم الردية وش دواليلها
(9)
يا صغير السن ياترف الاقدامي
وين اخوك اللي كما الصوره الصوره
قال دونه صار حراس ومحامي
وانت خل اسرار الحب مستوره
غارقن في نظرته والتبسامي
شفتن من شافها يفقد شعوره
اتصبر كن رجلي على حامي
واتردد كيف ابجيه وازوره
كن في قلبي ثلاثين صمامي
يشتغل لانمت ويدق ماطوره
يا جماعه بالهوى ما قضى زامي
الهوى يا هل الهوى ضاع دستوره
(10)
يافهد غض النهد قصر القذله **جا يبشرني بها يوم سواها
قال حلوه قذلتي قلتله فله ** يابعد من حط قذله وسواها
(11)
انا شاقني في العرس مزيون ** جميل على خده علامه
انا صاحبي يالي تعرفون ** انا صاحبي ضبي المنامه
الا ياهل العريس تكفون ** ترا ما تحملنا خصامه
(12)
الا ياحلو زول مرني يمشي على هونه
سلب عقلي بحلو الطول يومنه تعداني
يحسب اخطاه قدامه يازين الكحل بعيونه
غزال كامل زينه عذاب الي يشوفونه
(13)
الا يامل عينن والنظيري ** ولذيذ النوم حلوه مادرابه
على الي بالمحبه عاف غيري ** ولا ياحسرتي قلبي غدابه
(14)
ياحسين انا عيني سهيره ماتذوق المنام
يامن يلوم العين بحباب لها غايبين
امشي ودور خيمته ياحسين بين الخيام
مدري جنوب صويحبي ولا مع المشملين.