* : تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)           »          سلوى رشدي - مونولجست (الكاتـب : حازم فودة - آخر مشاركة : نور عسكر - - الوقت: 00h43 - التاريخ: 27/03/2024)           »          الثنائي سعد و اكرام (الكاتـب : abuaseem - آخر مشاركة : نور عسكر - - الوقت: 00h09 - التاريخ: 27/03/2024)           »          سعاد وجدي (الكاتـب : نور عسكر - - الوقت: 23h25 - التاريخ: 26/03/2024)


العودة   منتدى سماعي للطرب العربي الأصيل > صالون سماعي > دعوة موسيقية على أغنية

موضوع مغلق
 
أدوات الموضوع طرق مشاهدة الموضوع
  #1  
قديم 02/04/2009, 10h06
الصورة الرمزية عفاف سليمان
عفاف سليمان عفاف سليمان غير متصل  
اخـتـكـم
رقم العضوية:384752
 
تاريخ التسجيل: février 2009
الجنسية: مصرية
الإقامة: مصر
المشاركات: 1,424
Smile دعوه سهره مع فايزة احمد ومحرم فؤاد

صباح الخير على اهل ومواطنى سماعى
فكرت مرارا وتكرارا اى من الاغنيات
اختارها.....واى مطرب او مطربه
واى اغنيات لهذا المطرب.....او هذه المطربه اختار لهم
لكن بما أننى من عشاق فايزة احمد
وطبعا باقى الفن والطرب الاصيل
بس حبيت أن ابدأ بها اولا
وحبيت ان تستمتعوا معى لبعض الاغنيات التى احبها بشده لها
وكان المفروض انى مأضعش أغانى اخرى لمطرب اخر
لكن
حبيت اهدى اليكم اغنيتين لمحرم فؤاد
ولو أن اغنيتان لا تكفى
بس حبيت اعفى استاذنا الالاتى من تحليل الاغنيات كلها التى سوف اضعها
وان كان وقته يسمح لتحليل احدى الاغنيات فيبقى له كل الشكر والتقدير واى من يساهم فله كل التقدير
اليكم اولا اغنيات فايزه احمد



***

واليكم اغنيتان لمحرم فؤاد


اتمنى ان تنال اعجابكم
اختكم عفاف
  #2  
قديم 02/04/2009, 10h11
الصورة الرمزية فؤاد
فؤاد فؤاد غير متصل  
أبو قلب طيب
رقم العضوية:116181
 
تاريخ التسجيل: novembre 2007
الجنسية: عربي
الإقامة: أرض العرب
المشاركات: 772
افتراضي رد: دعوه سهره مع فايزة احمد ومحرم فؤاد

أغاني في منتهي الروعه وصدق الكلمات
يسلم الأختيار وتسلم صاحبة الأختيار
(( ياسمينة المنتدي ))
عفاف
وأحب أنا أضيف أغنيه لمحرم فؤاد ((( تعب القلوب )))
مع أن الأغاني كتار أوي علي الأستاذ الآلآتي
يلا ممكن يختار منهم أغنيه واحده علي الأقل
__________________


طير يا حمام
الدوح
وروح
لروح
الروح

  #3  
قديم 02/04/2009, 10h48
الصورة الرمزية عفاف سليمان
عفاف سليمان عفاف سليمان غير متصل  
اخـتـكـم
رقم العضوية:384752
 
تاريخ التسجيل: février 2009
الجنسية: مصرية
الإقامة: مصر
المشاركات: 1,424
Smile رد: دعوه سهره مع فايزة احمد ومحرم فؤاد

صباح الخير يا استاذ فؤاد
كنت هزعل لو مكنتش انت اول واحد يجى لانك
من رابطة محبى فايزه احمد
يارب تستمتعوا بهذه الاغنيات
معلش يا استاذنا الالاتى
انا بحل حضرتك من تحليل كل هذه الاغنيات
علشان الوقت والمجهود
بس يكفى ان حضرتك تحلل واحده فقط
ولك وللجميع كل الاحترام والتقدير
واستمتاع لوقت جميل
مع فايزه ومحرم
اختكم عفاف
  #4  
قديم 03/04/2009, 00h10
الصورة الرمزية عفاف سليمان
عفاف سليمان عفاف سليمان غير متصل  
اخـتـكـم
رقم العضوية:384752
 
تاريخ التسجيل: février 2009
الجنسية: مصرية
الإقامة: مصر
المشاركات: 1,424
Smile رد: دعوه سهره مع فايزة احمد ومحرم فؤاد

مساء الخير
فين حبيبى
يا القصر ده ما اسكنه.....كان حبيبى فيه
يا الفل ده ما اقطفه.....بياض جبينه فيه
يا البحر ده ما اشربه.....سافر حبيبى فيه
ياما اعمليلى منديل حرير.....منديل حرير امسح دموعى بيه
دا الكون كله حبيبى حبيبى.....وفين حبيبى الاقيه الاقيه
وفين فين حبيبى .....الاقيه الاقيه فين
فى همس الشجر... بلاقى حبيبى حبيبى
وضى القمر...بشوفه حبيبى
ولمس النسيم بفتكره....افتكره حبيبى
فى ليل المطر بتصور....اتصور حبيبى
بشوفه حقيقه واشوفه سراب
وقنديل مضوى على كل باب
ياما اعمليلى منديل حرير
منديل حرير امسح دموعى بيه
دا الكون كله حبيبى حبيبى
وفين فين حبيبى الاقيه الاقيه
فى غناوى الاغراب ....انا بسمع حبيبى حبيبى
فى خطاوى الاصحاب.....بيقرب حبيبى حبيبى
فى طريق اللقى بستنى.....بستنى حبيبى
فى ورد الاحباب بتنسم.....بتنسم حبيبى
بشوفه حقيقه واشوفه سراب
وقنديل مضوى على كل باب
ياما اعمليلى منديل حرير
منديل حرير امسح دموعى بيه
دا الكون كله حببيبى حبيبى
وفين حبيبى حبيبى الاقيه الاقيه
وفين فين فين حبيى الاقيه فين

لما ابعت مرسال ....ابعته لحبيبى حبيبى
لما اقول موال.....اقوله لحبيبى اقوله لحبيبى
سؤالى سؤال يجاوبنى حبيبى
انسى كل حالى حال
وافتكر حبيبى حبيبى
افتكر حبيبى
بشوفه حقيقه واشوفه سراب
وقنديل مضوى على كل باب
ياما اعمليلى منديل حرير......منديل حرير
امسح دموعى بيه
دا الكون كله حبيبى حبيبى
وفين حبيبى الاقيه الاقيه
فين فين حبيبى الاقيه فين
اتمنى ان كلمات هذه الاغنيه تعجبكم
فانا اعشقها واعشق كل ما تشدوا به فايزه احمد
وسهره سعيده
اختكم عفاف
  #5  
قديم 03/04/2009, 00h54
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: دعوه سهره مع فايزة احمد ومحرم فؤاد

الأخت العزيزة عفاف سليمان ..

كل إختياراتك جميلة .. وأحتار فى إختيار إحداها ..

بصراحة .. لقد فكرت فى تحليل أغنية ( شغلونى عيونك ) لفايزة أحمد .. ولكنى كنت قد سمعت تحليلاً لها من أستاذى عمار الشريعى .. وهى من كلمات الشاعر ( مصطفى عبد الرحمن ) وألحان الموسيقار ( منير مراد ) ..

ولا أستطيع أن أحلل بعد أستاذى الشريعى ..

لذا فكرت فى إختيار أغنية .. يامه ياهوايا ..

وهى من كلمات : عبد الرحمن الأبنودى

ولكنى وجدت صعوبة شديدة فى معرفة ملحنها .. فمن يعرف الملحن .. أرجو أن يتفضل علينا بذكره ..

المهم ..

بسم الله نبدأ فى تحليل أغنية ( يامه ياهوايا )

الأغنية من مقام الراست .. ولكن الملحن يبدأ بمقام النهاوند فى المقدمة الموسيقية ..

حيث تعزف الوتريات ( أدليب ) بدون إيقاع .. ثم يدخل الأكورديون وبعده الساكس من مقام الراست ..

وتغنى فايزة ( يامه ياهوايا ) من الراست ..

المذهب كله من الراست .. مع إيقاع المقسوم ..

ثم يدخل الكورس ليغنى نفس المذهب ..

وتغنى فايزة مباشراً دون تمهيد من الموسيقى .. ( ماشية وسط الغيطان ) .. راست أيضاً ..

ولكنه تنتقل للهزام عند ( خايفة ياهلترى .. ولا متحيره ) .. وتعود للراست لتنهى الكوبليه ..

نفس أداء الكورس .. ثم نسمع لازمة موسيقية .. من مقام الهزام .. الذى هو من عائلة السيكا ..

خدوا بالكوا ياجماعة .. من الجمل الموسيقية التى يبدعها الملحن .. إنه يتلاعب بالمقامات .. فيستخدم الراست والكرد .. وفى النهاية يستقر على الهزام ..

تغنى فايزة ( ماشية وسط الغيطان .. والقمر ويايا ماشى ) من الهزام .. وتستمر عليه حتى تعود للراست عند ( الهوا بعتر ضفايرى ) ..

ونفس الأداء للكورس .. ولازمة موسيقية جديدة .. من مقام البياتى .. واضح أن الملحن مُصّر على إستعمال المقامات الشرقية ( راست , هزام , بياتى ) ..

إسمعوا عازف الإيقاع ( الطبلة ) .. بيتشقلب .. بيعمل أكروبات .. يستخدم طريقة ( الظفر ) كثيراً .. وبإقتدار .. لم نسمع مازورتان إيقاعيتان متشابهتان .. كل مازورة .. فيها جديد ..

المهم .. تغنى فايزة ( ماشية وعاقده الضفاير .. خالية البال والضماير ) .. من البياتى ..

وتنتقل للهزام مرة أخرى عند ( اجرى أجرى ولم حصلته .. ولا كلمنى ولا أنا سألته ) .. ومنه للراست عند نفس المقطع

( ده الهوا بعتر ضفايرى ) .. لتنهى الكوبليه والأغنية ..

سنلاحظ أن الإيقاع واحد طوال الأغنية .. ليس هناك توزيع أو جمل موسيقية خلفية .. الفرقة كلها تعزف مع فايزة أثناء الغناء ..

أرجو أن أكون وُفقت فى هذا التحليل المتواضع ..

ملحوظة : سأحاول بقدر مايساعدنى وقتى أن أحلل أغنية أخرى من القائمة .. ربنا يسهل ..

__________________
مع تحياتى .. محمد الألآتى .. أبو حسام .


  #6  
قديم 03/04/2009, 01h46
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: دعوه سهره مع فايزة احمد ومحرم فؤاد

الأخت عفاف ..

بعدما قمت بتحليل ( يامه ياهوايا ) ..

قرأت مشاركتك التى تعلنى فيها أنك تحبين أغنية ( فين حبيبى ) .. فقررت أن أحللها لكِ .. وعشانا عليك يارب ..

بسم الله نبدأ فى تحليل أغنية ( فين حبيبى )

كلمات : عبد الرحيم منصور

ألحان : محمد سلطان

غناء : فايزة أحمد

إختار عمنا سلطان مقام البياتى ليصوغ منه لحنه .. وهو مقام شرقى جميل .. ويعبر أصدق تعبير عن الطرب ..

مقدمة موسيقية تبدأ بأدليب .. يتحاور فيه الأورج مع الوتريات .. ثم نسمع الساكس فى عزف منفرد جميل ..

ثم يدخل الإيقاع .. وهو إيقاع المقسوم .. ونسمع جملة جميلة من الوتريات .. ثم صولو من الأورج .. وترد عليه الوتريات ..

كل هذا من البياتى ..

وتبدأ فايزة بالأهات .. وكأنها تمهد لنفسها للإمساك بتلابيب المقام .. حلوة تلابيب دى .. تغنى الأهات بدون إيقاع ( فالت ) ..

ثم تبدأ مع دخول الإيقاع .. وتغنى ( يالقصر ده ما اسكنه .. كان حبيبى فيه ) .. مع إيقاع ( الواحدة الكبيرة ) ..

المذهب كله من البياتى .. ولا حرف واحد خارج البياتى .. ولكن إختلاف الجمل اللحنية بديع وفيه تفكير وخطة من الملحن ..

نسمع نفس اللازمة الموسيقية التى سمعناها فى المقدمة ..

تغنى فايزة ( بهمس الشجر .. بلاقى حبيبى ) .. من البياتى أيضاً .. وتستمر مع نفس المقام .. أللهم من بعض اللمسات خارج المقام .. كأن يستعمل درجة الربع تون بدلاً من النصف تون .. وهذه التصرفات يلجأ إليها الملحنون .. بغرض التلوين فى الجمل اللحنية دون الإنتقال من مقام لمقام ..

المهم ..

لازمة جديدة .. من البياتى برضه .. يظهر إن الملحن عمل عقد إتفاق بينه وبين البياتى .. ولم يستطع تركه .. لأن هناك شرط جزائى فى العقد ..

تغنى فايزة ( فى غناوى الأغراب .. أنا بسمع حبيبى ) .. من البياتى ..

وإنتقالة صغيرة صغيرة للراست عند ( فى طريق اللقى بستنى ) .. ولكنها تعود للبياتى بسرعه ( أحسن تبرد ) .. لنهاية الكوبليه ..

نعود لللازمة الأولى .. التى تبدأ بالأورج .. من البياتى طبعاً .. ولكن يظهر إن الملحن سمع كلامنا عن تمسكه بالبياتى .. فعمد إلى تسليمة من الراست .. ياساتر .. أخيراً .. وجدنا مقاماً أخر لنتحدث عنه ..

تغنى فايزة ( لما أبعت مرسال .. أبعته لحبيبى ) من الراست .. حلو قوى ..

خدوا بالكم بقى .. بتقول ( لما أبعت مرسال .. أبعته لحبيبى ) من الراست .. وتقول ( لما أقول موال .. أقوله لحبيبى ) راست أيضاً .. ولكنها عندما تعيد ( أقوله لحبيبى ) تنتقل للحجاز .. وترتكز عليه .. أو على الأصح ( جنس الجذع للحجاز ) ..

وبسرعة تنتقل للراست ومنه للبياتى لتنهى الكوبليه على البياتى كما بدأته .. وتنتهى الأغنية ..

أرجو أن أكون وُفقت فى هذا التحليل المتواضع ..

مبسوطة ياست عفاف .. حللت لك أغنيتين مش أغنية واحدة ..

__________________
مع تحياتى .. محمد الألآتى .. أبو حسام .


  #7  
قديم 03/04/2009, 14h23
الصورة الرمزية ابو الطل
ابو الطل ابو الطل غير متصل  
مواطن من سماعي
رقم العضوية:115034
 
تاريخ التسجيل: novembre 2007
الجنسية: أم الحجار السود
الإقامة: السعودية
المشاركات: 354
افتراضي رد: دعوه سهره مع فايزة احمد ومحرم فؤاد

اقتباس:
المشاركة الأصلية كتبت بواسطة عفاف سليمان مشاهدة المشاركة
صباح الخير يا استاذ فؤاد

كنت هزعل لو مكنتش انت اول واحد يجى لانك
من رابطة محبى فايزه احمد


يعني بس الإستاذ بسلامتو إللي ينزعل منو
هوا بس إللي في الرابطة يعني ؟؟؟
ع كل حال إللي الله أنا
ويسلم زوقك أخت عفاف
اختيارك للأغاني جميل و راق جدا ً
خاصة أغنية فين حبيبي إللي بحبها جداً جداً
شكرا لك على هذا الإختيار
إللي خلى الأستاذ الألاتي يحلل أغنيتين من أغاني حبيبة قلبي فايزة
تقبلي مروري واحترامي لشخصك الكريم
__________________
ذاكرتي مزدحمة وتؤلمني
وكأنني عشت ألف ألف عام
  #8  
قديم 04/04/2009, 08h49
الصورة الرمزية حسن كشك
حسن كشك حسن كشك غير متصل  
أسد الإسماعيلية
رقم العضوية:27222
 
تاريخ التسجيل: mai 2007
الجنسية: مصرية
الإقامة: مصر
المشاركات: 2,046
افتراضي رد: دعوه سهره مع فايزة احمد ومحرم فؤاد

الاستاذة عفاف
ياريت تكتبى كلمات اغنية
شغلونى عيونك .. لفايزة
لأن فيها كلمات لم افهمها ولاعرفت افسرها
وخاصة دى
؟؟؟؟؟ على الحب اللى ؟؟؟؟ وظلمنى معاه
وسقانى الويل لما سقانى وعرفت الاه
  #9  
قديم 06/04/2009, 03h00
الصورة الرمزية عفاف سليمان
عفاف سليمان عفاف سليمان غير متصل  
اخـتـكـم
رقم العضوية:384752
 
تاريخ التسجيل: février 2009
الجنسية: مصرية
الإقامة: مصر
المشاركات: 1,424
Smile رد: دعوه سهره مع فايزة احمد ومحرم فؤاد

الاستاذ الالاتى
صباح الخير والجمال والفن
والذوق على حضرتك
اقولك ايه والله مكنتش عايزه اتعب حضرتك
لان اكيد حضرتك وراك مشغوليات كثيره
وان كنا نأمل من حضرتك فى التحليل
فهذا من كرم حضرتك
ومن عشمنا فى حضرتك
كم سعدت لتحليلك للاغنيات
وان كنت لا اعرف ملحن ياما ياهوايا
فان عرفته سوف اكتب اسمه بأمر الله
وسعدت لتحليل فين حبيبى الاقيه
فقد كنت فى حيره
هل اقوم بأنزال
صعبان علينا
ولا بالى معاك بالى
كتيررررررررر لفايزه لكن الخيره فيما اختاره الله
لك كل التقدير والاحترام
وربنا يسعد اوقاتك دائما بالخير
وتحيه وسهره جميله للجميع
واتمنى ان تنول رضاكم هذه الاغنيات
اختكم عفاف

  #10  
قديم 06/04/2009, 03h06
الصورة الرمزية عفاف سليمان
عفاف سليمان عفاف سليمان غير متصل  
اخـتـكـم
رقم العضوية:384752
 
تاريخ التسجيل: février 2009
الجنسية: مصرية
الإقامة: مصر
المشاركات: 1,424
Smile رد: دعوه سهره مع فايزة احمد ومحرم فؤاد

استاذنا ابو الطل
كيفك خيو منيح
كيف تقول هذه الكلمات
يعنى لو مكنش الاستاذ فؤاد مينفعش
لالالالالااااااااااااااااااا خيوووووو
اولا انا قلت كده لان الاستاذ فؤاد كان موجود لما رفعت الموضوع
فكان من باب اولى كل من يحب فايزه احمد
ان يتقدم ويدخل الموضوع
وطبعا من محبى فايزه الاستاذ فؤاد
وانت والجميع
وبعدين ازاى احنا من محبى فايزه
وملاقيش حد من رابطة فايزه فى الموضوع
بزمتك ده مش يزعل
ولا احنا رابطه هواااااااااااا
واكيد طبعا وجودك يسعدنى ولو كنت انت اول من شارك
بردوا كنت هبقى سعيده جدا
امال احنا هنا بنعمل ايه
ورابطه ازاى
فين يا جماعه باقى الرابطه
وسعدت بحضورك خيووووووووو
تفتكر بحكى منيح لبنانى خيو
مو هيك
تحيه طيبه من ارض النيل
لكل اشقائنا العرب
وصباحك فل خيو ابو الطل
اختكم عفاف
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 18h29.


 
Powered by vBulletin - Copyright © 2000 - 2010, Jelsoft Enterprises Ltd