طلبات نوتة أ / عادل صموئيل الجزء الثانى - الصفحة 909

**بكر محمد دحدولي** · #**9081** 16/08/2023, 19h27

كل سنة وانت سالم استاذ عادل ... عيد ميلاد سعيد ... متمني لك بدوام الصحة وعقبال الف سنة

**عادل صموئيل** · #**9082** 17/08/2023, 15h29

احبائى
اشكرك الف شكر وكل عام وانتم بخير
اغنية حورية حسن

يابو الطاقية الشبيكة

مع اطيب تحياتى

**طارق سرحان** · #**9083** 23/08/2023, 15h08

الموسيقار الماسى استاذ عادل صمويل اتمنى من سيادتكم تدوين اغنية صعبان عليا للفنان محمد فوزى لكم جزيل الشكر

**عادل صموئيل** · #**9084** 24/08/2023, 04h25

احبائى
اقدم لكم اغنية محمد فوزى

صعبان عليا

الاخ طارق سرحان طلبها وانا شفتها .. الناهردة .. وانا لما حد منكم بطلب اىاغنية فورا بسمعها وبنزلها فيه اغانى سهلة يعنى بدونها فى اسرع وقت وفيه اغانى رخمة فى التدوين او صعبة بنزلها وبركنها لما يكون المزاج حلو .. من حسن حط الاخ طارق ان انا بخترع حاجة .. عويصة .. ولما بكون بخترع مش بيجى لى نوم وحاول اعمل اى حاجة عشان ارتب افكارى فى الحاجة الى بخترعها المهم حاولت انام مفيش قمت الساعة 6 صباحا وقلت ادونها ( للعلم فى الظروف العادية الاغنية دى صعبة ) يعنى كان ممكن تتركن شوية .. هى صعبة وعشان كده الى بيغنوا لمحمد فوزى ماحدش غناها .. بس انا لما دونتها فكيت صعوبتها ... مع اطيب تحياتى

**احمد علي البدري** · #**9085** 24/08/2023, 06h58

السلام عليكم مستر عادل, كل عام وحضرتك بخير ،أرجوا نوتة (روحي حياتي) لعبد الحليم.
https://www.youtube.com/watch?v=X-MPJe8Iviw

**طارق سرحان** · #**9086** 24/08/2023, 09h57

والله انا مش مصدق اتمنيت والامانى نادرا ما تتحق لكن المايسترو الذهبى عملاق التدوين فى منطقة الشرق الاوسط الاستاذ عادل صمويل حقق لى
تدوين اغنية صعبان عليا لمعجزة الفن المصرى محمد فوزى جزاك الله عنا خير الجزاء يا استاذ عادل ربنا يفرحك زى ما بتفرحنا ربنا يخليك لمصر ولوطنك العربى الكبير لسيادتكم جزيل الشكر وفائق التقدير والاحترام

هو حظك ان كان مخى مشغول بحاجة ولازم اشغله بموضوع تانى دعا والدين يعنى

**Reiki-7** · #**9087** 26/08/2023, 00h41

كل سنة وانت طيب استاذ عادل ربي يحفظكم ويخليك لنا

**طارق سرحان** · #**9088** 26/08/2023, 14h16

المايسترو الاسطورة استاذ عادل صمويل فعلا مافيش حد غنى صعبان عليا دى خالص مع انها جميلة جدا

**AlKaff** · #**9089** 28/08/2023, 23h21

مساء الخير على الجميع... اولا شكرا جزيلا على المجهود الرائع..
انا كنت محتاج نوتات موسيقية للفنان ابوبكر سالم... مثل "خلي اسر قلبي"، " سر حبي"...
وشكرا

**عادل صموئيل** · #**9090** 29/08/2023, 19h08

احبائى
اقدم لكم
سماعى محير جميل بك الطنبورى
.. العمل انطلب من فترة .. وكان الاخ الى طالبه عنده نوتة بس مش مكتوبة حلو وطلب منة ادونها تانى .. وانا اقدمها لكم اتمنى تعجبكم ... انا ليا نظرة خاصة فى كتابة السماعى ..انتم عارفين انا بتعامل او بدون للمحترفين والمتوسطين والمبتدئين .. واهم حاجة عندى المتوسطين والمبتدئين او بيمثلوا 80 % من الى بيطلبوا نوت من مدوناتى .. لان المحترف ممكن يعزفها سماعى او ممكن عدنهم نوتات صعبة حد تانى مدونها وماشية معاهم .. بحكى القصة دى ليه .. تعادة لما تقول سماعى تقيل بيبقى الاسقاع 10/8 ودى معناها الوحدة كروش وده النوت بيبقى شكلها صعب مخيف للمتبدئين والمحترفين لأن حاتبقى مليانة دوبل كروش زائد ممكن التقاسيم الداخلية للنوار ودى مزعجة لهم طبعا .. انا فكرت هم بيعملوها 10 /8 وعلى سرعة بطيئة يعنى 60 مثلا او 80 .. مع انك لو ركزت فى السمع انا سامع نوار من كروش . لذلك انا اخترعت انى ادونها ميزان 10/4 .. والسرعة 100 .. وطبعا جربتها على فرق من جميع المستويات وكانت النتيجة مذهلة .. يعنى المبتدين والمتوسطين قروها فى وقت قليل جدا والمحترفين عجبتهم لأنهم كروها ماوقفوش ولا مرة .. طبعا الى انا عملته يعنى الاقاع بيعزف سماعى تقيل زى ماهو بس ان النوتة بقت اسهل كتير زى ماحاتشوفوا .. وانا خبرتى الطويلة مع العمالقة اتعلمت منهم كتير اوى يعنى لما تشوف عبد الوهاب منتهى الذكاء .. برضه كان بيعمل الى انا بقوله ( او الصح انى انا اتعلمت منه اللى بعمله وطورته ) وهو انك تلحن جمل جميلة زى العسل وتكون سهلة المستمع من عامة الشعب الى مش دارس موسيقى بيحسها ويفهما ويهضمها ويدندنها ممكن بيعمل واحد % جملة صعبة لبتوع الكونسيرفاتوار يعنى لكن الغالبية العظمى 99% من جمل عبد الواهب اى واحد يقدر بعزفها او يدندنها بعكس مثلا عمار الشريعى .. كان بيعمل جمل صعبة جدا جدا وسريعة جدا جدا .. هو كان قاصد يعجب شويةعازفين كانوا وقتها فى معهد الموسيقى العربية هم كانوا شاطرين اوى اوى بس انا طبعا اتعاملت معاهم كانوا حاسين انهم اشطر من العازفين بتوع الفرقةالماسية وام كلثوم وعايزين يعزفوا موسيس قى صعبة جدا جدا عشان يحسوا بقيمتهم انهم شاطرين اوى اوى .. بس مع الاسف فيه كلمة قالها لى عبد الوهاب .. الملحن الى يعمل لحن فوق مستوى الشعب يبقى ملحن فاشل .. ليه .. لأن اجمهور لما يسمعها حاتبقى زى قطار ماشى بسرعة رهيبة انت ماتبينتش المعالم بتاعته والراكب جواه برضه بيشوف حاجات سريعة بتعدى برضه مش قادر يميز اى منظر .. والنتيجة الى عبد الوهاب عملها من 80 سنة الناهردة ظهرت شوف كام عازف من كل 100 عازف بيعرف اغانى او موسيقى عبد الوهاب وكام عازف بيعزف الموسيقى بتاعة عمار الشريعى الصعبة جدا .. مش بقلل من عمار الشريعى ولكن له جمل سهلة وجمل صعبة جدا .. طبعا فيه زى كل مرة ناس حاتعترض على اللى انا مدونه انى غلط وان السماعى لازم يتكتب 10/8 طبعا لهم رأيهم او يبحثوا عن نوت مكتوبة 10/8 لكن انا يهمنى الناس اللى حاتعزف النوتة وتحس انها عزغت السماعى بجودة عالية وبدون اخطاء مع اطيب تحياتى