طلبات نوتة أ / عادل صموئيل الجزء الثانى

[البطار بوشعيب]

السلام عليكم استاذ عادل صمويل انه والله لشيء جميل انه معنا عضو من اعضاء الفرقة الماسية اللهم بارك في خبرتك وشكرا لما تقوم به من مجهودات في التدوين ومن جهة اخرى لقد بدات استذي باستعمال البرنامج انكور الا انه كما يبدو لي فقد وجدت بعض الصعوبات من بينها كتابة الحليات ثانيا التحويل الى PDF وتقبل مني فائق التقدير والاحترام البطار بوشعيب من المغرب
اخى العزيز اهلا وسهلا
اولا بالنسبة كيف تعمل الحليات على انكور انتظر حتى تتقن التدوين العادى ثانيا الحليات تتعلمهم واحدة واحدة
ثالثا حدد الحليات اللى انت تريدها لأن موضوع الحليات كتير جدا وانا تحت امرك
اما بالنسبة للتحول الى pdf
الموضوع سهل جدا
ممكن من على جوجل تكتب برنامج لتحويل الملفات الى pdf
حتلاقيه هو مجانى ولما تسطبه على جهازك هو عبارة عن طابعة وهمية يعنى تعمل للملف طباعة حتلاقى طابعة ال pdf الوهمية دى اضفط عليها وكمل حتلاقى عمل لك ملف بى دى اف
مع اطيب تحياتى

[salhi_haithem]

السلام عليكم
شكرا لاخي الاستاذ محمد سالم السويفى و اخي العزيز الاستاذ عاصم المنشاوي و اخي الكريم نور الصباح و اخي الاستاذ ابو كارم على الكلمة الطيبة
هيثم

[عادل صموئيل]

الاخ العزيز هيثم الصالحى
اخوتى واحبائى
اولا اشكر كل من سألأى على فى غيابى
واتوجه بالشكر للأخ العزيز هيثم على كلماته الجميلة عم الهرم
والهرم ده انا بحس انو بتاعنا ... اختى عالمة الآثار الدكتورة امال صموئيل اشتغلت مدير عام الهرم اكتر من عشرين سنة ..
ولما نتكلم عن عجائب الدنيا السبع يعنى حتلاقى ان كل واحدة منهم ممكن تتعمل تانى لكن إلا الهرم
وفى كلية الآثار نفسها توجد كذا نظرية كيف اتبنى الهرم لكن ماحدش يقدر يجزم كيف اتبنى بالتحديد وبالذات انه اتبنى باالقوة البشرية مع اقل الآلات بدائية والمبهر ان اليوم لو حبت اكبر دولة فى العالم فى البناء والتشييد وحاولت تبنى هرم مثله وبكل الامكانيا التكنولوجية الحديثة مش حاتقدر .. والمشكلة مش الحجم الهائل فقط ولكن الاسرار العلمية
ولعلمكم مازال الهرم يحوى بداخله اسرار لم يعرفها احد وعشرات من السراديب السرية داخله وتحته ماحدش اكتشف مكانها وما تحويه من كنوز علمية واسرار ...
المشكلة الخطيرة من الاخرق الذى يدعى لنفسه العلم ويريد هدم الهرم وابو الهول لأنهم اصنام وهو بعقله الضعيف بيتخيل ان ممكن واحد يرتد عن دينه ويعبد الاصنام تانى وهو بذلك يقول بصوت عالى ان العقائد هشو يعنى ممكن واحد يشوف تمثال يترك دينه السماوى ويعبد التمثال ماهذا الهراء يا عم الشيخ وهل العقائد هشة لهذه الدرجة ؟؟؟
ولو كانت العقائد هشة لما عاشت الاديان آلاف السنين وكانت انتهت من زمااااااااااااااااااااااااااااااان
وهو بيفتخر انه فى افغانستان والتى جعلوها قبلة المسلمين ( مش عارف ليه ) قام باختراع طريقة جهنمية لنسف تمثال ضخم لبوذا ... علما [ان الدين قال لهم دينهم ولى دينى ... وتمثال بوذا العالم كله بيتبره اثر مالهمش دعوة ان ناس بتعبده وبرضو لهم دينهم واحنا بناخد منهم المنتجات الحضارية ومش معقول نترك ديننا ونتحول الى البوذية
وهو فاكر ان كما نسف تمثال بوذا يستطيع ان ينسف الهرم .... ونسف الهرم ياعم الشيخ محتاج قنبلة نووية ضخمة
لم الهرم اكبر من تمثال بوذا مليون مرة ... وعشان تفجر قنبلة نووية فى المنطقة يعنى معناها ستبيد الحياة على منتصف كوكب الارض يعنى نصف قارة افريقيا ونصف قارة آسيا وبينى وبينكم نموت احسن مانسمع الهراء ده اللى اصبح بيؤذى اسماعنا كل يوم وكاننا ما اتعلمناش ومادخلناش مدارس ناهيك عن حضارتنا التى اذهلت العالم واللى عايز يمحيها ناس قبلتهم افغانستان واللى بعد ماحرروها من الاحتلال الروسى ادخلوا فيها افكارهم واحتولها وخربوها حضاريا وثقافيا واهلكوا فيها الحرث والنسل وكانت افغانستان فيها زراعة مخدرات بشكل كبير ... لما الشعب جاع زرعوا افغانستان كلها مخدرات ... يعنى كلو حرام حرام حرام لكن المخدرات مش حرام
انا حاليا بعمل لكم مفاجاة من العيار التقيل جدا جدا جدا
مع اطيب تحياتى

[salhi_haithem]

استاذي استاذ عادل
كلامك جميل و موزون و انا سأنسج على كلامك و لي سؤال يعني مصر كلها اثار و اصنام شفتوش مرة واحد في القرن الواحد و العشرين ساجد لصنم؟؟؟
يريدون ان يحطموا الاصنام و يرجعوا الشعوب الى التخلف, هي الاصنام عملت حاجة كي تحطم, و تذكرت كلمة قالها فلادمير لينين في كتابه "غبي من يريد انتاج الماضي" و التاريج حركة لا يرجع الى الوراء و بالنسبة لي التاريخ علم و الرياضيات ليست علم لان الرياضيات نسبية في كلفة التاريخ.. يعني ما تستغربوش من كلامي عن الرياضيات انها ليست علما و التاريخ حركة و علم لان الرياضيات نسبية في التاريخ اي في القرن 5 ميلادي هناك رياضيات ليست نفس الرياضيات في القرن الثاني عشر ميلادي و ليست هي نفس الرياضيات في القرن العشرين فالرياضيات نسبية في كلفة التاريخ..
نرجع الى الاهرامات لما اتشوف انه اول ما بدأوا العلمات في الحفريات بطرق بدائية لما استعملوا الديناميت كي يجدوا الدهاليز يصيبك شئ من الالم انه الكثير من الكتابات الايروغليفية دميرت كليا و كانت هي الكتابات ستفتح ابواب كثيرة و تدفع العلم الى الامام
و لما تشوف كسوة الاهرامات نهبت كي يبنى بها اسوار المدينة و الجوامع و الكنائس تحس انه الهرم فقد جماله الخلاب و يجب ان تكون هناك نسبة من الوعي كي نحافظ جميعا على معلم من عجائب الدنيا

و الكلام طويل
و جماعة افغانستان لو سألتهم عن المخدرات و قلت انها حرام سيقول انها حشائش طبيعية و لا مانع في زرعها و تجارتها
هيثم
عزيزى هيثم
والله انا سألتهم
وسألت مليون شخص عندنا تماثيل كتير بالطبع سألت :
لو انت وقفت عشرين سنة قدام تمثال هل ممكن تشوف شخص يركع لهذا التمثال ويعبده قالوا لأ وطبعا تفهم انهم بكلامهم بيتلككوا يعنى الموضوع موضوع طمس حضارة وثقافة وكينونة وهوية لدولة عظيمة
وهنا الموضوع بيتلخص فى كلمة واحدة هى السيطرة المطلقة
يعنى الحكام اللى بيتمثلوا فى الشرطة مثلا امتى بيحتكوا بالمواطن ؟؟ لما يخالف القانون لكن لو ماخالف القانون مالهمش حكم عليه
لكن هنا يريدون ان يتدخلوا فى كل شىء فى الحياة الشخصبة يعنى عاليز يلزمك وانت نايم فى سريرك انك تنام على جانب محدد ... يحشر نفسه جوا تفكيرك
وهذا يحدث لما تمسح مخ الناس عن طريق محو حضارتهم وعلمهم وثقافتهم هنايبقوا تحت السيطرة
مع اطيب تحياتى عادل صموئيل

[عادل صموئيل]

احبائى
اقدم لكم رائعة من روائع ام كلثوم مع السنباطى

غلبت اصالح

واللحن ده بيمثل قلعة حصينة ماحدش اقتحمها يعنى ما اعتقدش حد يحاول يغنيها او يعزفها بعد ام كلثوم بمعنى ان فيه ناس بيغنوا ام كلثوم واشهرهم سعاد محمد بس بيغنوا اغانى محددة لكن اللحن ده ما اعتقدش
السبب ان الللحن ده اولا صععب جدا جدا
وثانيا وهو التميز انه لحن فيه مساحة خمسين % ابداع من المطرب بمعنى ان كل جزء منه قابل لأن المطرب يعمل فيه تقاسيم او ابداع او تجويد واللحن اللى من النوعبة دى فى منتهى الخطورة لأن ام كلثوم لو غنته 90 مرة حاتسمع كل مرة ابداع مختلف لأن ابداع ام كلثوم بيبقى ارتجال على المسرح مش حاجات محضراها من قبل
لذلك اى مطرب يحاول يغنيه كانه بيضع نفسه امام القطار
طبعا انا حاولت ابسطه بقدر الامكان وان شاء الله تعزفوه
مع اطيب تحياتى

[armendo]

العزيز الأستاذ عادل
عدت والعود احمد _غلبت اصالح فى روحى_ احدى روائع كوكب الشرق ام كلثوم والمره الوحيده التى سمعتها من صوت آخر غير ام كلثوم كانت لسوزان عطيه فى احدى حفلات فرقة ام كلثوم بقيادة المرحوم حسين جنيد والحقيقه انها غنتها بإقتدار وتمكن وكان ذلك فى بداية الثمانينات على مسرح سيد درويش بالهرم قبل انشاء الأوبرا الجديده .

وبمناسبة الحديث عن ام كلثوم ,كنت قد قرأت مقالا بإحدى الجرائد المصريه نقلا عن جريدة لوموند الفرنسيه عقب وفاتها يتحدث عن مقارنه بين صوت ام كلثوم وخاصة فى فترة الثلاثينيات وبين صوت ماريا كالاس مغنية الأوبرا الشهيره والسبرانو الأولى فى العالم الغربى فى فترة الخمسينيات والستينيات وذلك من حيث مساحة الصوت وتم قياس مساحة صوت ام كلثوم فى فترة الثلاثينيات والأربعينيات وايضا قياس صوت ماريا كالاس وكانت النتيجه لصالح ام كلثوم فهل هذا حقيقى؟
ارجو ان يكون لديك اى معلومه بصدد هذا الموضوع.

مع ارق تحياتى

احمد ( ارمندو )
اخى العزيز اشكرك على المعلومة ولكن احب اقول ان اللى قال الموضوع اصلا بيقيس القدرات الصوتية يعنى قوة الحنجرة وذبذبات النبرة الصوتية وبالطبع دى كانت اجهزة علمية وام كلثوم تفوقت
لكن الموضوع اللى اخطر من كده :
يعنى ايه اوبرا
يعنى الاوبرات بتتألف من 400 سنة
وانك تحكم على مغنية اوبرا انها ممتازة انها بتغنى الاوبرا دى
وهنا فيه ملحوظة ان المغنية وهى بتحفظ الاوبرا بتحفظها من نوتة مكتوب عليها الغنا ومش من حقها ومش مسموح انها تقول اى اضافة من عندها ... لذلك لو جبت عشرين تسجيل لأوبرا عادية مثلا حتلاقى ان غناء المغنية الاولى هو هو نقل مسكرة لأنهم بيعزفوا من النوتة والعازفين بيقروا من النوتة مفيش حاجة عندهم اسمها سماعى يعنى لو المطربة دى خرجت عن النص محبت تجود تحصل حوادث زى حوادث الطريق الزراعى لما عشرين عربية يدخلوا فى بعض اما ام كلثوم هى بتعمل اغانيخا لنفسها وهى اللى بتشترك فى وضع كل كلمة وكل جملة
وهى اللى عملت لنفسها الامبراطورية الاسطورية يعنى فرقتها وكل ماحولها واهم شىء انها لو غنت الكوبليه 7 مرات اكيد كل مرة بيبقى اباع مختلف
مع اطيب تحياتى عادل صموئيل

[إيمان.]

صباح الخير على اساتذة المنتدى وأعضائهم المحترمين ..
استاذ عادل :رائعة أم كلثوم(غلبت أصالح) هي ابداع حقيقي وهي إظهار لمقدرة صوت أم كلثوم ذو المساحة الكبيرة ..غنت أم كلثوم الاغنية بطبقات مرتفعه جدا ,
سؤالي لك استاذ عادل وللأخوة الأعضاء لماذا رأى المبدع رياض السنباطي أن يكتب اللحن بهذه الطبقات المرتفعه ؟؟؟هل لإظهار الإمكانيات الصوتية للست أم ماذا ؟؟؟
(غلبت أصالح ) هي اغنية بتستاهل شرح وتفسير للحن ياريت أحد الاعضاء يقوم بالمهمة ..
وايضا في النهاية لاأنسى أن اشكرك بالفعل أنت انسان مبدع في عملك وفي تدويناتك ...
كل الشكر لك استاذي .
اشكرك يا ايمان ويسعدنا عودتك بعد غياب
الاغنية دى انتى ممكن تعزفى على الاقل الموسيقى بتاعتها يعنى حاتسعدك اوى
مع اطيب تحياتى عادل صموئيل

[فؤاد العلمي]

وبمناسبة الحديث عن ام كلثوم ,كنت قد قرأت مقالا بإحدى الجرائد المصريه نقلا عن جريدة لوموند الفرنسيه عقب وفاتها يتحدث عن مقارنه بين صوت ام كلثوم وخاصة فى فترة الثلاثينيات وبين صوت ماريا كالاس مغنية الأوبرا الشهيره والسبرانو الأولى فى العالم الغربى فى فترة الخمسينيات والستينيات وذلك من حيث مساحة الصوت وتم قياس مساحة صوت ام كلثوم فى فترة الثلاثينيات والأربعينيات وايضا قياس صوت ماريا كالاس وكانت النتيجه لصالح ام كلثوم فهل هذا حقيقى؟

احمد ( ارمندو )

[/QUOTE]

أخي العزيز أحمد
يمكنك أن ترفع لنا أغنية لأم كلثوم وأخرى لماريا كالاس، وبعد قياس الذبذبات، سأعطيك بالضبط من منهما لها مساحة صوتية أكبر.
مع أغلى التحيات- فؤاد.

[kamalia]

سلام الله علكم جميعا محتاج نوتت بكتب اسمك يا ابلادي والله المعين على انجاح هذ المنتدا الغالي

[عاصم المنشاوى]

الأستاذ عادل

والباقى هو ...هو الشعب ...ولا فى قوة ولافى صعب ....يصدوا زحف الشعب
عزيزى عاصم
انا مش عارف من غيرك اعمل ايه
تخيل الاغنية دى اكتر اغنية محتاجينها دلوقتى
انا نزلتها من ع النت وابتديت اكتبها هى سهلة مش مشكلة وان شاء الله انزلها ومعاها الملف الصوتى
احنا بنعانى دلوقتى من مشكلة خطيرة من ناس عندهم مرض فى علم النفس اسمه الانفصال يعنى الشخص بيشوف اللى قدامه زى ماهو عايز يشوف يعنى هو شايف مليون فى ميدان التحرير لكن هو شايفهم500
مع اطيب تحياتى عادل صموئيل