” منّيت شبابي “
أحمد رامي ومحمد القصبجي وأم كلثوم
*****
منّيت شبابي بالنعيم ويّا الحبيب * اللي فؤاده يعطف عليَّ
وقلت يمكن في الحياة لى نصيب * يتمنى قلبي وتشوف عينيَّ
ما شفت غير طيف الأحزان * ما سمعت غير لحن الأشجان
أشكي لروحي * من كُتر نوحي
والدمع في عيني حيران * والباكي طول الليالى سهران
امتى يا ربي يتهنَّى قلبي * أشوف خيال الهنا
أسبح في جو الأماني * يا ريت أنال المنى
والقلب فرحان وهاني
أبلغ مرادي * واسعد فؤادي
واسعد حياة اللي رعيته واللي رعاني
يا رب تصدق أوهامي * يا رب حقق أحلامي
*****
ياطول عذابى واشتياقى * ما بين بعادك والتلاقي
ياما غالبت النوم وشكيت * من طول غيابك عن عينى
أقول لقلبي الوجد ده ليه * مادام ح يعطف ويجينى
أصبر مع الأيام * تتحقق الأحلام
وتشوف حبيب الروح جاني * وجاد بقربه وهناني
ونسيت ليالى الشوق والنوح * وخفت وقتي يروح مني
من غير ما أقول له ع اللى قاسيت * أيام ماكان غايب عني
ووقتها تحتار * أيّ الضنى تختار
بُعد الحبيب ولو انه يطول * وانت ياقلبي كلّك أماني
والا لقاه والصبر قليل * والعمر يجرى ساعة التداني
قابلته بعد الغياب * وكان سلامى عتاب
وبعد ما تملّت عيني * طال السكوت بينه وبيني
بدي أقول له على اللى ضنانى * والعين تدله عن طول هواني
سكت عن شكوى الهجران * وحيرة القلب الولهان
وقلت أصور له هناي * ساعة ما اشوفه وياي
لا قدرت أقول بُعده ضناني * ولاقلت قُربه هنّاني
وجيت اتكلم * قلبي تألم