نوتات معروضة للتصحيح من قِبل أساتذة التدوين

[composer-rami]

موضوع جميل جدا ويستحق المتابعة

لك أستاذ أحمد ولكل القائمين والمشاركين في هذا المنتدى الجميل كل الحب والاحترام والتقدير

[أحمد الجوادي]

المشاركة الأصلية كتبت بواسطة composer-rami

موضوع جميل جدا ويستحق المتابعة

لك أستاذ أحمد ولكل القائمين والمشاركين في هذا المنتدى الجميل كل الحب والاحترام والتقدير

عزيزي الأستاذ رامي المحترم

ألف شكر لك على اهتمامك بهذه المواضيع، حفظك الله

خالص محبتي

أحمد الجوادي

[عبد الهـادي]

السلام عليكم
الأستادة الكرام و أعضاء المنتدى الأفاضل
لقد قمت اليوم بمحاولة بسيطة لتدوين المقدمة الموسيقة لأغنية الموسيقار عبد الوهاب (قلبي بيقولي كلام)
أريد أن أشير الى أنني من المبتدئين في التدوين الموسيقى بما في الكلمة من معنى
لدلك فأرجوا ألا تصدموا بسبب أنه يمكن أن تحتوي النوتة على عدد هائل من الأخطاء
لقد قمت بتدوين اعتمادا على هدا التسجيل للموسيقار محمد عبد الوهاب
https://www.youtube.com/watch?v=OfokJ_J-JMM
النوتة في المرفقات
في انتظار رأيكم و ملاحظاتكم
لكم مني خالص المحبة و التقدير و الاحترام

الاخ العزيز
انا فتحت النوتة وسمعت الملف الصوتى لقيت اول غلطة خطيرة فى التدوين وهى انك مدون النوتة من سكة تانية غير اللى فى الملف الصوتى يعنى انت عامل لا سى ... والملف الصوتى بادى من مى فا
غلط جدا انك تكتب من سلم وتكون سامع اللحن من سلم آخر يعنى حتى انا ما اقدرش اعمل كده لنو بيعمل اخطاء فى منتهى الخطورة مهما كان المدون متمكن والدليل انك فى المازورة رقم 4 انت كاتب صول لا سى صول فا مع ان المفروض تكون مى فا صول فا مى .. طبعا انا ماقدرتش اتابع الباقى ووقفت عند الغلطة دى وهى حلها ان لازم يكون عندك برنامج بيقدر يحرك التون بتاع اللحن فوق او تحت زى ما انت عايز وفيه برنامج اسمه Audacity واعتقد هو موجود هنا على المنتدى فى قسم البرامج ده وظيفته انك بتفتح عليه الملف بعدين بترفعه او تخفضه لحد ما توصل للسلم اللى انت عايز تدون منه
يعنى مثلا انا شخصيا بعمل كده لو اغنية لم كلثوم هم بيعزوفها من دو لكن هم بيظبطوا طبقة صغيرة احنا هنا نسمعها من سى بيمول انا بفتحها على البرنامج وارفعها تون واونها من الدو ... فيه اغانى مثلا اثناء النقل من جهاز لجهاز ايام الكاسيت والشرائط ممكن تقل نصف تون ودى طبعا مزعجة جدا ومن المستحيل كتابتها بالذات لو مقام شرقى انا بشوف انا عايز ادونها فى سلم ايه وبرفعها او اخفضها بيبقى اولا اسهل ليا فى التدوين وثانيا اسهل لكم فى القراءة بحيث ما اعملهاش سلم فيه دليل معقد يضايق المبتدئين وبالطبع متوفر فى برنامج انكور رفع النوتة او حفضها لأى تون بعدين يعنى الادقاء كتير لو انت متابع حد بيقول لى اغنية كذا هى من نغمة كذا واحنا عايزنها من كذا انا بعمها فى دقيقة ... وبعدين التديون هو ايه ببساطة ؟ انى بسمع شىء وبكتبه مش معقول اسمع شىء واكتب شىء تانى يعنى انا شخصيا ساعات بيبقى اغنية من الاغانى اللى انا حافظها من خمسين سنة بيبقى الملف الصوتى موجود انا بتونس بيه يعنى بكتبها من الذاكرة بس فى وسط اللحن احب اتأكد انى مش ناسى حاجة افاجأ ان التون بتاع الملف انقص او ازيد اى درجة على الفور بفتحها فى البرنامج واضبط التون فى الدرجة اللى بكتب منها ... طبعا انا بقول لك على درس خطير فى التدوين ممكن حد تانى يقول لك حاجات على الحروف او علامات التحويل يعنى مثلا فى المازورة الثانية فيه كروشينانت رابطهم مع انهم مش مربوطين ... مع اطيب تحياتى عادل صموئيل