ما أحلي أن نجتمع

**Hisham Khala** · #1 19/10/2010, 17h40

ما أحلي أن نجتمع

الأخ العزيز عزت شحاته
تحياتي لشخصك الفاضل
أليك نوتة "ما أحلي أن نجتمع" بعد عمل Arrangement للبيانو و ملف صوتي للبيانو و الايقاع.
اللحن جميل و لطيف و سهل ، بس يا ريت تقول لي مين اللي بيغنيها و مين اللي لحنها و كلماتها ايه؟
أنا لم أتدخل في أصل اللحن إلا في حاجات بسيطة لا تؤثر علي شخصية اللحن أو تكوينه: يعني مثلا لقيت قفزات بين نغمتين فقمت بملئ القفزة بنغمات متتالية (دوبل كروش) و ربطت بعض الجمل بدوبل كروشات ، و حسيت أن في المازورة 42 الضلع الثاني نغمة "صول" (كروش) مفروض تبقي "فا" و رفعت اللحن أوكتاف عشان يبقي فيه كونتراست بين الميليودي و الباصات.
الباصات و الايقاع: أنا حسيت أن اللحن بيمر ب 3 مراحل فأستخدمت 3 إيقاعات: Brazilian Bossa Nova ثم Cuban Fun Bongo ثم وصلة قصيرة Jacaranda Percussion و يسكت الايقاع لحظة ثم الايقاع الثالث Latin Day Bongo ، لا تعبأ بالأسماء إذا أحتجت كل ايقاع علي حدي ممكن ابعثه لك.
الباصات قد تكون صعبة لعازف البيانو خاصة لما تكون المسافة بين النغمات أكثر من أوكتاف (الحل: بالتمرين أو عزف نغمات التآلف داخل أوكتاف واحد ، بس ها يؤثر علي التلوين)
التوزيع لأوركسترا سيصلك في القريب العاجل (بس انا مسافر لمدة يومين اثنين و بعدها ابدأ في التوزيع)
تحياتي

**عزت شحاته** · #2 21/10/2010, 21h02

دكتور /هشام خلف
حقيقى .. بالبلدى وبدون كلفه .. انت بنى ادم جدع .. وابن ناس
بالنسبه للنوته دى نوتة ترنيمه .. الملف الوتى حاولت ارفعه لحضرتك
قبل كده .. منفعشى .. لانى رفعته قبل كده للاستاذ عادل للتنويت

**Hisham Khala** · #3 22/10/2010, 08h41

اقتباس:

المشاركة الأصلية كتبت بواسطة عزت شحاته

دكتور /هشام خلف
حقيقى .. بالبلدى وبدون كلفه .. انت بنى ادم جدع .. وابن ناس
بالنسبه للنوته دى نوتة ترنيمه .. الملف الوتى حاولت ارفعه لحضرتك
قبل كده .. منفعشى .. لانى رفعته قبل كده للاستاذ عادل للتنويت

عزيزي عزت
أشكرك علي الإطراء اللي مالوش لازمة بين الأخوة و الأحباء.
و بإذن الله يكون بيننا تعاون فني و صداقة و محبة.
الترنيمة حلوة و أكيد كلماتها حلوة و بإذن الله ها أبدأ الليلة دي في توزيعها للأوركسترا.
بس محتاج منك شوية معلومات:
التمبو (السرعة اللي أنا عاملها: نوار = 100 بيت كل دقيقة) مضبوطة؟
العازفين و الالات اللي عندك؟ انت قلت وتريات (كمان - فيولا - تشيللو - كونترباص)؟
طبعا فيه طريقة لتعويض النقص في الالات اسمها Divisi ، يعني لو معندكاش فيولاممكن تقسم شغلها علي بعض الكمانجات و التشيللو
انا بافكر في استخدام الاصوات البشرية و خاصة انها ترنيمها.
خللينا علي اتصال.

**andy raban** · #4 29/12/2010, 12h13

مرحباً ..
حبيت اني اشارك واضع الترنيمة مع الموسيقى والايقاع ..
للاسف حجم الملف كبير لذلك وضعت رابط الترنيمة و يمكن الاستماع لها مباشرة ..

http://www.4shared.com/file/68585644/9495927a/____.html

تحياتي