* : الملحن كاظم نديم (الكاتـب : abuaseem - آخر مشاركة : محمود نديم فتحي - - الوقت: 00h34 - التاريخ: 29/03/2024)           »          فتحيه أحمد- 1898 - 5 ديسمبر 1975 (الكاتـب : Talab - آخر مشاركة : نور عسكر - - الوقت: 00h23 - التاريخ: 29/03/2024)           »          سمير صبرى (الكاتـب : د.حسن - آخر مشاركة : حازم فودة - - الوقت: 21h09 - التاريخ: 28/03/2024)           »          فاضل عواد (الكاتـب : طروب الشرق - آخر مشاركة : النوري محمد - - الوقت: 20h47 - التاريخ: 28/03/2024)           »          هدى حداد (الكاتـب : هاوي عود - آخر مشاركة : heshamloutfy - - الوقت: 20h22 - التاريخ: 28/03/2024)           »          ليلى مراد- 17 فبراير 1918 - 21 نوفمبر 1995 (الكاتـب : سماعي - آخر مشاركة : نور عسكر - - الوقت: 19h08 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : fahedassouad - - الوقت: 12h28 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)


العودة   منتدى سماعي للطرب العربي الأصيل > مجلس العلوم > المكتبة > كتب ودراسات موسيقية

تنبيه يرجى مراعاته

تعلم إدارة سماعي، الأعضاء أن كل الملفات والمواد المنقولة من مواقع خارجية أو مواقع تخزين للكتب أو المتواجدة بكثرة على شبكة الإنترنت ... سيتم حذفها دون إعلام لصاحب الموضوع ... نرجو الإلتزام ... وشكرا


رد
 
أدوات الموضوع طرق مشاهدة الموضوع
  #1  
قديم 18/12/2007, 22h13
الصورة الرمزية abuhany
abuhany abuhany غير متصل  
مواطن من سماعي
رقم العضوية:91127
 
تاريخ التسجيل: décembre 2006
الجنسية: EGYPT
الإقامة: مصر
المشاركات: 745
Lightbulb كلمات اغاني محمد فوزي

في المشاركة رقم 155 رفع الأخ عبد المنعم أنشودة العودة ، وهي في الواقع من كلمات الشاعر الفلسطيني هارون هاشم رشيد ، وهذه هي الأبيات

أخي مَهْما ادْلَهَمَّ الليلُ سوف نُطالِعُ الفجرا
ومهمـا هدَّنـا الفقـرُ غـدًا سنُحطِّـمُ الفقـرا
أخي والخيمـةُ السوداءُ قـد أمْسَتْ لنـا قَـبرا
غـدًا سنُحِيلُهـا رَوْضًـا ونبـني فوقهـا قَصْـرا
ستعـلو صيحـةُ الأحـرارِ يومَ نعـاودُ الثـأرا
وتمضي جلجـلات الرعب إن بَـرًّا وإن بحـْرا
سنمشي مِلْءَ عينِ الشمسِ نحدو رَكْبَها الحُرا
ونَطْـلُعُ في الغـدِ الآتي نُجُومًـا حُـرَّة زُهـْرا
غدًا يومَ انطِلاقِ الشعبِ يومَ الوَثبةِ الكبرى
غـدًا في زَحْمةِ الأقـدارِ سوف نُحقِّقُ الأمْـرا
فلسطـينُ التي ذهبتْ سـترجِعُ مَـرَّةً أُخْـرى
__________________
” ما ٱستحَقَّ أن يُولَد مَن عاش لِنفسِه فَقَطْ “
رد مع اقتباس
  #2  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي


ادى الميعاد قرب
ادى الميعاد قرب ولا جاتشى
وصبحت أنا تايه معرفشى
الساعة واقفة ولا بتمشى
ادى الميعاد الميعاد قرب

الفكر بالوقت بيجرى يسبق خيالى لميعادها
ويهون عليا اطوي ف عمرى واسعد آمالى بودادها
جمالها.. رقتها. . دلالها.. خفتها
على كل دول انا مقدرشى وصبحت تايه معرفشى
الساعة واقفة ولا بتمشى
ادى الميعاد الميعاد قرب

موهوم وخايف ليبان حبى ساعة لقايا وياها
دى الساعة بدق وقلبى بيحسب الوقت معاها
قوامها..حلاوتها..كلامها..شقاوتها
على كل دول انا مقدرشى وصبحت تايه معرفشى
الساعة واقفة ولا بتمشى
ادى الميعاد الميعاد قرب

اللى تشوف الحسن عينيه يميل وتكتر اوهامه
ويمر كاس الحب عليه يشرب من الكاس احلامه
عيونها..نظرتها..جفونها..لفتتها
على كل دول انا مقدرشى وصبحت تايه معرفشى
الساعة واقفة ولا بتمشى
ادى الميعاد الميعاد قرب
مصطفى السيد

افتكرلك ايه

أفتكرك ايه
وطول عمرك ظالمني
وأشتكي لك ليه
وقلبك مش سامعني
بس قولي إمتى قلبك يفتكرني
ياللي زي الدنيا قلبك كل يوم له ألف حال
حافتكرلك إيه ......... حافتكرلك إيه

فين يا ناسي الحب ماضينا وحلاوته
وأنت أفراحه وأمله وإبتسامته
ليه نسيت قلبي وما سمعتش حكايته
بس قولي إمتى قلبك يفتكرني
ياللي زي الدنيا قلبك كل يوم له ألف حال
حافتكرلك إيه ......... حافتكرلك إيه

يا حبيب القلب طال الليل عليا
أشتكي له همي وأوصف له اللي بيا
عود لأيامنا ليالينا الهنية
بس قولي إمتى قلبك يفتكرني
ياللي زي الدنيا قلبك كل يوم له ألف حال
حافتكرلك إيه ......... حافتكرلك إيه

طال حنيني وطال تعذيبي
عود وهني البال يا حبيبي
وارحم القلب الحيران
كل يوم قلبي بيسألني
فين حبيبي اللي غايب عني
طال عذابي والحرمان
ليه نسيت قلبي وما سمعتش حكايته
بس قولي إمتى قلبك يفتكرني
ياللي زي الدنيا قلبك كل يوم له ألف حال
حافتكرلك إيه ......... حافتكرلك إيه

العشرة هانت عليك يا قاسي

العشرة هانت عليك يا قاسي.. وانت ما هنتش
وروحي صانت ودك يا ناسي.. وانت ما صنتش

راح فين كلامك ووعودك.. والابتسامة الفتانة
وفين حنانك وعهودك.. وازاي نسيت دنيا هوانا
يا فايتني وحدي.. أقاسي وجدي
واصبر واداري.. ع الدنيا سهدي
واحبس دموعي.. لتكوي خدي

انا كنت فاكر ايامك.. من طول بعادك حنساها حنساها
اتاريني عايش بغرامك.. بين ذكرياتي وصداها
وف عز حبي.. هجرت قلبي
لنار وغيره.. وشوق مخبي
وياريتني عارف.. ايه بس ذنبي

عايش لحبك طول عمري.. طبعي الوفا مهما جرالي
وان طال علي الايام صبري.. مسيرها يوم راح تصفالي
وتحن ليا.. بعد الأسية
والسعد يرجع.. يفوت عليا
م الفرحة تضحك.. دموع عينيا
حيرم الغمراوي

القمر وانت

القمر وانت.. ف الغرام إخوات
إن ضحك ساعه.. أبكي منه ساعات
والاقي روحي بين قمرين.. شاغلين حياتي ووجداني
واقول يا تري مين ف الإتنين.. بحبه أكتر م التاني
القمر ولا انت

لما تكون راضي.. وتفكر فيا
بيشوف وبيسمع.. فكرك ف عينيا
يفرح ويجيلي.. ويمسي عليا
من تحت الشجره.. ومن فوق الميه
يملا لي الدنيا.. بنور حبك
ويحني الورد.. بلون قلبي
وافتكره إنت.. زاد قربك
واحكيله.. ما اقدرش أخبي
واوصفله آمالي.. وافضل سهران
ساعات وليالي.. ويقوللي كمان

ويفوت عليا القمر.. وانت مخاصمني
يكتب عليا السهر.. من غير ما يرحمني
والقي السحاب إتلم عليه.. زي العواذل والحساد
خايفين لقلبي يطوف حواليه.. ويروح ياخدلي منه معاد
أجري واندهله.. يعمل غضبان
وعينيه تحايله.. ولا يرضي يبان
حسين السيد
****

اللي حسبته لقيته

آدي يا قلبي اللي انت ناديته.. وجريت ورا قلبه وحبيته
جالك بقي إحساسي.. طلع الطيب قاسي
واللي حسبته يا قلبي لقيته.. اللي حسبته يا قلبي لقيته

نظرة بريئة وكلمة رقيقة.. ضحكوا يا قلبي عليك ف دقيقة
وأنا من خوفي ياما نصحتك.. تبعد عنه بكل طريقة
الحب دا حسيت بعذابه.. زي ما اكون مكشوف لي حجابه

أشكي لمين من ظلمك ليا.. وانت الجاني عليك وعليا
واعتب بس عليك ازاي.. هو اللي انت قاسيته شوية
فين اللي خاصمتني علشانه.. آدي يا قلبي هواه وحنانه

إوعي تصدق أول نظرة.. وتقول أنا حبيت واشتقت
عمر الحب ما ييجي بمرة.. أصله يا قلبي بياخد وقت
والأيام هي اللي تبين.. إن كان قاسي ولا حنين
صلاح فايز





التعديل الأخير تم بواسطة : نور عسكر بتاريخ 22/03/2020 الساعة 13h35
رد مع اقتباس
  #3  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow


هذه أغنية الورد مالي كل الوجود في بهاه
كلمات إدوارد سليمان
غناء وألحان محمد فوزي

إهداء إلي د. عبد المنعم
وجميع عشاق محمد فوزي


الورد مالي كل الوجود ف بهاه

الورد مالي.. كل الوجود ف بهاه
وانا قلبي خالي.. مش لاقي مين يملاه
مهما الجمال يناديه.. عمره ما يفرح بيه
اكمنه خالي.. اكمنه خالي

بناجي ورد الأمل.. وشوقي بيحايله
فكري عليه انشغل.. والقلب مش طايله
واسهر ليالي.. والفكر يجري وراه
وانا قلبي خالي.. مش لاقي مين يملاه

وتشوف عيوني القمر.. في موكبه العالي
أحلم بليل السمر.. ويا حبيب غالي
واشكي له حالي.. وانده عليه في سماه
وانا قلبي خالي.. مش لاقي مين يملاه
إدوارد سليمان





تحية يا ابنة الرشيد



تحية يا ابنة الرشيد.. صدقت في الوعد والوعيد

يمناك للمجد والمعالي.. وليس للقيد والحديد





دماؤك الحر ليس يجري.. لترتوي غلة العبيد

وكل تاريخك اعتزاز.. فجددي فيه واستعيدي





يا محور الحق والجهاد.. سلمت للسلم والحياد

من كل مستكبر وطاغ.. وكل مستعمر وعاد

توحدت بيننا الأماني.. تضافرت بيننا الأيادي

كنا من المجد في ذراه.. فليرجع المجد من جديد

***

يا طالع الشجرة




يا طالع الشجرة.. يا شعب يا مجاهد.. المجد بين أياديك

لك كل يوم نصرة.. والنصر لك شاهد.. ع اللي اتبني بايديك

العزة بتفرش في طريقنا.. أزهار بساتين حريتنا

وفرحنا وقطفنا الثمرة.. يا طالع الشجرة





يا زارع الشجرة.. رويتها بكفاحك.. واخضرت ف كل أوان

احرس لنا الشجرة.. واحميها بسلاحك.. دا الكل بيك فرحان

خليها تفرع وتمد.. دي شجرتك خيرها ما يتعد

دي كريمة وأصيلة وحرة.. يا زارع الشجرة





يا حارس الشجرة.. سهران بترويها.. حب وسلام وأمان

تسلم ايدين حرة.. ورجال بتحميها.. بعزيمة وبايمان

وآدي فروعها ملت الدنيا.. طرحت ع الأمة العربية

عزة ونور ومبادئ حرة.. يا حارس الشجرة





نبيلة قنديل



رسالة إلي جندي


يا ابن عمـى ياللى فى الخـط الأمـامـى.. لك ســـلامــى
وسـلام أطفـالى ، ومـراتى ، وأبويا ،
وأمـى ، واخـوالـى وعمـامـى


كلهـم فى خيـر ومشتـاقين إليــك ،
كلهـم متلهفيـن تـرجـع لنـــا ،
وكـمان من عنـدنـا يسلـم عليـك ،
كروان الفجر ، والبط اللى سابح فى القنا ،
والنخيل والقمح والمواويل وأحجار البنا
وإبراهيـم وحسـين وماتعـدش أسـامى


يـا ابـن عمـى ،
ياللى عنوانك فى خـط النار بعيـد ،
شـد حيلك ، كلنـا ويـاك هنــا ،
مـدفعك جبنـاه حسب وصفك شديد ،
من دمانا صبناه صلب وحديد، قاسى وعنيد،
صـــب منه ع الأعـادى كرهنـــا.
خــد من الرجعيـــه تــــارك ،
خلى كل الدنيا تسمع فرقعة رعد انتصـارك ،
والجـميـع يـا نــور عيوننـا ،
فى انتظـــارك


صلاح جاهين


أحن قلب
أحن قلب في الدنيا قلبك
انتي يا أمي
وأغلى حب في الدنيا حبك
انتي يا أمي
ربيتي اختي كبرتي اخويا
تعيشي ليا انتي وابويا
انتي يا أمي انتي يا أمي

حبك يا أمي يجري في دمي
وكل غالي يرخص عشانك
سهرتي جنبي وشلتي همي
وكل ما اكبر يكبر حنانك
وبتسعديني دايما في قربك
انتي يا أمي انتي يا أمي

تعبتي فيا تسع شهور
ولما روحي سكنت في جسمي
لقيت عينيا كحلها نور
وسمعت صوتك نادي باسمي
وجيت في دنيا فرحت بجنبك
انتي يا أمي انتي يا أمي

انا اسمي غنوة على شفايفك
وانتي اسمك في قلبي غنوة
وكل لحظه بيبان لي عطفك
في كلمه حلوة ودعوة حلوة
والدعوة منك يسمعها ربك
انتي يا أمي انتي يا أمي

عبد العزيز سلام




ماما زمانها جايه

ماما زمنها جايه
جايه بعد شويه
جايبه لعب وحاجات
جايبه معاها شنطه
فيها وزة وبطة
بتقول واك واك واك

عارف الواد اللي اسمه عادل جه الدكتور وعامله ايه
لقى رجليه كانوا زي الفتله بص شويه جوه عنيه
راح مديله حقنه كبيره
عارف اداله الحقنه ليه
ما بيشربش اللبن الصبح
وكل اصحابه ضحكوا عليه
وآهو من يومها شرب وبيكبر
واترباله عضل في ايديه

واحمد برده ايده مربوطه ومامته عارف ليه مخاصماه
كان بيحب تملي يلعب بالكبريت ويشيله معاه
وف يوم جاب كام عود ولعهم
واخته بوسي كانت شايفاه
راحت النار ملهلبه ايده
ولسه ايديه الاتنين واجعاه
واهو من يومها لا بيتعفرت
ولا بيشيل كبريت وياه

وسعاد ابله زعلت منها خالص من شهرين
ما بتحفضش الدرس وتكذب وكمان ضاع منها كتابين
وبتتشاقي جوه الفصل
وكان ترتيبها العشرين
لما ذاكرت وبقت حلوه
ابله خادتها مع الشاطرين
جت شهادتها آخر مره
وكانت الأولى من تلاتين

حسين السيد

التعديل الأخير تم بواسطة : خليـل زيـدان بتاريخ 22/03/2020 الساعة 13h20
رد مع اقتباس
  #4  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي

توبة الأيام

سلاما ناسك الزمن.. حبيب الروح والبدن

سلام النور والإيمان.. سلام الحب يا رمضان

سلام الطائر الظمآن.. لنبع لاح في البستان

سكبت النور للأكوان.. وزاد الروح للإنسان

ورحت تعطر الأزمان.. وتوقظها من الوسن

حملت البر للمسكين.. وللعاصي مددت يمين

وسقت لقلبه البشري.. بعفو كان عنه ضنين

بنور هدي ونور يقين.. أضأت سريرة الزمن

أذانك توبة الأيام.. وفجرك منبع الإلهام

ويومك رحمة وسلام.. وليلك سجد وقيام

فهات البر والإنعام.. وجدد فرحة الزمن

بجودك غنت الحسنات.. ورنت حولك الصلوات

وهلت فوقك الرحمات.. ينابيعا من الجنات

تبيد بظلها الشهوات.. وما فيها من الفتن

محمود حسن إسماعيل
ـــــــــــــــــــــــــــــ

أهلا يا رمضان

أهلا أهلا يا رمضان.. بعد الغيبة هلالك بان

شهر عبادة وزكا وصيام.. تحلي أيامه بذكر الله

شهر مبارك ع الإسلام.. جايب الخير والسعد معاه

وفرحنا بك يا رمضان.. بعد غيابك يا رمضان

مرحب مرحب والله زمان.. بعد الغيبة هلالك بان

هل هلاله شهر النور.. عمره ما يخلف المواعيد

شهر كريم وهنا وسرور.. بيهنينا وبعده العيد

وف أيامك يا رمضان.. يحلي صيامك يا رمضان

جبت الخير أشكال وألوان.. بعد الغيبة هلالك بان

كل منانا أيامه تطول.. وف لياليه نسمع قرآن

قيد الشمع وغني وقول.. يا هنانا بشهر الإحسان

وفرحنا بك يا رمضان.. بعد غيابك يا رمضان

يا مفضل عند الرحمن.. بعد الغيبة هلالك بان
ـــــــــــــــــــــــــــ

المسحراتي
يا عباد الله.. وحدوا الله

أنا أمدح المولي الغفور الودود.. اللي تجلت رحمته في الوجود

الأرض والسماوات عليا شهود

أشهد له سبحانه بعز سلطانه.. ومن صميم قلبي أشكر له إحسانه

يا مؤمنين وحدوا الله.. لا إله إلا الله



سبح إله العرش واخضع إليه.. هو الوحيد اللي انت رزقك عليه

الملك والملكوت عطية ايديه

لو مرة ينظر لك لابد يغفر لك.. ويدخلك جنة فيها ما تتمني

يا مؤمنين وحدوا الله.. لا إله إلا الله

يا رب تلطف بالعباد في قضاك.. انت اللي مالك شريك في علاك

تبلغ الصايم نهاية رضاك

وتحفظ الإسلام علي مدي الأيام.. دا اللي اعتماده عليك يا رب لا ينضام

يا مؤمنين وحدوا الله.. لا إله إلا الله

محمود بيرم التونسي

ــــــــــــــــــــ


قف بالخشوع
قف بالخشوع وناد ربك ياهو .. فهو الكريم يجيب من ناداه



واسأله ماشاءت يداك فإنه .. مبسوطتان لمن دعاه يداه
هو أول هو آخر هو ظاهر .. هو باطن ليس العيون تراه



سبحان من عنت الوجوه لوجهه .. وله سجود أوجه وجباه
يا من هو المعروف بالمعروف .. يا غوثاه يا رباه يا مولاه

ياذا الجلال وذا الجمال وذا الهدى .. يا منعما عما الوجود ناداه
مالي إذا ضاقت وجوه مذاهبي .. أحد ألوذ بوجهه إلاه
الإمام البرعي
ـــــــــــــــ

الحياه ثورة

الحياه ثوره من بدايتها.. تنتهي ثوره يوم نهايتها

كلها ثوره سرها ثوره.. واللي حببنا فيها ثورتها

الحياه ثوره واحنا ثوارها.. لاجل جنتها نمشي فوق نارها

واللي يكسبها يجني أزهارها.. واللي يهملها لحظه يخسرها

واحنا نهضتنا وانتفاضاتنا.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

أرض دنيتنا ليلها ونهارها.. ثوره لحياتها ثوره لعمارها

لولا دورانها إيه يغيرها.. م اللي يضلمها للي ينورها

واحنا كرامتنا وانتصاراتنا.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

والسما ثوره تيجي أمطارها.. تبقي فايدتها غالبه أضرارها

والبحور ثوره لولا تيارها.. ما تلاقيش ميه تجري ف بحارها

واحنا إيه قوتنا تحت رايتنا.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

ثوره لبلادنا جت تحررها.. هلت الفرحه ويا أخبارها

ثوره مبدأها عدل وشعارها.. ربنا بفضله عانها ونصرها

واشتراكيه بعد رجعيه.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

فتحي قورة
ـــــــــــــــــ

العمل

حي علي الصلاة.. حي علي الفلاح.. حي علي العمل

حي علي الحياة.. والسعي والكفاح.. نحقق الأمل



سنابل القمح التي.. تموج في المزار ع

وذلك السحاب من.. مداخن المصانع

يناديان كل عامل.. وكل صانع

حي علي الصلاة.. حي علي الفلاح.. حي علي العمل

حي علي الحياة.. والسعي والكفاح.. نحقق الأمل


خذوا الفؤوس في الصباح.. وأحملوا المناجلا

حرية الحياة لا.. تعرف إلا العاملا

ولن تكون للذي.. يعيش فيها خاملا

حي علي الصلاة.. حي علي الفلاح.. حي علي العمل

حيعليالحياة.. والسعيوالكفاح.. نحقق
الأمل

هذا طريق شعبنا.. يخطوا به إلي السلام

إلي السلام للشعوب.. كلها علي الدوام

يد علي يد تعين.. الزاحفين للأمام

حي علي الصلاة.. حي علي الفلاح.. حي علي العمل

حي علي الحياة.. والسعي والكفاح.. نحقق الأمل

ــــــــــــــــــــــــــ
أنا عائد

أنا عائد أنا سيد في موطني


قد قالها البطل الذي للعرب قد حفظ الوفاء

وإذا غيوم اليأس يمحوها عن الأفق الضياء

ولقد سمعنا اليوم في الآفاق زلزلة النداء

ولسوف نرفع في ربانا الشم خفاق اللواء

وعلي الجليل يردد الأبطال صيحات الإباء


مرحي جمال لقد رسمت اليوم درب العودة

ففي العود الكريم سنن يصون كرامتي

إذ نلتقي بموطني ف اللد أو في الرملة

وبشط يافا يسعد الأحباب بعد الغربة

والكرمل المعطار يسمو إذ يقبل رايتي

وترف آمالي الكبار علي هزيم الوثبة

فأقولها ويقولها في كل قطر إخوتي


حيفا فديتك يوم لقيانا لقد أضحي قريبا

فجمال شق لعودة الأحرار يا وطني دروبا

ولسوف يا حيفا نقبل في رباكي حبيبا

ونعيد في أرض العروبة موطنا أمسي سليبا

إنا عزمنا فالقلوب تصافح اليوم قلوبا
ــــــــــــــــ

رد مع اقتباس
  #5  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي



حتي انت كمان
حتي انت كمان تقسي عليه.. حتي انت كمان
فين عطفك فين الحنية.. فين حب زمان

حتي انت كمان اللي انا فاكرك.. حتهنيني
تيجي الأيام ويبان غدرك.. وتبكيني
ليه حبك هان.. وكأنه ما كان
أنا إيه اللي اتغير فيا.. ما انا زي زمان

في الأول كنت بتتمني.. أسعد قلبك
دلوقتي عليا بتتجني.. راح فين حبك
فين الأشواق.. دا اللي بيشتاق يشتاق
ما يحبش لحبيبه أسية.. ولا يرضي هوان

أنا فاكرك حتعيش طول عمرك.. مخلص جمبي
واخلص لك وأريح فكرك.. بحنان قلبي
أتاريك غدار.. يا فايتني في نار
من بعد رضاك والحنية.. ليه غدرك بان
عبد العزيز سلام


صعبان عليا
صعبان عليا.. من طول بعادك.. وانت حبيبي.. وانا اللي احبك
ترضي الأسية.. وفين ودادك.. وفين نصيبي.. من عطف قلبك

رضيت حنيني وقلت اراضيك.. وليلي كان فكر وأشجان
محروم وقلبي بينادي عليك.. من لهفة الشوق والحرمان
ياللي وهبت الروح لهواك.. ياللي نعيم الدنيا رضاك

فضلت أمني الروح بصفاك.. وانت علي القرب ناسيني
لا يوم بشوف عطفك ورضاك.. ولا ترحم الدمع في عيني
وازاي أشجاني تغيب عنك.. وازي تنساني وانا منك

الشوق في قلبي له أمارات.. والسهد له في عيوني دليل
أعيش بفكري ويا اللي فات.. والقي عذاب الحب جميل
ياللي ف هواك نسيت روحي.. ياللي رضاك دوا جروحي
محمد علي أحمد



عوام
عوام عوام ياللى على بر الهوى عوام
وبحره لو تنزله راح يكتروا اللوام
عوام ياللى ياللى على بر الهوى

تدفع دموعك تمن.. وتهون عليك الدموع
قلبك يدوب فى الشجن.. وياما دابت شموع
بيطفى نورها الزمن.. وبتضحك الأيام
عوام ياللي ياللي على بر الهوى

ياما وياما الهوى.. لوع قلوب يا خال
صبرت ودمع الجوى.. فوق الخدود سلسال
ليل الظنون ما انطوى.. رمش العيون ما نام
عوام ياللي ياللي على بر الهوى

الصبر أمره جميل جميل.. والقلب راضى وصابر
ومهما طال يا جميل يا جميل.. لابد حيكون له آخر
بحر الهوى يا عليل.. فكر وجروح وآلآم
عوام ياللي ياللي على بر الهوى
محمد علي أحمد


غني للدنيا
غني للدنيا.. مهما كان منها
تفرح الدنيا.. لو تغنيلها

شوف الطيور عايشة ف أحلام.. وكل طير ف الروضة فرحان
يودع الشمس بأنغام.. ويقابل الفجر بألحان
وهو فرحان بيغني.. وهو غضبان بيغني
غني للدنيا.. للشجر غني.. للنجوم غني.. للنسيم غني

ياللي حبيبك بعيد.. غنيله يسمع نداك
وإن كنت هاني وسعيد.. غني وبين هناك
في لوعة القلب غني.. وف نشوة الحب غني
للقمر غني.. للشجر غني.. للنجوم غني.. للنسيم غني

إن كنت عايش في ملل.. تلقي الغنا يحيي المني
مافيش حياة من غير أمل.. ولافيش أمل من غير غنا
إن طال عليك الليل غني.. وف كل وقت جميل غني
للقمر غني.. للشجر غني.. للنجوم غني.. للنسيم غني
مأمون الشناوي
***

قوللي إيه أخرة صبري
قوللي إيه أخرة صبري.. وياك يا أعز أحبابي
دي سنين بتفوت من عمري.. ويمر معاها شبابي

بتألم وانت شايفني.. وسايبني أعيش في آلامي
وخصامك بيخوفني.. ليزيد وتضيع أيامي
وبتبعد حبك عني.. مش عارف ليه
وتقرب صدك مني.. راح اقول لك ايه

إن كنت هويت تعذيبي.. صرح لي ولا تخبيش
راح تفضل برده حبيبي.. لو حتي ما تسعدنيش
ونسيت أيامنا الحلوة.. مش عارف ليه
وفايتني ف حيرة ونجوي.. راح اقول لك ايه

يسعدني اشوفك هاني.. واشوف ف البعد خيالك
واهدي لك أحلي آماني.. ما كانتش ف يوم علي بالك
وليه انت برده ناسيني.. مش عارف ليه
ولا مرة القاك تواسيني.. راح اقول لك ايه
سعيد المصري


التعديل الأخير تم بواسطة : نور عسكر بتاريخ 22/03/2020 الساعة 13h56
رد مع اقتباس
  #6  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي

إلهنا ما أعدلك

إلهنا ما أعدلك.. مليك كل من ملك
لبيك قد لبيت لك.. لبيك إن الحمد لك
والملك لا شريك لك

والليل لما أن حلك.. والسابحات في الفلك
ما خاب عبد سألك.. أنت له حيث سلك
لولاك يا ربي هلك
لبيك إن العز لك.. والحمد والنعمة لك
والملك لا شريك لك

يا غافلا ما أغفلك.. عجل وبادر أجلك
واختم بخير عملك
لبيك إن العز لك.. والحمد والنعمة لك
والملك لا شريك لك
أبو نواس

إلهي حمدا

إلهي حمدا اللهم شكرا.. اللهم عونا وعفوا وسترا
اللهم هبنا هداك لترضي.. وهبنا ثباتا وعزما ونصرا

اللهم حمدا لذاتك ربي.. وذكرا يساير دقات قلبي
ويملأ كل كياني وفكري.. ويجذب روحي لما قبل عمري
وقبل الوجود وقبل الزمان.. وإذ قلت كن يا وجود فكان
وقدرت رزق الخلائق يسرا.. اللهم حمدا اللهم شكرا

أيارب أدعوا لقومي ونفسي.. وللناس من كل صوب وجنس
بنور المحبة في كل قلب.. وفي كل أرض وفي كل شعب
فأنت الملاذ وأنت الضياء.. وأنت السلام ونبع الصفاء
وأنت بما يصلح الناس أدري.. اللهم حمدا اللهم شكرا
حيرم الغمراوي


يا رب يا سند الضعاف

الله الله الله يا كريم.. الله الله الله يا حليم
الله الله الله يا غفور.. الله الله لله يا رحيم

يا رب يا سند الضعاف.. أتيت في ضعف المحب وفي شرود الحائر
أنت الكريم فما لمنحك ممسك.. والأمر أمرك في عطاء غامر
أنا ليس لي حق عليك.. وإنما أمل الضعيف أمام عفو القادر
عبد الله شمس الدين

الله يا وهاب

الله الله الله يا وهاب يا شكور.. الله الله الله يا عفو يا غفور
الله الله الله يا علام يا قدير.. الله الله الله يا فتاح يا صبور
هبنا الهدي ونصرك المبينا

الله يا دائم لا يموت.. الله يا قائم لا يفوت
الله يا محيي ويا مميت.. الله يا مغيث يا مقيت
كن غوثنا وحصننا الحصينا

الله يا معز يا مقدم.. أنت العزيز المستعان الأكرم
البادئ الباقي فلا ينعدم.. المحسن الحامي الحفيظ الأرحم
ليس لنا سواك من يحمينا

الله يا خلاق يا منيب.. يارب يا رزاق يا حسيب
يارب يا رحمن يا قريب.. يا سامع الدعاء يا مجيب
إنا دعوناك فاستجب آمينا

ربي سبحانك

ربي سبحانك في أعلي علاك.. كلما ندعوك تعطينا يداك
ربي سبحانك ربي

غيم الليل فناديت إلهي.. فإذا الكون ضياء
وجري الدمع فناديت إلهي.. فإذا الدنيا صفاء
والرضا يملأ قلبي وشفاهي.. وتناجيني السماء

كلما تشرق شمس أو تغيب.. يملأ القلب ضياك
وإذا ضاقت من اليأس القلوب.. يغمر الروح هداك
وإذا ملت من العفو الذنوب.. صافح النفس رضاك
***


التعديل الأخير تم بواسطة : نور عسكر بتاريخ 22/03/2020 الساعة 14h50
رد مع اقتباس
  #7  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي

من إمتي حبيتك

إن كنتي عايزة تعرفي.. من إمتي حبيتك
وروحي إمتي عرفتك.. من قبل ما اشوفك
خدي من عينيا واكتبي.. قصة حياتي ف الهوا
هاتي عمر قلبي واضربي.. الثانيه في سنتين هنا
أهو دا غرامي احسبي.. شوفي يبقي كام مليون سنة

طول عمري بهرب.. من اللي رمش عينيه بيجرح
لكن جمالك لقيت له.. عندي ف القلب مطرح
والجرح جاني من رمش قاسي.. في عيون فاكرها وصاحبها ناسي
لما يضحك كان منايا.. يضحك سنة لقدام
واما يغضب كان شقايا.. يسبق سنين وايام

ياما قابلتك من غير ما اقابلك.. وفضلت اقوللك من غير ما اقوللك
بقيت أخاف قلبك يدري.. وييجي شيئ ف الغيب يجري
ما اقدرش اطول حتي النظرة.. والنظرة دي أملي ف بكرة
وبكرة ياما استنيته.. واسأل عليه يقولولي فات
من حبي فيكي حبيته.. اكمن حبي ما كانش ساعات

أول ما شفتك رفرفت.. ف القلب موجة من الفرح
مشيت في روحي وطولت.. والفكر غاب فيها وسرح
فكرت فيكي ف خيال.. لسه الخيال ما وصلش إليه
ولقيتني عاشق جمال.. لسه الجمال ما سمعش عليه
وفضلت بين الموج والميه حواليه.. عطشان ونار الشوق ما تطفيهاش ميه

حسين السيد



يا حبيبي

يا حبيبي قلبي ده اللي انت ناسيه
واللي بعته و اللي ياما لعبت بيه
راح يحبك حتي آخر دقة فيه
حتي آخر دقه فيه يا حبيبي يا حبيبي

كل يوم قلبي بيسألني عليك
كل يوم بيزيد في لهفة وشوق إليك
بدو يتملي بنورك
أمله يطمن علي الحب ف عينيك
فوت وشوف القلب ده تكسب ثواب
اللي منيته ووريته العذاب
واللي حالف مهما حيطول الغياب
راح يحبك حتي آخر دقه فيه
حتي آخر دقه فيه يا حبيبي يا حبيبي

يا حبيبي فين حكاياتنا الطويلة فين
فين ليالينا وأمانينا الجميلة فين يا حبيبي
فين زمان والحب لسه في أوله
واللي فات كله كأنه حلم ليلة
قوللي ياللي كل يوم بيزيد في بعدك
فوتني ونسيت خلاص أيامي عندك
ولا حتصون زي قلبي اللي وعدك
راح يحبك حتي آخر دقه فيه
حتي آخر دقه فيه يا حبيبي يا حبيبي

لو في بعدك عني راح تبقي سعيد
قوللي ما تعشمش قلبي من جديد
كل أملي تقضي أيامك هنا
وانت جنبي ولا وانت هناك بعيد
بس أفهم انكتب لي إيه ف حبك
لاجل اكون عارف حكايتي ويا قلبك
قوللي ما تخافش ده انا قلبي اللي حبك
راح يحبك حتي آخر دقة فيه
حتي آخر دقة فيه يا حبيبي يا حبيبي
صلاح فايز

يا ولاد بلدنا

يا ولاد بلدنا يوم الخميس.. حكتب كتابى وابقى عريس
الدعوه عامه وحتبقى لمه.. وحيبقى ليا فى البيت ونيس
يا يا ولاد بلدنا

حاكتب كتابى ع الحلوه زوبه.. وافقت عليا من غير خطوبه
وابوها قاللى ليه السؤال.. وانت فى بلدنا زينة الرجال
انا اشتريتك لما لاقيتك.. كسيب وعتره وحمش فى بيتك
ومادام عايزها وحتبقى جوزها.. الغالى لاجلك يبقى رخيص
اكتب عليها يوم الخميس

حاعملها ليلة ولا كل ليلة.. وحتبقى قصة بين كل عيلة
وحاجيب عوالم ومغنى ليها.. والزفه تبقى فرجة يوميها
وحاروش سكر وريحان معطر.. دا انا زوبه عندى بالدنيا واكتر
وحاقيم وليمة غالية وقيمة.. ويوميها حارقص كمان واهيص
دا انا يوم هنايا يوم الخميس
صلاح فايز


ياللى افتكرت وجيت تانى

ياللى افتكرت وجيت تانى ياما كنت خايف تنسانى
ياما كنت خايف ياما كنت خايف تنساني خايف

ياما الظنون سبقت فكرى سبقت فكري
ياما البعاد حرك اوهام حرك اوهام
والعمر كان كان بيفوت بيفوت يجرى
بيفوت يجرى لما بقيت اطوى الأيام اطوى الأيام
كان قلبى بيسابق عمرى علشان تروح وتجينى أوام وتجينى أوام
وما بين ظنونى وأشجانى ياما كنت خايف
ياما كنت خايف تنسانى خايف

ساعة ما كانت روحى تميل ويطير جناح الشوق يناجيك
كان كل شىء فى الدنيا جميل
والسحر يفيض منك وإليك
حتى النسيم كان ييجى عليك
ليلة ما اقوله يمسى عليك يمسى عليك
وما بين هيامى ووجدانى ياما كنت خايف
ياما كنت خايف تنساني خايف

ياللى افتكرت وجيت تانى يكفانى هجران وقسية
هجران وقسية
كتر البعاد ده خلانى حاخدك واشيلك فى عينيه
حاخدك واشيلك فى عينيه
المره دى جيتلى تانى مين عارف المرة الجاية
مين عارف المرة الجاية
انا كنت خايف انا كنت خايف تنسانى خايف
حسين السيد

ياللي انت بعيد

ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد
*****
انا اللي قلبي عمره ما مال الا لما شافك يا حبيبي
سلم سلامه ساعتها وقال: لقيت منايا ونصيبي
وعنيك ياجميل ..بعتت مراسيل.. وفهمت كلامها ولاغيته
اه ولاغيته
*****
كان البعاد ..شهرين اتنين.. حلفت ترجع بعديهم..
من يومها فاتوا كام شهرين ؟ عديت بقلبي ثوانيهم
إبعث لي وقول ..بعدك حيطول ..ولاَّ حتعود للي جافيته
اه اللي جافيته
*****
قالوا حبيبك جاي قريب ..ياهل ترى حيصون وعده ؟
ماليش سواه في الدنيا حبيب ..يواسي نار قلبي فبعده
خايف الأيام ..تطوي الأحلام ..وتضيع أملي اللي بنيته
اه اللي بنيته
*****
بينك وبيني ياروحي بلاد !! وازاي اعيش من غير روحي ؟
ياما خلفت ميعاد وميعاد ..غير اللقا يشفي جروحي
واللي بقاسيه ..ع الناس باداريه .. ويبان للعين مهما داريته
اه مهما داريته
*****
ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد
حيرم الغمراوي




التعديل الأخير تم بواسطة : نور عسكر بتاريخ 22/03/2020 الساعة 14h10
رد مع اقتباس
  #8  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي


يا رب وقت السحر

يا رب وقت السحر.. تتكلم العبرات
وتسلم الدعوات.. علي السبع سماوات

يا غافر الزلات.. يا ساتر الهفوات
العفو والمغفرة.. اصفح عن اللي فات

سبحت اسمك وذاتك.. عن فكرتي وعن عينيا
كفاية ألمح آياتك.. شاهدة بفضلك عليا
كفاية سرك معايا.. يا عالي عن كل غاية
بداية الأمر منك.. والأمر لك في النهاية

اجعلها توبة نصوح.. وطالعة ساعة رضا
واغفر لنا ما مضي.. والطف بنا ف القضا

عبد الفتاح مصطفي


الليلة حلوة

الليلة حلوة.. وحينا سهران
سهران وفيه.. البهجة والإيمان

وأولادنا غنوا.. وولعوا الفوانيس
والبيت منور.. كله يا رمضان

البيت منور.. والسهر ما أحلاه
فيه الكلام يحلي.. بذكر الله


بشراك ياصايم

بشراك ياصايم.. عند الله
لك أجر دايم.. عند الله

يا صايمين النبي قال.. الصيام جنة
فيها النعيم والثواب.. يا رب ناولنا
نفرح بنورها.. الله الله
ونشوف قصورها.. الله الله

للي يصوم فرحتين.. الفرحة ف الدنيا
ويا هناه من يفوز.. بالفرحة ف التانية
فرح ودوام.. الله الله
أجر الصيام.. الله الله

يا صايمين كلكم.. داوموا علي الإحسان
تنولوا كل الرضا.. في ساحة الرحمن
فيها عطايا.. الله الله
مالها نهاية.. الله الله

بيرم التونسي




هاتوا الفوانيس

هاتوا الفوانيس يا ولاد.. هاتوا الفوانيس
حنزف عريس يا ولاد.. حنزف عريس
حيكون فرح وتلاتين ليلة.. حنغني ونعمل هليلة
وحنشبع من حلوياته

كل حبايبه راح يعزمهم.. متواعدين وياه
حيفطرهم ويسحرهم.. والخير جايبه معاه
حنغير ريقنا علي خشاف.. والفول راح يتاكل حاف
وكنافة وقطايف بيضا.. يا ولاد والله سنتكم بيضا
والصايم يديه حسناته

م العشا راح تتلم اصحابنا.. ونروح كل مكان
ونغني علي نور فوانيسنا.. آه يا بنت السلطان
ويا بخت اللي يصالح صاحبه.. ويسبق بالخير ويروح له
إنشالله ما يقطع لنا عادة.. ويعوده عليكم ف سعادة
واللي يزكي له جناته

علي صوت الطبلة يصحينا.. ينادينا بحنان
قوم صلي ع الهادي نبينا.. يللا اصحي يا نعسان
يا صايم قوم وحد ربك.. من غيره يعزك ويحبك
وما تنسوش يا ولاد العيد.. بعده حييجي بلبس جديد
واللي يصلي يشوف كراماته
نبيلة قنديل

@@@
ياللي إنت زرت البيت

الله أكبر الله أكبر.. الله أكبر الله أكبر

ياللي إنت زرت البيت.. وللحرم حجيت
من زمزم اتوضيت.. وع النبي صليت
نادي الهوي لبيت.. من فوق جبل عرفات
وبالسلامة جيت.. وعدت بالبركات
واللي انكتب له هداه.. يحج بيت الله
عقبالنا حجة مباركة.. يا عايدين من مكة

يا زين قريش يا نبينا.. عليك صلاه وسلام
اشفع لنا واهدينا.. يا منصف الإسلام
نزل عليك جبريل.. قال يا رسول الله
بالوحي والتنزيل.. اقرأ باسم الله
ومن هدي القرآن.. اغمرنا بالإيمان
عقبالنا حجة مباركة.. يا عايدين من مكة

عبد العزيز سلام




التعديل الأخير تم بواسطة : نور عسكر بتاريخ 22/03/2020 الساعة 14h59
رد مع اقتباس
  #9  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي

رشوا الملح

رشوا الملح وغنوا وقيدوا شموع الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

ثورة بتبني بعزم وهمة للحرية.. ثورة ف كل حياتنا العامة واشتراكية
ثورة بتجري في دم عروقنا.. ندي وناخد كل حقوقنا
رشوا الملح بنينا علينا نادينا الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

ثورة ف كل طريق خطاويها ماشية تنور.. ثورة ف كل ميدان تلاقيها ثورة تعمر
كنا زمان دلوقتي بقينا.. كل الخير موجود ف إيدينا
رشوا الملح بنينا علينا نادينا الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

ثورة بكل حياتها تكافح لأجل كيانها.. ثورة بإيد الحب تصافح كل جيرنها
لأجل السلم ما ينشر ضله.. ويرفرف ع العالم كله
رشوا الملح بنينا علينا نادينا الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

محمد علي أحمد


شعب لازم ينتصر

شعب لازم ينتصر.. وقيوده لازم تنكسر
يا ويل عدو الشعب.. من ساعة الخطر

الشمس طلعت ع اليمن.. من بعد ما غابت زمن
تملا القلوب الحرة بالنور والأمل.. تملا الحياة أمجاد للشعب البطل
والصف واحد والقلوب فيه مؤمنة.. في كل ساعة بالعمل يعلي البنا

الشعب عليت كلمته.. صاحي وعارف سكته
عارف طريقه والكفاح بيوصله.. ومهما قاسي م التعب بيكمله
والنصر غايته في كفاحه يا عرب.. يا ويل عدو الشعب من ساعة الغضب

الشعب هوا اللي حكم.. وانهد عرش اللي ظلم
وآدي اليمن بين الصفوف متقدمة.. فاتت خلاص كل العهود المظلمة
كل القلوب الحرة تفديك يا وطن.. كل الشعوب الحرة تهتف لليمن

محمد حلاوة


يا رايح إسكندرونة.. وجاي إسكندرية
سلم ع اللي حبونا.. واهديلهم ألف تحية

سلم علي أهلي وناسي.. واحكيلهم عن إحساسي
وإن جيتلي تطمن قلبي.. يبقي جميلك علي راسي
سلم ع اللي وحشونا.. وارجع بسلامهم ليا

النيل من حبه ف بردة.. بيقول إحنا روح واحدة
وجمعنا الشمل ف وحدة.. والناس علي حبنا شاهدة
وجيراننا بيشاركونا.. في أعياد الحرية

أعياد الجمهورية.. المتحدة العربية
ف الموسكي والحامدية.. ف القلعة والصالحية
والناس جولنا يهنونا.. ويباركوا لوحدة قوية

أووووووف يابي يابي يابي أووووووف يابي

يا أخي

يا أخي يا ابن أبي.. يا شقيقي العربي
أنت مني أنت بي.. دمك الحر الأبي
استجب للعقل.. والأصل الكريم الطيب

نح عن وجهي سلاحك.. عد يمينا بيمين
قم معي وافعل كفاحك.. وثبة الحق المبين
أنت للطاغي وقود.. ولصهيونا لدود
أنت للذل وللعار.. مسوق ومقود
وا أرحماه يا أخي يا ابن أبي.. وا أنسباه يا شقيقي العربي

أنت إن تبسط يدا.. فسأحمي وحدتي
وسأمضي أبدا.. صاعدا في غايتي
أنت أشمت العدا.. اذكر اليوم غدا
هم أرادوك جحودا.. خانعا مستعبدا
وا أرحماه يا أخي يا ابن أبي.. وا أنسباه يا شقيقي العربي

أدمانا وحمانا.. والأماني والنضال
عبر أجيال طوال.. كلها دعوي خيال ؟!
لا وربي والأخوة.. هذه الأمة قوة
من يرد فيها انقساما.. راح في أظلام هوة
وا أرحماه يا أخي يا ابن أبي.. وا أنسباه يا شقيقي العربي

عبد الفتاح مصطفي


يا ام البلاد

جايلك بشوقي يا بلادي من بعيد.. جايلك وحاسس إني مخلوق من جديد
عديت بحور خطيت جبال دست السحاب.. ومشيت علي جرحي وانا ف عز الشباب
علشان أبوس منك بشوق حبة تراب
جاي من بعيد إنسان جديد.. جايلك وأول مرة أحس إني سعيد.. يا ام البلاد

جاي من بعيد من غربتي في بلاد كتير.. جايلك بشوقي ولهفتي وحبي الكبير
حبي لسماك أم الشموس أم القمر.. حبي لخمايل الورد ف أحضان الشجر
حبي لقناية ميه في قلب الغيطان.. بتبل ريق الأرض في حب وحنان
يا ام البلاد يا حنينة.. يا أغلي من روحي أنا
جايلك وكان يومي زمان.. بيمر في بعدك سنة
جاي من بعيد إنسان جديد.. جايلك وأول مرة أحس إني سعيد.. يا ام البلاد

يا ام البلاد يا جنينة في قلب الوجود.. أنا غبت عنك بس كان لازم أعود
لازم يجيبني الشوق ويرميني الهوي.. لما اتجرح بالغربة وأجيلك دوا
والله زمان ورجعتلك بعد الغياب.. والله زمان يا حلوة يا عيون الشباب
يا عيون شباب بلد الجمال.. يا عيون بشوف فيها النضال
يا عيون نطق فيها الأمل.. والعزم والحب الجمال
جاي من بعيد إنسان جديد.. جايلك وأول مرة أحس إني سعيد.. يا ام البلاد

محمد كمال بدر






التعديل الأخير تم بواسطة : نور عسكر بتاريخ 22/03/2020 الساعة 15h21
رد مع اقتباس
  #10  
قديم 06/03/2014, 04h32
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,702
Arrow كلمات اغاني محمد فوزي



مليون شهيد

سبع سنين والحرب داير.. وشعب قضي العمر ثاير
مليون شهيد.. كتبوا انتصارك يا جزاير

من بعد ليلة زلزلة.. ييجي الغنا وقت الصباح
دي مش نهاية المرحلة.. دي بداية تانية للكفاح
وف الليالي المقبلة.. أكتر كتير من اللي راح
واللي ينام "فطر" ايده ع الزناد.. ينام بعين والتانية صاحية للجهاد
دي في هدوء المعركة.. اللحظة تلعب بالمصاير

آمنتوا يا مستعمرين.. إن الشعوب صوت القدر
بموت قلوب تصبر سنين.. وتدوس علي الأمر الخطر
وتحقق النصر المبين.. وتكتبه بدم البشر
اللي انتصر صوت الضماير والقلوب.. اللي انتصر شهدانا من كل الشعوب
والإنسانية مجدها.. في يوم ما تحكم ع الضماير

خلوا المدافع ع الجبال.. رافعة صدورها للسماء
ورددوا لحن النضال.. حتي ف أفراح الحمي
وتوجوا الصبر اللي طال.. بذكريات الملحمة
شهيد شهيد غنوا تملي باسمهم.. وعمروا الأرض اللي شربت دمهم
النصر مش آخر الجهاد.. لكن بداية للبشاير

الأوله آه

الأوله آه.. والتانيه آه.. والتالتة آه

الأوله: كنت عامل من بين العمال
والتانية: بصرف علي زوجة وست عيال
والتالتة: مستني ربك يصلح الأحوال

الأوله: كنت عامل من بين العمال.. بيومية ربع جنيه
والتانية: بصرف علي زوجة وست عيال.. بس حاعمل إيه
والتالتة: مستني ربك يصلح الأحوال.. اللي اعتمادنا عليه


الأوله: كنت عامل من بين العمال.. بيومية ربع جنيه.. وشوية ما تكفيش
والتانية: بصرف علي زوجة وست عيال.. بس حاعمل إيه.. بالعافية قادر أعيش
والتالتة: مستني ربك يصلح الأحوال.. اللي اعتمادنا عليه.. وغيره هوا ما فيش

نادي المنادي في ليلة حلوة وهنية.. مبروك عليكو العدالة الاجتماعية
ليكو في مجلس إدارة الشركة عضوية.. وليكو كمان في المكاسب نسبة مئوية
فرحت فرحة ما كانت يوم علي بالي.. وأجري زاد وانصلح بعد الشقا حالي
والبيت إيجاره نزل وإيجاره كان غالي.. الله يخلي اللي خلي راسنا في العالي
أمن حياتنا وبلدنا بالإشتراكية

بيرم التونسي

@@@

ألفين ماشالله

ألفين ماشالله.. ع الوحدة ديا
وحدة قوية.. وبصفو نية
عيدنا النهاردة.. والدنيا شاهدة
والعربي أخويا.. مني وإلي

أصبحنا أمة ودولة كبري.. ولا عادي يقدر يجور علينا
مجد النهاردة نبنيه لبكرة.. ونمد إيدنا للي يصافينا
من كل عادي حنحمي جارنا.. ونجني خيرنا وندي غيرنا

أنا وابن عمي واللي يناصرنا.. واللي ينادينا واللي يسالمنا
نعيش يا دنيا أحرار في دارنا.. واللي يعادينا يا ويله منا
نزرع محبة تجمع قلوبنا.. وسلام يرفرف علي شعوبنا

الكلمة واحدة والأمة واحدة.. النيل وبردة مصر وسوريا
ويطول جهادنا نصنع بإيدنا.. تاريخ بلادنا بزنود قوية
جمع ما بينا عهد الأخوة.. بيزيدنا عزة ويزيدنا قوة

ألفين ماشالله

ألفين ماشالله.. ع الوحدة ديا
وحدة قوية.. وبصفو نية
عيدنا النهاردة.. والدنيا شاهدة
والعربي أخويا.. مني وإلي

أصبحنا أمة ودولة كبري.. ولا عادي يقدر يجور علينا
مجد النهاردة نبنيه لبكرة.. ونمد إيدنا للي يصافينا
من كل عادي حنحمي جارنا.. ونجني خيرنا وندي غيرنا

أنا وابن عمي واللي يناصرنا.. واللي ينادينا واللي يسالمنا
نعيش يا دنيا أحرار في دارنا.. واللي يعادينا يا ويله منا
نزرع محبة تجمع قلوبنا.. وسلام يرفرف علي شعوبنا

الكلمة واحدة والأمة واحدة.. النيل وبردة مصر وسوريا
ويطول جهادنا نصنع بإيدنا.. تاريخ بلادنا بزنود قوية
جمع ما بينا عهد الأخوة.. بيزيدنا عزة ويزيدنا قوة

إلــهي دَعـَـوتُكَ

إلــهي دَعـَـوتُكَ ! فاقــبَل دُعــــــائي
و نــــاديـتُ: يـا حي .. فاسـمع ندائـي
و مـَــن غَـيرُ بـابـِكَ يُحـيي رَجَائــــــي
فأمضي إلي النـــور خـَلـف الحجـــاب
صـــلاةً تـُغــَني لـقُـدسِ الضِيـــَــــاء
***
إلـهي .. تبــاركــت ربَ الســـمــاء
مع اللـيل تبعـــثُ فجـــر الضــــياء
وتفتحُ للــيأس بــاب الـرجــــــــــاء
ومـا خـاب من ظـَلـلـتهُ يــــــــداك
ولا ضــل في خطــوه مَــن دعــاك
فأنت السميــــع لـهـــمس الدعاء
***
لكَ المُـــلكُ والحــمدُ .. أنتَ النصــير
وأنــت الأمـَـانُ لــمـَن يـَسـَـتجــــــير
وأنتَ لمــن قـال : يــَــا ربِ .. نــــُــور
يــرُدُ السكـــينةَ لـلـحــــائـــــــــرين
ويَســكُـبُ للـــروحِ نـــورَ الـيَقيــــــن
و يمـــحو الأسي مـن ظــلامِ الصُـدور
***
إلـَـهي و مـا لـي دعـــاءٌ ســواكَ
و لا لي مع اللـيلِ إلا ضــيــــاك
و لا عــــونَ للــروح إلا يــَــــداكَ
إذا رَفـرفـَت كنـتَ فيها الدعــاء
وإن هَـتـَفَـت كنـتَ نـورَ الرَجــَــاء
فمـالي , و لا لي مُجيـرٌ عــَداك !!
محمود حسن إسماعيل

****

بلدي أحببتك يا بلدي

بلدي أحببتك يا بلدي.. حبا ف الله وللأبد
فثراك الحر تراب أبي.. وسماك يزف صبا ولدي

وطني والله رعي وطني.. حرا ف الأهل وف السكن
ماض يختال علي الزمن.. وغد يزدان لبعد غد

أهواك ضفافا لم تزل.. مرعي للحب وللغزل
أهواك ربيعا كالأزل.. للعيش الحلو وللرغد

أحرارك عين لم تنم.. وهتاف الحر بغير فم
فزع للظلم وللظلم.. بلدي بيدي حررت يدي
مرسي جميل عزيز

###

بحبها وعزها

بحبها وعزها.. وروحي ترخص لأجلها
ولعزها ولمجدها.. أموت وتسلم أرضها

عشانها أضحي بكل عزيز ملك إيديه.. وأبقي سعيد لما أؤدي فرض علي
رايتها عالية ومرفرفة فوق أرضنا.. قيمتها غالية واللي رفعها يعيش لنا
من حبي فيها.. بخاف عليها

آن الأوان بعد الجهاد سبعين سنة.. أرضك يا بلدي اتحررت بعد الضنا
أنا وأخويا مجندين وف خدمتك.. عمي وأبويا ورانا يحموا ثورتك
ساعة نداكي.. نحمي حماكي

زيدان إبراهيم







التعديل الأخير تم بواسطة : نور عسكر بتاريخ 22/03/2020 الساعة 15h07
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 09h13.


 
Powered by vBulletin - Copyright © 2000 - 2010, Jelsoft Enterprises Ltd