(للاسف الكلمات المنشورة - و حتى هنا بالمنتدى - لهذا الديالوج معتمدة على ما قدمه ايمان البحر درويش رغم تغيير بعض الكلمات و الجمل و اختفاء جزئين كاملين و الترتيب الغير منطقي للحوار)
و هي فرصة للتاكيد مرة اخرى على ان سيد درويش يجب ان تستمع اليه بصوته او باصوات المعاصرين او المتقدمين من اهل المغنى و عند الاستماع لموسيقاه الافضل هو تجارب التقديم في قالب اوركسترالي كامل و ليس لعزف الهواة او الات التخت
كلمات ديالوج ع النسوان كما قدمها سيد درويش و حياة صبري :
ع النسوان ياسلام سلم مافيش كده ابدا بهجة
ده احنا الوارثين يافندم ضاربين الدنيا طبنجة
ياحبيبتي دي جتتي ساحت و الحب اه نط في وشي
ودي ساعة الحظ إن راحت ابدا ماتتعوضشي
كل الأطيان لو ضاعت في بوسة مانستخسرشي
مين يشوفنا بالذمة و لايطلعش من دينه
و اللي يعمل لنا حشمة خليه يتلهي على عينه
ستات من احسن فورمة دا احنا النتايات الفينو
لا تقول شنجر و لا بنجر و لا كورسال و لا كازينو
السح النح يا مون شير كل دا إحنا بادعينه
احيه على مصر احيه شوف شبانها و بناتها
بسلامته عاملي جانتيه عايش ويا بسلامتها
وطن ايه بجه و سخام ايه بكرة تبان له لبتها
و البنك يطب عليه يشفط الاطيان كلتها
يسرح بقه سيدنا البيه بمخلل وآدي اخرتها
ده كلام ملاحيس مايهمش ماتتمسخرش علينا
إن شاء الله ماحد يحوش الفلوس في رجلينا
بنغني ونرقص بولكا ومازوركا ونسكر طينة
نلعب بوكر ونبقشش دي الجنيهات ملو ايدينا
إن راحت أطيان بابا البركة في صيغة نينة
كده ولا بلاش يامدارس دي بلدنا بقت منخوليا
يكفانا بس نعيرها قال ايه عاملين بكالوريا
والواحدة في طبخة نابت عاوزالها سبعين كخيا
مابدال التكنولوجيا يدوهم طبخالوجيا
وكلها لهجالوجيا وأومور أونطالوجيا
نعرف جغرافيا ونحوي وحساب وحاجات تراللي
خمسة في تسعة بستاشر وباريس في الوجه القبلي
بونجورنو فعل مضارع مفتوح على البحري تمللي
و صنعة هنري التاسع شيخ حارة في المتولي
ابجد هوز معناها بالتركي ابقى قابلني
(بعض الكلمات قد تكون غير دقيقة فبرجاء المراجعة و التصحيح)
مذهب الحبيب للهجر مايل والفؤاد ميال إليه من جفاه الدمع سايل ياناس قولولي أعمل ايه يفوتني ويصاحب العوازل هو جرى في الدنيا ايه دور للجمال أنا قلبي يعشق ياجميل انظر إليَ الوداد أحسن وأوفق بس ليه كثر الاسيه العوازل بتكايدني تبقى أنت والعزال عليَ
******* كلمات يونس القاضي الحان وغناء سيد درويش مقام ساز كار 1917
حرج عليّ بابا ماروحش السينما
وأقابلك فين..
حرج عليّ أنا من رأيي تكاتبني وأجاوبك وتجاوبني
وف أي يوم تطلبني
تلاقيني بغمزة عين لو عندك رأي غير ده ابديه ونشوف ده من ده
ما لهوش لازمة البعاد
والله انا ما بين نارين يارب أنت ياقادر ياجابر كل خاطر
يبقى اخلاصنا للآخر
وحياة جد الحسين ******* كلمات بديع خيري الحان سيد درويش مقام راست 1918
شد الحزام على وسطك غيره مايفيدك
لابد عن يوم برضه ويعدلها سيدك
إن كان شيل الحمول على ظهرك يكيدك
أهون عليك ياحر من مدت إيدك
ماتيالله بينا انت وياه ونستعين ع الشقا بالله
واهو اللى فيه القسمه طلناه واللى مايجيش انشا لله ما جاء
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
حقولك ايه واعيد لك ايه كله له آخر
دى خبطة جامدة وجت على عينك ياتاجر
يا وحستك دلوقت لاوارد ولاصادر
يحلها الفين حلال ربك قادر
قل لي في عرض النبي ياحسين رايحين نلاقيها منين ومنين
والاش متجوز اثنين يادنيا غوري جاتك البين
شوفوا البخيل يفضل منحوس ولو علقوا على بابه فانوس
فلوس دي ايه سكت ياجاموس هيه السعادة في غنا النفوس
شد الحزام على وسطك غيره مايفيدك
لابد عن يوم برضه ويعدلها سيدك
إن كان شيل الحمول على ظهرك يكيدك
أهون عليك ياحر من مدت إيدك
ماتيالله بينا انت وياه ونستعين ع الشقا بالله
واهو اللى فيه القسمه طلناه واللى مايجيش انشا لله ما جاء
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
قرب شيلني شيل لا تقوللي كتير وقليل
عمر الشدة ماتطول بكرة نهيص زى الأول
هيلا هيلا هيلا هيلا هيلا ليصه هيلا ليصه
هز الهلال ياسيد كراماتك لاجل نعيد
يكفى اللي حصل كام يوم ووصل بقى زارع بصل
هديت واهو راق الحال ورجعنا للأشغال
دا الموظف منا مش وش خناق ولا شومة
لما يحمر عينه ولا يقوم له قومة
حد الله مابيني وبينك غير حب الوطن ياحكومة
عشرين يوم راحوا علينا انشالله ياخدوا عينينا
بس المقصود يبقى لنا وجود والدنيا تعود
ياما شفنا م الستات طلعوا وعملوا مظاهرات
والكناسين رخرين راسهم وألف مقشة
مايكنسوا بس كنسة ولا يرشو رشة
والصنايعية راحم جايبين ضلفة أحسن ورشة
الغلي اللي شاربينه ياريت العالم شايفينه
دي ماهيه إيه الكام جنيه ياخواتي برّيه
من خمسة منه تروح وبقيته أقول أبوح
وبسلامتها الست بتاعتي ماتتوصاشي
ولا تولدليش في البطن إلا اتنين كده ع الماشي
وييجي الجزار والخضري والبقال ينعلو أبو خاشي
هز الهلال ياسيد كراماتك لاجل نعيد
يكفى اللي حصل كام يوم ووصل بقى زارع بصل
هديت واهو راق الحال ورجعنا للأشغال
دا الموظف منا مش وش خناق ولا شومة
لما يحمر عينه ولا يقوم له قومة
حد الله مابيني وبينك غير حب الوطن ياحكومة