محطات مضيئة عن حياة رائد و عميد المقامات العراقية المرحوم الأستاذ محمد القبانج
محطات مضيئة عن حياة رائد و عميد المقامات العراقية المرحوم الأستاذ محمد القبانجي
( 3 )
د . عدنان جواد الطعمة
مختارات من أغاني الأستاذ محمد القبانجي
غنيّة يا غنيّة
( بيات )
غنيّة ويا غنيّة حنّي عليّ اشويّة
آه يا بنيّة آه يا بنيّة
* * *
غنيّة يا أغاتي انت روحي و حياتي
هجرچ سبب مماتي حنّي اشويّة عليّ
آه عليّ آه عليّ
* * *
حنّي عليّه حنّي يا حلوة وسألي عنّي
تحت الـگمريّة نغنّي و نلبس ثوب الـگمريّة
آه الـگمريّة آه الـگمريّة
* * *
الـگمر لو غاب و راح خدچ مكانة وضاح
خل نطرب نشرب أقداح و بالحب إنصفّي النيّة
آه النيّة آه النيّة
( راجع : حلمي 1، صفحة 14 )
منّي اشبده و تاذيني
لحن و غناء الأستاذ محمد القبانجي
( كرد )
منّي اشبده و تاذيني يا منيتي و يا عيني
منّي اشبده و تاذيني
* * *
تاذيني ليش و بيا ذنب و دموعي من عيني تصب
الأوفق اترك و اجتنب و كل القهر يكفيني
* * *
مر و قهر منّك شفت وانت عليّ ما تلتفت
داريتك آنا و محسبت بالملعنة تجازيني
( راجع : حلمي 1، صفحة 44 )
ياللي نسيتونه
لحن و غناء الأستاذ محمد القبانجي
( لامي )
ياللي نسيتونه يمته تذكرونه
يمته نجي عالبال و تساعدون الحال
يمته تذكرونه
* * *
عفتونه يا أحباب لا داعي لا أسباب
غلقتوا بوجهنه الباب رحتوا و عفتونه
يمته تذكرونه
* * *
جيتوا عليّ امنين شفتوني إنتوا وين
صابتنه آه العين يوم النظرتونه
يمته تذكرونه
* * *
چنه بجسد روحين ما نفترگ یومین
صار البعد سنتین رحتوا و عفتونه
يمته تذكرونه
( راجع : حلمي 1، صفحة 56 )
هيا بنا
لحن و غناء الأستاذ محمد القبانجي
( همايون )
هيا بنا هيا بنا هيا بنا ضاع التعب و ياك أنا
يا ابن الحمولة
حچي الحچيته وياك أنا بالك تگوله
* * *
گلبي احترگ وجهين أنا شبهچ يا طاوة
گولوله للبطران أنا یحچي برهاوة
* * *
ريت الوصال ايكون أنا ليلي و نهاري
واللي سعه بفرگاك أنا يسعر بناري
( راجع : حلمي 1، صفحة 80 )
قدّم لي برهانك
لحن و غناء الأستاذ محمد القبانجي
( راست )
قدّم لي برهانك ونفيلي بهتانك
يا من إلك سنتين تواعدني بإحسانك
* * *
گدامي تحچي بزين و تحچي وراية بشين
يا أسود العينين شوية احفظ السانك
* * *
خذ من دليلي نار دمع البيابي نهار
يا ظالم و مكار غدر الولف شانك
* * *
غنيت بسمك دوم غنيلي انت يوم
يلي حرمتني النوم لطفك و إحسانك
* * *
ليلي إلك سهران ومعذب الأجفان
بخمر الأمل سكران و بسجن بستانك
* * *
قدم دليل ايكون منك أكون ممنون
صدّگ اخي العيون و كذّبلي آذانك
( راجع : حلمي 1، صفحة 106 )
يا حلو يابو السداره
لحن و غناء الأستاذ محمد القبانجي
( بسته نـگار )
يا حلو يابو السداره متيمك سويله چاره
* * *
يا حلو حسنك سبانه و رگبتك چالخيزرانه
أرجو منك و بْميانه صرت مغرم بالسداره
* * *
يا حلو بيك ابتلينه كلنا الشوگك هوينه
من تمر سلّم علينه و لو يدعج بالإشاره
* * *
للصبر خلاني اجرعه ايبايع و يهجر بسرعه
معرفت اشلون طبعه اشگد حلو لابس سداره
* * *
يا حلو منك شلت هم سهم لحظك بيه ألم
گلبي من حبك متيم يمته ترحمني بأشاره
( راجع : حلمي 1، صفحة 210 )
يالزارع البزر انگوش
( نهاوند )
يالزارع البزر انگوش إزرع النا حنه حنه حنه
و جمالنه غربن واويلي لشام او ما جنه جنه جنه
* * *
و محملات ابذهب واويلي فوگ الذهب حنّه حنه حنه
* * *
دگ الحديد على الحديد وا ويلي واسمع له رنّه رنّه رنّه
* * *
يا محبوبي جرحتني داويني و يالزارع البزرنگوش إزرع لنا حنه
حنه حنه
( راجع : حلمي 1، صفحة 212 )
أنا المغني
لحن و غناء الأستاذ محمد القبانجي في مؤتمر الموسيقى العربية في القاهرة 1932
أنا المغني في كل نادي دوما أنادي تحيا بلادي ( 2 )
* * *
أنا المغني بنغمة شرقية (2 ) أنا العراقي نفسي أبية
* * *
وكت المذلة أهوى المنية المجد قصدي و العز مرادي
أنا المغني في كل نادي دوما أنادي تحيا بلادي ( 2 )
* * *
بغداد غني الروضة خصبة مايتنه حلوة و ورودنا طيبة
أنا المغني في كل نادي دوما أنادي تحيا بلادي ( 2 )
* * *
يا دجلة سيلي باوطاني عذبة إسقي الجنائن واغمري الوادي (2 )
أنا المغني في كل نادي دوما أنادي تحيا بلادي ( 2 )
( نقلا عن السي دي )
المراجع
الأب أنستاس ماري الكرملي : محموعة في الأغاني العامية العراقية ، مجلدان بغداد 1999.
إبراهيم عوبديا : في دنيا المقامات و الغناء الشعبي العراقي ، 1999 .
الحاج هاشم محمد الرجب : المقام العراقي ن بغداد 1983 .
حمودي الوردي : كقام المخالف ، بغداد 1969 .
سالم حسين الأمير : الموسيقى و الغناء في بلاد الرافدين ، بغداد 1999 .
الشيخ جلال الحنفي : الفنون البغداديون و المقام العراقي ، بغداد 1964
عبد الفتاح حلمي : أنغام من التراث العراقي ، جمع النصوص و دوّن النوتة الموسيقية الفنان عبد الفتاح حلمي ، الجزء الأول ، من إصدارات نقابة الفنلنين العراقيين – المركز العام ، بغداد 1984 .
عبد الكريم العلاف : الموال البغدادي ، بغداد 1964 .
كمال لطيف سالم : أعلام المقام العراقي و رواده ، الطبعة الأولى 1985 ، بغداد .
ماجد شبر : مدخل إلى المقام العراقي ، لندن 1995 .
المحامي عطا رفعت : الأغنية الشعبية و الفولكلور الغنائي العراقي ، بغداد 1985 .
ألمانيا في 12 / 6 / 2007
|
العرض الشجري