* : تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 13h37 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)           »          سلوى رشدي - مونولجست (الكاتـب : حازم فودة - آخر مشاركة : نور عسكر - - الوقت: 00h43 - التاريخ: 27/03/2024)           »          الثنائي سعد و اكرام (الكاتـب : abuaseem - آخر مشاركة : نور عسكر - - الوقت: 00h09 - التاريخ: 27/03/2024)           »          سعاد وجدي (الكاتـب : نور عسكر - - الوقت: 23h25 - التاريخ: 26/03/2024)           »          خالد عبدالله (الكاتـب : abuaseem - آخر مشاركة : محمود نديم فتحي - - الوقت: 23h11 - التاريخ: 26/03/2024)


العودة   منتدى سماعي للطرب العربي الأصيل > صالون سماعي > دعوة موسيقية على أغنية

موضوع مغلق
 
أدوات الموضوع طرق مشاهدة الموضوع
  #1  
قديم 18/07/2007, 11h40
الصورة الرمزية غازي الضبع
غازي الضبع غازي الضبع غير متصل  
عاشق عبدالوهاب
رقم العضوية:3243
 
تاريخ التسجيل: juillet 2006
الجنسية: مصري
الإقامة: أم الـدنيـــــا
المشاركات: 1,213
افتراضي في قلبي غرام محمد عبد المطلب

أبدأ بنفسي وأدعوكم أيها الأخوة والأخوات على أحلى وأجمل أغنية سمعتها في حياتي ( من وجهة نظري ) ..
في قلبي غرام
محمد عبد المطلب
من ألحان : عبد العظيم محمد
http://sama3y.net/forum/showthread.php?t=67&page=4
المشاركة 32

هذه الرائعة من روائع مطرب الشعب محمد عبد المطلب ( الله يرحمه )
ما أجملها .. وما أروعها
ومافيش مرة أسمعها غير لما أعجب بيها أكتر وأكتر
شوفوا آداء عبد المطلب فيها ..
ولو إني مش متخصص بس أنا متأكد إنها أغنية صعبة جدا
ولو جرب أحد أن يغنيها ، لن يخرجها كما أخرجها طلب ، اللحن عايز حنجرة قوية جدا
وتحس كده إن لو واحد عادي غناها لازم يبذل مجهود كبير قوي عشان يأديها زي ما هي ..
وعلى النقيض تماما لما غناها طلب تحس إنه بيغنيها وهو سايب إيديه ( زي ما بيقولوا ) .. أقصد إنه غناها ببساطة جدا وبدون أدنى مجهود لإن العادي بتاعه هو أعلى جهد لأي مطرب آخر ..
وفعلا جربوا كده تغنوا الأغنية دي ( خصوصا الكوبليهات .. زي .. وتشجيني معانيها ، وأرددها واغنيها .. وانا سهران )
وبعد ما تجربوا تغنوا الكوبليهات أكيد هاتعرفوا إزاي الأغنية صعبة جدا للناس العاديين وسهلة خالص لعبد المطلب .
أما اللحن بقى وهو طبعا لعمنا عبد العظيم محمد .. فعلا ماحصلش
وياريت لو حد يحللنا اللحن الجميل ده .. ( هه يا آلاتي )
ويفيدنا بالمقام المستخدم ..
أتمنى أن تكون دعوتي لكم حازت قبولكم ، وأنا في انتظار تعليقات حضراتكم وردودكم وتحليلكم ..
على أجمل أغنية سمعتها وعلى فكرة .. أنا عاملها نغمة موبايلي
وماتتخيلوش قد إيه ناس كتير اتحايلت عليا أنقلها لهم ، بس بصراحة مابرضاش

تحياتي واحترامي
غازي



__________________
الحمد لله رب العالمين
  #2  
قديم 19/07/2007, 07h30
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: دعوة موسيقية على أغنية

فكرة جميلة ياعم غازى .. وتستحق المتابعة ..

ولكن لا تنتظر منى إختيار أغنية تعجبنى .. لأنى أتعامل مع الأغانى بشكل مختلف .. فى كثير من الأحيان لا ألتفت للكلمات بقدر إهتمامى بالجمل الموسيقية والتحويلات .. أسمع الأغنية بأذن ناقدة .. وهذا يفقدنى فى معظم الأحيان متعة الإستماع العادى للأغنية ..

عموماً : أترك مهمة الإختيار لك وللأخوة الأعزاء .. وسأشارككم التحليل وإستنباط مواطن الجمال فى الأغنية المُختارة متى إستطعت ..

وبصراحة ياأخى .. أنا مش عارف الجدع ده إللى إسمه أحمد الديب .. راح فين بالظبط .. مش شايفه خالص .. ولاّ مهام ( المشرف العام ) واخداه مننا .. سايبنى وحدى فى وش المدفع .. أتمنى أن يتواجد معنا فى هذا الموضوع ..

إنتظر منى تحليل ( فى قلبى غرام ) فى الرد القادم بإذن الله ..
__________________
مع تحياتى .. محمد الألآتى .. أبو حسام .


  #3  
قديم 19/07/2007, 07h36
الصورة الرمزية غازي الضبع
غازي الضبع غازي الضبع غير متصل  
عاشق عبدالوهاب
رقم العضوية:3243
 
تاريخ التسجيل: juillet 2006
الجنسية: مصري
الإقامة: أم الـدنيـــــا
المشاركات: 1,213
افتراضي رد: دعوة موسيقية على أغنية

اقتباس:
المشاركة الأصلية كتبت بواسطة الألآتى مشاهدة المشاركة
فكرة جميلة ياعم غازى .. وتستحق المتابعة ..


ولكن لا تنتظر منى إختيار أغنية تعجبنى .. لأنى أتعامل مع الأغانى بشكل مختلف .. فى كثير من الأحيان لا ألتفت للكلمات بقدر إهتمامى بالجمل الموسيقية والتحويلات .. أسمع الأغنية بأذن ناقدة .. وهذا يفقدنى فى معظم الأحيان متعة الإستماع العادى للأغنية ..

عموماً : أترك مهمة الإختيار لك وللأخوة الأعزاء .. وسأشارككم التحليل وإستنباط مواطن الجمال فى الأغنية المُختارة متى إستطعت ..

وبصراحة ياأخى .. أنا مش عارف الجدع ده إللى إسمه أحمد الديب .. راح فين بالظبط .. مش شايفه خالص .. ولاّ مهام ( المشرف العام ) واخداه مننا .. سايبنى وحدى فى وش المدفع .. أتمنى أن يتواجد معنا فى هذا الموضوع ..


إنتظر منى تحليل ( فى قلبى غرام ) فى الرد القادم بإذن الله ..
أحمد الديب شكله كده بيصيّف يا عم ومطنش المنتدى خالص ..
أنا في انتظار تحليل في قلبي غرام ..
والكلام على عمنا عبد العظيم محمد ..
وبعدين برضه مستنيك ترد العزومة ..
يعني تعزمنا إنت كمان على أغنية ( عزومة سهلة قوي ) وببلاش
ومستنيين عزومات باقي الأعضاء والمشرفين
تحياتي
غازي
__________________
الحمد لله رب العالمين
  #4  
قديم 19/07/2007, 09h12
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: دعوة موسيقية على أغنية

بسم الله نبدأ تحليل أغنية ( فى قلبى غرام ) ..

حرام عليك ياعم غازى .. إخترت أغنية رهيبة .. فظيعة .. شنيعة .. مريعة .. إيه الجمال ده ..

ياأخى .. أنا سمعت الأغنية دى عشرات المرات .. ولكنى لم أستمتع بها إلا بعد أن تمعنت فيها بغرض تحليلها .. ماهذا اللحن .. عبد العظيم محمد ده ملحن جامد ..

سأحاول تقمص دور أستاذنا عمار الشريعى أثناء تحليل الأغنية .. لأنى من عشاق تحليلاته .. مع الفارق الشديد طبعاً .

نبدأ بالكلمات التى أبدعها الشاعر ( إبراهيم البهلوان ) ..

واضح من الكلمات .. أن العاشق يعيش على ذكرى مضت .. يعيش على أيام المحبوب الجميلة والتى يفتقدها بعد الهجران ..

تقول الكلمات .. فى قلبى غرام مصبرنى على خصامك وطول بعدك .. وأقول أنساك .. يحايلنى ويغلبى كمان ودك ..

هذا هو المذهب .. واضح طبعاً أن العاشق لم يستطع نسيان حبه القديم .. وإن كان يحاول أن يقنعنا بأنه حاول النسيان ( بيتمحك يعنى ) ولكن الحب غلبه ولم يستطع النسيان ..

يقول فى الكوبليه الأول .. فى قلبى غرام يفكرنى بأيام الهوى الحلوة .. وذكرى هواك تسهرنى ويسمعها الفؤاد غنوة ..

مازال العاشق يعيش أيام حبه ولا يستطيع النوم بسبب التفكير فى المحبوب ..

وفى الكوبليه الأخير .. يعاتب المحبوب قائلاً له .. فى قلبى وروحى جاوبتك وهنيتنى وأنا جنبك .. وليه تخدعنى فى حبك وتحرمنى حنان قلبك ..

وعلى هذا المنوال لأخر الأغنية ..

نأتى للحن .. وياله من لحن ..

بدأ الملحن بمقدمة موسيقية قصيرة .. على إيقاع الفوكس تروت .. وإختار مقام الحجاز ليبدأ به لحنه .. وبالتحديد حجاز الرى ( الدرجة الأصلية لمقام الحجاز ) .

ولكنه أنهى المقدمة الموسيقية بمقام نادر الإستعمال .. مقام ( الزنجران ) .. وهو مقام يجمع مابين الحجاز والعجم ..

إذن .. المقدمة الموسيقية تحتوى على مقامين ( الحجاز والزنجران ) ..

ويبدأ بعدها عمنا طلب فى الغناء ..

يبدأ بمقام الحجاز .. ولكنه ينتقل سريعاً لمقام الكرد .. وبالتحديد عند ( على خصامك وطول بعدك ) .. ويعود سريعاً أيضاً للحجاز مرة أخرى .. وينهى المذهب بمقام الزنجران .. ويتغير معنا الإيقاع بالطبع إلى إيقاع ( السنباطى ) وهو إيقاع رباعى الميزان .. ومن فصيلة إيقاع الواحدة أو المصمودى .

ونسمع نفس المقدمة الموسيقية بنفس مقاماتها .. يظهر أنها أعجبت الملحن فقرر أن يكررها مرة أخرى ..

ويغنى عبد المطلب الكوبليه الأول من نفس المقام ( الحجاز ) ولكنه لا يستقر عل الحجاز وإنما يعرج بنا على الزنجران .. ويعود للحجاز فى الشطرة الثانية من الكوبليه .. ويلمس الكرد أثناء عودته مجرد لمس .. ونسمى هذا نحن الموسيقيين ( عُربة )

وينهى الكوبليه بنفس الشكل فى المذهب وبالتحديد عند ( وأقول أنساك يحايلنى ويغلبنى كمان ودك ) ..

وهنا يظهر الكورال .. ليؤدى المذهب تمهيداً للكوبليه الثانى .. الذى ينتقل فيه الملحن لنفس مقام الحجاز ولكن من درجة جديدة .. هى درجة الصول .. ويعود بعدها للحجاز الأصلى بدأً من ( بلون الورد تفرحنى ) .. لينهى الأغنية بنفس المذهب ..

ومما سبق .. يتضح لنا أن جمال الأغنية يكمن فى التنقلات بين المقامات وخاصة أنها مقامات متجاورة .. حتى عندما قرر الملحن الإنتقال لدرجة أخرى فى السلم الموسيقى .. لم يترك مقام الحجاز .. وإنما إستعمله من الدرجة الجديدة ..

ولن أستطيع الكلام عن عبد المطلب .. فإنه عبد المطلب وكفى .. مطرب بجد .. مطرب حساس .. مطرب وخلاص .. ماأقدرش أقول أكتر من كده عنه ..

أتمنى أن يكون تحليلى على قدر من الوعى الموسيقى .. وألا أكون خرفت .. إلا إذا كانت أذنى خانتنى .. وأنا أثق بها على أى حال ..


__________________
مع تحياتى .. محمد الألآتى .. أبو حسام .


  #5  
قديم 19/07/2007, 11h15
الصورة الرمزية غازي الضبع
غازي الضبع غازي الضبع غير متصل  
عاشق عبدالوهاب
رقم العضوية:3243
 
تاريخ التسجيل: juillet 2006
الجنسية: مصري
الإقامة: أم الـدنيـــــا
المشاركات: 1,213
افتراضي رد: دعوة موسيقية على أغنية

اقتباس:
المشاركة الأصلية كتبت بواسطة الألآتى مشاهدة المشاركة
بسم الله نبدأ تحليل أغنية ( فى قلبى غرام ) ..


حرام عليك ياعم غازى .. إخترت أغنية رهيبة .. فظيعة .. شنيعة .. مريعة .. إيه الجمال ده ..

ياأخى .. أنا سمعت الأغنية دى عشرات المرات .. ولكنى لم أستمتع بها إلا بعد أن تمعنت فيها بغرض تحليلها .. ماهذا اللحن .. عبد العظيم محمد ده ملحن جامد ..




وينهى الكوبليه بنفس الشكل فى المذهب وبالتحديد عند ( وأقول أنساك يحايلنى ويغلبنى كمان ودك ) ..

أحسنت يا أستاذ محمد يا آلاتي
ومافيش بعد كده ..
أنا بس ليا تصحيح صغير قوي ..
الظاهر إن حضرتك بتسمع اللازمة على إنها ( وأقول أنساك يحايلنى ويغلبنى كمان ودك ) ..

بس هي في الحقيقة ..( وأقول أنسى .. يحايلني ويغلبني زمان ودك )
والكوبليه الجميل دا أعتقد إن كثير منا مر بمثل هذا الموقف
وهو إن بعد الخصام ما يطول والواحد يوصل لمرحلة متأخرة قوي ، وخلاص دخل في مرحلة اليأس
ويقول لنفسه الحل الوحيد إني أنسى
ييجي زمان الود والمحبة والمواقف الجميلة والأيام السعيدة تحايل فكر الإنسان ، وتغلبه .. فلا يستطيع النسيان .
ولإن الواحد في قلبه غرام عشان كده هو صابر على هذا الخصام ..
فيقول ..
في قلبي غرام .. مصبرني على خصامك وطول بعدك
وأقول أنسى .. يحايلني ويغلبني زمان ودك
في قلبي غرام .. مصبرني
بس تحليل هايل يا كبير الآلاتية :icon_roll

خالص تحياتي وامتناني
غازي
__________________
الحمد لله رب العالمين
  #6  
قديم 20/07/2007, 04h38
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: دعوة موسيقية على أغنية

هاهاهاها ..

معلش ياعم غازى .. العتب على الودن البايظة .. يمكن علشان أنا مهتم بالموسيقى أكثر .. لم أنتبه لصحة الكلمات ..

شكراً للتصحيح ..
__________________
مع تحياتى .. محمد الألآتى .. أبو حسام .


  #7  
قديم 21/07/2007, 15h32
الصورة الرمزية غازي الضبع
غازي الضبع غازي الضبع غير متصل  
عاشق عبدالوهاب
رقم العضوية:3243
 
تاريخ التسجيل: juillet 2006
الجنسية: مصري
الإقامة: أم الـدنيـــــا
المشاركات: 1,213
افتراضي رد: دعوة موسيقية على أغنية

إيه يا عم محمد يا آلاتي
إيه البخل ده
طب رد العزومة طيب
ولا لسه ماهضمتش من عزومتي

أنا مستنيك ومستني الناس كلها :ras::fish:

تحياتي
__________________
الحمد لله رب العالمين
  #8  
قديم 21/07/2007, 22h56
الصورة الرمزية Heather Hamed
Heather Hamed Heather Hamed غير متصل  
مواطن من سماعي
رقم العضوية:25310
 
تاريخ التسجيل: avril 2007
الجنسية: مصرية
الإقامة: الولايات المتحدة
المشاركات: 30
افتراضي رد: دعوة موسيقية على أغنية

السلام عليكم ورحمة الله وبركاته
استاذ غازي انا بشكر حضرتك كتيييييير جدا و بحييك على الموضوع الجميل ده بجد ما شاء الله عليك
و عايزه اقولك اني سمعت الاغنيه اللي حضرتك عزمتنا عليها و سمعت الكوبليه برضو غلط زي الاستاذ محمد و ده خلى المعنى المقصود مايوصلنيش بس بعد ما حضرتك مشكور صححت الغلط و وضحت معناه انا فعلا حبيت اني اسمع الاغنيه تاني لأن هي فعلا بتعبر عن احساس كل واحد مننا لما بيتبهدل و يحب و مهما أخد قرار بالبعد والنسيان يفتكر ولو كلمه واحده حلوه من الحبيب و يرجع يلاقي نفسه في نفس دائرة الحبيب
اهنيك على الموضوع و اهنيك اكتر على الاغنيه اللي توجع القلب دي :heartpump:heartpump
  #9  
قديم 21/07/2007, 23h07
الصورة الرمزية mokhtar haider
mokhtar haider mokhtar haider غير متصل  
رحمك الله رحمة واسعة
رقم العضوية:1707
 
تاريخ التسجيل: mai 2006
الجنسية: جزائرية
الإقامة: الجزائر
العمر: 77
المشاركات: 1,662
افتراضي رد: دعوة موسيقية على أغنية

فكرة هايلة يا أستاذ غازي.. أنا لي اقتراحات و اختيارات غنائية أطرحها للأخوة و سأرد بالتفصيل بعد يومين 3 حيث أن الموضوع يهمني بجد... مشاغل عائلية لا تترك لي حالا مجالا للمشاركة الجدية... لاكن أنا متابع الموضوع... و بارك الله فيكم
  #10  
قديم 21/07/2007, 23h09
الصورة الرمزية غازي الضبع
غازي الضبع غازي الضبع غير متصل  
عاشق عبدالوهاب
رقم العضوية:3243
 
تاريخ التسجيل: juillet 2006
الجنسية: مصري
الإقامة: أم الـدنيـــــا
المشاركات: 1,213
افتراضي رد: دعوة موسيقية على أغنية

اقتباس:
المشاركة الأصلية كتبت بواسطة pepo25 مشاهدة المشاركة
السلام عليكم ورحمة الله وبركاته


استاذ غازي انا بشكر حضرتك كتيييييير جدا و بحييك على الموضوع الجميل ده بجد ما شاء الله عليك
و عايزه اقولك اني سمعت الاغنيه اللي حضرتك عزمتنا عليها و سمعت الكوبليه برضو غلط زي الاستاذ محمد و ده خلى المعنى المقصود مايوصلنيش بس بعد ما حضرتك مشكور صححت الغلط و وضحت معناه انا فعلا حبيت اني اسمع الاغنيه تاني لأن هي فعلا بتعبر عن احساس كل واحد مننا لما بيتبهدل و يحب و مهما أخد قرار بالبعد والنسيان يفتكر ولو كلمه واحده حلوه من الحبيب و يرجع يلاقي نفسه في نفس دائرة الحبيب

اهنيك على الموضوع و اهنيك اكتر على الاغنيه اللي توجع القلب دي
أنا اللي باشكرك قوي يا آنسة / مدام Pepo 25
كلام حضرتك جميل قوي
وفعلا عندك حق الكلمات ممكن تكون مش واضحة لكن أول ماتوضح هاتلاقي الصورة والمعنى كله ظهر وظهر جماله ..
وعلى فكرة أحلى حاجة في الأغنية إن كل كلمة فيها معناها " في قلبي غرام "
اللازمة والكوبليهات
ويا سلام على آخر كوبليه فيها اللي بيقول :
بقلبي وروحي جاوبتك
و هنتني و انا جنبك
و ليه تخدعني فى حبك
و تحرمني حنان قلبك
بلون الورد تفرحني
و بعد الشوك ما يجرحني
تداري عينيــــــــــك
يا ريت قلبك ما هناني
ما كانش الهجر خلاني
افكر فيـــــــــــــــك
و اقول أنســــــــــى
يحايلنى و يغلبني
زمان ودك
فى قلبي غرام مصبرني

أقولكم على سر شخصي ..
أنا يا ما بكيت على هذه الأغنية :sad: لإني كنت عايش كل كلمة فيها

تحياتي
__________________
الحمد لله رب العالمين
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 14h05.


 
Powered by vBulletin - Copyright © 2000 - 2010, Jelsoft Enterprises Ltd