هده محاولة مجانية لكتابة كلمات اغنية المرجع كما اسمعها. الكلمات المشكوك في صحتها كتبت بالاحمر الرجاء من الاخوة تصويبها وان امكن بالتشكيل حتى تسهل قراءتها:
عندي كبار تقوللي شن درت**و عندي صغار تقوللي كيف صار
تكبر.. تكبر هلك كان كبرت**و فعلك يظل في العيون كبار
*****
شبحك يكون بعيد كان نظرت**ما تكون يا صاحب طاقك صار
ما تقول في المعياد درت و درت**خلها الناس تقول دار و دار
لا تنتفح عالناس كان انشكرت**يندى ولد لجواد من الاشكار
لا تقول حاصل لا تقول عبرت**و لا تظل ديمة ناقلك تيار
*****
لا تقول رابح و لا تقول خسرت**يجيك بومغازة قاصدك ميار
و لا تقول عاجز لا تقول قدرت**و لا تقول عدما والايام عشار
لا تقول فاضي العون كان بحرت **تقسى دقيقة يقلبك ديار
لا تقول عظمي صب لا انكسرت**العظم المقشش يلحمه جبار
*****
لا تقول فارس وين لا ديرت**يدور الفلك تحتاج لبوحمار
لا تقول راقي لا تقول حذرت**لا تقول عاطي للزمان.. و دار
كله مقدر ما تقول اخترت**اللي قالك في الهم ما جبار
لا تقول فوق الريح.. لا فقرت**و اضحك على المليم و المليار
*****
قدر لوجهه الله كان اخترت**اللي يتكل على الله ما ينهار
لا تقول خليت لا تقول عمرت**الدنيا هواء و الله هو العمار
قدر لوجهه الله كان احترت**اللي متكل على الله ما ينهار
لا تقول خليت و لا تقول عمرت**الدنيا هواء و الله هو العمار
__________________ لو تؤمريني فوق نسمة انطير*** ونجيبلك حزمة نجوم تنير تضوي طريق الحب للانسان***يا ليبيا و تزرع ترابك خير