كلمات اغاني محمد فوزي

[فاروق سالم]

ياليالي الشوق

ياليالي الشوق فاض مني الشوق على بر الشوق رسيني
أنا ليا نصيب أنا ليا نصيب وإن كان لي نصيب

حلاقيه في الغيب مستنيني رسينى رسيني

يانجوم الليل ياحايرة ويا حيرتي وانشغالي

كم قمر فات وانتِ دايرة تسألي معايا الليالي
دنا ليا سنين في سهر وحنين مشغول بخيال

بيصحيني على حب جديد وبلاده بعيد

موصوف لدموعي آه وحنيني وحنيني

له عندي نصيب وإن كان لي نصيب

حلاقيه في الغيب مستنيني رسيني رسيني

حواليا كل جمال وجمال تسهر عليه العين وتنوح

تسهر عليه العين وتنوح
ياما فاتلي ويا الفجر آمال قبل النهار تتنسي وتروح
قبل النهار تتنسي وتروح
أتارينى عاشق طيف وخيال والحب عاوز قلب ورورح
والقلب دا فين وطريقه منين ياليالي الشوق ماتدليني
بيقولوا هناك فاتح شباك بيقوم اليل ويناغيني
له عندي نصيب وان كان لي نصيب

حلاقيه في الغيب مستنيني رسيني رسيني

دورت عليك ياحب وانا يوم عن يوم محروم

ومشيت من قلب لقلب ولا عمري صادفتك يوم
مفضلش غير السفر أطويه في ليلة سهر
يمكن الأقيه واعرف أراضيه

ومسير تيجي موجة توديني

وان تعب الموج همشي على الموج

أيام وسنين بدموع عيني بدموع عيني

لك عندي نصيب وان كان له نصيب

حلاقيه فى الغيب مستنيني رسينى رسينى

[محمد حسين عطية]

مجهود رائع وممتاز من اخوانى واخواتى المشتركين فى هذا الموضوع
انظروا مدى روعه الكلمات ومدى روعه محمد فوزى فى الاداء
لكنه للاسف لم ياخذ حظه فى الدنيا مثل ابناء جيله
رحمه الله
هذه اخر صوره لمحمد فوزى قبل وفاته بايام

[طائر السعد]

ممكن كلمات اغنية يا عيني على قلبي
كلمات الابياري ولحن محمد فوزي

[جابر المراغي]

u على فكره ياأخواننا أغنية كلمنى طمنى أغنيه عملها البارع / محمد فوزى بدون فرقه موسيقيه فيقال والله أعلم أن الفرقه الموسيقيه لم تحضر وقت تسجيل تلك الاغنيه فقام الملحن بتحفيظ الكورس اللحن وقاموا بأداء الموسيقى بأفواههم وكانت مجازفه ومخاطره منه ولكن محمد فوزى كعادته دائما كان ناجحا فى تلك التجربه الذى انفرد بها وحده ولم يستطع غيره أن يفعلها لاقبله ولابعده مش بأقول لكم فنان متفرد فى كل أعماله وصاحب اللحن السهل الممتنع

[انور الحارث]

انت تقصد بالتأكيد( فن الكابلا)الموجود منذ القرن الخامس عشر

وهو يحتاج الى موهبة وتركيز وابداع

حاليااا هناك الموهبة علاء وردى يقدم هذا النوع من الفنون

تحياتناا اخت ليلى وجميع المشاركين والف شكر على الجهود

أنور الحارث

[جابر المراغي]

أستاذ أنور الحارث ممكن توضيح أكثر لفن الكابلا الذى أشرت اليه حضرتك يعنى فين بالضبط نشا وياريت لو تدينا أمثله لهذا الفن للمبدع الاستاذ / عمر وردى ولك جزيل الشكر سلفا

[انور الحارث]

الكابلا هى كلمة ايطالية الأصل وتعنى مؤدى او مجموعة من المؤدين يقومون بالغناء والرقص والعزف أيضاً من دون أستخدام اى الة موسيقية .
ويرجع السببب الى وجود هذا الفن وأنتشاره الى أسباب دينية ، ففرق الانشاد الموجودة فى الكنائس تقدم أغانيها الدنينة والترانيم والمزامير بهذه الطريقة.
كما ان فرق الانشاد الدينى الاسلامية تقدم أغانيها بدون أستخدام اى الالات موسيقية واعتماداً على الصوت والموهبة البشرية فقط.
وبدأ هذا الفن فى الظهور بقوة فى أواخر القرن الخامس العشر وفى البدايات فقط كانت الة موسيقية خفيفة تصاحب بعض مقاطع الغناء الصعبة.ولكن سرعان ما أختفت الالة فى اوائل القرن السادس العشر والى يومنا هذا

فن الكابلا كان يستخدم فى أثناء الحروب وكوسيلة لشخذ همة الجنود.

وكما ذكرت أخي جابر الفنان المبدع:محمد فوزى له تجربة (اغنية كلمنى وطمنى ).

وكذلك الفنان الموهوب علاء وردى مثال:

Nancy Ajram - Fi Hagat (Cover By Alaa Wardi) - YouTube

[نور عسكر]

ياهل تري

ياهل تري ياللي في بالي.. مشغول وحالك من حالي
نادي الغرام والوجد عليك.. ولا انت هاني البال خالي
فاكر حنيني ياهل تري.. ولا ناسيني ياهل تري

ألاقيك ع البعد معايا.. في دنية حبي
أشرح إليك نجوي هوايا.. وفرحة قلبي
وانا وياك بغنيلك.. في ذكري هواك واناديلك
فاكر حنيني ياهل تري.. ولا ناسيني ياهل تري

ألاقيك في سارحة أفكاري.. عمر بيجري
وتشعل الأشواق ناري.. ويشرد فكري
في ماضي بعيد.. وماضي قريب
والشوق بيزيد.. ونار ولهيب
فاكر حنيني ياهل تري.. ولا ناسيني ياهل تري

ألاقيك في دنية أوهامي.. فكرة جميلة
وألاقيك في جنة أحلامي.. قصة طويلة
بقالي سنين.. عايش فيها
معاك يا ضنين.. وبحكيها

تلبية لطلب الأستاذ: طائر السعد.. هذه هي كلمات أغنية "يا عيني علي قلبي" للرائع محمد فوزي

يا عيني علي قلبي

يا عيني علي قلبي.. مال قلبك ماله؟! حب الجمال كله
يا عيني علي حبي.. مال حبك ماله؟! محتار علي خله
آه من عينيا جنت عليا.. من نظرة واحدة للزهرة ديا.. والوردة ديا والفلة ديا

نامت زهور الجناين.. وفتحت أزهارك.. يا ليل يا ساحر يا ليل
جمال زهورك فاتن.. زود يا قلبي ف نارك.. غنيت وقولت يا ليل يا ليل
يا ناري من خدك.. مال خدي؟! أسرني لون ورده
يا روحي علي قدك.. مين قدي؟! بقول كده برده

النرجس اللي سحرني.. لونه لقيته ف عيونك.. آه من عيونك آه
والفل دا اللي أسرني.. خد لونه من لون جبينك.. وإزاي أنا أسلاه آه
لون شفتك زاهي.. والتانية؟! تقتلني ضحكتها
يا رمشك الساهي.. شمبانيا.. أسكر بحلاوتها
أبو السعود الإبياري

فستانك الأبيض يا جماله

الأبيض
فستانك الأبيض يا جماله.. لايق علي حسنك ودلالك
يا بخته مين أسعد منه.. متمتع وحده بجمالك
لون الأمل والدموع.. والفكر شارد وغايب
ولون بياض الشموع.. ف الفرح ليلة الحبايب

الأخضر
لون العشم والعشرة الحلوة.. يا بخته اللي موعود بيها
خلي العشم مين عارف بكرة.. يمكن آمالك تنوليها

الأحمر
اللون الأحمر دا جنان.. يشبه للوردة الخجلانة
لايق ع الخد العطشان.. والشفة الحلوة العطشانة
لون الحب ولهاليبه.. لما تقيد ناره وتزيد
لون القلب وتعذيبه.. لما أمله يبقي بعيد


متهيألي إنك تهواني
متهيألي إنك تهواني.. ولافيش حد ف قلبك تاني
مين قال لك علي كده.. مين قال لك ؟!
متهيألي.. متهيألك ؟! متهيألي

متهيألي إنك حيرانه.. طب قوللي ليه فكري احتار؟!
بتحبي ولا إنتيش داريانه.. وعينيكي كلها أسرار
مين قال لك علي كده.. مين قال لك ؟!
متهيألي.. متهيألك ؟! متهيألي

متهيألي عينيكي مراية.. شايف فيها جنة حبي
لازم إنت عرفت هوايا.. لما قريت اللي ف قلبي
بتحبيني ؟! اسأل قلبك.. قلبي سألته.. قال لك إيه ؟!
قال لي إن إنتي حياتي وروحي.. وأنا حبك ما اقدرش عليه

يعني صحيح قلبك يهواني.. متهيألي.. متهيألك ؟! متهيألي
إني بحبك.. وانا وانا بحبك.. إني بحبك.. وانا وانا بحبك
***
يا ميت صلاة الزين

يا ميت صلاة الزين.. علي عرايسنا
شمس وقمر الاتنين.. نورهم مآنسنا

طل القمر من فوق.. يتهني وياكم
فاض بالحنين والشوق.. من شهد نجواكم
ساعة ما شاف قلبين.. نورهم مآنسنا

ليلتك هنا وسرور.. ما بعدها ليلة
زادها عريسك نور.. يا مشرفة العيلة
والشمل ضم اتنين.. نورهم مآنسنا

فرحتكم يا أحباب.. ف قلوبنا معناها
واللي زمانه طاب.. ف الحب يلقاها
والعين تقول للعين. نورهم مآنسنا
صالح جودت

[نور عسكر]

علم الثوار

علم الثوار.. علم الأحرار
بتلات نجمات.. صبحوا إخوات
علي أرض الأمة العربية

رفرف يا علمنا وهنينا.. بالجمهورية المتحدة
يا أملنا ورمز لأمانينا.. ف الزحف العربي للوحدة
سوري وعراقي مع المصري.. بقوا واحد عربي ومتحرر
والدم اللي ف عرقه بيجري.. شعلة للعالم بتنور

جماهير واتحدت كلمتها.. تبني الأمجاد والحرية
أبطال وارتفعت رايتها.. علي أرض الأمة العربية
بتنادي بوحدة عربية.. لشعوب العرب الأحرار
وحدة جبارة وقوية.. حتضم جميع الأقطار

وحدة وأساسها الحرية.. بتصون العهد ولا تخونه
بنيانها كله اشتراكية.. يارب احمي علمنا وصونه

علي زهران

غنوا ل 23 يوليه

غنوا ل 23 يوليه.. عيد الثورة عيد الأحرار
عيد كل الأحرار ف الدنيا.. يوم الجيش والشعب ما ثار

صحانا وهدانا ضياه.. وسبقنا الأيام وياه
وبنينا أمجادنا معاه.. وانهزم الطغيان وانهار

صحانا علي صبح جديد.. وصدقنا معاه المواعيد
وحتفضل يا أجمل عيد.. للأمة العربية منار

ف بلادنا صرنا الحكام.. وخطانا يا دنيا لقدام
وشعارنا محبة وسلام.. ودا أغلي وأعز شعار

مصطفي عبد الرحمن

مصر فوق الجميع

مصر فوق الجميع.. وبنا تفتدي
نحن حصن منيع.. في وجوه العدا
رددوا.. مصر فوق الجميع
أنشدوا.. مصر فوق الجميع
جاهدوا.. مصر فوق الجميع

نحن أسد في ميادين القتال.. نفتدي بالروح آمال الوطن
وبعزم وكفاح ونضال.. نلفت الدهر ونسترعي الزمن
اتركوا المجد القديم.. وازدهوا بالمقبل
إن ف الشعب العظيم.. عدة المستقبل

همة أضحت مثالا للهمم.. تقهر الأعداء تفني المعتدين
أمة تزهو علي كل الأمم.. في ركاب النصر بالفوز المبين
طهروا أرواحكم.. وافتحوا باب الأمل
تبسم الدنيا لكم.. في ميادين العمل

مصر والسودان والنيل السعيد.. وحدة نبني بها المجد التليد
حطموا الأغلال لسنا بالعبيد.. إننا الأحرار ف العهد الجديد
عالم الظلم تبدد.. وبدا نور اليقين
مجدنا الماضي تجدد.. في حمي الجيش الأمين

عبد العزيز سلام

فرحة وزينة

فرحة وزينة ف كل مدينة.. ومواكب أحرار في وادينا
جايبة معاها ورد وحنة.. وروايح من عطر الجنة
بتبارك للثورة ولينا

شايف موكب جاي طوالي.. من أسوان والسد العالي
بيهني بعيد الحرية.. وبثورتنا الاشتراكية
رمز العزة والوطنية
وبنينا سد وعلينا.. والدنيا بحالها تهنينا
وتبارك للثورة ولينا

موكب تاني جاي من غزة.. جاي ورافع راية العزة
وبيحلف بحياة الثورة.. بكرة بلاده حتصبح حرة
والغاصب راح يطلع بره
والفرحة هتعم علينا.. والدنيا بحالها تهنينا
وتبارك للثورة ولينا

مصطفي كمال حسين

ليله بيضا علينا

ليله بيضا علينا ويوم نادي.. وأمان وسلام
وبعوده الأيام يا بلادي.. وبعوده الأيام

السنة بتدور.. علي هنا وسرور
ويجينا بخير.. ومحبة ونور
ومعاه أحباب.. بتدق الباب
علشان ما تبارك.. فيه وتزور
كان نعمة من نعم الهادي.. بالحق بيهتف وينادي

له أغلي معاد.. وإن راح أو عاد
ما بيبعدناش عن.. حبه بعاد
كان أول عيد.. ع الأمة سعيد
وجميع أيامنا.. بقت أعياد
وضمنت بعزمي وبجهادي.. مستقبل بلدي وأولادي

اللي طلبناه.. عشنا وشفناه
ولولاه ما عملنا.. اللي عملناه
بكفاح وإيمان.. حنعيش ف أمان
ولا نخضع لحظة.. لغير الله
ويا ويلكم منا يا أعادي.. لو جيتوا ف يوم الناحية دي
####

يا إفريقيا شعبك حر

الشعب الحر معاه أحرار.. وإنتي يا أفريقيا شعبك حر
وعشان الجنة نفوت ع النار.. وعشان الحلو ندوق المر

الشعب الحر إن حب يعيش.. لازم حيعيش ولابد يعيش
بعد الحرية الغالية مافيش.. عبودية مافيش ومذلة مافيش
ضحينا وزمن المستحيلات.. انتهي من مدة طويلة وفات

بالعزم إن قلتي لمجدك كون.. لازم حيكون ولابد يكون
وعشانه الدنيا بحالها تهون.. والعمر يهون والدم يهون
تتسلي عيشتهم بالطغيان.. فاكرين العالم زي زمان

بكفاحك قولي لحقك عود.. لازم حيعود ولابد يعود
والباغي كأنه ما كان له وجود.. ولا كان موجود ولا عاد له وجود
ماعرفنا طريق النصر منين.. وحقوقنا ناخدها إمتي وفين

فتحي قورة
@@@@
يا بلادي

يا بلادي يا بلادي.. يا بلادي يا بلادي
وهبت كل الأغاني.. إليكي طول الزمان
فأنتي كل الأماني.. يا جنتي يا بلادي

يا غايتي ف الوجود.. يا غابة للأسود
الله قد قال سودي.. يا جنتي يا بلادي
عشقت منك الضفاف.. والريف والصفصاف
والنيل بالرزق وافي.. يا جنتي يا بلادي

الريف زرع كريم.. والنيل فيض عميم
والنبل طبع قديم.. في جنتي وبلادي
يا ماء حيل السواقي.. فياضة الأشواق
مطلولة الأمشاق.. تروي جنان بلادي

يا بلادي يا بلادي.. يا بلادي يا بلادي
رحماك يا نور عيني.. قدمتني أي دين
فإن أتي يوم حيني.. هتفت تحيا بلادي

مختار الوكيل

[نور عسكر]