Re : فن الغنايا في أفراح الساحل التونسي
" تحيفة ضريفة زينها غرّضني : للمرحوم أحمد البرغوثي "
---------------------------------------------------------
تحيفة ضريفة زينها غرّضني ** و غرامها تحت الكسي مرّضني
زينها زهّفني ** و غرامها تحت الكسي هيّفني
إذا ريتها انحسه في الجواجي ردفني ** ترقل عظامي وين ما تعرضني
يتبيّن عليها ليّا و اتّـلّفني ** ترمي الجوى يكنّها تبغضني
يتبيّن عليها ليّا ** الضّحك و التّرحيب و اللّزميّه
و العين و الميعاد و الخلويّه ** تحكّر عليّّا الصّيت و تخلوضني
شون بخت بلعاني شماتا فيّا ** بعد ال نحصّل ظلها تلفضني
شون بخت شون العيشه ** حبيب ال نحبّه يزيد في تدريشه
بلا موجعه يعمل عليّا قيشه ** و يعود يتنطّر و هو في حضني
هذا من شدّة زعم ولّا لياشه ** ها الفعل بالظّاهر بديا غايضني
هاذاك شدّة زعمه ** ولّّا ّلياشه ليه قلّة طعمه
ولّا عماني الحب نايا لعمى ** و صهد الهوى كالصّايبه مرّضني
هفي حالتي هفيان خيط الطّعمة ** مرج كبدتي بالخافية قرقبني
مرج كبدتي بالخافية ** معس كبدتي قص هسها بالوافيه
درف زادني ريافين فوق ريافي ** و كمّل العبره و البكيا حفّضني
تلاجيت ما لقيتش حبيّب صافي ** يهوّن عليّا الحال و يريّضني
تلاجيت ماكبر بيني ** و تشويت من حر الهوى شاويني
نزل داه مزّق كبدتي و كنيني ** مرج رجني كيف الحليب مخضني
من بنت طيبه وين ما تلاقيني ** تصرخ عليّا وين ما تعرضني
من بنت يا رفقايا ** و منها سبايب علتي ووجايا
من حبها حتّى العباد حذايا ** تلافظ يهز القلب ويقفّضني
لا ناكرة لا قالت راك دوايا ** تحرّش عليّا ابليس و تواعدني
لا ناكرة لا قرّت ** لا بيّنت حب النّصيحة عرّت
لا جافية منها الخواطر فرّت ** بنديرها ما عادش يهيّضني
تحكم عليّا بالعوج تشرّط ** تخومضت منها وفعها خومضني
تحكم عليّا سوري ** لا حكومة بن يعرب و لاهو دوني
حكومة دلال معوّجا يا هولي ** تحط الطّعام حذاي و تنوّضني
رماني عليها الحب ماكبر هولي ** هي رايضة و غرامها قابضني
رماني عليها داعي ** سوى كان مقموح ولّا ساعي
داريتها تستر عليّا اوجاعي ** و ناخذ هواها في الهوا ينفضني
استغفرت لله تبت بعد ضياعي ** بحسن الرضا في الخاتمة يثوّبني
|