ألحان محمد عبد الوهاب لعبد الحليم بصوت عبد الوهاب على العود
أهواك
أهواك وأتمنى لو أنساك
وأنسى روحي وياك
وإن ضاعت يبقى فداك لو تنساني
وأنساك واتاريني بأنسى جفاك
وأشتاق لعذابي معاك
وألقى دموعي فاكراك أرجع تاني
في لقاك الدنيا تجيني معاك
ورضاها يبقى رضاك
وساعتها يهون في هواك طول حرماني
وألاقيك مشغول وشاغلني بيك
وعيني تيجي في عينيك
وكلامهم يبقى عليك وإنت تداري
وأراعيك وأصحى من الليل أناديك
وأبعت روحي تصحيك
قوم ياللي شاغلني بيك جرب ناري
------------------------------------------------------------------------------------------------------------------------------
يا قلبي يا خالي
يا قلبى يا خالي .. جاوب عن سؤالي
مشغول من إيه .. وشاغلني ليه
ليه ليه .. يا قلبي ليه
الدنيا في عيني بقت حلوة .. إيه اللي زود حلاوتها
وإيه اللي خلاها غنوة .. وإيه اللي خلاك غنيتها
تفوت ع النور .. تقول مش نور
وتعشق نور سواد العين
وييجي الليل تحب الليل .. تنسى الفجر يوم واتنين
ليه ليه .. يا قلبي ليه
ما يكونش يا قلبي اللي بيجرى .. لغيرك هو اللي جرالك
ما تكونش قابلت عنيه مرة .. وميعادهم كان مش على بالك
بتنكر ليه .. شاور لي عليه .. أشوفه معاك وأروح وياك
تقاسي النار وأنا محتار .. ليه تحرمني أقاسي معاك
ليه ليه .. يا قلبي ليه
يا قلبي يا خالي
---------------------------------------------------------------------------------------------------------------------------------
ظلموه
ظلموه القلب الخالي ظلموه
قابلوه شبكوه وارتاحوا لما شغلوه
وعدوه يزوروه ونهار ما افتكروا يهنوه
نسيوه وفاتوه واتاريهم قبل ما ينسوه ظلموه
طول عمري قلبي خالي ويخاف من الغرام
من كل رمش جارح في نظره وابتسام
كانت العيون تقابلوا وتلمح بالكلام
يهرب من قبل حتى مايردلهم سلام ..
لحد عنيك ما قابلوني
نسيت روحي وتاه عقلي
وطال الشوق وظلموني
واتاري القلب هو اللي ظلموه
ظلموه القلب الخالي ظلموه
قابلوه شبكوه
وارتاحوا لما شغلوه وعدوه يزوروه
ونهار ما افتكروا يهنوه
نسيوه وفاتوه واتاريهم قبل ما ينسوه
ظلموه
جبت الطبيب يداوي سالني الجرح فين
قلت اسال قلبي اللي زايد دقتين
سمع في القلب حاجه
وقال دا رمش عين صاحبوا رماه وناسي
بقالوا جمعتين ..
لحد عنيك ما قابلوني
نسيت روحي وتاه عقلي
وطال الشوق وظلموني
واتاري القلب هو اللي ظلموه
ظلموه القلب الخالي ظلموه
قابلوه شبكوه
وارتاحوا لما شغلوه
وعدوه يزوروه
ونهار ما افتكروا يهنوه
نسيوه وفاتوه واتاريهم قبل ما ينسوه
ظلموه
انا اللي السحر دايما كنت اهرب من عنيه
وانا اللي قلبي عمرو ما حد جار عليه
ازاي حبيتك انت وحبيتك انت ليه
احتار القلب يسال واحترت اقولو ايه ..
لحد عنيك ما قابلوني
نسيت روحي وتاه عقلي
وطال الشوق وظلموني
واتاري القلب هو اللي ظلموه
ظلموه القلب الخالي ظلموه
قابلوه شبكوه
وارتاحوا لما شغلوه
وعدوه يزوروه
ونهار ما افتكروا يهنوه
نسيوه وفاتوه واتاريهم قبل ما ينسوه
ظلموه