أعمال من تنفيذ الفنان محمد الآلاتي - الصفحة 58

**الألآتى** · #**571** 10/07/2009, 11h21

إخوانى الأعزاء

أقدم لكم اليوم ..

المقدمة الموسيقية لأغنية ( قبل النهاردة )

وهى من أغنيات الفنانة وردة ..

ومن ألحان وتوزيع الموسيقار عمار الشريعى ..

إسمعوا هذه المقدمة الموسيقية .. وستعرفون لماذا قمت بتنفيذها ..

**عثمان دلباني** · #**572** 10/07/2009, 16h10

انت عايز تعمل فينا ايه اكثر من كدة يا عم ابو حسام

مايسترو و الله

**فؤاد** · #**573** 10/07/2009, 17h00

ت تم تم ترمتم تررا را ترارارا صح كده

الله عليك ياأستاذ أبو حسام
مقدمة غايه في الروعه
تسلم أختياراتك
أغنية ورده غنتها عام 1986
وكانت ومازالت
قنبلة
(( عمار الشريعي وو........ورده ))

شكراً ياأستاذ

**محمودسعد** · #**574** 11/07/2009, 00h12

النهارده الجمعه واديني لسه صاحي الساعه 3 قبل فجر السبت لاني كنت محتاج نوم بطريقه ماتتصورهاش وانت عارف انا بديت بالكلام ده ليه ؟
ثانيا وقبل ماسمع ؟
انت اخترت كعادتك مزيكه صعبه صعبه صعبه لاغنيه اصعب طبعا وملحن عبقري وفظيع في الجمل اللي بيعملها في الحانه وده لانك عبقري وجميل ودماغك كلها عبقريه موسيقيه وعندي استعداد اقول الكلام ده في اكاديميه الفنون لانك المفروض تبقي مدرس كبير في الموسيقي

**اسلام عاكف** · #**575** 14/07/2009, 18h31

اشكرك يا استاذ على هذا الشرح الوافي لطريقة عملك....انا ايضا استخدم برنامج frooty loop وانا بصراحة من الناس اللي بيستسهلوا في عمل الموسيقى والايقاعات ولكن بعدما عرفت طريقتك هذه ارجو ان اعمل بمزيد من الاتقان الذي يصاحب اعمالك وساحاول ان اصل الى مستوى ابداعاتك ولكني اعرف ان المهمة صعبة و ربما تكون مستحيلة حينما يكون المثال الاستاذ محمد الالاتي

**الألآتى** · #**576** 04/08/2009, 10h37

إخوانى الأعزاء

قصيدة لست قلبى

من أحلى ماغنى عبد الحليم حافظ

شعر : كامل الشناوى

ألحان : محمد عبد الوهاب

توزيع : على إسماعيل

قمت بتنفيذها بإمكانياتى المتواضعة ..

وغنيتها كمان .. ياللا .. مش حارمكم من حاجة .

**unicorn** · #**577** 05/08/2009, 00h17

اقتباس:

المشاركة الأصلية كتبت بواسطة الألآتى

إخوانى الأعزاء

قصيدة لست قلبى

من أحلى ماغنى عبد الحليم حافظ

شعر : كامل الشناوى

ألحان : محمد عبد الوهاب

توزيع : على إسماعيل

قمت بتنفيذها بإمكانياتى المتواضعة ..

وغنيتها كمان .. ياللا .. مش حارمكم من حاجة .

عسل يا استاذ محمد ,
جميلة و الله
لا و ايه مخارج الالفاظ احسن من حليم ذات نفسه ,
جذبتنى من الذرا و رمتنى الى الثرا
اللسان بيخرج كما يقول الكتاب ,
و لا العزف و المزيكا مظبوطة صح الصح و متوصى بنفسك تمام
صححتلى معلومة أن اندريا رايدر هو اللى وزع اللحن , كنت باحسبه على اسماعيل
بس و النبى ما تغيب فى عمل الاغانى و تنسانا فى درس المقامات , عشان غازى و منعم ابتدوا يتريقوا عليا هناك .
شكرا جزيلا يا استاذ محمد , عقبال ما تعبيلى الشريط بتاعى

**الألآتى** · #**578** 05/08/2009, 04h59

ربنا يجبر بخاطرك زى ماجبرت بخاطرى ابو مندور ياحبيب قلبى ..

12 واحد حملوا الأغنية .. ومافيش حد عبرنى بكحة أو بعطسة حتى ..

عرفت ليه بقى أنا مقل فى تنفيذ أغانى جديدة .. مافيش تشجيع ..

أما بالنسبة لموزع الأغنية .. خد المعلومة دى ..

الأغنية دى إحدى أغنيات فيلم معبودة الجماهير .. وهى بالفعل من توزيع على إسماعيل وقد إشترك أندريا رايدر وعلى إسماعيل فى توزيع الأغنيات

وكان نصيب أندريا رايدر أغنية جبار

ونصيب على إسماعيل .. أغنية أحبك وأغنية بلاش العتاب وأغنية حاجة غريبة وأغنية لست قلبى . والموسيقى التصويرية للفيلم لعلى إسماعيل ..

وبخصوص دروس المقامات .. يظهر إن الموضوع نايم شوية .. مع إنى قلت إنه تفاعلى .. بس الواضح إن فيه ناس واخده الموضوع بتهريج حبتين .. وناس مستصعبة العملية .. ربنا يسهل ..

**عفاف سليمان** · #**579** 05/08/2009, 09h00

معلش استاذنا محمد الالاتى
الطلبه بتوعك مش نايمين ولا حاجه
والله مصحصحين خالص ومستعديين للدروس انا عن نفسى
برسم الشجر لما هتلاقونى فرعت الموسيقى اوراق كثيره
بس افهم يارب وابقى تلميذه نجيبه وشطوره
وتعبيلى انا كمان مش اغانى
لا حواديت
بينى وبينك انا نفسى اعمل حواديت زى ابله فضيله لانى بحبها
وصوتى ينفع ربما فى كده
لكن اغنى لاااااااااااااااااااا
يجتلونى يابوى
ههههههههههههههههه
تحياتى لحضرتك وهسمع الاغنيه لست قلبى وهرد عليها
تلميذتك الجديده فى اخر تخته فى مدرسة التعليم
عفاف

**عفاف سليمان** · #**580** 05/08/2009, 09h27

موسيقارنا الاستاذ محمد الالاتى
اقولك بحق ومش كذب
صوتك جميل والتوزيع رائع
والكلمات خارجه كما قالى اخى
ابو مندور واضحه
كما اوضحت لنا بعض المعلومات عن الاغنيه
وعن الفيلم الذى كانت فيه الاغنيه من توزيع موسيقى لعلى اسماعيل واندريا رايدر
تحياتى لاختياراتك الموفقه والجميله
اختكم عفاف