كلمات اغاني محمد فوزي

[نور عسكر]

هذه أغنية الورد مالي كل الوجود في بهاه
كلمات إدوارد سليمان
غناء وألحان محمد فوزي

إهداء إلي د. عبد المنعم وجميع عشاق محمد فوزي

الورد مالي كل الوجود ف بهاه

الورد مالي.. كل الوجود ف بهاه

وانا قلبي خالي.. مش لاقي مين يملاه

مهما الجمال يناديه.. عمره ما يفرح بيه

اكمنه خالي.. اكمنه خالي

بناجي ورد الأمل.. وشوقي بيحايله

فكري عليه انشغل.. والقلب مش طايله

واسهر ليالي.. والفكر يجري وراه

وانا قلبي خالي.. مش لاقي مين يملاه

وتشوف عيوني القمر.. في موكبه العالي

أحلم بليل السمر.. ويا حبيب غالي

واشكي له حالي.. وانده عليه في سماه

وانا قلبي خالي.. مش لاقي مين يملاه

إدوارد سليمان

تحية يا ابنة الرشيد



تحية يا ابنة الرشيد.. صدقت في الوعد والوعيد

يمناك للمجد والمعالي.. وليس للقيد والحديد





دماؤك الحر ليس يجري.. لترتوي غلة العبيد

وكل تاريخك اعتزاز.. فجددي فيه واستعيدي





يا محور الحق والجهاد.. سلمت للسلم والحياد

من كل مستكبر وطاغ.. وكل مستعمر وعاد

توحدت بيننا الأماني.. تضافرت بيننا الأيادي

كنا من المجد في ذراه.. فليرجع المجد من جديد

***

يا طالع الشجرة




يا طالع الشجرة.. يا شعب يا مجاهد.. المجد بين أياديك

لك كل يوم نصرة.. والنصر لك شاهد.. ع اللي اتبني بايديك

العزة بتفرش في طريقنا.. أزهار بساتين حريتنا

وفرحنا وقطفنا الثمرة.. يا طالع الشجرة





يا زارع الشجرة.. رويتها بكفاحك.. واخضرت ف كل أوان

احرس لنا الشجرة.. واحميها بسلاحك.. دا الكل بيك فرحان

خليها تفرع وتمد.. دي شجرتك خيرها ما يتعد

دي كريمة وأصيلة وحرة.. يا زارع الشجرة





يا حارس الشجرة.. سهران بترويها.. حب وسلام وأمان

تسلم ايدين حرة.. ورجال بتحميها.. بعزيمة وبايمان

وآدي فروعها ملت الدنيا.. طرحت ع الأمة العربية

عزة ونور ومبادئ حرة.. يا حارس الشجرة





نبيلة قنديل

رسالة إلي جندي


يا ابن عمـى ياللى فى الخـط الأمـامـى.. لك ســـلامــى
وسـلام أطفـالى ، ومـراتى ، وأبويا ،
وأمـى ، واخـوالـى وعمـامـى


كلهـم فى خيـر ومشتـاقين إليــك ،
كلهـم متلهفيـن تـرجـع لنـــا ،
وكـمان من عنـدنـا يسلـم عليـك ،
كروان الفجر ، والبط اللى سابح فى القنا ،
والنخيل والقمح والمواويل وأحجار البنا
وإبراهيـم وحسـين وماتعـدش أسـامى


يـا ابـن عمـى ،
ياللى عنوانك فى خـط النار بعيـد ،
شـد حيلك ، كلنـا ويـاك هنــا ،
مـدفعك جبنـاه حسب وصفك شديد ،
من دمانا صبناه صلب وحديد، قاسى وعنيد،
صـــب منه ع الأعـادى كرهنـــا.
خــد من الرجعيـــه تــــارك ،
خلى كل الدنيا تسمع فرقعة رعد انتصـارك ،
والجـميـع يـا نــور عيوننـا ،
فى انتظـــارك


صلاح جاهين

أحن قلب
أحن قلب في الدنيا قلبك
انتي يا أمي
وأغلى حب في الدنيا حبك
انتي يا أمي
ربيتي اختي كبرتي اخويا
تعيشي ليا انتي وابويا
انتي يا أمي انتي يا أمي

حبك يا أمي يجري في دمي
وكل غالي يرخص عشانك
سهرتي جنبي وشلتي همي
وكل ما اكبر يكبر حنانك
وبتسعديني دايما في قربك
انتي يا أمي انتي يا أمي

تعبتي فيا تسع شهور
ولما روحي سكنت في جسمي
لقيت عينيا كحلها نور
وسمعت صوتك نادي باسمي
وجيت في دنيا فرحت بجنبك
انتي يا أمي انتي يا أمي

انا اسمي غنوة على شفايفك
وانتي اسمك في قلبي غنوة
وكل لحظه بيبان لي عطفك
في كلمه حلوة ودعوة حلوة
والدعوة منك يسمعها ربك
انتي يا أمي انتي يا أمي

عبد العزيز سلام

ماما زمانها جايه

ماما زمنها جايه
جايه بعد شويه
جايبه لعب وحاجات
جايبه معاها شنطه
فيها وزة وبطة
بتقول واك واك واك

عارف الواد اللي اسمه عادل جه الدكتور وعامله ايه
لقى رجليه كانوا زي الفتله بص شويه جوه عنيه
راح مديله حقنه كبيره
عارف اداله الحقنه ليه
ما بيشربش اللبن الصبح
وكل اصحابه ضحكوا عليه
وآهو من يومها شرب وبيكبر
واترباله عضل في ايديه

واحمد برده ايده مربوطه ومامته عارف ليه مخاصماه
كان بيحب تملي يلعب بالكبريت ويشيله معاه
وف يوم جاب كام عود ولعهم
واخته بوسي كانت شايفاه
راحت النار ملهلبه ايده
ولسه ايديه الاتنين واجعاه
واهو من يومها لا بيتعفرت
ولا بيشيل كبريت وياه

وسعاد ابله زعلت منها خالص من شهرين
ما بتحفضش الدرس وتكذب وكمان ضاع منها كتابين
وبتتشاقي جوه الفصل
وكان ترتيبها العشرين
لما ذاكرت وبقت حلوه
ابله خادتها مع الشاطرين
جت شهادتها آخر مره
وكانت الأولى من تلاتين

حسين السيد

[نور عسكر]

إلهنا ما أعدلك

إلهنا ما أعدلك.. مليك كل من ملك
لبيك قد لبيت لك.. لبيك إن الحمد لك
والملك لا شريك لك

والليل لما أن حلك.. والسابحات في الفلك
ما خاب عبد سألك.. أنت له حيث سلك
لولاك يا ربي هلك
لبيك إن العز لك.. والحمد والنعمة لك
والملك لا شريك لك

يا غافلا ما أغفلك.. عجل وبادر أجلك
واختم بخير عملك
لبيك إن العز لك.. والحمد والنعمة لك
والملك لا شريك لك
أبو نواس

إلهي حمدا

إلهي حمدا اللهم شكرا.. اللهم عونا وعفوا وسترا
اللهم هبنا هداك لترضي.. وهبنا ثباتا وعزما ونصرا

اللهم حمدا لذاتك ربي.. وذكرا يساير دقات قلبي
ويملأ كل كياني وفكري.. ويجذب روحي لما قبل عمري
وقبل الوجود وقبل الزمان.. وإذ قلت كن يا وجود فكان
وقدرت رزق الخلائق يسرا.. اللهم حمدا اللهم شكرا

أيارب أدعوا لقومي ونفسي.. وللناس من كل صوب وجنس
بنور المحبة في كل قلب.. وفي كل أرض وفي كل شعب
فأنت الملاذ وأنت الضياء.. وأنت السلام ونبع الصفاء
وأنت بما يصلح الناس أدري.. اللهم حمدا اللهم شكرا
حيرم الغمراوي

يا رب يا سند الضعاف

الله الله الله يا كريم.. الله الله الله يا حليم
الله الله الله يا غفور.. الله الله لله يا رحيم

يا رب يا سند الضعاف.. أتيت في ضعف المحب وفي شرود الحائر
أنت الكريم فما لمنحك ممسك.. والأمر أمرك في عطاء غامر
أنا ليس لي حق عليك.. وإنما أمل الضعيف أمام عفو القادر
عبد الله شمس الدين

الله يا وهاب

الله الله الله يا وهاب يا شكور.. الله الله الله يا عفو يا غفور
الله الله الله يا علام يا قدير.. الله الله الله يا فتاح يا صبور
هبنا الهدي ونصرك المبينا

الله يا دائم لا يموت.. الله يا قائم لا يفوت
الله يا محيي ويا مميت.. الله يا مغيث يا مقيت
كن غوثنا وحصننا الحصينا

الله يا معز يا مقدم.. أنت العزيز المستعان الأكرم
البادئ الباقي فلا ينعدم.. المحسن الحامي الحفيظ الأرحم
ليس لنا سواك من يحمينا

الله يا خلاق يا منيب.. يارب يا رزاق يا حسيب
يارب يا رحمن يا قريب.. يا سامع الدعاء يا مجيب
إنا دعوناك فاستجب آمينا

ربي سبحانك

ربي سبحانك في أعلي علاك.. كلما ندعوك تعطينا يداك
ربي سبحانك ربي

غيم الليل فناديت إلهي.. فإذا الكون ضياء
وجري الدمع فناديت إلهي.. فإذا الدنيا صفاء
والرضا يملأ قلبي وشفاهي.. وتناجيني السماء

كلما تشرق شمس أو تغيب.. يملأ القلب ضياك
وإذا ضاقت من اليأس القلوب.. يغمر الروح هداك
وإذا ملت من العفو الذنوب.. صافح النفس رضاك
***

[نور عسكر]

من إمتي حبيتك

إن كنتي عايزة تعرفي.. من إمتي حبيتك
وروحي إمتي عرفتك.. من قبل ما اشوفك
خدي من عينيا واكتبي.. قصة حياتي ف الهوا
هاتي عمر قلبي واضربي.. الثانيه في سنتين هنا
أهو دا غرامي احسبي.. شوفي يبقي كام مليون سنة

طول عمري بهرب.. من اللي رمش عينيه بيجرح
لكن جمالك لقيت له.. عندي ف القلب مطرح
والجرح جاني من رمش قاسي.. في عيون فاكرها وصاحبها ناسي
لما يضحك كان منايا.. يضحك سنة لقدام
واما يغضب كان شقايا.. يسبق سنين وايام

ياما قابلتك من غير ما اقابلك.. وفضلت اقوللك من غير ما اقوللك
بقيت أخاف قلبك يدري.. وييجي شيئ ف الغيب يجري
ما اقدرش اطول حتي النظرة.. والنظرة دي أملي ف بكرة
وبكرة ياما استنيته.. واسأل عليه يقولولي فات
من حبي فيكي حبيته.. اكمن حبي ما كانش ساعات

أول ما شفتك رفرفت.. ف القلب موجة من الفرح
مشيت في روحي وطولت.. والفكر غاب فيها وسرح
فكرت فيكي ف خيال.. لسه الخيال ما وصلش إليه
ولقيتني عاشق جمال.. لسه الجمال ما سمعش عليه
وفضلت بين الموج والميه حواليه.. عطشان ونار الشوق ما تطفيهاش ميه

حسين السيد

يا حبيبي

يا حبيبي قلبي ده اللي انت ناسيه
واللي بعته و اللي ياما لعبت بيه
راح يحبك حتي آخر دقة فيه
حتي آخر دقه فيه يا حبيبي يا حبيبي

كل يوم قلبي بيسألني عليك
كل يوم بيزيد في لهفة وشوق إليك
بدو يتملي بنورك
أمله يطمن علي الحب ف عينيك
فوت وشوف القلب ده تكسب ثواب
اللي منيته ووريته العذاب
واللي حالف مهما حيطول الغياب
راح يحبك حتي آخر دقه فيه
حتي آخر دقه فيه يا حبيبي يا حبيبي

يا حبيبي فين حكاياتنا الطويلة فين
فين ليالينا وأمانينا الجميلة فين يا حبيبي
فين زمان والحب لسه في أوله
واللي فات كله كأنه حلم ليلة
قوللي ياللي كل يوم بيزيد في بعدك
فوتني ونسيت خلاص أيامي عندك
ولا حتصون زي قلبي اللي وعدك
راح يحبك حتي آخر دقه فيه
حتي آخر دقه فيه يا حبيبي يا حبيبي

لو في بعدك عني راح تبقي سعيد
قوللي ما تعشمش قلبي من جديد
كل أملي تقضي أيامك هنا
وانت جنبي ولا وانت هناك بعيد
بس أفهم انكتب لي إيه ف حبك
لاجل اكون عارف حكايتي ويا قلبك
قوللي ما تخافش ده انا قلبي اللي حبك
راح يحبك حتي آخر دقة فيه
حتي آخر دقة فيه يا حبيبي يا حبيبي
صلاح فايز

يا ولاد بلدنا

يا ولاد بلدنا يوم الخميس.. حكتب كتابى وابقى عريس
الدعوه عامه وحتبقى لمه.. وحيبقى ليا فى البيت ونيس
يا يا ولاد بلدنا

حاكتب كتابى ع الحلوه زوبه.. وافقت عليا من غير خطوبه
وابوها قاللى ليه السؤال.. وانت فى بلدنا زينة الرجال
انا اشتريتك لما لاقيتك.. كسيب وعتره وحمش فى بيتك
ومادام عايزها وحتبقى جوزها.. الغالى لاجلك يبقى رخيص
اكتب عليها يوم الخميس

حاعملها ليلة ولا كل ليلة.. وحتبقى قصة بين كل عيلة
وحاجيب عوالم ومغنى ليها.. والزفه تبقى فرجة يوميها
وحاروش سكر وريحان معطر.. دا انا زوبه عندى بالدنيا واكتر
وحاقيم وليمة غالية وقيمة.. ويوميها حارقص كمان واهيص
دا انا يوم هنايا يوم الخميس
صلاح فايز

ياللى افتكرت وجيت تانى

ياللى افتكرت وجيت تانى ياما كنت خايف تنسانى
ياما كنت خايف ياما كنت خايف تنساني خايف

ياما الظنون سبقت فكرى سبقت فكري
ياما البعاد حرك اوهام حرك اوهام
والعمر كان كان بيفوت بيفوت يجرى
بيفوت يجرى لما بقيت اطوى الأيام اطوى الأيام
كان قلبى بيسابق عمرى علشان تروح وتجينى أوام وتجينى أوام
وما بين ظنونى وأشجانى ياما كنت خايف
ياما كنت خايف تنسانى خايف

ساعة ما كانت روحى تميل ويطير جناح الشوق يناجيك
كان كل شىء فى الدنيا جميل
والسحر يفيض منك وإليك
حتى النسيم كان ييجى عليك
ليلة ما اقوله يمسى عليك يمسى عليك
وما بين هيامى ووجدانى ياما كنت خايف
ياما كنت خايف تنساني خايف

ياللى افتكرت وجيت تانى يكفانى هجران وقسية
هجران وقسية
كتر البعاد ده خلانى حاخدك واشيلك فى عينيه
حاخدك واشيلك فى عينيه
المره دى جيتلى تانى مين عارف المرة الجاية
مين عارف المرة الجاية
انا كنت خايف انا كنت خايف تنسانى خايف
حسين السيد

ياللي انت بعيد

ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد
*****
انا اللي قلبي عمره ما مال الا لما شافك يا حبيبي
سلم سلامه ساعتها وقال: لقيت منايا ونصيبي
وعنيك ياجميل ..بعتت مراسيل.. وفهمت كلامها ولاغيته
اه ولاغيته
*****
كان البعاد ..شهرين اتنين.. حلفت ترجع بعديهم..
من يومها فاتوا كام شهرين ؟ عديت بقلبي ثوانيهم
إبعث لي وقول ..بعدك حيطول ..ولاَّ حتعود للي جافيته
اه اللي جافيته
*****
قالوا حبيبك جاي قريب ..ياهل ترى حيصون وعده ؟
ماليش سواه في الدنيا حبيب ..يواسي نار قلبي فبعده
خايف الأيام ..تطوي الأحلام ..وتضيع أملي اللي بنيته
اه اللي بنيته
*****
بينك وبيني ياروحي بلاد !! وازاي اعيش من غير روحي ؟
ياما خلفت ميعاد وميعاد ..غير اللقا يشفي جروحي
واللي بقاسيه ..ع الناس باداريه .. ويبان للعين مهما داريته
اه مهما داريته
*****
ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد
حيرم الغمراوي

[نور عسكر]

يا رب وقت السحر

يا رب وقت السحر.. تتكلم العبرات
وتسلم الدعوات.. علي السبع سماوات

يا غافر الزلات.. يا ساتر الهفوات
العفو والمغفرة.. اصفح عن اللي فات

سبحت اسمك وذاتك.. عن فكرتي وعن عينيا
كفاية ألمح آياتك.. شاهدة بفضلك عليا
كفاية سرك معايا.. يا عالي عن كل غاية
بداية الأمر منك.. والأمر لك في النهاية

اجعلها توبة نصوح.. وطالعة ساعة رضا
واغفر لنا ما مضي.. والطف بنا ف القضا

عبد الفتاح مصطفي

الليلة حلوة

الليلة حلوة.. وحينا سهران
سهران وفيه.. البهجة والإيمان

وأولادنا غنوا.. وولعوا الفوانيس
والبيت منور.. كله يا رمضان

البيت منور.. والسهر ما أحلاه
فيه الكلام يحلي.. بذكر الله

بشراك ياصايم

بشراك ياصايم.. عند الله
لك أجر دايم.. عند الله

يا صايمين النبي قال.. الصيام جنة
فيها النعيم والثواب.. يا رب ناولنا
نفرح بنورها.. الله الله
ونشوف قصورها.. الله الله

للي يصوم فرحتين.. الفرحة ف الدنيا
ويا هناه من يفوز.. بالفرحة ف التانية
فرح ودوام.. الله الله
أجر الصيام.. الله الله

يا صايمين كلكم.. داوموا علي الإحسان
تنولوا كل الرضا.. في ساحة الرحمن
فيها عطايا.. الله الله
مالها نهاية.. الله الله

بيرم التونسي



هاتوا الفوانيس

هاتوا الفوانيس يا ولاد.. هاتوا الفوانيس
حنزف عريس يا ولاد.. حنزف عريس
حيكون فرح وتلاتين ليلة.. حنغني ونعمل هليلة
وحنشبع من حلوياته

كل حبايبه راح يعزمهم.. متواعدين وياه
حيفطرهم ويسحرهم.. والخير جايبه معاه
حنغير ريقنا علي خشاف.. والفول راح يتاكل حاف
وكنافة وقطايف بيضا.. يا ولاد والله سنتكم بيضا
والصايم يديه حسناته

م العشا راح تتلم اصحابنا.. ونروح كل مكان
ونغني علي نور فوانيسنا.. آه يا بنت السلطان
ويا بخت اللي يصالح صاحبه.. ويسبق بالخير ويروح له
إنشالله ما يقطع لنا عادة.. ويعوده عليكم ف سعادة
واللي يزكي له جناته

علي صوت الطبلة يصحينا.. ينادينا بحنان
قوم صلي ع الهادي نبينا.. يللا اصحي يا نعسان
يا صايم قوم وحد ربك.. من غيره يعزك ويحبك
وما تنسوش يا ولاد العيد.. بعده حييجي بلبس جديد
واللي يصلي يشوف كراماته
نبيلة قنديل
@@@
ياللي إنت زرت البيت

الله أكبر الله أكبر.. الله أكبر الله أكبر

ياللي إنت زرت البيت.. وللحرم حجيت
من زمزم اتوضيت.. وع النبي صليت
نادي الهوي لبيت.. من فوق جبل عرفات
وبالسلامة جيت.. وعدت بالبركات
واللي انكتب له هداه.. يحج بيت الله
عقبالنا حجة مباركة.. يا عايدين من مكة

يا زين قريش يا نبينا.. عليك صلاه وسلام
اشفع لنا واهدينا.. يا منصف الإسلام
نزل عليك جبريل.. قال يا رسول الله
بالوحي والتنزيل.. اقرأ باسم الله
ومن هدي القرآن.. اغمرنا بالإيمان
عقبالنا حجة مباركة.. يا عايدين من مكة

عبد العزيز سلام

[نور عسكر]

رشوا الملح

رشوا الملح وغنوا وقيدوا شموع الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

ثورة بتبني بعزم وهمة للحرية.. ثورة ف كل حياتنا العامة واشتراكية
ثورة بتجري في دم عروقنا.. ندي وناخد كل حقوقنا
رشوا الملح بنينا علينا نادينا الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

ثورة ف كل طريق خطاويها ماشية تنور.. ثورة ف كل ميدان تلاقيها ثورة تعمر
كنا زمان دلوقتي بقينا.. كل الخير موجود ف إيدينا
رشوا الملح بنينا علينا نادينا الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

ثورة بكل حياتها تكافح لأجل كيانها.. ثورة بإيد الحب تصافح كل جيرنها
لأجل السلم ما ينشر ضله.. ويرفرف ع العالم كله
رشوا الملح بنينا علينا نادينا الفرح
رشوا الملح زرعنا حصدنا جمعنا الطرح
رشوا الملح لعيد الثورة.. رشوا رشوا الملح

محمد علي أحمد

شعب لازم ينتصر

شعب لازم ينتصر.. وقيوده لازم تنكسر
يا ويل عدو الشعب.. من ساعة الخطر

الشمس طلعت ع اليمن.. من بعد ما غابت زمن
تملا القلوب الحرة بالنور والأمل.. تملا الحياة أمجاد للشعب البطل
والصف واحد والقلوب فيه مؤمنة.. في كل ساعة بالعمل يعلي البنا

الشعب عليت كلمته.. صاحي وعارف سكته
عارف طريقه والكفاح بيوصله.. ومهما قاسي م التعب بيكمله
والنصر غايته في كفاحه يا عرب.. يا ويل عدو الشعب من ساعة الغضب

الشعب هوا اللي حكم.. وانهد عرش اللي ظلم
وآدي اليمن بين الصفوف متقدمة.. فاتت خلاص كل العهود المظلمة
كل القلوب الحرة تفديك يا وطن.. كل الشعوب الحرة تهتف لليمن

محمد حلاوة

يا رايح إسكندرونة.. وجاي إسكندرية
سلم ع اللي حبونا.. واهديلهم ألف تحية

سلم علي أهلي وناسي.. واحكيلهم عن إحساسي
وإن جيتلي تطمن قلبي.. يبقي جميلك علي راسي
سلم ع اللي وحشونا.. وارجع بسلامهم ليا

النيل من حبه ف بردة.. بيقول إحنا روح واحدة
وجمعنا الشمل ف وحدة.. والناس علي حبنا شاهدة
وجيراننا بيشاركونا.. في أعياد الحرية

أعياد الجمهورية.. المتحدة العربية
ف الموسكي والحامدية.. ف القلعة والصالحية
والناس جولنا يهنونا.. ويباركوا لوحدة قوية

أووووووف يابي يابي يابي أووووووف يابي

يا أخي

يا أخي يا ابن أبي.. يا شقيقي العربي
أنت مني أنت بي.. دمك الحر الأبي
استجب للعقل.. والأصل الكريم الطيب

نح عن وجهي سلاحك.. عد يمينا بيمين
قم معي وافعل كفاحك.. وثبة الحق المبين
أنت للطاغي وقود.. ولصهيونا لدود
أنت للذل وللعار.. مسوق ومقود
وا أرحماه يا أخي يا ابن أبي.. وا أنسباه يا شقيقي العربي

أنت إن تبسط يدا.. فسأحمي وحدتي
وسأمضي أبدا.. صاعدا في غايتي
أنت أشمت العدا.. اذكر اليوم غدا
هم أرادوك جحودا.. خانعا مستعبدا
وا أرحماه يا أخي يا ابن أبي.. وا أنسباه يا شقيقي العربي

أدمانا وحمانا.. والأماني والنضال
عبر أجيال طوال.. كلها دعوي خيال ؟!
لا وربي والأخوة.. هذه الأمة قوة
من يرد فيها انقساما.. راح في أظلام هوة
وا أرحماه يا أخي يا ابن أبي.. وا أنسباه يا شقيقي العربي

عبد الفتاح مصطفي

يا ام البلاد

جايلك بشوقي يا بلادي من بعيد.. جايلك وحاسس إني مخلوق من جديد
عديت بحور خطيت جبال دست السحاب.. ومشيت علي جرحي وانا ف عز الشباب
علشان أبوس منك بشوق حبة تراب
جاي من بعيد إنسان جديد.. جايلك وأول مرة أحس إني سعيد.. يا ام البلاد

جاي من بعيد من غربتي في بلاد كتير.. جايلك بشوقي ولهفتي وحبي الكبير
حبي لسماك أم الشموس أم القمر.. حبي لخمايل الورد ف أحضان الشجر
حبي لقناية ميه في قلب الغيطان.. بتبل ريق الأرض في حب وحنان
يا ام البلاد يا حنينة.. يا أغلي من روحي أنا
جايلك وكان يومي زمان.. بيمر في بعدك سنة
جاي من بعيد إنسان جديد.. جايلك وأول مرة أحس إني سعيد.. يا ام البلاد

يا ام البلاد يا جنينة في قلب الوجود.. أنا غبت عنك بس كان لازم أعود
لازم يجيبني الشوق ويرميني الهوي.. لما اتجرح بالغربة وأجيلك دوا
والله زمان ورجعتلك بعد الغياب.. والله زمان يا حلوة يا عيون الشباب
يا عيون شباب بلد الجمال.. يا عيون بشوف فيها النضال
يا عيون نطق فيها الأمل.. والعزم والحب الجمال
جاي من بعيد إنسان جديد.. جايلك وأول مرة أحس إني سعيد.. يا ام البلاد

محمد كمال بدر

[نور عسكر]

بصتلي ف أول يوم

بصتلي ف أول يوم.. ضحتلي ف تاني يوم
قولتلها ف تالت يوم.. ياريت القرب يدوم

الفل هديتهولي بإيديها.. ويوماتي بتسحرني عينيها
ف خيالي دايما ألاقيها.. تناديني وروحي تناديها
والفرح يطول.. وانا اغني واقول

ياللي بياض لونك وجمالك.. من طلعتها
ياللي عبير الجنة ف ريحتك.. انت ريحتها
دا حلاوتك من حلاوتها.. وغلاوتك من غلاوتها
ياهنايا لما لقيتها
عبد العزيز سلام

تملي ف قلبي

تملي ف قلبي يا حبيبي.. وانا عايش غريب عنك
تملي ولا انت داري بي.. وانا بشكي اليك منك

يا ساكن ف الهوي قلبي.. وساكن ف الديار جاري
جمالك كل يوم جمبي.. آسرني وانت مش داري
معاك بعينيا وكفايه.. تنور ليا دنيايا

لا فيه ماضي أقولك كان.. ولا فاكره ولا نسيته
ولا مرة جمعنا مكان.. عشان تدري اللي قاسيته
بقلبي لك أنا كلي.. وشاغلك عني إيه قوللي

ياريت اخطر ف أحلامك.. واشاغلك واشغلك مرة
ياريت تلمحني أيامك.. واعيش فيها ولو نظرة
ياريت اخطر علي قلبك.. ولو تكرهني وأحبك
عبد الفتاح مصطفي

حبيب روحي

حبيب روحي حبيب قلبي.. ولا أداري ولا أخبي
يا لايم لو تجرب يوم.. ما كنتش لمتني ف حبي
دا حبيب روحي.. وحبيب قلبي

أنا بهواه وبيهواني.. وصورته ف قلبي من جوا
ويوم ما الحب ناداني.. حبيب القلب كان هوا
وفرحني وهناني.. وصونت الود أنا وهوا

جمعنا الحب ف نظرة.. وكان فيها الهوي مكتوب
ومين يقدر يقول بكره.. ويطوي صفحة المكتوب
هويت واللي يجري يجري.. وقلبي عن هواه ما يتوب
محمد علي أحمد

حتي انت كمان

حتي انت كمان تقسي عليه.. حتي انت كمان
فين عطفك فين الحنية.. فين حب زمان

حتي انت كمان اللي انا فاكرك.. حتهنيني
تيجي الأيام ويبان غدرك.. وتبكيني
ليه حبك هان.. وكأنه ما كان
أنا إيه اللي اتغير فيا.. ما انا زي زمان

في الأول كنت بتتمني.. أسعد قلبك
دلوقتي عليا بتتجني.. راح فين حبك
فين الأشواق.. دا اللي بيشتاق يشتاق
ما يحبش لحبيبه أسية.. ولا يرضي هوان

أنا فاكرك حتعيش طول عمرك.. مخلص جمبي
واخلص لك وأريح فكرك.. بحنان قلبي
أتاريك غدار.. يا فايتني في نار
من بعد رضاك والحنية.. ليه غدرك بان
عبد العزيز سلام

داوي الهوى بالهوى

ياللي أساك من نار هواك .. خلي بكاك طول
ودموع عينيك بتزيد عليك .. أكتر من الأول
ان كنت عايز دوا .. لقلبك اللي انكوي
داوي الهوى بالهوى

عايش مع الأحلام .. في جنة الأوهام
لحد ما الأيام .. تطوي شبابك يوم
سارقك أمل كداب .. يرجع لك اللي غاب
كل الأمل دا عذاب .. حارم عينيك النوم
ياللي أساك من نار هواك .. خلي بكاك طول
ودموع عينيك بتزيد عليك .. أكتر من الأول
ان كنت عايز دوا .. لقلبك اللي انكوي
داوي الهوى بالهوى

صعبان عليا أشوف دمعك .. ما خاصمش عينيك
ولا تنادي ومين سمعك .. أو رد عليك
اضحك مع الدنيا .. تضحك لك الدنيا
وياما ف الدنيا .. تلقي قلوب تانيه
ياللي أساك من نار هواك .. خلي بكاك طول
ودموع عينيك بتزيد عليك .. أكتر من الأول
ان كنت عايز دوا .. لقلبك اللي انكوي
داوي الهوى بالهوى

طول ما انت فكرك معاه .. سارح بماضي هناه
يصعب عليك تنسي
وان قلت خاين وليه .. أسأل وادور عليه
قلبك عليه يأسي
وتشوف ضياه .. بيغيب معاه
زي القمر ما يغيب
والفكر فيه .. راح تلتقيه
فكر الغريب لغريب
اضحك مع الدنيا .. تضحك لك الدنيا
وياما ف الدنيا .. تلقي قلوب تانيه
مصطفي السيد
***
سهرانه عيوني
سهرانه عيوني سهرانه.. وعيون حبيبي نعسانه
منه يا ويلي.. في نهاري وليلي
ويا ويل عيوني السهرانه

ما عاد النوم بيهوي العين.. ويوم البعد بسنة واتنين
قولوا لي طريقه منين.. وانا اروح له ساير ع القدمين
دوايا معاه ومالي حبيب.. ياريت في لقاه يكون لي نصيب
وأهني عيوني السهرانه.. بعيون حبيبي النعسانه

من بعد ما فاتني وراح بعيد.. وجراح القلب يوماتي تزيد
واليوم دا عليا بجرح جديد.. وانا دم ولحم وماني حديد

لو كان بكايا علي اللي غاب يجيبهولي.. لكنت أبكي واخلي الناس يبكولي
أمانة يا ناس شوفوهلي فين وقولولي.. ومهما طول بعاده برده أنا راضي
واكتم دموعي ولا اقاسي فرحة لعذولي
فتحي قورة

[نور عسكر]

ياهل تري

ياهل تري ياللي في بالي.. مشغول وحالك من حالي
نادي الغرام والوجد عليك.. ولا انت هاني البال خالي
فاكر حنيني ياهل تري.. ولا ناسيني ياهل تري

ألاقيك ع البعد معايا.. في دنية حبي
أشرح إليك نجوي هوايا.. وفرحة قلبي
وانا وياك بغنيلك.. في ذكري هواك واناديلك
فاكر حنيني ياهل تري.. ولا ناسيني ياهل تري

ألاقيك في سارحة أفكاري.. عمر بيجري
وتشعل الأشواق ناري.. ويشرد فكري
في ماضي بعيد.. وماضي قريب
والشوق بيزيد.. ونار ولهيب
فاكر حنيني ياهل تري.. ولا ناسيني ياهل تري

ألاقيك في دنية أوهامي.. فكرة جميلة
وألاقيك في جنة أحلامي.. قصة طويلة
بقالي سنين.. عايش فيها
معاك يا ضنين.. وبحكيها

تلبية لطلب الأستاذ: طائر السعد.. هذه هي كلمات أغنية "يا عيني علي قلبي" للرائع محمد فوزي

يا عيني علي قلبي

يا عيني علي قلبي.. مال قلبك ماله؟! حب الجمال كله
يا عيني علي حبي.. مال حبك ماله؟! محتار علي خله
آه من عينيا جنت عليا.. من نظرة واحدة للزهرة ديا.. والوردة ديا والفلة ديا

نامت زهور الجناين.. وفتحت أزهارك.. يا ليل يا ساحر يا ليل
جمال زهورك فاتن.. زود يا قلبي ف نارك.. غنيت وقولت يا ليل يا ليل
يا ناري من خدك.. مال خدي؟! أسرني لون ورده
يا روحي علي قدك.. مين قدي؟! بقول كده برده

النرجس اللي سحرني.. لونه لقيته ف عيونك.. آه من عيونك آه
والفل دا اللي أسرني.. خد لونه من لون جبينك.. وإزاي أنا أسلاه آه
لون شفتك زاهي.. والتانية؟! تقتلني ضحكتها
يا رمشك الساهي.. شمبانيا.. أسكر بحلاوتها
أبو السعود الإبياري

فستانك الأبيض يا جماله

الأبيض
فستانك الأبيض يا جماله.. لايق علي حسنك ودلالك
يا بخته مين أسعد منه.. متمتع وحده بجمالك
لون الأمل والدموع.. والفكر شارد وغايب
ولون بياض الشموع.. ف الفرح ليلة الحبايب

الأخضر
لون العشم والعشرة الحلوة.. يا بخته اللي موعود بيها
خلي العشم مين عارف بكرة.. يمكن آمالك تنوليها

الأحمر
اللون الأحمر دا جنان.. يشبه للوردة الخجلانة
لايق ع الخد العطشان.. والشفة الحلوة العطشانة
لون الحب ولهاليبه.. لما تقيد ناره وتزيد
لون القلب وتعذيبه.. لما أمله يبقي بعيد


متهيألي إنك تهواني
متهيألي إنك تهواني.. ولافيش حد ف قلبك تاني
مين قال لك علي كده.. مين قال لك ؟!
متهيألي.. متهيألك ؟! متهيألي

متهيألي إنك حيرانه.. طب قوللي ليه فكري احتار؟!
بتحبي ولا إنتيش داريانه.. وعينيكي كلها أسرار
مين قال لك علي كده.. مين قال لك ؟!
متهيألي.. متهيألك ؟! متهيألي

متهيألي عينيكي مراية.. شايف فيها جنة حبي
لازم إنت عرفت هوايا.. لما قريت اللي ف قلبي
بتحبيني ؟! اسأل قلبك.. قلبي سألته.. قال لك إيه ؟!
قال لي إن إنتي حياتي وروحي.. وأنا حبك ما اقدرش عليه

يعني صحيح قلبك يهواني.. متهيألي.. متهيألك ؟! متهيألي
إني بحبك.. وانا وانا بحبك.. إني بحبك.. وانا وانا بحبك
***
يا ميت صلاة الزين

يا ميت صلاة الزين.. علي عرايسنا
شمس وقمر الاتنين.. نورهم مآنسنا

طل القمر من فوق.. يتهني وياكم
فاض بالحنين والشوق.. من شهد نجواكم
ساعة ما شاف قلبين.. نورهم مآنسنا

ليلتك هنا وسرور.. ما بعدها ليلة
زادها عريسك نور.. يا مشرفة العيلة
والشمل ضم اتنين.. نورهم مآنسنا

فرحتكم يا أحباب.. ف قلوبنا معناها
واللي زمانه طاب.. ف الحب يلقاها
والعين تقول للعين. نورهم مآنسنا
صالح جودت

[نور عسكر]

علم الثوار

علم الثوار.. علم الأحرار
بتلات نجمات.. صبحوا إخوات
علي أرض الأمة العربية

رفرف يا علمنا وهنينا.. بالجمهورية المتحدة
يا أملنا ورمز لأمانينا.. ف الزحف العربي للوحدة
سوري وعراقي مع المصري.. بقوا واحد عربي ومتحرر
والدم اللي ف عرقه بيجري.. شعلة للعالم بتنور

جماهير واتحدت كلمتها.. تبني الأمجاد والحرية
أبطال وارتفعت رايتها.. علي أرض الأمة العربية
بتنادي بوحدة عربية.. لشعوب العرب الأحرار
وحدة جبارة وقوية.. حتضم جميع الأقطار

وحدة وأساسها الحرية.. بتصون العهد ولا تخونه
بنيانها كله اشتراكية.. يارب احمي علمنا وصونه

علي زهران

غنوا ل 23 يوليه

غنوا ل 23 يوليه.. عيد الثورة عيد الأحرار
عيد كل الأحرار ف الدنيا.. يوم الجيش والشعب ما ثار

صحانا وهدانا ضياه.. وسبقنا الأيام وياه
وبنينا أمجادنا معاه.. وانهزم الطغيان وانهار

صحانا علي صبح جديد.. وصدقنا معاه المواعيد
وحتفضل يا أجمل عيد.. للأمة العربية منار

ف بلادنا صرنا الحكام.. وخطانا يا دنيا لقدام
وشعارنا محبة وسلام.. ودا أغلي وأعز شعار

مصطفي عبد الرحمن

مصر فوق الجميع

مصر فوق الجميع.. وبنا تفتدي
نحن حصن منيع.. في وجوه العدا
رددوا.. مصر فوق الجميع
أنشدوا.. مصر فوق الجميع
جاهدوا.. مصر فوق الجميع

نحن أسد في ميادين القتال.. نفتدي بالروح آمال الوطن
وبعزم وكفاح ونضال.. نلفت الدهر ونسترعي الزمن
اتركوا المجد القديم.. وازدهوا بالمقبل
إن ف الشعب العظيم.. عدة المستقبل

همة أضحت مثالا للهمم.. تقهر الأعداء تفني المعتدين
أمة تزهو علي كل الأمم.. في ركاب النصر بالفوز المبين
طهروا أرواحكم.. وافتحوا باب الأمل
تبسم الدنيا لكم.. في ميادين العمل

مصر والسودان والنيل السعيد.. وحدة نبني بها المجد التليد
حطموا الأغلال لسنا بالعبيد.. إننا الأحرار ف العهد الجديد
عالم الظلم تبدد.. وبدا نور اليقين
مجدنا الماضي تجدد.. في حمي الجيش الأمين

عبد العزيز سلام

فرحة وزينة

فرحة وزينة ف كل مدينة.. ومواكب أحرار في وادينا
جايبة معاها ورد وحنة.. وروايح من عطر الجنة
بتبارك للثورة ولينا

شايف موكب جاي طوالي.. من أسوان والسد العالي
بيهني بعيد الحرية.. وبثورتنا الاشتراكية
رمز العزة والوطنية
وبنينا سد وعلينا.. والدنيا بحالها تهنينا
وتبارك للثورة ولينا

موكب تاني جاي من غزة.. جاي ورافع راية العزة
وبيحلف بحياة الثورة.. بكرة بلاده حتصبح حرة
والغاصب راح يطلع بره
والفرحة هتعم علينا.. والدنيا بحالها تهنينا
وتبارك للثورة ولينا

مصطفي كمال حسين

ليله بيضا علينا

ليله بيضا علينا ويوم نادي.. وأمان وسلام
وبعوده الأيام يا بلادي.. وبعوده الأيام

السنة بتدور.. علي هنا وسرور
ويجينا بخير.. ومحبة ونور
ومعاه أحباب.. بتدق الباب
علشان ما تبارك.. فيه وتزور
كان نعمة من نعم الهادي.. بالحق بيهتف وينادي

له أغلي معاد.. وإن راح أو عاد
ما بيبعدناش عن.. حبه بعاد
كان أول عيد.. ع الأمة سعيد
وجميع أيامنا.. بقت أعياد
وضمنت بعزمي وبجهادي.. مستقبل بلدي وأولادي

اللي طلبناه.. عشنا وشفناه
ولولاه ما عملنا.. اللي عملناه
بكفاح وإيمان.. حنعيش ف أمان
ولا نخضع لحظة.. لغير الله
ويا ويلكم منا يا أعادي.. لو جيتوا ف يوم الناحية دي
####

يا إفريقيا شعبك حر

الشعب الحر معاه أحرار.. وإنتي يا أفريقيا شعبك حر
وعشان الجنة نفوت ع النار.. وعشان الحلو ندوق المر

الشعب الحر إن حب يعيش.. لازم حيعيش ولابد يعيش
بعد الحرية الغالية مافيش.. عبودية مافيش ومذلة مافيش
ضحينا وزمن المستحيلات.. انتهي من مدة طويلة وفات

بالعزم إن قلتي لمجدك كون.. لازم حيكون ولابد يكون
وعشانه الدنيا بحالها تهون.. والعمر يهون والدم يهون
تتسلي عيشتهم بالطغيان.. فاكرين العالم زي زمان

بكفاحك قولي لحقك عود.. لازم حيعود ولابد يعود
والباغي كأنه ما كان له وجود.. ولا كان موجود ولا عاد له وجود
ماعرفنا طريق النصر منين.. وحقوقنا ناخدها إمتي وفين

فتحي قورة
@@@@
يا بلادي

يا بلادي يا بلادي.. يا بلادي يا بلادي
وهبت كل الأغاني.. إليكي طول الزمان
فأنتي كل الأماني.. يا جنتي يا بلادي

يا غايتي ف الوجود.. يا غابة للأسود
الله قد قال سودي.. يا جنتي يا بلادي
عشقت منك الضفاف.. والريف والصفصاف
والنيل بالرزق وافي.. يا جنتي يا بلادي

الريف زرع كريم.. والنيل فيض عميم
والنبل طبع قديم.. في جنتي وبلادي
يا ماء حيل السواقي.. فياضة الأشواق
مطلولة الأمشاق.. تروي جنان بلادي

يا بلادي يا بلادي.. يا بلادي يا بلادي
رحماك يا نور عيني.. قدمتني أي دين
فإن أتي يوم حيني.. هتفت تحيا بلادي

مختار الوكيل

[نور عسكر]

[نور عسكر]

توبة الأيام

سلاما ناسك الزمن.. حبيب الروح والبدن

سلام النور والإيمان.. سلام الحب يا رمضان

سلام الطائر الظمآن.. لنبع لاح في البستان

سكبت النور للأكوان.. وزاد الروح للإنسان

ورحت تعطر الأزمان.. وتوقظها من الوسن

حملت البر للمسكين.. وللعاصي مددت يمين

وسقت لقلبه البشري.. بعفو كان عنه ضنين

بنور هدي ونور يقين.. أضأت سريرة الزمن

أذانك توبة الأيام.. وفجرك منبع الإلهام

ويومك رحمة وسلام.. وليلك سجد وقيام

فهات البر والإنعام.. وجدد فرحة الزمن

بجودك غنت الحسنات.. ورنت حولك الصلوات

وهلت فوقك الرحمات.. ينابيعا من الجنات

تبيد بظلها الشهوات.. وما فيها من الفتن

محمود حسن إسماعيل
ـــــــــــــــــــــــــــــ

أهلا يا رمضان

أهلا أهلا يا رمضان.. بعد الغيبة هلالك بان

شهر عبادة وزكا وصيام.. تحلي أيامه بذكر الله

شهر مبارك ع الإسلام.. جايب الخير والسعد معاه

وفرحنا بك يا رمضان.. بعد غيابك يا رمضان

مرحب مرحب والله زمان.. بعد الغيبة هلالك بان

هل هلاله شهر النور.. عمره ما يخلف المواعيد

شهر كريم وهنا وسرور.. بيهنينا وبعده العيد

وف أيامك يا رمضان.. يحلي صيامك يا رمضان

جبت الخير أشكال وألوان.. بعد الغيبة هلالك بان

كل منانا أيامه تطول.. وف لياليه نسمع قرآن

قيد الشمع وغني وقول.. يا هنانا بشهر الإحسان

وفرحنا بك يا رمضان.. بعد غيابك يا رمضان

يا مفضل عند الرحمن.. بعد الغيبة هلالك بان

ـــــــــــــــــــــــــــ

المسحراتي

يا عباد الله.. وحدوا الله

أنا أمدح المولي الغفور الودود.. اللي تجلت رحمته في الوجود

الأرض والسماوات عليا شهود

أشهد له سبحانه بعز سلطانه.. ومن صميم قلبي أشكر له إحسانه

يا مؤمنين وحدوا الله.. لا إله إلا الله



سبح إله العرش واخضع إليه.. هو الوحيد اللي انت رزقك عليه

الملك والملكوت عطية ايديه

لو مرة ينظر لك لابد يغفر لك.. ويدخلك جنة فيها ما تتمني

يا مؤمنين وحدوا الله.. لا إله إلا الله

يا رب تلطف بالعباد في قضاك.. انت اللي مالك شريك في علاك

تبلغ الصايم نهاية رضاك

وتحفظ الإسلام علي مدي الأيام.. دا اللي اعتماده عليك يا رب لا ينضام

يا مؤمنين وحدوا الله.. لا إله إلا الله

محمود بيرم التونسي

ــــــــــــــــــــ

قف بالخشوع
قف بالخشوع وناد ربك ياهو .. فهو الكريم يجيب من ناداه


واسأله ماشاءت يداك فإنه .. مبسوطتان لمن دعاه يداه
هو أول هو آخر هو ظاهر .. هو باطن ليس العيون تراه


سبحان من عنت الوجوه لوجهه .. وله سجود أوجه وجباه
يا من هو المعروف بالمعروف .. يا غوثاه يا رباه يا مولاه

ياذا الجلال وذا الجمال وذا الهدى .. يا منعما عما الوجود ناداه
مالي إذا ضاقت وجوه مذاهبي .. أحد ألوذ بوجهه إلاه

الإمام البرعي
ـــــــــــــــ

الحياه ثورة

الحياه ثوره من بدايتها.. تنتهي ثوره يوم نهايتها

كلها ثوره سرها ثوره.. واللي حببنا فيها ثورتها

الحياه ثوره واحنا ثوارها.. لاجل جنتها نمشي فوق نارها

واللي يكسبها يجني أزهارها.. واللي يهملها لحظه يخسرها

واحنا نهضتنا وانتفاضاتنا.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

أرض دنيتنا ليلها ونهارها.. ثوره لحياتها ثوره لعمارها

لولا دورانها إيه يغيرها.. م اللي يضلمها للي ينورها

واحنا كرامتنا وانتصاراتنا.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

والسما ثوره تيجي أمطارها.. تبقي فايدتها غالبه أضرارها

والبحور ثوره لولا تيارها.. ما تلاقيش ميه تجري ف بحارها

واحنا إيه قوتنا تحت رايتنا.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

ثوره لبلادنا جت تحررها.. هلت الفرحه ويا أخبارها

ثوره مبدأها عدل وشعارها.. ربنا بفضله عانها ونصرها

واشتراكيه بعد رجعيه.. أصلها ثوره والحياه ثوره

واللي حببنا فيها ثورتها.. الحياه الحياه الحياه ثوره

فتحي قورة
ـــــــــــــــــ

العمل

حي علي الصلاة.. حي علي الفلاح.. حي علي العمل

حي علي الحياة.. والسعي والكفاح.. نحقق الأمل



سنابل القمح التي.. تموج في المزار ع

وذلك السحاب من.. مداخن المصانع

يناديان كل عامل.. وكل صانع

حي علي الصلاة.. حي علي الفلاح.. حي علي العمل

حي علي الحياة.. والسعي والكفاح.. نحقق الأمل


خذوا الفؤوس في الصباح.. وأحملوا المناجلا

حرية الحياة لا.. تعرف إلا العاملا

ولن تكون للذي.. يعيش فيها خاملا

حي علي الصلاة.. حي علي الفلاح.. حي علي العمل

حيعليالحياة.. والسعيوالكفاح.. نحقق
الأمل

هذا طريق شعبنا.. يخطوا به إلي السلام

إلي السلام للشعوب.. كلها علي الدوام

يد علي يد تعين.. الزاحفين للأمام

حي علي الصلاة.. حي علي الفلاح.. حي علي العمل

حي علي الحياة.. والسعي والكفاح.. نحقق الأمل

ــــــــــــــــــــــــــ

أنا عائد

أنا عائد أنا سيد في موطني

قد قالها البطل الذي للعرب قد حفظ الوفاء

وإذا غيوم اليأس يمحوها عن الأفق الضياء

ولقد سمعنا اليوم في الآفاق زلزلة النداء

ولسوف نرفع في ربانا الشم خفاق اللواء

وعلي الجليل يردد الأبطال صيحات الإباء

مرحي جمال لقد رسمت اليوم درب العودة

ففي العود الكريم سنن يصون كرامتي

إذ نلتقي بموطني ف اللد أو في الرملة

وبشط يافا يسعد الأحباب بعد الغربة

والكرمل المعطار يسمو إذ يقبل رايتي

وترف آمالي الكبار علي هزيم الوثبة

فأقولها ويقولها في كل قطر إخوتي

حيفا فديتك يوم لقيانا لقد أضحي قريبا

فجمال شق لعودة الأحرار يا وطني دروبا

ولسوف يا حيفا نقبل في رباكي حبيبا

ونعيد في أرض العروبة موطنا أمسي سليبا

إنا عزمنا فالقلوب تصافح اليوم قلوبا
ــــــــــــــــ