طلبات نوتة أ / عادل صموئيل الجزء الثانى

[بكر محمد دحدولي]

اشكرك يا استاذ و الموسيقار العظيم عادل الموئيل على ترحيبك الكريم في المنتدى و داه شرف كبير اني اتعامل و اتكلم مع حضرتك و نأخذ معلومات قيمة منك فأنت موسيقار من الزمن الفن الجميل و تعاملة مع كبار الملحنين و الفنانين.و سامحني على ردي المتاخر و هل تسمح لي بدقيقة من وقتك ان اريد فقط اريد ان اقول شي واحد و اخيرا على قصيدة حديث عينيك
قدمتها أسمهان في عام 1940 , من كلمات الشاعر أحمد فتحي , و ألحان الموسيقار رياض السنباطي , وهي أول قصيدة يلحنها السنباطي ولا يغنيها بنفسه . عرضها أولاً على السيدة أم كلثوم فرفضتها لروحها التجديدية, فعرضها على أسمهان , مكرساً اياها في المركز الثاني بعد أم كلثوم. من جانب اخر , جاءت القصيدة متلائمة في معانيها مع أسمهان, التي اشتهرت كثيراً بجمال عينيها, حتى انه يقال ان الجنرال دوغول , كتب في مذكراته : ان اجمل عيون رأيتها هي عيون أسمهان. سؤالا رئيسيا , حول ما عنته السيدة أم كلثوم في انفتاحها على الأساليب في القوالب الأخرى , ما يستتبع حول الفرق بين الأساليب التجديدية و الأساليب التقليدية في التلحين.

جاءت القصيدة في تسجيل مطول , إذ انه كان لصالح إذاعة الشرق الأدنى , في وقت تميزة فيه الاغنية الإذاعية بالطول , على عكس الأغنية السينمائية و أغنية الأسطوانة محدودة المدة في ذلك الوقت , كما سجلت في وقت كانت الحرب الإذاعات على اشدها لجذب المستمعين العرب خلال الحرب العالمية الثانية , و ما يستتبع توضيحا اخر. افتتح السنباطي التسجيل بتقاسيم جميلة على العود ..

فتحت السيدة أم كلثوم الطريق أمام السنباطي ليلحن لها عدداً كبيراً من القصائد من بعد هذه القصيدة , التي كانت الجسر الذي حقق ذلك ..

وختاماً اشكرك استاذ عادل الصموئيل على تدوين هذه القصيدة الجميل و الصعبة و اتمنى بتعاون معك مرة اخرى قريباً بكر دحدولي

[عادل صموئيل]

احبائى

اقدم لكم بمناسبة عيد الشرطة وثورة يناير رائعة سيد مكاوى

مصر دايما تحيا مصر

مع اطيب تحياتى

[عادل صموئيل]

احبائى

اقدم لكم من العيار التقيل جدا نشيد ام كلثوم

راجعين بقوة السلاح

احنا العمالقة خلوا الاحساس الوطنى عالى عندنا اوى اوى ,, انا بمجرد انى شفت طلب الاغنية ابتديت اكتب فيها فورا .. يعنى من الساعة 6 مساء دلوقتى الساعة 2 صباحا ماقدرتش اقوم إلا لما خلصتها .. طبعا انا مش بقعد متواصل يعنى بقوم كتير .. النشيد ده نت الاناشيد اللى اتظلمت لأم كلثوم يعنى كتير عمرهم ماسمعوه .. لأن له قصة ... كنا فى اول يومينو سنة 1967 .. كنا خلاص على وشك الحرب مع اسرائيل .. وكان كل حاجة فى البلد فى حالة الحرب .. وام كلثوم من دافع وطنيتها عملت حفلة خصيصا لتدعيم الجيش وغنت الاغنية دى .. ومع ان رياض السنباطى ما اخدش وقته فى تلحين النشيد لأن كان المفروض الحفلة تتعمل بسرعة ولكن اللحن رائع مع ان الكوبليه بتاع يا ارض يامسجونة سجنك لحنه صعب جدا لكن ان شاء الله تعزفوه

مع اطيب تحياتى

[عادل صموئيل]

المشاركة الأصلية كتبت بواسطة وليد100

السلام عليكم
صفحه 3 السطر 7 مازوره 4 (اللازمه) والغنا قبل اللازمه ايضا
الصفحه 4 السطر الثاني والثالث في مقطع قلوب ناس تدوب ومنك تغير ( تحس انها نشيد مدرسي )
الصفحه 5 القفله في السطر الاخير مقطه واقول بس ايه ماعندكش فكره
المشكله اني مشغول الان بس اللي فات ده عينه فقط
واخيرا اقول راي صواب يحتمل الخطاأ وراي غيري خطأ يحتمل الصواب
بس السؤال المهم هل يرضي الملحن الموهوب والعملاق حلمي بكر عن ذلك ؟
خد بقي عندك الفضيحه دي صفحه 9 السطر 3 مازوره 2 ( منتهي العبقريه )
وتحياتي لك استاذ هيثم
وتحياتي للجميع
وليد

الاخ العزيز
معلش طريقة كلامك مش مقبولة يعنى انت كده بتقول لى ماتكتبش تانى وانا تحت امرك
اولا التسجيل اللى انتم منزلينه ع الصفحة دى مش هو الملف الصوتى اللى نزله الاخ اللى طلب النوتة من الاصل يعنى انا شفت النوتة وسمعت التسجيل لقيت حاجة تانى ... وبعدين انا كاتب الاغنية دى ( وانا مش بحبها اصلا يعنى كتبتها وانا مش عاجبانى ولكن بناء على طلبكم ) .... وبعدين انا كاتب النوتة من قبل يمكن اكتر من 4 سنين حضرتك كنت فين من ساعتها ... يعنى لو ساعتها حضرتك نبهتنى يمكن كنت ما كتبتش تانى عشان ارحم الناس من اخطائى والعك اللى انا بعمله .. وطريقة الكلام يعنى والسؤال هل يرضى الملحن الموهوب حلمى بكر عن ذلك ؟ .. مش فاهم قصدك ايه ... بعدين كتبت كلمة الفضيحة اللى ف صفحة 9 سطر اتنين انا طبعا رحت اشوف ايه الفضيحة لقيت فيه كروش زيادة فى المازورة ... مش فضيحة يا اخى الفاضل .. جل من لا يسهو ... وكان ممكن انك تنبهنى عادى بالذوق كده مش قول انها فضيحة ... يعنى انت كده خلتنى اندم على التدوين اصلا .. واندم على السنوات الطويلة ساعات كل يوم ادون نوت كنت عشان انا مش بفهم حاجة حاسس انها صح وحضرتك عشان بتفهم احسن منى قلت انها غلط وفضايح يعنى ... اشكرك جزيل الشكر .. وانا ارجو من ادارة المنتدى انها تحذف موضوع طلبات النوت ده عشان نستريح ونبطل نعمل افساد للموسيقى لن يرضى عنه الموسيقار الموهوب حلمى بكر او اننا بنعمل فضايح فى النوت الموسيقية وطبعا ماحدش بيحب الفضايح وانا اعتذر
وانا الناهردة قدمت نشيد لأم كلثوم ارجو كمان ما تلاقيش انو فضيحة وده آخر عمل حاقدمه فى المنتدى مع اطيب تحياتى .... عادل صموئيل

[عادل صموئيل]

احبائى
وتكملة للى كتبته
انا قلت لكم من قبل حاجتين اولهم انا مش بفتكر النوت اللى كتبتها من كتر العدد وبالذات لما اكون كاتبها من زمان
والنوتة دى انا كتبتها مش اقل من 3 سنوات بعرفها من التوقيع بتاع اسمى بالانجليزى ف كل صفحة الفونت ده انا بطلت اكتبه من زمان
الحاجة التانية انا فيه اغانى بحبها حافظها واغانى مش بحبها حتى لو عزفت فيها بقرأ من النوتة وبعد ما نخلص الحفلة مش بيعلق منها معايا ولا حتى حرف والاغنية دى انا مش بحبها
انا بعد مانزلت نشيد راجعين بقوة السلاح براجع باقى الصفحة من عند ما شفت لحد امس .. لقيت الموضوع بتاع الاخ وليد 100 وهو منزل النوتة .. انا تخيلت انو منزل نوتة وبيقول عليها الاخطاء دى انها من تدوين حد تانى .. لأنى زى ما قلت لو حد طلبها دلوقتى مش حدونها .. كمشرف دفعنى حب الاستطلاع انى انزلها واشوفها فوجئت انها من تدويناتى القديمة .. طبعا اول حاجة شغلت الملف الصوتى اللى هو منزله وبصيت ع النوتة لقيته من حفلة تانية خالص .. يعنى شوفوا النوتة واسمعوا التسجيل حتلاقوا فى اول النوتة 3 اسطر فيهم صولو ناى مش موجودين فى التسجيل ومن هنا انا ما اقدرش اراجعها لأنى قلت انى مش بحبها ومش حافظها ... والملف الصوتى بتاعها بعد ماكونتها مسحته من عندى ... واسألكم مين منكم اللى طلبها زمان ونزل لى الملف الصوتى وقتها اللى انا دونتها منه وهل اللى طلبها لما دونتها وشلفها وعزفها لقا فيها كل الاخطاء الفظيعة دى يعنى .. يعنى استلف نظرى كلمة الاخ وليد : دى عينة يعنى ومش فاضى يكتب بقية الاخطاء .. وكلمة المازورتين مش عارفين عاملين زى نشيد مدرسى . انا استنتجت انهم كلهم نوارات طيب انا لقيت مثلا فيها حليات مالهاش لازمة كتبت اللحن الاساسى عشان الكل يعرف يقراها .. وعادة يا اخى العزيز انا ممكن يكون عندى احيانا غلطة بيكتشفها حد وبيقول لى وبصلحها عادى .. بس كلها بتبقى اخطاء مطبعية يعنى مثلا ناسى عنوان او علامة تحويل .. لكن عمرى ما عملت اخطاء فادحة لدرجة فضيحة او ان الملحن مش عارف ايه .. عموما انا كده خلاص قرفت من التدوين يعنى الوقت اللى بضيعه فى التدوين ممكن اعمل فيه اى حاجة تفيدنى اروح النادى مثلا او اقعد على قهوة

[عمرو الهنداوي]

الأخوة الأصدقاء...
أستاذ عادل حضرتك قيمة كبيرة و لا أظن ابداً أن يختلف عليك اثنين .. فأنت موسيقي من رائحة الفن والزمن الجميل وفنان عبقري من عظماء ساهموا في اثراء حياتنا الموسيقية... أدعوك أن تفكر جيداً في قرارك بشأن ترك التدوين وقبل أن تتأخذ قرارك أرجوك أن تفكر جيداً في تلاميذك واصدقائك الذين سفقتدنوك. ولا تنسي أنك تحمل أمانة فن وتراث الزمن الجميل فلا تبخل علينا بدورك الرائد في هذا الشأن .. ولا تنسي أنك تقدم لنا الكثير ونحن لا نشبع من المزيد ما دومت قادر على تلبية طلباتناً التي لا تنتهي.

وارجوك أن لا تزعل من ابنك زميل المنتدي الأستاذ وليد 100 فهو بالتأكيد لا يقصد الإساءة لشخصك ولا يشكك في قدراتك الموسيقية ونحن نعلم أن التدوين الشرقي على برنامج تدوين غربي يسبب الكثير من المشاكل في علامات التحويل ونحن نعلم حجم المجهود الذي تبذله في جعل برنامج غربي يكتب شرقي وخصوصاً مع الأغاني الدسمة التي لا تخلو من عشرات التحويلات في العلامات والمقامات .. فأرجوك أن لا تترك التدوين فحن في انتظارك ونثق فيك تمام الثقة..

صديقي أستاذ وليد 100
لي عتاب عليك أرجو أن تقبله بصدر رحب وأنا اثق في ذوقك واحترامك لنا جميعاً وللمنتدى وفي أنك لا تقصد أي خلاف شخصي مع أستاذ عادل لكن ياصديقي الكريم كنت قاسي وحاد جداً في رسالتك لأستاذ عادل وهو قيمة كبيرة ونحن نحترمه كإنسان قبل الفنان وما كان ينبغي الكلام معه بهذه الحدة لكن قدر الله وما شاء فعل .. وارجو منك وانت أنسان فنان أن توضح لأستاذ عادل أنك لا تقصد أي إساءة ولا أي تشكيك لآن الرجل والله يبذل مجهود رائع ونحن نقدره ونعزه جداً..

واسمح لي اشرح ليك نفس الموقف حصل معايا ومع أستاذ عادل: وكان قد كتب اغنية السيدة أم كلثوم الف ليلة وليلة واكتشفت أنه فيها اخطاء متعلقة بعلامة الربع تون نتيجة البرنامج وليس من أستاذ عادل .. فقولت له "أستاذ عادل هناك أخطاء في ألف ليلة وليلة" فرد عليا أستاذ عادل وقال لى "طيب ياعمرو حدد لى الأخطاء وهاشوفها تاني" وفعلا قولت له على الأخطاء ومن جوايا بقول يارب أكون صح وما أكون تجنت على الرجل .. وفعلا بسرعة أستاذ عادل عدل العلامات وضبط البرنامج .. والموضوع عدي بكل سهولة واحترام متبادل لأنه حريص على نقل الأمانة ونحن معه في هذا الحمل الكبير. وشوف هو أزي أستاذ كبير فما قالى مثلا مين انت علشان تقول إني أنا عادل صموئيل غلط أو انا بعزف مع أم كلثوم قبل انت ماتولد لكن شوف كان الرد " طيب .. قولي على الأخطاء وهاشوفها تاني"

واتمني أن يقبل أستاذ عادل طلب الزملاء في المنتدى أن لا يترك التدوين واتمني من اخي وليد أن يطيب بخاطر أستاذ عادل..

كل التقدير والتحية لجميع الزملاء..

[ملحن مصري]

المشاركة الأصلية كتبت بواسطة وليد100

السلام عليكم
اذا كنت يامحمد يابراهيم من غير الدال ماعندكش الشجاعه انك تواجهني بالكلام فانا عندي هذه الشجاعه
اولا انا عندي عمل فانا مدرس فيزياء اعمل بالسعوديه ياحبيبي ولست من اصناف البشر اللي ذكرتهم
ثانيا بدل ماكنت تنافق عشان تتلبي طلباتك بسرعه زي ماذكرت كان افضل ان تتكلم بطريقه موضوعيه اوتدخل وتفتح الملفات وتسمع وتفكر قبل ماتتكلم زي ماعمل الاخ المحترم هيثم
ثالثا لن اذيد في الكلام احتراما لاعضاء ومشرفي المنتدي فقط واترك لهم تقيم ذلك
رابعا اقول للاستاذ عادل حتي وان اختلفت معه فانا أعترف باني تحدثت بطريقه غير لائقه مع موسيقي قدير له كل الاحترام
مع الشكر

---------------------------------------------------------------------

أولا تحياتي إلي استاذنا ومرجعنا وقبلتنا الموسيقية .. القيمة والقيمة الفنية والتي تحتل مكانة خاصة جدا في قلوبنا

الأستاذ : عادل صموئيل

تعلمنا علي يديك أن الأخلاق تسبق الفن
تعلمنا منك التسامح والعطاء

ووارد جدا أن يخطئ أحدنا وواجب عليك أن تصحح لنا أخطاءنا وهو ما تعلمناه منك يا استاذي الفاضل

ولكن هل معني أن يخطئ أحدنا أن تحرمنا جميعا من الدروس التي نتعلمها علي يديك

************

أ : وليد
الأستاذ عادل كتب " جلي من لا يسهو "

وهو ما تعلمناه علي يد هذا الجيل أحد الدروس الهامة في التواضع

والأسلوب الذي تحدثت به مع استاذنا عادل صموئيل حضرتك لم تقبله عندما علق أحد المدافعين عما ارتكتبته من خطأ عندما تحدثت بأسلوب غير لائق .. فلماذا إذن تقبل ما لا ترضاه لنفسك

يا عزيزي كلنا بشر ومن منا لا يخطئ ؟؟؟؟؟؟

وإن كنت تري أن النوتات مليئة بالأخطاء بالفعل فكان من الممكن أن تنسحب في هدوء وتتركنا نتعلم الموسيقي بشكل خاطئ بدلا من التحدث بأسلوب جارح مع رجل مازال يحرص علي العطاء ولا يبخل علينا

أخيرا : إن كانت لك ملاحظات يمكنك مراسلة الأستاذ علي الخاص وما لا تعرفه عنه أنه إنسان قبل أن يكون فنان
ويتقبل النقد بصدر رحب ولكن جميعنا وأنت أولنا لا تقبل الإساءة

وأتمني ان تراجع نفسك وتذكر " لا تقبل ما لا تقبله لنفسك "

يا عزيزي نحن بشر لا ملائكة

----------------------------------

مع تحياتي

تلميذك وابنك

تامر عامر

ملحن مصري

[منذر44]

استاذ عادل شكرا على نوتة راجعين بقوة السلاح
ولكن اين ملف النوتة
لك اجمل تحية


اخى العزيز
اشكرك على التنبيه
انا نزلت النوتة حالا روح حتلاقيها فى مكانها
انا اكرر اسفى لأنى متضايق ومخى متعطل شوية يعنى بدل ما ارفع النوتة رفعت الملف الصوتى
مع اطيب تحياتى واكرر اسفى عادل صموئيل

[مينا رضا]

الاستاذ القدير عادل صموئيل لك كل التحية والتقدير وأنا بطلب من حضرتك ان تتراجع عن قرارك اللي أخدته بعدم التدوين وأنا لا أجد من الكلمات ما يعبر عن مجهوداتك في المنتدى فلا تحرمنا منها من فضلك

[تامرتامر]

تحياتي الأستاذ العزيز عادل صموئيل لك كل التحية والتقدير شكرا على تدوين نوتة - راجعين بقوة السلاح - وياريت لاتحرمنا من التدوين نوتة الموسقية منحبك وندعولك بتوفيق