طلبات نوتة أ / عادل صموئيل الجزء الثانى - الصفحة 124

**عادل صموئيل** · #**1231** 31/01/2013, 18h07

احبائى

اقدم لكم اليوم جزء من اغنية متميزة للسنباطى وام كلثوم

اليكم المقدمة الموسيقية والمقطع الاول من

اراك عصى الدمع

انتم جربوا تعزفوها لو مشيت معاكم اكملها

الاغنية المتميزة دى بتتميز او بتختلف عن الاغانى الاخرى ان اى اغنية لو فيها ادليب بيبقى جزء لا يتعدى 30% ولكن الادليب هنا اكتر من 80% , والاغنية كما سترون النوتة سهلة جدا ولكن الصعوبة فى دقة تنفيذ الادليب . يعنى تميزه انه منتظم وغير منتظم , والسرعة بتتغير فى كل سطر يعنى تمشى بسرعة ثم تبطىء او تسرع ثم تبطىء فجأة ... الامر اللى بيخليها من المستحيل تتكب يعنى عشان تتنفذ لازم كان يبقى بالطريقة بتاعة فرقة ام كلثوم نفسها شخصيا يعنى الملحن بيحفظ الفرقة بالعود من غير نوت اصلاً , لما الاخ العزيز ارمندو طلبها , انا احب التحدى يعنى اللحن اللى مش عادى اللى يتحدانى ..وكانت المشكلة اللى بفكر فيها فترة طويلة هى الاخراج يعنى المفروض تتكب مش على ميزان .. الكلام ده ينفع لو الادليب جملة او اتنين , لكن لو الادليب كتير جدا بالحجم ده لو اتكتبت على ادليب اللى حايقرا النوتة حايتوه فيها لذلك قررت احاول اكتبها على ميزان .. هى ظبطت الى حد ما لكن محتاجة الشىء اللى حاتعملوه لأول مرة وهو انك تشغل ودنك وانت بتعزف .. يعنى زى ام كلثوم فيه الاسراع وفين الابطاء وفين السكتة لو اطول او اقصر ..

انا بالطبع دى تجربة بالنسبة لى يعنى لو نجحتم نكمل ولو فشلت معاكم يبقى كفاية كده عشان ما اتعبش نفسى فى تدوينها وماحدش يستفيد منها وبالطبع حنتظر ردودكم .. لكن هو الملحوظة المهمة جدا انى حاولت اخلى التدوين اسهل ما يمكن يعنى لو دققت فيها حتلاقيها ( مع صعوبة اللحن واللى ماحدش نفذه تانى بعد ام كلثوم لصعوبته ) التدوين يمكن من اسهل النوت اللى انا دونتها فى حياتى المهم جربوا وحنشوف لأن باقى الاغنية ممكن حسب تساهيل ربنا ممكن اسهل او اصعب او بنفس الدرجة

مع اطيب تحياتى

**سليم العباس** · #**1232** 31/01/2013, 21h34

الشكر الجزيل أستاذ عادل على الإجابة الكافية الوافية فيما يتعلق بموضوع "سرقة " الألحان ، والدبلوماسية الصريحة فيما يتعلق بأفضل لحن . بالطبع تبقى أغنية الأطلال من أجمل ما لُحِّن من قصائد كما ذكر الأستاذ فؤاد العلمي و الأستاذ أرمندو ، و بمناسبة ذكر أفضل الألحان أعتقد أن أغنية من غير ليه هي الأجمل ربما لأنها تجمع مابين الموسيقى الشرقية والغربية و تخلق انسجاماً فريداً بينهما ، و في كل مرة نستمع إليها تأخذنا إلى عالم آخر و مشاعر أكثر عمقاً ، و يتجلى هذا بالمقدمة الفلسفية لمطلع الأغنية و التي تلخص حياة الإنسان في هذه الدنيا الغريبة، قبل أن ينتقل وبشكل رائع إلى أهم قيمة بشرية و هي المحبة و التي لا تنطبق عليها الأسئلة التقليدية ، أين ، كيف ، متى، لماذا... جواب مختصر لكل الأسئلة : من غير ليه .

**وائل علوي** · #**1233** 31/01/2013, 21h34

اقتباس:

المشاركة الأصلية كتبت بواسطة وائل علوي

السلام عليكم جميعا
اخواني الاعضاء وحشتوني جدا
استاذي الفاضل عادل صموئيل ربنا يديك الصحة والعافية على هذا المجهود والكرم الحاتمي
ارجو ممن لديه الملف الصوتي لسماعي نهاوند زي زمان -احمد حسن لانه جميل ومحتاجه
واشكر الاخ الذي طلبه وعرفنا عليه والشكر كل الشكر لاخونا عادل على كتابته
اخى العزيز وائل
اليك الملف الصوتى هو موجود فوق فى اول الصفحة فيديو كمان لو تحب
مع اطيب تحياتى عادل صموئيل
مع خالص تحياتي

استاذي الغالي الف شكر وتحية على سرعة ردك وربنا يخليك لينا

**عمرو الهنداوي** · #**1234** 31/01/2013, 23h00

أستاذ عادل
رجاء تكملة الاغنية اذا سمح وقتك

كل التحية

**ahmad_alahlawy** · #**1235** 31/01/2013, 23h59

أستاذنا الفاضل عادل:
برجاء اكمال أراك عصى الدمع.....ولكن لى ملاحظة فقد كنت دائما أظنها من اللا و ليس من الدو فهل هى من الدو و لكن الطبقة الصغيرة أم أنك قمت بكتابتها من الدو من باب التبسيط ؟
كما أرجو نظرة الى لست قلبى لعبد الحليم و أظنها أيضا عملا غير عادى
وشكرا
اخى العزيز
ام كلثوم دايما فرقتها بتظبط طبقة صغيرة
ولو اللحن من لا على الطبقة الصغيرة حايبقى من صول
واللحن حايبقى منخفض اوى
لكن لما يتعزف من الدو على الطبقة الصغيرة حاتسمعه من سى بيمول والسنباطى زى ماقلت بيحب ان ام كلثوم تغنى فى طبقة اعلى لنها عاملة زى الحصان اللى بيحب مساحة واسعة عشان ينطلق
مع اطيب تحياتى عادل صموئيل

**فؤاد العلمي** · #**1236** 01/02/2013, 01h31

احبائى

اقدم لكم اليوم جزء من اغنية متميزة للسنباطى وام كلثوم

اليكم المقدمة الموسيقية والمقطع الاول من

اراك عصى الدمع

انتم جربوا تعزفوها لو مشيت معاكم اكملها

أخي العزيز الأستاذ عادل
أنا لن أجيب على سؤالك، بل سأطلب من حضرتك أن تجيب على سؤالي:
لو كنت في صحراء قاحلة وأنت ميت من العطش، وجاءك شخص بكأس فيه ماء عذب وبارد، ويدوب تأخذ الجرعة الأولى يسحبه من يديك ويسألك هل تريد المزيد، فماذا سيكون جوابك؟
(انظر إلى رباعيات الخيام، البيت الثاني للرباعية الرابعة).
مع تحياتي- فؤاد

**ابراهيم قانون** · #**1237** 01/02/2013, 16h23

ممكن نوتة سماعي نهوند نديم الدرويش ولك الشكر

**ابراهيم قانون** · #**1238** 01/02/2013, 16h25

عفوا ولكن هناك سماعي اسمه ( سماعي الريحان ) وهو من مقام البيات وقد سمعته من اداء فرقة المالوف الليبية فهل من الممكن نوتته أيضا

**احمد علي البدري** · #**1239** 02/02/2013, 01h06

أرجوا نوتة هذه الاغنية
‫ظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ ط§ظ„طµط¨ط§ ظˆ ط§ظ„ط¬ظ…ط§ظ„‬&lrm; - YouTube

**نور الصباح** · #**1240** 02/02/2013, 22h16

أســــــــــــــتاذنا الجليل وصديقــــــــــــــنا العزيز وأخــــــــــــانا الحبيب
عـــــــــــــــــــــــــــــــــــــــــــــــــ ــــــادل صموئـــــــــــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــد :
بمناســــــــــبة ذكرى رحيــــــل ووفاة الفنان الموسيقار الراحل
فريـــــــــــــــــــــــــــــد الأطرش
طلبنــــا من جنابكم أن تتكرم بتدوين الأغنيات التالية :
1 - (يا حبيبى يا إللى جنبى ) فى الصفحة رقم ( 119) بتاريخ 26 / 12 / 2012
2 - ( حبيبى فين إنت فين) فى الصفحة رقم ( 127) بتاريخ1 / 1/ 2013 وذلك بعد تغيير الملف التالف
3 - ( بعد إللى كان) فى الصفحة رقم ( 119) بتاريخ 26/ 12 / 2012
4 - ( أجـــــــــل بهـــــــواك) فى الصفحة رقم 121 بتاريخ 27 / 12 / 2012
علما بأن هـــذه الأغنيات غير مدونة من قبل ولا توجد فى أى
منتدى متخصص أو غير متخصص
أطال الله عمركم وجعلكم حارسا وفيا - كما كنت دائما -
على نشر ورفعة الموسيقى العربية والفن العربى الأصيل
والعمل على ارتقائها وحسن تذوقها وانتشارها عالميا
ملحوظة هامة : و الحمد لله القائمة نقصت - ههـــــــــــاههههـــــــهههاى
وشكررررررررررررررررررررررررا
أخوكم
نور الصباح