استاذ عادل تحية طيبة والف سلامة ولا بئس عليك يا راجل ياطيب
لي طلب بسيط جدا عندك وهو رفع ملف بي دي اف يحتوي على صفحة كتابة النوتة فارغة لكي استخدمها في الكتابة اليدوية بدون وضع اي علامات سوى مفتاح الصول والباقي فاضي--اريد الصفحة تكون مليئة بالسطور الجاهزة للكتابة
مع كل الشكر والتقدير وتمنياتي لك بالشفاء العاجل
احلى سلام لمنتدانا الغالى و لكل ما فيه
و "مبروك البوية الجديدة"
هاهاهاهاهاهاهاهاهاهاهاهاهاايييي
و اسف على الانقطاع عنكم و لكن للدراسة احكام
و الف سلامه للاستاذ عادل و احب اقوللة:
"قوم يا بطل .. قوم يا فنان .. مصر محتاجاك"
و ايه يا استاذ عاصم .. مفيش لقاءات جديده ولا ايه .. وحشانى لمة الفنانين .. انت اللى دايما بتنظم المواعيد و الذى منه !
و الى لقاء قريب ان شاء الله
و ارجو منكم الدعاء لكل طلبة الثانوية العامة و ربنا يخلصنا منها على خير
__________________
سيد محمود سيد
كلية تجارة و ادارة اعمال جامعة حلوان
"شعبة نظم و معلومات الاعمال BIS"
اكرر طلبي لنوتة "يا عاشقة الورد" للفنان زكي ناصيف واتمنى من استاذ عادل انه يحن علي الهواه امثالي
تحياتي للجميع ...
أقدم لكم يا عاشقة الورد للفنان زكي ناصيف في أول تجربة تدوين الي
لفت انتباهي طلبك و حبيت اخوض التجربة و احاول اساعدك ... لست مدونا لكن محاولة.. اتمنى ان تسعد بها و ان تكون عند حسن الظن... حاولت أدونها بدقة قدر المستطاع و على امكانياتي المتواضعة طبعا
طبعا اتمنى من الاساتذة الكبار مراجعتها و اعطاء ملاحظاتهم و نصائحهم و ارشادي الى الاخطاء و لكم جزيل الشكر على مجهوداتكم و الروائع اللي بتتحفونا فيها دايما..
مع اطيب امنياتي بالشفاء العاجل للفنان الكبير الرائع عادل صاموئيل
احبائى
اولا اشكركم على شعوركم الجميل
انا الحمد لله يعنى ابتديت اتحسن لكن المشكلة مش الم الجسم ولكن الم النفس
يعنى مصر بتسير من سىء الى اسوأ والشمس مش باين تطلع
واكتر شىء آلمنى الاسبوع ده اتباع ابوجهل اللى بقالهم سنتين نازلين يقرفونا كل يوم بإختراع او فتوى جديدة
الفتوى المرة دى الغاء مادة التربية الموسيقية من المدارس لأنها تؤدى الى الفجور يعنى بدون تعليق
بس احب اقول حاجة خطيرة من وجهة نظرى
فيه خطة ممنهجة للقضاء على الوطنية والانتامء الى الوطن
جذور الوطنية ان الطفل اول مايدخل المدرسة بيقف فى طابور الصباح ويغنى النسيد الوطنى او السلام الجمهورى
لما نقطع دى كمان يطلع طفل لا ينتمى الى اى شىء بعدين نعلمه الدين الجديد ( او الخروج عن الدين ) بعدين نعلمه الارهاب وبالطبع الخطوة المكملة الغاء مادة التربية الفنية والتربية الياضية لأنهما حرام فى الدين الجديد
وبالطبع مش حايبقى فيه لازمة لوجود الكيات والمعاهد الموسيقية والفنية لأنها اساسا بتخرج مدرسين يعنى حايروحوا فين او يشتغلوا ايه ... والحرام والعار كل العار ان مصر اللى بتخرج احسن مدرس موسيقى فى العالم العربى واللى اولا بيخطفوه بكل الشوق فى كل الدول العربية واللى بتبعث اولادها الى مصر عشان يتعلموا الموسيقى بالطريقة العبقرية المصرية ... يعنى حرام مصر يتعمل فيها كده وحسبى الله ونعم الوكيل
اقدم الى لاخ العزيز وائل علوى وكل من يحتاج صفحات موسيقى فاضية اقدم لك 4 نماذج كل نموذج صفحتين
لأن الصفحة الاولى عادة بيبقى المدرج الاول داخل لجوه شوية فى بداية اللحن وانا عملت صفحة ثانية فى كل نموذج بحيث انك الاول تطبع منهم وتخلى عندك شوية وتشوف انت محتاج ايه منهم
عملت نموذج ميزان 4/4 فيه 4 موازير
ونموذج مش متقسم موازير بحيث انك تقسمه انت بنفسك زى كراسات الموسيقى
وعملت حجمين من الموضوع وانت تجرب تشوف الحج الكبير ولا الصغير تحتاجه
طبعا الموضوع ده ممكن يستفيد منو كتير منكم لأنكراسات الموسيقى الحجم الكبير بقت نادرة اوى دلوقتى
انا اثناء المرض برضو بشتغل يعنى ما اقدرش اقعد يوم من غير ما اكتب صفحة ... انا عملت حاجتين كبار اوى اوى اوى وان شاء الله انزلهم قريب واحدة خلصت والتانية لسه بخلص فيها
مع اطيب تحياتى