لرابح درياسة كلمة لو كان
ياكلمة لو كان يا العرة في لفظ لساني ياكلمة لو كان ياسلاح جميع الفنيان
كم بنيت قصور بيك بالكذب علا بنياني ياكلمة لو كان بيك عاد المنجل نيشان
وبكلمة لوكان غير في ساع نولي غني ياحصراه شحال درت مال بكلمة لوكان
الا نذكرهانشوف روحي سلطان زماني ولانتركها نصيب روحي نا والشيطان
ديما في لفظي نقولها لاواحد ككاني ملكتلي عقلي وباثة في النفس النقصان
تبعت هواها ودحمتني للواد اداني وادى واش بنيت من قصور بكلمة لوكان
نذكرها في ساعةالندامةفتوةشيطاني يالوكان دريت دايما نذكرها عجلان
تلقاني في ساعة الخسارة نذكرها ثاني وانيا مشروك غير وحدي عامل ديوان
يالوكان ندير يا لو كان السعد اعطاني وانا متوكي و نتكل غير على لوكان
اعوذ بالله من خطايا والفاظ لساني انا في روحي ركيك فارغ وطويل لسان
يامن تسمعني نعيدلك في ذا اللفظ معاني ودي من نظمي الفايدة وقرا للشبان
زعمابالتنقيح في الحقيقة زوقت جناني ماخليت فراغ في الجنان لكلمة لوكان
بالخدمة والكد والتعب تعلى بنياني وتعذبت الليل والنهار وجبت البرهان
ساسي فيه الدمع والعرق في بنيو عياني زاهي بيه وبيه نفتخر قبال الجيران
يا مزين القول العمل بيه نجح الباني وخوا الجبح اللي معمراتو كلمة لوكان
جربت توكيت في فراشي لا من اعطاني التمثيل يقول السما ما تمطر ذهبان
وتقدمت خدمت درت يدي عاونت اخواني من بعد الخدمة بصولدي حاسبت الفنيان
قلت انهض اعشي على ذراعك كيما نا راني واذكر غير اللي وجدتها واسمح في لو كان
يا حفاظ القول قيس تفهم معنة غيواني واوزن راك تصيب ساس قولي قاف وميزان
واذاكنت لبيب بعد منظومي ماتنساني ثبت عن اسمي قول من بعدي قال فلان
اسمي دال ورا وياوزيدالليف الوسطاني والسين مع الهاء الخاتمة اسم بلا نقصان
رد: رابح درياسة
أنا ما اقواني
العرض العادي
