الشاعر الشعبي عادل الغزالي

**عادل الغزالي** · #1 07/05/2010, 18h59

مشكور اخي عاصم علي المجهود الغير عادي للاهتمام وهذه مشاركه بسيطه مني ( آخر كتاباتي في الشعر) :
كل وطن عنده ارجال
وكل قوم ولها عوايد
والقول قايل وقال
ولفعال وآن الشدايد
وما حال يشبه ألحال
أو بالعز تلبس البايد

**abuaseem** · #2 07/05/2010, 19h23

اقتباس:

المشاركة الأصلية كتبت بواسطة عادل الغزالي

مشكور اخي عاصم علي المجهود الغير عادي للاهتمام وهذه مشاركه بسيطه مني ( آخر كتاباتي في الشعر)
كل وطن عنده ارجال وكل قوم ولها عوايد
والقول قايل وقال ولفعال وآن الشدايد
وما حال يشبه ألحال أو بالعز تلبس البايد

مرحبا بك استاذ عادل و ان شاء الله تكون هده بداية للمزيد من المشاركات. و اكيد الاعضاء في شوق لمعرفة اعمالك الشعرية التي قدمتها للفنان الكبير عبدالجليل ولغيره من الفنانيين.

**عادل الغزالي** · #3 18/02/2012, 08h17

اقتباس:

المشاركة الأصلية كتبت بواسطة باندس

قصيدة متداولة قبل 17 فبراير

لشاعرليبى حسب أعتقادى من خارج البلاد

.... ... .....

بسم الله الرحمن الرحيم .. والحمد لله الذي نصرنا .. اخي الكريم كتبت هذه القصيده قبل حوالي الخمس سنوات وقد كنت في تلك الفتره اخشي ان أجرجر بسببها ولكني اليوم انشرها لانني اعتقد انها قد تنبأت بالثوره المجيده ثورة 17 فبراير

متقولّي مكتوب ربي غالب .....
ماضاع حق اللي وراه مطالب ..
متقولّي مكتوبه ..
حتي القسامي غالبه ومغلوبه ..
انما رمت تقليب الوعر ودروبه ..
تحيا قليل العرف ديما خايب ,,,
متقول رايد ربي ..
متقولّي مكتوبلي متخبي ..
ما ضاع حق اللي وراه أمصبي ..
اجري ورا حقك ودير مخالب ,,,
متقول غصبن عني ..
ولاتقولّي مكتوب ماهو منّي ..
نيل المطالب ما يجي بتمنّي ..
والفعل ما يجيبه كلام الشارب ..

مع العلم بانه قد تم تلحين هذا العمل وسوف يتم تنفيذه في أقرب وقت ...( نحن في حاجه الي منتج ) أخوكم عادل الغزالي

**عادل الغزالي** · #4 19/02/2012, 07h17

أخي الكريم .. ابو عاصم تحيه مني اليك وكذلك للاخوه المشرفين معك للدور الكبير القائمين به من خلال هذه النافذه التراثيه .. لذلك احب ان اشاركم ببعض ماعندي من جديد الشعر والذي يتبعه غـــــــــــــــاوووون الوطن ..

عندي كــــــــــلام فالقلب

عندي كلام فالقلب نبي أنقولا
وعندي حكاوي سردهن بشعار
وميدوم فيها غير وجه المولا
دنيا غروره طبعها غدار
وينا الطاغي أوين من ركعولا
نالو المذله وخلفوه العار
وأصحاب المصالح مايبلو فولا
لا همهم في خوت لا في جار
ديمه الكرسي هو الغايه لولا
ولا شي غيره يحلمن لنضار
نبو تريس إيشيّلوه احموله
وطننا تفنن فيه بومنيار
خلاه حايس عرضته وبطوله
فنان لاكن عيبته دمّار
ياناس حكم العقل لو أركنتولا
بلا مزايده تجنو جنا بثمار
را الحسد يقلب فالبنادم غولا
وقلّة القيمه ما تجيب اقدار
عدّو الشهيد ومجّدو البطوله
أحسونه وفخري خلفو لفخار
وياما معاهم من تريس أفحولا
محمد ومهدي وجملة الثوار
نبو أرجال بصدق تبني دوله
ماهي أوكالة عيش يا حضار
ندعي العالي والشفيع رسوله في ليبيا ...... ما ينتسو لخيار
ملاحضه ( الاسماء لشهداء قاعدة بنينا الابطال وهم .. حسين الورفلي , فخري الصلابي . محمد العقيلي , المهدي رشيد )

**abuaseem** · #5 19/02/2012, 09h29

اهلا اخي عادل و شكرا على هذا الكلمات الجميلة..كانت النية فتح موضوع خاص لاعمالك الشعرية وكنا فقط في انتظار مشاركاتك. الحمدلله تحصلنا اليوم على ما يكفي لبداية موضوع نرجو ان يستمر ليشمل كل انتاجك القديم منه و الجديد و ياريت حتى ان كان هناك اعمال صوتية او مرئية لك لعرضها في هذا الموضوع. مرة اخرى شكرا استاذ عادل و نحن في انتظار المزيد

**عادل الغزالي** · #6 21/02/2012, 08h27

الي كل الليبيين .. ليبيا في حاجه الي الاستقرار والامن وهذا لن يتحقق اللا بوقوفنا الي جانب اي حكومه تدير الامور.. سواء منتخبه او توافقيه ... بالطاعه والرقابه.. وهذا هو دور الثائر الحقيقي .. وخلاف ذلك يعتبر خيـــــــــــــــــــــــــــانه لدماء الشهداء....

تكسر عود فعين بلادك .... وهي غطاك وفرشك ووسادك

راهو عيــــــــــــــــــــــــــــــــــــــــــــــــ ـــــــيب

أتمن عليــــــها ..... أتساوم فيــــــــــــــــــــــــــــــها

راهـــــــــــــــــــــــــــــــــــــــــــــــ ـــــو عيب

يا متــــــــــــــملق ؟؟؟؟ .. يا متســــــــــلق ؟؟؟؟؟

الله يعــــلم شنهــــــــــــــو مورادك .. راهو عيب

هي الحضن اللي زازابك ... وفيها خلّانك وحبابك

متمرد ما تريد حكومه .. وتلملم في ناس الحومه

أمفيت اللي ما يسوا سوما .. راهو ضايع اجر اجهادك

راهو عيب .............................راهو عيب

ويش اتريد ... أحكي مالّاخر .. ويش أتريد

عالنّاس أتزايد وتفاخر .... ويش اتريد

أتريد النوره .. راهو عيب.. خذلت الثوره .. راهو عيب

مازلت أمعـبه بحقـــــــــــــادك .. راهو عيب راهو عيب

.. متفكر غير فمصلحتك ... خنت الناس اللي امالحتك

وما عاد يشرف ميعادك ... راهو عيب.. راهو عيب

اتصارع في سبّه منصب .. لافوق الموجه راكب

للمكسب وآتي عدادك ... راهو عيب

ولاتريد الجيش ولا الشرطه .. تبي مغير أغياب السلطه

خلوت نجع وجا ميعادك .. رهو عيب ...... راهو عيب

**عادل الغزالي** · #7 22/02/2012, 09h27

ياليبيا زيدي أمجاد تعلّي ... غالي ترابك بالدّما متملّي

غالي وعزيز ترابك بالدم راوي خضبوه أحبابك

ياليبيا بهمة جميع شبابك ما عاد عمرك للعذاب تولّي

عيشي أبيه حرّه طاغيك وينه لا خبر لا جرّه

وانهو شهيدك في حياة مسرّه فجنه كريمه أقطوفها مدلّي

ــــــــــــــــــــــــــــــــــــــــــــــــــ ـــــــــــــــــــــــــــــــــ

سلمتي جيّابت ثوار .... ياليبيا يا وطن المختار

ما قطعو سبرك رضوك وردولك قدرك

يا يام وكنتي في قبرك حايوك ومسحوه العار

غاثوك أرجالك من طاغي وقف ميجالك

عيشي وافتخري بعيالك وانسي ذل اسنين أمرار

**عادل الغزالي** · #8 24/02/2012, 14h30

اشعار غاوووووووون الوطن ..
الغالي مايغلا عليك .. امغير اندهي لبيك
بعيالنــا ... واموالنـــا ... وارواحنـــــا
يــا ليـــبيــــــا نفديــــــــــــــــــــــــــديك
مغير اندهي تلقينا ... يا يام فزاعين
علّي مضا سامحينا .. وما نا المعضورين
في نفوسنا فكرنا .. واليوم يانا ثرنا
ودرنا اللي يرضيك .. الغالي ما يغلا عليك

لبيك جوك أحبابك ... ماعد أتقولي آه
رملك وحصو ترابك .. بالدم رويّناه
يالغاليه يا لم ... أنشيلو عليك الهم
وفوق روسنا نعليك .. الغالي ما يغلا عليك

**عادل الغزالي** · #9 24/02/2012, 14h43

سبحــــــــــــــان

سبحان من بعد الجدب .. مزنه أنكب ... والميّـــتــا حاياها
من ليبيـــا يآتي العجب .. مجد أنكتب .. بحروف من دم وذهب
زلــــــــــــــــــــــــــزل الكون صداهــــــــــــــــــــــــــــــــــــــــــــــ ـــا

سبحان .. من بعد الغمم .. وكبرت الهم .. صارت اللي موحاله
وبين الامم .. رفرف علم ... بنجيمته وهـلالـــــــــــه
فالزنتان في مصراته.. والزاويه علّاتـه .. بدم الشهيد فداتـــــــــــه
بــعــــــــــــزوم يا مقــــــــــــــــــــــــــــــــــــــواهـــــــ ــــــــــــــــــا

سبحان .. من شعبه نصر .. وطاغي دحر .. وقصره هدم بنيانه
الخوف انكسر .. وغيض انفجر .. فقلوبنا المليــــــــــانه
أمساعد الراس أجدير .. سايرين للتحرير ... وسلاحنا التكبير
لـــــــــــــــرواح هوّناهــــــــــــــــــــــــــــــــــــــــــــ ـــــــــا

**عادل الغزالي** · #10 24/02/2012, 15h11

أخي ابو عاصم .. الاخوه اعضاء المنتدي .. الاخوه متتبعي هذاالمنتدي .. يشرفني ان اشارككم بهذا العمل الغنائي والذي اداه الفنان محمود الشبلي , والحقيقه اعتبره اروع ما كتبت في حياتي من نصوص شعريه غنائيه لانه كتب في وداع شهدائنا الابرار .. ويعلم الله كم عانيت من آلام وكم ذرفت من دموع عند كتابته وكذلك عند سماعه حتي انني اصبحت اتجنب سماعه او مشاهدته .. اتمني التمعن في كلاماته لانها كتبت كاميثاق عهد ومبايعه من كل الليبين لشهدائنا الأبطال وسوف احاول تحميله صوت وصوره
وداعا غوالينـــــــــــــــــــــــا
وداعن غوالينـــــــــــا ...... فجنات عليــــــــــــــــــنا
ما تنتسو موحــــــــال .... فقلوبنا با أبطــــــــــــــــال
عـهـدا عليــنــــــــــــــــــــــــــــــــــــــــــــ ـــــــــــــــــا

فرسـان ما ذليتـــــــــو ... برواحكــم ضحيتــــــــــــــــو
للوطن رمز ابقيـــتو ... بمجــــــــــــاد فوق أعليتــو
ويا أحبـابنـا حالفين .. علي عهدكم ســــــــــايريــن
لآخـــــــــــــــــــــــــــــــر نفس فينــــــــــــــــــــــــــــــــا

ما كان شي لولاكـــــــــم .. رب السـّمـا نا داكــــــــــم
شفنـا غزيـــر أدماكــــم .. وعهدا علي مبداكـــــــــــم
ما نتركو المضلـــــــوم ... ولاعاد بعد اليـــــــــــوم
طـــــــــــــــــــاغـي يحكـــم فيـــــــــــــــــــنــــــــــــا