الأدباتى

[hany57]

المشاركة الأصلية كتبت بواسطة ليلى ابو مدين

شاعرنا الكبير وعمدة المنتدى أ/ سعد الشرقاوي
شاعرنا الكبير أ/ حمدي شبانة
شاعرنا الكبير د / هاني الجمل
تحياتي لحضراتكم
ومازلت أتابع في صمت وترقب كل جديد في هذا السجال الرائع عن الأديب
الأدباتي ...
شكراً جزيلاً لحضراتكم وتسلم الأيادي
تحياتي ومودتي
ليلى ابو مدين

ليلى يا أختنا نورتى
الأدباتى لما حضرتى
كدا لقلبى طمنتى
إن لنا حد بيقرا
الله الله يا بدوى جاب اليسرا

ومش أى حد دى ليلى
ابومدين ما تعجبها المايلة
ناقدة لها مشاركات هايلة
فى سماعى هنا وكمان برة
الله الله يا بدوى جاب اليسرا

[سعدالشرقاوى]

امكلثوم

نتيجتها كانتمحسومه

والنغمه لوحهومرسومه

طاب مين فى يوم يوصلسومه

لوْ عاش بدال الجيلعشره

الله الله يابدوى جاباليسرا

,,,,,,,

عوّدت عينىياظالمنى

وأروح لمينلوْتألمنى

أمل حياتىوتحْرمنى

حانساكوأشوفاللى حايجرى

الله الله يابدوى جاباليسرا

,,,,,,

فات المعاديامسهّرنى

ليهوانت عمرىتحيّرنى

وبادعى ربىّيقدّرنى

وأقابلهبالأحضان بكره

الله الله يابدوى جاباليسرا

,,,,,,,

أفرح وانادى على الأحباب

وأقول ياناسالهوىغلاب

افرح ياقلبىرجعت شباب

وأهل الهوىقلوبهم خضره

الله الله يابدوى جاباليسرا

,,,,,,,

منألف ليلهبتهوانى

وعشانهجرتكتنسانى

لوْ عدْت وصالحتكتانى

غرامنا حايفكالشفرة

الله الله يابدوى جاب اليسرا

[hany57]

الفنانة
شادية
------------------

صوتك يا شادية فيه من مصر
أغانيكى عايشة اكتر من عصر
الله على يا حبيبتى يا مصر
وولاد شداد اديهم سمرا
الله الله يا بدوى جاب اليسرا

الست شادية يا مستمعين
بتطمن اللى لنا جايين
قالت لهم ادخلوا سالمين
مصر آمنة كمان حرة
الله الله يا بدوى جاب اليسرا

والله يا زمن لا بإدينا
زرعنا الشوك ولا روينا
وانت يا زمن قاسى علينا
نكد النهارده سيبه لبكرة
الله الله يا بدوى جاب اليسرا

شبك حبيبى شبك قلبى
وعد ومكتوب وانا أيه ذنبى
سونة يا حبيبى تعالا جنبى
انا جايبة بسبوسة معتبرة
الله الله يا بدوى جاب اليسرا

شبكتينى يا سنارة
وضاع الطعم يا خسارة
وهمس الحب دا أمارة
لأحلى أغانى فى السهرة
الله الله يا بدوى جاب اليسرا

--------------------------
http://www.sama3y.net/forum/showthread.php?t=181

[حمدى شبانة]

كوكب الشرق
( وصلة أولى )
ـــــــــــــــــــــــــــــــــ
ياقلبى آه ... عظمة ياسِـت
مع فكرونى .. ياما فـكَّـرت
ف أمل حياتى .. ياما سهرت
بين الأمل .... وبين الذكرى
الله الله ياثومة جاب اليسرا

دليلى احتار .. وحيَّـرنى
دايماً حبيبى .. مسهَّرنى
لاطـول بُعدك .. يغيَّرنى
بقول : حنتقابل بُـكـرة
الله الله ياثومة جاب اليسرا


رابط الست فى سماعى
http://www.sama3y.net/forum/forumdisplay.php?f=54

[سهاام ماجد]

أنــا ... الأديـب الأدبــاتـى
والقـلــم .... كل حـــيـاتـى
دا انا لو كتبت ولو فقـرة
بطــلع من الأحــزان بــرا
الله الله ياقلمى جاب اليسرا
بقلمى
أخى الفاضل
حمدى شبانة
سعدت لتواجدى هنا مع
الأدباتى
دمت ودام قلمك الثرى
كانت هنا
سهــ ماجد ــام

[فاضل كانار]

المشاركة الأصلية كتبت بواسطة حمدى شبانة

الأدباتى و الطرب
---------------
أنــا الأديــــب ....... الأدبـــاتـى
غـاوى مــوســيــقـــا يــاخــواتـى
نــهــاوَنـــد ... ســـيـكــا وبـيَّــاتـى
الـروح مـعـاهـا تـكـون حـاضـرة
الله الله يـابـدوى جــاب الـيـســرا

أديــــب وأدبــاتـى ...... وفـــنـان
أعـيـش لـيـلاتـى ... مـع ألـحــان
مـعـــاهــا قـــلـبـى الـقــاســى لان
والدنيا تِـصـبـح ..... فى مـســرَّة
الله الله يــابـدوى جــاب الـيـســـرا

لــو الـمـدام ... بـتـلـوى الـبـــوز
أجـرى قـوام ... أسـمـع فـيـروز
وبسرعة ألبس ... بدلة وشـوز
أشوفلى حفـلة ..... ف الأوبـرا
الله الله يــابـدوى جـاب الـيـســرا
ــــــــــــــــــــــــــــــــــــــــــــــــــ

ادباتي من ارض كنانة
من فن ايده ولسانه
درر السما غنت عشانه
من كلمته مدح وذكرى
.
الله الله يابدوي جاب اليسرى

[فاعل خير]

أنا الأديب الفكهاتى

عمال بنادى واهاتى

وتعبت م الست حماتى

دى حكاوى بارويها لفقرا

الله ...الله... يابدوى

جاب اليسرا

[حمدى شبانة]

اللى يغش سيبك منُّه
بكلام يدِش .. إكمنُّه
دايماً يرُش من فمُّه
سموم وضحكة تكون صفرا
الله الله يابدوى جاب اليسرا

[حمدى شبانة]

الدنيا حلوة بس الناس
ساعات بتجرح الإحساس
وضحكة وحشة تخُس الراس
تِألم نفوسنا كام مرَّة
الله الله يابدوى جاب اليسرا

[حمدى شبانة]

نفوس مريضة مش صافية
ونفوس تعيش دايماً جافية
ونفوس تكون جوَّها خافية
حقد وكُره ... ومؤامرة
الله الله يابدوى جاب اليسرا