منيرة الهوّزوّز
تجفي اوتصل لعْداي
(خاف الله ربك)
تأليف عبد الكريم العلاف ** تلحين عزوري أهارون
مقام النهاوند
تسجيل إسطوانة حوالي الثلاثينيات في بغداد
(1)
تجفي اوتصل لعْداي مالك ياخِلي
شنهو الجنيته ويـــاك ياذنب گلي
خاف الله ربــــك تجفي اليحبك
تبخل ابگربك ماترحم اليهواك
(2)
اهلاً ياولفي الچان عن ولفه غايب
احملت يوم اجافك مــر المصايب
خاف الله ربك
(3)
تسألني علتي امنين وانت سببهه
كتــبه عليّه هاي ربـــــك كتبهه
خاف الله ربك
(4)
عفيّه گلب م يلين من يسمع ابچـــاي
لو من صخرهم جان لان وغده ماي
خاف الله ربك
(5)
وسوس لك النمام وابعدك عني
الذنـــب منك صار لاتظن مني
خاف الله ربك
(6)
الدنيا بس ويـاي شدت عـــــداوه
لا واحد من الناس لجروحي داوه
خاف الله ربك
@@@
تدوين كلمات الأغنية من (6) كوبليهات و حسب السماع.
انقى وأفضل من (هنــــاااا) و(هنــــــاااا) مع تعديل وضبط السرعة حسب الإسطوانة (هنــــــــــاااا)