كلمات بعض الأغاني - للموسيقار محمد عبدالوهاب

[غازي الضبع]

كلمات أغنية عاشق الروح
من كلمات : حسين السيد


ليه ليه ليه ليه ياعين ليلي طال
ليه ليه ليه ليه ياعين دمعي سال

ياعيوني حبايبي ليه هجروني
ليه يناموا وانت تصحي ياعيوني .. ليه ليه

ياليل عيني اشتكت من طول سهادي ياليل

والكاس في ايدى اتملت من دمع عينى ياليل

وكام من فجر صحِـيته وصحاني على عهودي

وحتى العين في غفلتها بتصحى دموعها في خدودي

تسبح في الفضا شاغل شغلني عن حطب عودي

وهبت وجودي علشانه وعمري ماعشت لوجودي

ضحيت هنايا فداه .. وحاعيش على ذكراه

هايم على دنيــاه
زي الضحى والليـــــل

وكل ده وانت مش داري ياناسيني وانا جنبك

حاولت كتير ابوح واشكي واقرب شكوتي منك

لقيتك في السما عالي وانا في الارض مش طايلك

حضنت الشكوى في قلبي وفطمت الروح على أملك

عشقت الحب في معبد بنيته بروحي وكياني

وخليت الأمل راهب مالوش عندي أمل تاني

أنوّر شمعتي لغيري ونارها كاويه أحضاني

وأبيع روحي
فدا روحي
وانا راضي بحرماني

وعشق الروح مالوش آخر
لكن عشق الجسد فاني

[غازي الضبع]

كلمات أغنية كل ده كان ليه
كلمات : مأمون الشناوي




كل ده كان ليه لما شفت عينيه
حن قلبي إليه وانشغلت عليه
كل ده كان ليه

قال لي كام كلمة ،، يشبهوا النسمة ،، في ليالي الصيف
سابني وف قلبي ،، شوق بيلعب بي ،، وف خيالي طيف
غاب عني بقى له يومين ماعرفش وحشني ليه
إحترت أشوفه فيــن وان شفته حاقول له إيه
كل ده كان ليه

اللي حيرني ،، واللي غيرني ،، واللي فاتني في حال
نام وسهرني ،، ولا فاكرني ،، ولا مش عالبـــــال
صبّحني في هم وويل ،، من طول ما بفكر فيه
نساني أنام الليل ،، خلاني أبات أناجيه
كل ده كان ليه

[جميل سلمان]

فين طريقك فين
كلمات: حسين سيد

فين طريقك فين ويروحوا له منين
يا حبيب العين قلبك فين متداري
يا قريب وبعيد شوقي لك بيزيد
عندي لك مواعيد ونت معاي مش داري فين فين
****
خايف ابني معاك فرحتي بهواك
انشغل بلؤاك وانظلم بجفاك
وان غدرني هواك ولا عز رضاك
اعمل ايه وياك اعمل ايه وياك
يا قريب وبعيد شوقي لك بيزيد
عندي لك مواعيد وانت معاي مش داري فين فين
****
بقولولي توب عن هوى المحبوب
قلت هات قلوب من حجر ما يدوب
لو قدرت انساك! افتكرني هواك
اعمل ايه وياك اعمل ايه وياك
يا قريب وبعيد شوقي لك بيزيد
عندي لك مواعيد وانت معاي مش داري فين فين
****
قلبي لك ميال وانت خالي البال
لي فيك آمال بس فين تنطال
روحي عايشه معاك بس مش لقياك
اعمل ايه وياك اعمل ايه وياك
يا قريب وبعيد شوقي لك بيزيد
عندي لك مواعيد وانت معاي مش داري فين فين

[جميل سلمان]

لما انت ناوي
كلمات: محمد عبد المنعم


لما انت ناوي تغيب على طول
مش كنت اخر مرة تقول
لما انت ناوي لما انت ناوي

بالليل اسيب نفسي لهمي ولافكاري
افضل افكر فيك وانت مانت داري
ولقى البعاد طول اولع ويزيد ناري
لما انت ناوي لما انت ناوي


اشوف خيالك في الوحدة جيه ادامي
اكلمك واسمع حسك واشكي غرامي
وقوم اضمك ما لقاش غير اوهامي
لما انت ناوي لما انت ناوي

مالقاش انيس في الوحده دي غير الحاني
وقول لنفسي ده مش ممكن رح يسلاني
لازم يهزه الشوق لي يرجع تاني
لما انت ناوي لما انت ناوي

[عمر التهامى]

سؤاااال بعد اذنكم
يقول الشاعر
أشكى لمين الهوى و الكل عزالى
أضحك لهم و البكى غالب على حالى
اه من عوازلى و اه من قلبك الخالى
لا القلب يرحم و لا العزال بينسونى و لا الفؤاد .........
بقية النص؟؟؟

[جميل سلمان]

المشاركة الأصلية كتبت بواسطة عمر التهامى

سؤاااال بعد اذنكم
يقول الشاعر
أشكى لمين الهوى و الكل عزالى
أضحك لهم و البكى غالب على حالى
اه من عوازلى و اه من قلبك الخالى
لا القلب يرحم و لا العزال بينسونى و لا الفؤاد .........
بقية النص؟؟؟

لا القلب يرحم ولا العزال بينسونى
ولا الفؤاد عن هواك بالدنيا دى سالى
--
والسالي من السو وهو النسيان فياتي المعنى ان الفؤاد لن ينسى هواك في هذه الدنيا!

وشكرا

[عمر التهامى]

المشاركة الأصلية كتبت بواسطة جميل سلمان

لا القلب يرحم ولا العزال بينسونى
ولا الفؤاد عن هواك بالدنيا دى سالى
--
والسالي من السو وهو النسيان فياتي المعنى ان الفؤاد لن ينسى هواك في هذه الدنيا!

وشكرا

الشكر لك يا استاذ جميل لم استطع غناءها بسبب هذا الجزء الناقص و قد اكملته مشكورا

[جميل سلمان]

اهلا بك اخي عمر وان شاء الله نسمع الاغنية بصوتك طالما انك اكملت غنائها

[جميل سلمان]

سكت ليه يا لساني

كلمات:أحمد رامي

سكت ليه يا لسانى عن شكوتك من الزمان
في غير أنيينك يا قلبي ولا رضيت الهوان

كترت عليك الأسية وطال عليك البعاد
وجار حبيبك علي والحب روحه الوداد

لو كان صفاني ما كان ضناني
وفضلت ابكي له لما جفت مدامع عيني

ياما شكيت له وشكيته ورجعت اشكي لروحي
ما كانش يرحمني منه الا بكاي ونوحي

أقابل الناس ودمعي محتار يفارق جفوني
وكل من شافني بنعي يفتكره خلقت عيوني

فضلت وحدي اقاسي وجدي
وصبر القلب لما عودت قلبي الأسية

[عمر التهامى]

المشاركة الأصلية كتبت بواسطة جميل سلمان

اهلا بك اخي عمر وان شاء الله نسمع الاغنية بصوتك طالما انك اكملت غنائها

ان شاء الله بس احكم الموال و احاول اسجلها بصوتى و ارفعها الى منتدانا العزيز