طلبات نوتة أ / عادل صموئيل الجزء الثانى - الصفحة 479

**تامرتامر** · #**4781** 18/02/2016, 19h20

بعد التحيه الى الأستاذ القدير عادل صموئيل ياريت تتكرم علينا بتدوين أغنية فريد الأطرش (عذاب ليه يا دنيا) وهذا هو الرابط http://youtu.be/Sd_9N6onMmE

**wahidfarid** · #**4782** 18/02/2016, 20h38

أضم صوتي ألى الآخ تامر لتدوين آغنية عداب يا دنيا العداب

**نجم النجوم** · #**4783** 19/02/2016, 10h40

أستاذنا الجليل والفنان الجميل
المايسترو الأصيل
عــــــــــــــــــــــــــــــــــــادل باشا صموئيــــــــــــــــــــــــــيل
أسعد الله صباحكم
وأرجو من جنابكم ضم صوتى لصوت الأخ الفاضل
الزميل تــــــــــامر والأخ wahidfarid
وحجيد فريد - فى طلب تدوين أغنية الموسيقار
{ فريد الأطرش }
عـــذاب ليه يـــــا دنيا عذاب
علما بأن رابطه على اليوتيوب هو
https://www.youtube.com/watch?v=BgmEUn39d9I
وشكرا على هذه الروائع
وشكرررررررررررررررررررا
أخوكم
نور الصباح - سابقا
نجم النجوم - حاليا

**مينا رضا** · #**4784** 19/02/2016, 20h41

ارجو من الاستاذ العزيز عادل صموئيل ان كان وقت حضرتك يسمح بتدوين هذا اللحن
وهذا هو الرابط
https://www.youtube.com/watch?v=ZBRRpf2oin0

**عادل صموئيل** · #**4785** 20/02/2016, 19h54

احبائى
اقدم لكم بناء على طلب والحاح الاخ خالد مخلوف

موسيقى توزيع اغنية سالمة ياسلامة لداليدا بتصرف

وكاتب بتصرف ليه .. عشان الموزع هنا مغير حاجات فى الاغنية الأصلية ... انا طبعا كنت مدون اغنة داليدا من زمان وموجودة فى الفهرس ... بس كاتب بتصرف عشان ممكن حد ياخد النوتة دى ويشتغل فيها على ااس انها اغنية داليدا وحيلقى حاجات كتير مختلفة يفتكر انى كاتبها غلط
لذلك انا منزل هنا ملف الموسيقى والنوتة من درجتين درجة لا وهى الدرجة بتاعة اغنية داليدا ودرجة فا وهى الدرجة المعزوف منها الموسيقى لأن الاخ خالد طلبها من نفس السلم ولكم ان تختاروا ايها اسهل وتمشى معاكم بس اكرر انها موسيقى موزعة مش زى الاغنية الاصلية بالضبط
مع اطيب تحياتى

**نجم النجوم** · #**4786** 21/02/2016, 05h45

احبائى
اقدم لكم بناء على طلب والحاح الاخ خالد مخلوف

موسيقى توزيع اغنية سالمة ياسلامة لداليدا بتصرف

مع اطيب تحياتى

SSSSSSSSSSSSSSSSSSSSSSSSSSSSSSSSS

أستاذنا الجليل والفنان الجميل

المايسترو الأصيل

عــــــــــــــــــــــــــــــــــــادل باشا صموئيــــــــــــــــــــــــــيل

أسعد الله مساءكم

ويسعدنى أن أشكر عودتك لأغانى الزمن الجميل

وشكرا على هذه الروائع

وشكرررررررررررررررررررا

أخوكم

نور الصباح - سابقا

نجم النجوم - حاليا

**عبد الإله** · #**4787** 21/02/2016, 08h19

صباح الفل و الياسمين على موسيقارنا الجميل
أنا أفتح صفحة الموسيقار قبل الإفطار وقبل الغذاء وقبل العشاء كل يوم كي أتملى من طلعته البهية.
وأكتفي بمحاولات عزف نوتاته الجميلة.
أنا عندي سؤال خارج موضوع طلب نوتات إذا أمكن:
هل يشترط في توزيع اللحن أن يكون من نفس مقام ( مقامات ) اللحن الأساسي ؟
وما الضابط في توزيع الجمل؟
لكم مني أجمل التمنيات !!

اخى العزيز
اهم حاجة فى التوزيع .. ان الموزع بيستخدم مادة اسمها الهارمونى ... ودى بيدرس فيها التوافق والتنافر بين النغمات اللى بتتسمع مع بعضها .... يعنى مثلا لما تكون نغمة دو ... اللى بيتنافر معاها دو دييز ورى وسى بيمول وسى ناتورايل .. لكن مى ومى بيمول وفا وصول ولا ولا بيمول ودو الجواب بيتوافقا معاها
وهنا الموزع مع كل نغمة موجودة فى اللحن الاساسى لما بيضع نغمة او نغمات معاها لازم يراعى اتوافق والتنافر ده عشان يطلع التوزيع منسجم مع اللحن يديه تجيل ولا يعطى نشاز
بالطبع من المفضل ان يكون الجملة اللى المزع بيضيفها من المستحسن ان تكون فى نفس المقام الاصلى او مقام بيحتولا على نفس علامات التحويل او بعض منها .. ليه .. لأن مثلا فى المقام الاصلى فيه نغمة مى بيمول مثلا .. مش معقول احط لها خط لحنى تانى من مقام فيه امى ناتوريل حايحصل نشاز ..
اما ضوابط التوزيع .. دى مش موضوع اكاديمى .. يعنى بيتاخد اكاديميا الشق العلمى وهو اقصى حدود استعمال مادة الهارمونى بطريقة صحيحة ... لكن بعد ماتستعمل المادة دى هنا بييجى الذوق ... يعنى زمان لما تشوف موسيقى الزمن الجميل .. كان 90% من الحان مش موزعة .. ام الموزعة .. بيبقى الملحن عامل جملة واحدة فقط تتوزع مش اللحن كله .. والجملة دى لازم يكون فيها مواصفات ان نغماتها طويلة يعنى بلانشات او روندات بحيث الملحن بيترك فراغ ان الموزع يحط عليها خطوط لحنية تانية يبقى واضح اللحن الاساسى بتاع الملحن وواضح حلاوة توزيع الموزع .. زى شغل محمد عبد الوهاب مثلا ... عمر ماعبد الوهاب كان يخلى الموزع يوزع اللحن كله ... لأن اللى انت حاتمسعه بيبقى ضاع اللحن الاساسى بتاع عبد الوهاب وانت سامع شغل الموزع ... دلوقتى لما بقى الموضوع سمك لبن تمرهندى تلاقى كل الاغانى والموسيقى موزعة ... وده خطورته على الموسيقى الشرقية حاجتين .. اولهم ان كل الالحان الاساسية بتضيع معالمها فى وسط الدوشة دى بحيث ان الملحن ممكن يسرق من نفسه يعنى يعمل فى لحن تانى جمل شبهها تماما .. او ان غيره يسرق منه .. لأن التوزيع بيغطى كتير على اللحن الاساسى ... وثانيا ان ضاعت قيمة التوزيع .. بمعنى لما تسمع زمان لحن لعبد الوهاب وانا قلت ان الملحن بيعمل مساحة للموزع هنا الموزع لازم يؤلف جمل موسيقية فى اللحن ده مش ممكن يعمل زيها فى لحن تانى .. لأنها واضحة ومسموعة وبتتحفظ .. لكن دلوقتى نفس التوزيع ممكن يتحط ف 30 لحن والجمهور ولا فاهم حاجة ... وده بالذات اللى يخلى الالحان دلوقتى كلها بقت شبه بعضها مش زى زمان اول ماتسمع رفين من اى اغنية تقول دى اغنية كذا مع اطيب تحياتى عادل صموئيل

**محمد عبد الكافي** · #**4788** 21/02/2016, 09h39

استاذي الفاضل ربنا يبارك فيك علي المجهود الرائع والمبذول من معاليك لك مني كل الشكر والامتنان والتقدير ولي عن معاليك طلب نوتة دموع في عيون وقحة للراحل الاستاذ عمار الشريعي ولسيادتكم جزيل الشكر والعرفان

**عادل صموئيل** · #**4789** 21/02/2016, 15h54

احبائى
ونعود الى الاغانى الخفيفة اغنية محمد جمال

مزيكا يامزيكا

مع اطيب تحياتى

**بكر محمد دحدولي** · #**4790** 21/02/2016, 16h50

يعطيك العافية أستاذ عادل صمؤيل , على توزيع الجميل لأغنية سالمة يا سلامة و اغنية مزيكا يامزيكا و طبعاً نشكرك يا أستاذ عادل بما تفعله من مجهود من اجل الفن و لأجلنا جميعاً .. بكر دحدولي