طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم رائعة من اروع ماغنت الفنانة فيروز

مصر عادت شمسك الذهب

طبعا استكمالا للكلام اللى انا قلته امس عن الالحان الموزعة وايه اللى ممكن يتكتب وانت تعزفه حلووايه اللى مش ممكن يتكتب ... اللحن ده فيه توزيع .. لكن فيه ذكاء وعبقرية زمن الفن الجميل وابداع العمالقة ... انك طول الوقت سامع اللحن الاساسى واضح جدا بقوة والتوزيع تحته بيمثل خلفية .. يعنى وانا بكتب سامع كويس اللحن اللى بكتبه وانت لو عزفته اللى حايسمعك سامع اللحن كله مش ناقصة حاجة .. وانا بالطبع استمتعت جدا بتدوين اللحن الرائع ده .. وانت ازاى تفهم انى استمتعت انى كتبته فى وقت قياسى يعنى خلصته فى 24 ساعة مش قاعد على طول طبعا يعنى على كذا قعدة .. لكن فى القعدة الواحدة كنت بكتب جزء كبير بيخلينى احس انى عامل انجاز ... غير الالحان الموزعة المعقدة ممكن اقعد نص ساعة فى مازورة واحدة مش عارف استوعبها وكل ما اكتب مازورة احس انها لسه ناقصها حاجة

مع اطيب تحاتى

[كمال العرباوي]

اغنية رائعة كلمات والحان واداء للسيدة فيروز...والاروع تدوين رائع لصاحب الأنامل الذعبية استاذنا عادل ...تقبل مروري بفائق الشكروالإحترام

[sad violon]

السلام عليكم وبارك الله لكم لو سمحتم انا بحاجة للنوتة الموسيقية لنشيد بسم الله للأطفال لو ممكن وشكرا لكم


ممكن الملف الصوتى او اى رابط له عشان ادونه منه
مع اطيب تحياتى عادل صموئيل

[منذر44]

مصر عادت شمسك الذهب
اغنية روعة وتدوين اروع
صاحب الانامل الذهبية الاستاذ عادل صموئيل
شكرا لك من القلب لكل هذه الابداعات والتحف
سلمت للفن

[تامرتامر]

يعطيك الف عافية الا ستاذ عادل صموئيل على تدوين أغنية فيروز مصر عادت شمسك الذهب وياريت تتكرم علينا بتدوين أغنية وردة ( على عيني ياحبة عيني ) وشكرا

[عادل صموئيل]

احبائى
اقدم لكم من الطرب التقيل رائعة محمد عبد المطلب

الناس المغرمين

مع اطيب تحياتى

[Marino]

مساء الخير .....

أنا عازف جيتار وجديد هنا في المنتدى ويشرفني بجد وجودي في أكبر موقع للموسيقى العربية الأصيلة من كل الدول العربية ... وبجد باحييكم على الجهد المبذول والعمل الرائع بالمنتدى ...

وكان لي طلب وهو طلبي الأول في المنتدى ...

كنت محتاج نوتة أغنية قصة شتا لدنيا سمير غانم مع العلم أنا بحثت عنها في المنتدى وفي النت كله مالقيتهاش ... فلو مافيهاش ازعاج لحضراتكم لو تكرمتم وتفضلتهم بها عليا أكون شاكر جدا ... وانا حاولت أكتب طلبي في قسم طلبات النوت لقيت الرابط مغلق ما عرفتش أكتبه فيه ...

وتقضلوا بقبول وافر التقدير والاحترام ...

[مينا رضا]

بعد اذن الاستاذ عادل صموئيل لو قت حضرتك يسمح ارجو من حضرتك تدوين مديحة
يا م ر ي م
ومديح نشكرك يا اله يعقوب وهذا هو الرابط
https://www.youtube.com/watch?v=6TyW_fgOLp0
المديح الثاني
اشكرك يا اله يعقوب
https://www.youtube.com/watch?v=X9ACuHMr-0w
وارجو ان حضرتك تحتملني لأني مازلت مبتدئ واتحسس طريقي ولا اعرف الكثير عن الموسيقى وبالتالي لا تضح لى الامور الامور الا بامثلة فحتى لو حضرتك مش هاتدون المديحتين فلو كان السبب اي شئ غير ان وقت وظروف حضرتك لاتسمح ارجو ان توضح لى اسباب عدم التدوين وهنا اقصد الاسباب الفنية واللي من خلالها بتعلم من اخطائي لان سواء حضرتك دون او لم تدون ففي النهاية نصيحتك تهمني دوماً وشكراً مقدماً

[salhi_haithem]

شكرا أستاذ عادل على نوتة الناس المغرمين نوتة روعة و هل من مزيد

[نور الصباح]

الأخوة الأحباء
والأصدقــــــــاء الأعـــــزاء
سلام الله عليكم جميعا ورحمته وبركاته
وبعد :
أعزكم الله بعزه وعافيته
ووقاكم الله وإيانا شر الأمراض
ويسرنى أن أتقدم إليكم بخالص الشكر والعرفان
وخالص الحب والامتنان داعيا الله - عز وجل -
أن يديم عليكم جميعا نعمة الصحة وسلامة الأبدان
وسلامة القلوب والأنفس وخاصة كل من سأل عنا
وشرفنا بالسؤال عن صحتنا
{ وخاصـــــــــــــــة }
على سبيل المثال لا الحصر
الفنان الكبير - حبيب القلب والروح
نزيــــــــــــــــــــــــــــــه محمـــــــــــــــــــــــــد
الفنان البديع - زعيم المدونين
عــــــــــــــــــــــادل باشا صـــــــــــــــموئيل
والأساتذة
برهان عواد
محمد إبراهيم - كبير سفرائنا فى السودان
در ز رسلان
إيــــــــــــمان - الأخت الكريمة
محمد حسنى شرع
نور عــــــــــسكر
abuaseem
خليل زيـــــــدان
Ajenoui Driss
أنـــــــــور الحارث
وعاصم المنشاوى - مؤرخ المنتدى
وغيرهم الكثير والكثير - حفظهم الله ورعاهم ووقاهم
ونرجوا مزيد دعواتهم بالشفاء
واسمحوا بقبول مزيد اعتذارى لعدم تمكنى من الاتصال تليفونيا
لأننى كنت فى حالة من الأنيميا الحادة بسبب الكليتين
واختلال نسب الأملاح المعدنية فى الجسم نتيجة غسيل الكلى
حيث فقدت السيطرة على جميع أعضاء وعضلات الجسم
وشكرررررررررررررررررررررررررررررا
أخوكم
نور الصباح