شاعر في زمن المستشعرين

YouTube - ‫ظ‡ط´ط§ظ… ط§ظ„ط¬ط® - ط´ظٹظ…ط§ط، ظٹط§ ظ…ظƒط© ظ…ظ† ط*ظپظ„ ط³ط§ظ‚ظٹط© ط§ظ„طµط§ظˆظٹ ظ…ط§ظٹظˆ 2010‬‎

YouTube - ‫ظ‡ط´ط§ظ… ط§ظ„ط¬ط® ظپظٹ ظ…ظ† ظ‚ظ„ط¨ ظ…طµط± ظ…ط¹ ظ„ط§ظ…ظٹط³ ط§ظ„ط*ط¯ظٹط¯ظٹ - ط§ظ„ط¬ط²ط، ط§ظ„ط£ظˆظ„.wmv‬‎

YouTube - ‫ظ‡ط´ط§ظ… ط§ظ„ط¬ط® ظپظٹ ظ…ظ† ظ‚ظ„ط¨ ظ…طµط± ظ…ط¹ ظ„ط§ظ…ظٹط³ ط§ظ„ط*ط¯ظٹط¯ظٹ ط§ظ„ط¬ط²ط، ط§ظ„ط«ط§ظ†ظٹ‬‎

[ليلى ابو مدين]

بسم الله الرحمن الرحيم
ما شاء الله أخي الأستاذ /مصطفى
(الباشا قمر زمان)
أشكرك وأهنئك على كل هذه الدُرر التي جمعتها وأتحفتنا بها
للهويس الصعيدي هشام الجخ
واليك قصيدة مكتوبة للجخ بعنوان
(جُحا)

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

[د أنس البن]

شكر واجب
كل الشكر للأخ الصديق مصطفى الباشاقمر الزمان
على رفع هذه الملفات الممتعه الجميله
للشاعر الموهوب الجميل شعرا وإلقاء وحضورا هشام الجخ

[د أنس البن]

من أعمال وإبداعات الهويس الصعيدي هشام الجخ

قصيدة البغبغان

كان يوم مَطَر ..
البغبغان جُوَّا القَفَص
طَلَّع لِسانُه لعصفورين فوق الشجر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد ..
لَـمَّا انفَجَر ..
هو انتو حِمْل السِيل ؟؟
والا حِمْل المطر ؟؟
كان فيها إيه لو تِعْمِلُوا زيِّي
وتقولوا زَيّ ما يقول البَشَر ؟؟..

ردُّوا علِيه العصفورين :
لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك
إن ما بين الحياة والموت ..
نَفَس

----

قصيده انسحبوا

إنسحبوا
كان اللاسلكى بعيد
والعسكرى مسمعش
انسحبوا
شوفوا العجب يا ولاد
العسكرى مرجعش
إنسحبوا
أطرش دا ولا صنم
إرجع يا جندى بياده
دخل العدوا العريش
ارجع خلاص بزياده
العسكرى سامع
لكنه واد مجدع
شال اربجيهه وضحك
إشمعنا انا اللى ارجع
وقف الزمن مذهول ساعتين بيشاهد
الجندى قام كبر المدفع اتشاهد
الدبابات ظهرت
إرجع يا جندى نظام
دا كان كلام القياده
ودا برضوا وقت كلام
وقف الولد ددبان
ياساده يا سمعين
صادهم كما الدبان
محروس يا واد من العين
الدبابات صفين
اتفاجؤا وافترقوا
على كتفه كان مدفع
وعلى الجبين عرقه
غطاء العفار النار
ولا حد عاد شايف
والدبابات بتهل
ودا برضوا مش خايف
الضحكه على وشه متقولش بيصيف
ولسه الزمن واقف
مبسوط ومتكيف
الدبابات كترت
والكتره غلابه
والقلب لو مؤمن ولا ألف دبابه
هتقولوا مات الولد
أنا قولكم لاعاش
ما الجنه ولا فيها موت
ولا تدخل ببلاش

.......

[حماد مزيد]

نتابع
نتابع مع أبي زهده
مع الدكتور مع الباشا مع الأخوات
مع الأصحاب
نتابع مع هشام الجخ
نتابع شاعرا بارع :

ألستم من تعلمنا على يدكم
بأن العود محمي بحزمته
ضعيف حين ينفردُ

لماذا الفرقة الحمقاء تحكمنا
ألستم من تعلمنا على يدكم
أن اعتصموا بحبل الله واتحدوا

المشاركة الأصلية كتبت بواسطة د أنس البن

شكر واجب

كل الشكر للأخ الصديق مصطفى الباشاقمر الزمان
على رفع هذه الملفات الممتعه الجميله
للشاعر الموهوب الجميل شعرا وإلقاء وحضورا هشام الجخ

لا شكر على واجب نستمده من شخصكم الجميل ومن الإخوة الأفاضل بما تقدمونه من روائع الأعمال والكنوز الرائعة وتكشفون لنا مواطن الإبداع والجمال فليتني أستطيع أن أقدم أكثر من ذلك .... سلمت أخي وصديقي العزيز

[abuzahda]

إيه ده كله يا عمي مصطفى

أرشيف كامل ، ما شاء الله

الله يبارك فيك يا أستاذ

الله يخليك يا أستاذ سيد
ده أقل واجب .... يعني حضرتك تجيب شاعر كهذا ..... و د.أنس يقول نعمل له صفحة خاصة ... وأنا أتأخر... وبصراحة أنا سمعته من قبل ... بس أمس سمعت كل اللى قاله ... وطريقته في الالقاء جميلة ... ويستحق ... وتسلم على هديتك الجميلة