ما فيش فيكي يا محروسة طفل أو طفلة من جيلنا ما لعبش ( التعلب فات )
و نص اللعبة طبعا كلنا عرفينه و مش محتاج تدوين
و طبعا اللحن البسيط إللي بيزن في ودانا لغاية النهارده
أرجعكم و اسمعكم ( التعلب فات ) و لكن بإحترافيه غير طبيعية من ( أطفال ) و لكن أكادميين
العمل موضوع في شكل تعدد تصويت ( كونترا بوينت ) في منتهى التعقيد الهارموني ( بالنسبة لطفل )
اسمع و فتح ودنك اليمين للخط الأول و ودنك الشمال للخط التاني ودور على ودن تالته للخط التالت ناهيك عن خط البيانو
و فتح قلبك و فكرك لإحتراف أطفال المحروسة ( ربنا يحميهم ) و يبارك في كتاكيتك يا ام الدنيا
و كل المطحنه دي بس في 1.35 دقيقة ( مع التصفيق )
مفيش مرة أسمع فيها واحد من الأعمال دي إلا و عيني تدمع و شعر راسي يقف ( مع إني أقرع )
لا تنسى تقول ( ما شاء الله )
التعلب فات
أداء : كورال أطفال كونسيرفتوار القاهرة
تناول و توزيع الراحل الرائع الدكتور : جمال عبد الرحيم
قيادة الدكتورة : عفت عياد
__________________
دَعْ عَنكَ تَعنيفي و ذقْ طعمَ الهوَى
فــإذا عَشِـقـتَ فبَـعـدَ ذلــكَ عَـنـِّـفِ