احبائى
تشجيعا للأعضاء الجدد
اقدم اغنية محمد هنيدى
ايد لوحدها ماتصقفش
هو بالطبع النوعية دى من الاغانى مش بنتداولها فى المنتدى لنو خاص بأغانى الزمن الجميل فقط ( وان شاء الله حيرفدونى من المنتدى ) ولكن انا دونتها لأنها تنفع فى المدارس يعنى تضاف الى الحصيلة اللى انا بحب دايما ازودها لأخوتى واحبائى مدرسين الموسيقى وهى تقدر تقول عليها وطنية ومش محددة بدولة محددة يعنى ممكن تتنفذ فى اى بلد
هى مشكلة اغانى الزمن الحالى ان اللى انت بتسمعو مش محدد بمعنى لما تسمع عبد الحليم مثلا او اى مطرب من مطربى الزمن الجميل تحس انك فى حصة صولفيج يعنى المطرب والموسيقى بتقول حروف محددة يعنى تبقى سامع انو بادى من رى مثلا وراح فادييز لاتدع مجال للشك وهكذا كل النغمات يعنى السبب ده هو اللى بيعمل الطرب والسلطنة انهم بيقولوا نغمات مضبوطة لكن هنا فى الجملة الموسيقية انا سامع حرف مش فاهم هو ايه بالتحديد وكتبته اقرب حاجة وربنا يسامحنى
انا ارفقت الملف الصوتى معاها لان الاخ العزيز اللى طلبها نزل لى الملف على الخاص وكان فيديو
انا اخدت منو نسخة صوتية ونزلتها نص تون عشان اعرف اكتبها لكم
مع اطيب تحياتى