هما هما
نـفـس الـوجـوه اللـى اتـجيـب الغمه
كــيـف أمــس كيـف الـيـوم
هما همّا
نـفـس الــنـاس
و نفـس الاسامى اللى اتجيب الياس
كـذب ونفـاق وظـلـم و اخـتـلاس
ويــن ما أيـبانـوا يـسـرقـوا المهمه
عاشـوا على قـل الوفاء واخــلاص
تربـــوا على يده زعيم الامـه
نـفــس احــمـيده
ونفس الوجـوه الـلـى زمـان زهـيده
مـا تـقـول جـدت فـى لـبلاد جديده
ولا هناك عـيل مـات ضحى بـدمه
ولا تــقـول شـاب اليـوم فاقـد أيـدة
و فاقـد أقــدامة و لـنظار وفمّة
نفس الحال
ونفــس الرزاله وطيحة المزال
ونفس الفساد ونفس نهب المـال
واللى روانه السـم زايد سمـــه
اليــوم ناس تسلـق على لحبال
على كل خوطه جامده ملتمه
رد الشاعر صلاح عبيد
نـفـس الـحـوسة
و نـفـس الألحان و نـفـسهن بالدوسه
لـيـن نـفـسـنا تــمّت الاّ مـحـبوسـة
علي ناس بين الــناس هـي منـذمّه
علي أشكال خطوتها بقت مــدروسـة
واضحين ياصاحب أقـلال الهمّـه
نــفـس الــقــصّة
و نــفــس الحكاوي و نفـسـهـا بالبصّه
كـم ألف غـصّــة حاصـــلة فــي غـصـّة
فـــــ أقـلـبــونا دارت هـــوايـــل جـمّه
مــن ناس طالـت مــن وطـنـّا حــصــّة
كــلــو حقـنـا و الـوطن زادوا هـمّة
انــعيـدو الثورة
ثـورة وراء ثــورة وراهـا ثــورة
أنـكــانهـو بـقى هــالظـلم يـلعب دورة
و بـقيـو الـلـي مـن قبل باعوا الذمّة
و ما يــوم تـبـقى أبــلادنـا مكسورة
أحـنا شـعـب مـتماسك وفوق القمة