* : منتهى الطرب (الكاتـب : أبوكارم - آخر مشاركة : خليـل زيـدان - - الوقت: 02h20 - التاريخ: 25/04/2014)           »          طلبات نوتة أ / عادل صموئيل الجزء الثانى (الكاتـب : عادل صموئيل - آخر مشاركة : فؤاد العلمي - - الوقت: 01h21 - التاريخ: 25/04/2014)           »          عضـو و صـورة (الكاتـب : صلاح السويفي - آخر مشاركة : عصمت النمر - - الوقت: 01h05 - التاريخ: 25/04/2014)           »          التسجيل بأسماء غريبة !! (الكاتـب : خليـل زيـدان - - الوقت: 01h04 - التاريخ: 25/04/2014)           »          نوادر غناء عبد الحليم حافظ (الكاتـب : سماعي - آخر مشاركة : مصطفى ابو اية - - الوقت: 00h24 - التاريخ: 25/04/2014)           »          عبد الحليم حافظ - الاغاني المصورة (الكاتـب : د.حسن - آخر مشاركة : usif waleed - - الوقت: 00h23 - التاريخ: 25/04/2014)           »          المَحْرُوسةُ (الكاتـب : ساري الليل - - الوقت: 22h26 - التاريخ: 24/04/2014)           »          نجوم الطرب : ملفات جديدة بجودة عالية من الأعضاء (الكاتـب : خليـل زيـدان - آخر مشاركة : GHASSAN I - - الوقت: 20h25 - التاريخ: 24/04/2014)           »          الموسيقارالقدير الاستاذ أحمد الجوادي ـ سلمت من كل سوء (الكاتـب : nazehmohamed - آخر مشاركة : بو بشار - - الوقت: 20h06 - التاريخ: 24/04/2014)           »          تقاسيم عربية (الكاتـب : Hisham Khala - - الوقت: 19h56 - التاريخ: 24/04/2014)


العودة   منتدى سماعي للطرب العربي الأصيل > مجلس العلوم > الدروس والنوت الموسيقية > النوت الموسيقية

موضوع مغلق
 
أدوات الموضوع طرق مشاهدة الموضوع
  #5061  
قديم 21/12/2011, 09h58
فؤاد العلمي فؤاد العلمي غير متصل  
مواطن من سماعي
رقم العضوية:75696
 
تاريخ التسجيل: septembre 2007
الجنسية: مغربية
الإقامة: المغرب
المشاركات: 189
افتراضي رد: طلبات نوتة

[QUOTE=عادل صموئيل;564490]
احبائى
اقدم لكم نوتة لقاء السحاب

انت عمرى

أخي العزيز الأستاذ عادل
أنت فنان بكل ما تحمله الكلمة من معنى، وبكل المقاييس. فشكرا مرات ومرات.
الله لا يحرم منك هذا المنتدى، ويخليك دائم الصحة والعطاء.
مع كل تقديري- أخوك فؤاد.
  #5062  
قديم 21/12/2011, 12h16
RABAB ZEAN RABAB ZEAN غير متصل  
مواطن من سماعي
رقم العضوية:566892
 
تاريخ التسجيل: février 2011
الجنسية: مصرية
الإقامة: مصر
المشاركات: 100
افتراضي رد: طلبات نوتة

استاذنا العزيز عادل رغم تغيبنا الا اننا نعود دائما لنجد عطاؤك المتميز و الدائم الف شكر و عام جديد سعيد و تمنياتي بأعياد كريسمس سعيده

  #5063  
قديم 21/12/2011, 13h34
الصورة الرمزية عمرو الهنداوي
عمرو الهنداوي عمرو الهنداوي غير متصل  
مواطن من سماعي
رقم العضوية:1434
 
تاريخ التسجيل: avril 2006
الجنسية: مصرية
الإقامة: مصر
المشاركات: 583
افتراضي رد: طلبات نوتة

استاذ عادل فرحتنى باعمالك
حتى فى عز ظروفى
بالنسبة لبرنامج تقليل حجم mp3
انا مش ناسنى بس بدور على افضل شىء
لك واقل حجم ممكن لبرنامج تستخدمه
كل التحية
  #5064  
قديم 21/12/2011, 14h06
عيسى سعيد عيسى سعيد غير متصل  
مواطن من سماعي
رقم العضوية:558421
 
تاريخ التسجيل: décembre 2010
الجنسية: سعودية
الإقامة: السعودية
المشاركات: 158
افتراضي رد: طلبات نوتة

الف شكر استاذ عادل وياليت جانا الهوى او لست قلبي وتكمل سلسلة العمالقه
  #5065  
قديم 21/12/2011, 16h11
swaifi73 swaifi73 غير متصل  
مواطن من سماعي
رقم العضوية:502032
 
تاريخ التسجيل: mars 2010
الجنسية: مصرية
الإقامة: عمان
المشاركات: 558
افتراضي رد: طلبات نوتة

أعزائي أقدم لكم موشح (بلغه يا قمر) وهو من الموشحات الأندلسية غنته الفنانة فيروز في وصلة من الموشحات الأندلسية منها موشح أرجعي يا ألف ليلة الذي سبق أن رفعته للمنتدى سابقا وهذا الموشح بلغه يا قمرو وموشح يا من حوى ورد الرياض
أتمنى أنا ينال إعجابكمِ
الملفات المرفقة
نوع الملف: pdf موشح بلغه يا قمر.pdf‏ (112.6 كيلوبايت, المشاهدات 105)
  #5066  
قديم 21/12/2011, 16h22
ابوكارم ابوكارم غير متصل  
مواطن من سماعي
رقم العضوية:407726
 
تاريخ التسجيل: avril 2009
الجنسية: مصرية
الإقامة: مصر
المشاركات: 465
افتراضي رد: طلبات نوتة

اقتباس:
المشاركة الأصلية كتبت بواسطة salhi_haithem مشاهدة المشاركة
السلام عليكم ورحمة الله وبركاته
الاستاذ العزيز استاذنا عادل صموئيل مشكور جزيل الشكر على اغنية انت عمري و بارك الله فيك وفي صحتك لي طلب صغير يا استاذ عادل لو ممكن باللمسة السحرية ببرنامج انكور ترفع لنا نسخة لنوتة انت عمري كرد على درجة "صول" اكون ممتن لاني من محبي هذه الاغنية و اعزفها على الصول مع الشكر الجزيل
مع اطيب تحياتي اخوك هيثم
[SIZE=5][COLOR=DarkOliveGreen][B]اخى هيثم اشاركك الرأى
فعلا نريدها كرد النوى
وللاستاذ عادل جزيل الشكر
[COLOR=Red]ولا تزعلوا يا سيدى اليكم انت عمرى كرد النواه
يعنى لو انا ما ادلعكوش مين حايدلعكم ؟؟
على فكرة على برنامج انكور سهل فى دقيقة تنقل اى اغنية من اى طبقة بس المهم ان المدون نفسه يختار الدليل الصح
اما الصعب واللى بيحتاج تركيز العلامات الشرقية
لنها لما تكون النغمة الاصليلة فا نصف دييز مثلا لما بتنزل تون بتبقى مى نص بيمول وهنا بتحتاج انى بمر عليهم اصلحهم واحدة واحد دى المشكلة بس عشان خاطركم ربنا سهلهلا وعملتهم فى ربع ساعة
مع اطيب تحياتى اليكم النوتة
الاستاذ الكبير / عادل صموئيل
لكم الشكر المستمر النقطع النظير
للاستجابه والاهتمام وسرعه الرد والنوت القيمه والتنويت الدقيق
ابوكارم
الملفات المرفقة
نوع الملف: pdf انت عمرى كرد النواه.pdf‏ (80.3 كيلوبايت, المشاهدات 1312)

التعديل الأخير تم بواسطة : ابوكارم بتاريخ 22/12/2011 الساعة 00h13
  #5067  
قديم 21/12/2011, 18h02
piano_piano_d piano_piano_d غير متصل  
مواطن من سماعي
رقم العضوية:538894
 
تاريخ التسجيل: août 2010
الجنسية: مصرية
الإقامة: مصر
المشاركات: 188
افتراضي رد: طلبات نوتة

ألف شكر للأساتذة المُحترمين ....
أ/ عادل صموئيل : على مجهوداتكم الرائعة جداً في تنويت الأ‘مال القيمة الرائعة المعني والجمال .. خاصة وأنها من الأعمال ذات العيار الثقيل ، فقد دونتم لنا الكرنك وأيضاً دونتم القنبلة الرائعة ... " إنت عمري " بصراحة صعب إننا في المنتدي نشكر حضرتك لأن الشكر لا يوفي حقك أبداً أبداً أبداً .
وألف شكر للموهوب الجديد sayed_lv على مجهودة للمنتدي ، وأتمنى له كل التوفيق إن شاء الله .
مع خالص التقدير والإحترام
  #5068  
قديم 21/12/2011, 20h45
كمال صابر كمال صابر غير متصل  
ضيف سماعي
رقم العضوية:450976
 
تاريخ التسجيل: août 2009
الجنسية: مصرية
الإقامة: مصر
المشاركات: 4
افتراضي رد: طلبات نوتة

ارجو تحميل هزف كونشيرتو صول ماجيير لفيوتى لمساعدة ابنى الذى يدرس بالكونسيرفاتوار
الاخ الفاضل
طلبك ده اعتقد صعب اوى تلاقيه هنا لن المنتدى متخصص فى المويسقى الشرقية
وبعدين انت عايز التسجيل الصوتى ولا النوتة ؟؟؟؟
وده حتلاقيه فى معهد الكونسرفاتوار فقط
لأن مع الاسف الحاجات دى مش متداولة فى السوق زى اوروبا
مع اطيب تحياتى عادل صموئيل

التعديل الأخير تم بواسطة : عادل صموئيل بتاريخ 22/12/2011 الساعة 05h39
  #5069  
قديم 22/12/2011, 03h43
الصورة الرمزية عاصم المنشاوى
عاصم المنشاوى عاصم المنشاوى غير متصل  
مواطن من سماعي
رقم العضوية:451543
 
تاريخ التسجيل: août 2009
الجنسية: مصرية
الإقامة: مصر
العمر: 51
المشاركات: 438
افتراضي رد: طلبات نوتة

الأستاذ/عادل
صباح الخير عليك
امبارح على روتانا زمان حضرتك كنت منور مع ام كلثوم ...وجنبك عمرخورشيد ومجدى الحسينى ...ورائعة رياض السنباطى "..من أجل عينيك"...وتبادر الى ذهنى سؤال ....رياض السنباطى أستعمل الأورج والجيتار ...أخيرا -بعد بليغ وعبد الوهاب-فى اغنيتين اقبل الليل ومن اجل عينيك.....فياترى ياهلترى ايه السبب...هل ظل هو رافضا لهذا المبدأ...بحجة ان دى آلات غربية وهو ملحن متمسك بشرقيته؟...هل بعد ضغط وألحاح من ام كلثوم؟...هل اضظر ان يساير العصر...؟طبعا هو له سابقة مع ام كلثوم وهى استعمال البيانو فى مقدمة "أراك عصى الدمع"...وكانت غير مفهومة ....

السؤال التانى ...من المعروف ايضا انه ام كلثوم عمرها ماغنت اغنية عاطفية وكان وراها كورال اوكورس بيرد عليها -على العكس تماما الأغانى الوطنية-...ولكن مع بليغ ...بليغ معظم ألحانه فيها كورس ...ماحصلشى برضو ...الى ان جاءت اغنية "حكم علينا الهوى "يناير 1973 وهى آخر ماغنت -استوديو- ولم يسعفها القدر ان تغنيها حفلة-....وهنا اخيرا دخل الكورس فى المقدمة الموسيقية فى الكوبليه التانى ...كبف اقنع بليغ ام كلثوم بهذا...هل كان ح يظهر الكوبليه ع المسرح بالشكل ده ...ولا ساعتها كان ح يتم الأستعاضة عنها بعزف آله موسيقية تانية .....؟
شكرا ياعمنا..
عزيزى عاصم باشا
اشكرك على الموضوع الجميل جدا ده , وشرحه يحتاج دراسة طويلة
فيه حاجة خطيرة اسمها الهوية يعنى الشكل العام بتاع الشىء , بحيث انك مثلا تشوف فى الشارع واحدة تقول دى هندية او سودانية , وده بييجى من انك من زمان شفت اللبس الهندى وحفظت شكله والست الهندية دى بتقدر هو يتها وتتمسك بزيها الرسمى , وبتحاول تحافظ عليه , يعنى ماتلبسش زى ما الناس بتلببس ويندثر هويتها .. نفس الحكاية مثلا لو فيلم عربى مصرى بيتصور فى اوروبا والقاهرة , انت لما بتشوف منظر شوية فى اوربا وينقلك على شارع فى القاهرة من غير ما يقول هنا القاهرة منظر التكسيات الابيض واسود بيقول دى القاهرة , ولو رحت لندن تلاقى الموضوع ده اساسى اوى اوى , يعنى من اهم مميزات لندن التاكسى بتاع زمان موديل الخمسينات هو هو , وللعلم دى عربيات حديثة جدا بس نفس الشكل ونفس المودي والاتوبيس الاحمر الى بدورين هو هو نفس الشكل من يوم ماطلع ومازال المصنع بيعمل لحد النهاردة نفس الشكل بالضبط , ده اسمه ايه ؟ تثبيت الهوية , اما الدول او الناس المتخلفة وهى اللى بتجرى ورا الموضة تلاقيها السنة دى حمرا السنة الجاية بيضا وهكذا بعد كام سنة لو سألتهم طيب اصلكم كان ايه حايكونوا نسيوا ... وسر عظمة موسيقى العمالقة هى التمسك بالهوية , يعنى وصلوا لحاجة خطيرة اسمها فرقة المويسقى الشرقية وهى التطوير بعد التخت الصغير , ودى مثالها فرقة ام كلثوم والفرقة الماسية فى الخمسينات حتى قبل ظهور الاكورديون معاهم واللى اقتصر دوره على الصولو فقط ويسكت .. بإستثناء شوية الشقاوة اللى كان بيعملها عبد الوهاب يعنى بيدخل آلات غربية زى الابوا مثلا بس لو تلاخظ انها كانت مقننة ومتحجمة جدا .. يعنى جملة فى اللحن عشان يقول احنا كمان بنقول يعنى .. لكن باقى اللحن زى ما احنا ... وده اللى خلا الموسيقى تعيش كل الزمن ده ... اما لما دخل الاورج والجيتار .. الكارثة انهم بقوا موضة والناس بتجرى ورا الموضة يعنى لعلمك هو كان بيحطهم وهو متضرر .. بس بعبقريته ( السنباطى بالذات ) وظفهم بطريقة خلتهم خاضعين للموسيقى الشرقية , يعنى مصرهم .. وكلمة موضة دى خطيرة جدا والجرى وراها اخطر .. يعنى مرة فى ايام هانى مهنى الاخيرة فى الفرقة الماسية لما ابتدا عايز يعمل فرقة وابتدا يقرفنا قبل ما يمشى , كان عندنا تسجيل فى الاستوديو مع ملحن سعودى اسمه سراج عمر .. كان السعوديين وكل العرب بييجوا يسجلوا على الماسية كل شغلهم وبالطبع اتعودوا على الاورج وصولو الاورج .. هانى بيه ماجاش التسجيل وسراج عمر الغى التسجيل عشان مفيش اورج .. وللعلم لو كان واحد زى السنباطى ( وانا بقول كده من واقع تعايشى معاهم وحفظت اللى قالوه واللى ممكن يقولوه ساعتها ) لو السنباطى اتوجد فى الموقف ده كان لعن ابو خاش الاورج وعازفى الاورج وكان عمل صولو بدونه او عمل اى اختراع يرجع الاورج لورا يعنى يلغيه او يقلل قيمته , لن ما ينفعش مع العمالقة ان حد يمسكهم من ايدهم اللى بتوجعهم , ولو تلاحظ ان سيد مكاوى ومع ام كلثومبالذات لما لقى الالات الكهربائية ابتدت تتوحش عمل يامسهرنى واوقاتى بتحلو من غير اورج وجيتار .. زى ما انت قلت كان بليغ كل شغله بيحب الكورال بس مع ام كلثوم كانت مش بتحب الكورال .. بس هو اقنعها فى الجزء ده انه يعمل كورال من نوع تغيير الدم يعنى وطبعا لو كان ربنا مد ف عمرها وعملت الحفلة كان حايبقى فيه كورال بس عشان تبقى هى عملت كل الالوان .. بس ام كلثوم نفسها كمان كانت بتتضرر من الالات الكهربائية .. يعنى فى انت عمرى اقتنعت بصعوبة جدا باااالجيتار , ولولا ان عبد الفتاح خيرى عازف الكمان من ضمن الفرقة وبيعزف جيتار , وعبد الوهاب خلاه جاب الجيتار وقعد يزن عليها ما كانتش اقتنعت , وحقول لك حاجة طريفة .. سمير سرور بتاع الساكس .. كان صاحب بليغ .. وبليغ دعاه فى اغنية فات الميعاد الساعة عشرة الصبح فى بروفة فى بيت ام كلثوم .. هو طبعا عشان جديد وخايف من ام كلثوم راح الساعة 9 , ودخل وقاعد كمشان جنب الحيط , وام كلثوم بتفطر وتجهز على 9ونص , دخلت لقت واحد غريب معاه شنطة شبه مستطيلة لا هى كمنجة ولا لا شكل شافته قبل كده .. واستفردت بيه .. قالت له مين حضرتك قال لها انا عازف ساكس قالت له يطلع ايه الساكس ده ؟ طبعا دمه نشف , وبرضه قعدت فترة طويلة مش مقتنعة بيه اصلاً .. من ضمن الحفاظ على التقاليد كانت بتمنع التليفزيون عل الهوا غير فى عيد الثورة .. ده طبعا بعد مانشفت دم المخرجين بتوع التليفزيون يعنى ما يقربش منها غير للمسافة اللى انت بتشوفها , وكانت تشترط انها اول واحدة تشوف التسجيل وممكن تمنعه لو ماعجبهاش اما موضوع البيانو السنباطى حب يعمل تطوير او لون ماحدش عمله لى المسرح من قبل اختار البيانو لأنه اعظم الألات الكلاسيكية ولو تعلم صعوبة نقل البيانو للمسرح اد ايه يعنى بيتأجر من عند عزيز بولس بعدين عربية مخصوصة لنقل البيانو و4 عمال متخصصين فى شيل البيانو مش اى عمال , بعدين لما بيتحط على المسرح وفى حفلة لازم بييجى فنى يضبطه لأن ممكن من النقل وتر ينزل تبقى كارثة يعنى فى سينما قصر النيل دى معجزة و عندك فى الاوبرا مثلا البيانو موجود جنب المسرح فى الكواليس ممكن فى اى وقت عمال متخصصين بيجروه يدخلوه ويطلعوه والمصيبة لما كانت بتسافر الخارج لازم يكون فيه بيانو مشكلة طبعاً, يعنى بإختصار الناس دول ما بقوش كده من فراغ كانوا حكاية
مع اطيب تحياتى


التعديل الأخير تم بواسطة : عادل صموئيل بتاريخ 22/12/2011 الساعة 07h14
  #5070  
قديم 22/12/2011, 06h26
الصورة الرمزية عزت شحاته
عزت شحاته عزت شحاته غير متصل  
مواطن من سماعي
رقم العضوية:376275
 
تاريخ التسجيل: janvier 2009
الجنسية: مصرية
الإقامة: مصر
العمر: 48
المشاركات: 352
افتراضي رد: طلبات نوتة

استاذى الجميل / عادل صموئيل
الله عليك يافنان يا كبير
على نوتك الحلوه وحكاويك الجميله
والله عليك يا استاذ عاصم على النكشه الحلوه
وفتحك لموضوعات جميله
بتخلى الاستاذ يطلع من مخزون ذكرياته ما يغذى عقولنا ومداركنا
---------------
وفى السياق يا استاذنا
ممكن نبذه عن الالات الغربيه
التى لم تكن تعزف( الربع تون ) واصبحت كذلك بفضل مهارة اصحابها
اقول لك يا سيدى
اول آلة غربية تعرضت لموضوع الربع تون هى الاكورديون
وانت كمدرس موسيقى اكيد اتفتح قدامك لأى سبب اكورديون وشفت الاصوات اللى جواه , الصوت او النغمة بيبقى حتة مستطيلة من المعدن وعليها ريشتين والقطعة دى بتبقى نغمة دو مثلا , والريشتين دول بيبقى حاجة زى الزمارة لما يمر فيها الهوا من المنفاخ بتزمر نغمة دو و طيب ريشتين ليه عشان واحدة تزمر وانت بتفتح المنفاخ والتانية مقلوبة بحيث تزمر وانت بتقفل المنفاخ و والفرق بين دو و رى مثلا .. ان فى المصنع الريشة بتتفتح بحاجة زى المطواة يعنى تخليها بتفتح بمسافة محددة بمنتهى الدقة عشان تدين نغمة الدو , بعدها نغمة الرى بتتفتح اكتر بدرجة محددة عشان تديك الرى .. حاجة زى الرجلاش كده وطبعا بينهم نغمة اللى هى المى بيمول وكل النغمات بتتعمل كده , ده الاكورديون التعبان بتاع المدرسة اللى هو 32 باص , كان زمان ايام العز فيه الاكورديون التشيكى كان فيه 3 مفاتيح عريضة فوق لوحة المفاتيح كان لما تضغط عليها بتعمل حاجة جوا الآلة بتغير نوع الصوت , بس مش موجودة فى الكورديون الصينى لأنه زبالة طبعاً , لكن اكورديون بتاع المحترفين ال 64 باص بيبقى فيه 7 او 8 مفاتيح من العريضة دى وكذا مفتاح كمان تحت لوحة المفاتيح وظيفتهم بيدوك اكوكتافات اكتر للأكورديون وبيدوك غيارات صوت مختلفة , والفنيين العباقرة المصريين ابتكروا الربع تون فى الكورديون بطريقة انهم بيفتحوا الاكورديون ونغمة المى مثلا بيلعب فى ريشة من الريشتين اللى قلت عليهم وبيفتحها سنة محددة بحيث انها فى القفل تدييك مى وفى الفتح تديك مى نص بيمول و والتحكم فى العملية من زرار من العريض اللى قلت عليه , يعنى لو عايز الاكورديون راست بتضغط على مفتاحين محددين من العريض بيديك ماجير فى القفل وراست فى فتح المنفاخ و وبنفس الدرجة كل المقامات الممكنة ( بس طبعا مش كل كل النغمات عشان تعرف حتى تعزف على الآلة ما تتلخبطش معاك , بس هنا فى خطورة , يعنى العازف بيمعل التسييك ده حسب مزاجه هو , يعنى الراست فى اكورديون فاروق سلامة ممكن مش نفس المفاتيح اللى فى اكوريدون مختار السيد , يعنى ما ينفعش تمسك الاكورديون وتعزف عليه على طول لازم تستكشفه الاول , طلع بعديه الجيتار الكهربائى , اختلاف الجيتار عن العود ان فى الجيتار الدساتين حديد يعنى لازم تدوس على الحدي عشان يطلع النغمة , ومن هنا عمر خورشيد حدد المكان اللى تحط صباعك عليه عشان المى نص بيمول مثلا وخلا الصنايعى حط عليها حتة حديد صغيرة وبالتالى كل النغمات الممكنة بس برضه مش كل النغمات الشرقية , عشان ما ينفعش طبعا تملا مراية الجيتار كلها حديد ممكن يبوظ , ومن هنا بيبقى الجيتار ممكن يعزف بياتى وراست وكذ فقط مش كل المقامات وده بيراعى فى اختيار الصولو , اما فى آلة نحاسية زى الساكس , دى مش ممكن يتلعب فيها لعب ميكانيكى بتاتاً , وبتيجى من حساسية العازف انه بيخلقها , يعنى عندهزراير بيضغط عليها وهو بينفخ , لو عايز مى نص بيمول لما بيضغط على الزرار بيضغط نص ضغطة بحيث يفتح الخرم بدرجة مش درجتة فتحه الكاملة وطبعاً مش اى عازف , وبرضه مقامات شرقية محدودة .. اما الاورج موضوع تانى , جوا الاورج ايه الفرق بين الدو وبين الرى ؟ ان فيه ترانزستور بيطلع نغمة , وعليهبوطة او بوتشميتر , يعنى زرار له راس مسمار وانت بالمفك بتزود وتنقص كمية الكهربا اللى داخلة الترانزستور بتتغير الذبذبة ,وده بيتظبط بالتيونر , يعنى فى المصنع بيتظبط نغمة نغمة الابيض والاسود , وبرضه جه العبقرى المصرى عمل علبة خارجية حط عليها البوتشميترات خارجية , وعمل لها توصيلات على النغمات بحيث انه بيركب بوتشميتر يقدر يخسس نغمة مى يخليها مى نص بيمول , بعدين عمل زراير خارجية على جنب الاورج 7 تحت وبينهم خمسة فوق , يعنى تسيك منهم النغمة اللى انت عايزها , بس كان طبعا شكلها مقرف , زى وابور الجاز وليها مشكال خطيرة مع العمالقة زى عبد الوهاب والسنباطى ان عندنا السيكاه مش ثابتة فى كل المقامات يعنى المى نص بيمول مثلا فى الباتى بتبقى خاسة شعرة وفى الراست بتبقى زايدة شعرة , وكان عبد الوهاب يقعد مع مجدى الحسينى ويمسك مفك ويقعد يخسس فيها ويزود فيها لحد ما الاورج يفرقع من كتر اللعب .. ومن هنا جت فكرة عبقرية فى اليابان , انهم بيبعتوا ناس فى الدول العربية بيشوفوا احتياجاتهم ايه وقعدوا مع عمار الشريعى وحكى لهم عن العك اللى بنعمله ومشاكله و واستضافوه فى اليابان وحكى للعلماء بتوعهم عن كل تصوراته واحتياجاته , راجوا مدخلين نظام التسييك ده وخلوه من صميم الاورج , يعنى اللوحة المقرفة اللى كنا بنحطها دى حطوها فى التصميم الجميل بتاع الاورج مش كده وبس عملوا كمان بيتش للسيكاه يعنى ممكن تزودها وتخسسها زى ما انت عايز , زائد الايقاعت الشرقية حطوها كلها فى الاورج و زائد لو عندك فى مقطوعة موسيقية حاتلعب كذا مفام ورا بعض بدل ما كل صولو تهد الدنيا وممكن تعمل لخبطة عملوا نظام البرمجة يعنى عايز راست وبعده بياتى وبعده هزام وبعده سيكاه قبل العزف بتعمل الراست وتخليه رقم واحد والتانى رقم اتنين وهكذا , ولسه اللى يعيش ياما يشوف , يعنى وصلت التكنولوجيا فى الاورجات الحديثة انه بيديك امكانية انك تضيف آلات من عندك يعنى المزمار البلدى مثلا تاخد منه نغمة لا بس تكون مضبوطة اوى وبتتسجل عليه وتبقى على زرار تضغط عليه يديك كل النغمات بالسيك بتاعتها
بس طبعا مفيش زى الوتريات
مع اطيب تحياتى عادل صموئيل


التعديل الأخير تم بواسطة : عادل صموئيل بتاريخ 22/12/2011 الساعة 07h04
موضوع مغلق

Tags
riens , عادل صموئيل , نوتات موسيقية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 02h25.


 
Powered by vBulletin - Copyright © 2000 - 2010, Jelsoft Enterprises Ltd