الأخوه الأعزاء بمنتدي سماعي اشكركم جزيل الشكر علي برنامج تحويل ملفات الصوت إلي نوته موسيقية وهذا البرنامج هام جدا بالذات للذين يحبون التأكد من اعمالهم وتوجد اعمال كثيرة غير مسجلة نوته ولكنها موجودة في صورة ملفات صوتيه ويمكن تحويلها إلي ميدي يواسطة برنامج التحويل الخاص من ملفات صوت إلي ميدي ثم وضعها علي برنامج كتابة النوته فيتم كتابتها واشكركم مرة اخري علي مجهوداتكم الرائعة في تسهيل دراسة الموسيقي
احمد انور 2
الف شكر علي البرنامج وده حيبقي مفيد أوي لأن فيه كتير من الاغاني أو الموسيقي اللي الواحد بيدوخ علي نوتتها لكن بكده إن شاء الله الموضوع حيبقي أسهل....بكرر شكري و حجرب البرنامج و أقولك رأي
اخوتى الاحباء
انا احب اوضح شىء مهم
لو انت احضرت ملف مكتوب على برنامج موسيقى بيبقى الموسيقى فيه محددة جدا جدا ولو حولته الى ملف ميدى ثم دخلته على هذا البرنامج بتطلع نوتة مضبوطة لأن الكتابة على البرنامج الموسيقى بتكون محددة جدا زى ماقلت
لكن انت لو احضرت مقطوعة موسيقية او اغنية بتبقى الموسيقى فيها مش محددة يعنى بتتكون من حاجات كتير يعنى عزف الات مختلفة وايقاعات وصوت المطرب يعنى على الاقل عشرين عنصر ولما بتحولهم ميدى وتفتحهم على برنامج كتابة النوتة البرنامج بيحصل له تشويش ولخبطة لأنه بيقرأ العشرين عنصر اللى قلت عيهم لذلك بتطلع الكتابة للنوتة مشوشة وتتكون من حاجات كتير جدا من المستحيل قراءتها واكيد كل اللى جرب منك شاف كده يعنى هنا فوق فى الردود انا شفت ان منكم من قال ان طلع حاجات غريبة مش ممكن قرائتها لأن البرنامج حصل له تشويش لكن لما قات فى اول مشاركتى هنا لما تكتب لحن على برنامج موسيقى بيبقى حاجاة واحدة ومحددة جدا لذا لو حولتها ميدى ثم فتحتها على برنامج نوتة بتطلع زى ما هى لأن اصلها حاجة محددة
اتمنى ان تكون رسالتى وصلت
مع اطيب تحياتى