|
|
01/11/2017, 22h13
|
|
مواطن من سماعي
رقم العضوية:408324
|
|
تاريخ التسجيل: avril 2009
الجنسية: مصرية
الإقامة: مصر
المشاركات: 911
|
|
|
اوعه يا ولدي
إوعه يا ولدي.. اوعه يا ولدي الناس يا خدوك وتكون قاسي ف يوم وتسيـبني خوفي لا تكبر تنسى أبوك أو يوم تنسى بأنك ابني ,,, خوفي يا ولدي ف مرضي انداس واللا أشوفك مش متحمّل واللا توجّب عند الناس وتيجي لحد أبوك وتهمّل ,,, اوعاك تنسى طفولتك مرّه واللا ايادي بلهفة شالوك كانت العيشة ف عهدك مرّة والايام بتــبهدل ابوك ,,, خليك فاكر وانت صغيّر كنـّا فى وسط الناس ماحيـين وأمّا بتمرض أو تتغــيّر رغم الفقر نبات صاحيـين ,,, كنت تغيب عن عيني شويّه تاخد قلبي وروحي معاك ولولى عيون الناس حواليّا كنت أتابعك وأمشي وراك ,,, حلم حياتي أشوفك راجل زين متربيّ وعنده أساس وأنا اتباها واقول ايْوه ابني وأفخر بيك قدّام الناس ,,, نفسي أشوفك م الابطال تحمي حدودك تحمي بلادك تقهر كل عميل بطـّال وان قتلوك ح يعيشوا ولادك ,,, خايف يوم يبقالك شلـّه واللا تصاحب حد خسيس وأمّا بلادك تبقى ف محنة تشمت على صفحات الفيس ,,, لكن دايما ماسك قلبي بإيدي وخايف م الايّام لمّا احتاج لوجودك جنبي ونفسي عزيزه وأنا منضام ,,, خايف ييجي عليّا نهار وألقى الدنيا ف لحظة عماتك سايب ابوك بيموت فى الدار وانت مصيّف عند حماتك ,,, يكبر ألمي ونفسي أشوفك والليّ بيشمت اقول له كفايه وأقعد أحلـّل واحكي ظروفك وارمي سنين العمر ورايه ,,, آه من سيف الغدر يا وادي لمّا بيـيجي من الغاليــين يصبح لون الشمس رمادي ويبات توب الفرْح حزين ,,, والمغصوب يكدب على نفسه وحبّه بحبّه يصدق روحه والامراض تكتم على نفسه وما فيش حد يداوي جروحه ,,, وبعد ما كنت اتباهى بقربك شادد حيلي وحافظ هيــبتي أصبح خايف لو جات سيرتك كل الخلق ح تكشف خيــبتي ,,, خوفي يطوّل مرضي شويّه وترعش ايدي وضهري يقوّس والمشروب ينكب عليّا ويبان شكل ابوك متلوّث ,,, تقرف منيّ واشوفها بعيني ناطقة بكل لغات الدنيا يومها اتمنى الموت ما يجيني وانا محتاجُه في نفس الثانيه ,,, وصوتك يعلا وتشخط فيّا وتبقى خلاص مش مستحملني وبتـتمنى وتدعي عليّا في سرّك عايز تخلص منيّ ,,, مش راح اقول لك مرّه إدّيني وعايز ربك يرضى عليك ما انت حصادي ف كل سنـيني وفنـيت عمري اكبّر فيك
|
05/01/2018, 11h02
|
|
مواطن من سماعي
رقم العضوية:439546
|
|
تاريخ التسجيل: juin 2009
الجنسية: مصرية
الإقامة: مصر
المشاركات: 138
|
|
|
رد: اوعه يا ولدي
الشاعر الأصيل
الأستاذ سعد الشرقاوى
إوعىَ ياولدى نص شعبى جميل
يجمع نصائح ذات قيمة من أب لإبنه
شكراً يا شاعر
__________________
ــــــــــــــــــــــــــــــــــــــــــــــــــ ـــــــــــــــــــــــــــ
أنا الأديب الأدباتى
ربِّيت ولادى وبناتى
على الأدب زى حالاتى
بيعرفوا البيت م الشطرة
الله الله يابدوى جاب اليسرا
ـــــــــــــــــــــــــــــ
|
01/11/2018, 23h07
|
|
مواطن من سماعي
رقم العضوية:408324
|
|
تاريخ التسجيل: avril 2009
الجنسية: مصرية
الإقامة: مصر
المشاركات: 911
|
|
|
رد: اوعه يا ولدي
اقتباس:
المشاركة الأصلية كتبت بواسطة حمدى شبانة
الشاعر الأصيل
الأستاذ سعد الشرقاوى
إوعىَ ياولدى نص شعبى جميل
يجمع نصائح ذات قيمة من أب لإبنه
شكراً يا شاعر
|
الشكر والتقدير لمروركم الطيب
ونيل توقيعكم هنا ايها الادباتي
بارك الله فيكم
|
06/12/2022, 04h13
|
|
مواطن من سماعي
رقم العضوية:165532
|
|
تاريخ التسجيل: février 2008
الجنسية: مصرية
الإقامة: مصر
المشاركات: 1,135
|
|
|
رد: اوعه يا ولدي
[lجميلة فعلا و صياغة متينة
__________________
______________________
د.هشام خلف
استشاري طب و جراحة العيون
|
الذين يشاهدون محتوى الموضوع الآن : 1 ( الأعضاء 0 والزوار 1)
|
|
تعليمات المشاركة
|
You may not post new threads
You may not post replies
You may not post attachments
You may not edit your posts
كود HTML معطلة
|
|
|
جميع الأوقات بتوقيت GMT. الساعة الآن 05h49.
|
|