[عطية لزهر]

رائعة نادية بن يوسف التي نجحت نجاحا كبيرا يا الخاتم
من كلمات و الحان المطرب و الملحن و المجاهد الطاهر بن أحمد
يا الخاتم احسبتك ليا ***علاش اداوك ناس اخرين
سومك غالي عزيز علي غاب خبرك ما عرفتو وين
بعدوك الحساد قوية ما غاضهم حالي مسكين
يا ناس فيدوني بدبارة ***خاتمي ما شفتو بالعين
من فيكم يجيب بشارة ***يقولي شكون الغدارين
سماح ولا اداوه بشطارة ***ولا خباوه شفية
خاتمي ذهب صافي ومعير*** اداوه عني ما ولاش
خاطري منه راهو تحير ***خايفة مثلو ما نلقاش
هو لونو راه تغير و انا باقي يعذب فيا
يا الخاتم انت الي بغيت *** يكسبوك الي عدياني
نساوك فيا و انسيت تركتني*** في همومي و احزاني
المارة الي في يدي خليت تمحيها دمعات عينيا
خاتمي ما حسبتكش تحول *** و ذهبك يرخص مثل النحاس
يتباع في السوق المدغول *** يشروه جميع الناس
ويحي بيك ان مشغول ***و انت باقي تعذب فيا
خاتمي ما حسبتك تتحول ***في يد الي ما يسواش
تغيب عني مدة و تطول ***نحوس عنك ما نلقاك
ياك انت الحب الاول قلبي اعطيتهواك هدية