عرض مشاركة واحدة
  #1  
قديم 04/03/2008, 18h50
sallamyman sallamyman غير متصل  
ضيف سماعي
رقم العضوية:168254
 
تاريخ التسجيل: février 2008
الجنسية: مصرية
الإقامة: مصر
المشاركات: 3
افتراضي على قد الليل ـ سيد درويش وحياه صبرى (سنة 1920)

مشاركتى هنا عبارة عن اغنية على قد الليل ما يطول من اوبريت العشرة الطيبة (سنة 1920 ) أداء سيد درويش وحياة صبرى تأليف بديع خيرى

الاغنية عبارة عن دويتو بين سيف الدين ونزهة وكلمات الدويتو :
سيف الدين على قد الليل مايطول مسترضي بسهرى ونوحي
في حبك ياللي من اول مشوفك تترد روحي
سنين وأيام هايم فيكي بزمارتي اصحيكي
طول ماأنا وانت في الدنيا دي افوت اهلي واجدادي
اروح على فين وانتي قصادي
نزهة (من النافذة) أه ياترى ياربي ده هو واللا لأ... حبوبي؟
سيف الدين ياعين الحبوب من جوه
ياسبب وعدي ومكتوبي ياكتاكيتها
نزهة ياننوسه
سيف الدين ياقطاقيطها
نزهة ياحنتوسه
سيف الدين انا م النجمة في استنظارك
نزهة آديني نازلة
سيف الدين اما نهارك ابيض من طبق القشدة
نزهة اوعى يكون حد شايف طيفي
سيف الدين حطي في بطنك بطيخة صيفي..
شفتي بتاكلني انا في عرضك
خليها تسلم على خدك
نزهة يوه يا دين النبي تنك سايح ماشبعتش من ليلة امبارح
سيف الدين ماتفكرنيش اما دي حقة كانت ليلة في غاية الرقة
نزهة فاكر وانا حاطة ايديه في بطاطك قبلي الترعة
على غفلة ملت عليه ماقدرتش اقولك اوعى
سيف الدين قمت انا بصيت يمين وشمال
ساعة مالقيت مفيش عزال
طبل طبلي كده كده كده كده
وزمر زمري كده كده كده كده وشقلي بقلي
وعنها ودغري خدت لي بوسة لكن صنعة
نزهة من يومها عرفت في الآخر انك مستعبط ساهي
ايش قلت المثل الساير ياما تحت الساهي دواهي
سيف الدين أه عليها عيون ماتلتقهاش على منادمين باكده يابلاش
نزهة عليه مناخير فشر النبقة
سيف الدين اما قوامها زيه ماتلقى دانا متبرجل ياحدقة ياكتاكيتها
ياننوسها ياقطاقيطها ياحنتوسها
اديني بوسة وكمان بوسة
شفتي بتاكلني انا في عرضك
خليها تسلم على خدك
نزهة ياه يادين النبي تنك سايح ماشبعتش من ليلة امبارح
سيف الدين متفكرنيش اما دي حقه كانت ليلة في غاية الرقة

يارب تعجبكم
الملفات المرفقة
نوع الملف: mp3 على قد الليل.mp3‏ (6.53 ميجابايت, المشاهدات 1222)

التعديل الأخير تم بواسطة : د أنس البن بتاريخ 09/01/2011 الساعة 21h31