[عصمت النمر]

يالله
كم تمر الايام
انا طبعا قاعد باكل فى نفسى عشان كان نفسى اشارككم عشقكم وجنونكم الجميل لانى اجن منكم
للعلم عم حسن كان جارنا فأنا عشت فى شارع جزيرة بدران فشقتنا للعلم لسه موجودة وكنت كل يوم اشوف عم حسن بوجهه الطيب وكان دوما يبتسم لينا واحنا اطفال وانا لا اعرف من يكون لغاية ماكبرت وحبيت اول حب رومانسى وانا فى الثانوية العامة وحصل اللى حصل وسمعت فى فرح حبيبتى ياعشاق النبى وبكيت كما يبكى طفل الفقد وعرفت ان ياعشاق النبى من اعمال عم سيد درويش ودورت ودوخت ادور على هذا العبقرى الذى بكيت معه ثانية وانا باسمع على قد الليل مايطول وحتى الان يبكينى هذا العمل وعرفت عم حسن وكنت لازم وهو خارج من شارع جزيرة بدران لازم اسلم عليه ومرة بوست ايده وهو استغرب جدا ؟؟؟ من المجنون دا ...وليه بيعمل كدا حتى انا ماعرفش انا عملت كدا ليه وتقابلنا كثيرا فى جمعية عشاق سيد درويش وكان لنا لقاءات كثيرة وللعلم عم حسن وهو بيتكلم بالكاد تسمع صوته انه يتحدث همسا
مرة باسال عم الفاجومى امتى اكتشف عبقرية عم سيد درويش
قاللى
يوم 9\10 يونية 67 النكسة لما الناس خرجت للشوارع وكان ونسهم الوحيد
بلادى بلادى
وسقطت كل اغانى المؤسسة الرسمية ولم يجد الشعب المصرى كله الا هذا النشيد الخالد تقولة وهى رافضة الهزيمة
يابختكم ياسكان المحروسة بالصحبة والونس وعم حسن درويش ونجله العزيز