محاوله شخصيه متواضعه للتحليل الفني لبعض الحان عمنا الموسيقار عبد الوهاب
ارجوا ان تنول اعجابكم
و دارت الأيام للعذب (جدا) مأمون الشناوي و تلحين (الأويمجي) محمد عبد الوهاب 1968
سنلاحظ هنا أن أم كلثوم كانت قد قاربت على السبعين من عمرها
لذا سيتعمد المحنك عبد الوهاب أطالة الفواصل الموسيقيه لأعطاء المطربه الكبيره فرصه لاراحة صوتها بين الكوبليهات الغنائيه
بعد مقدمه موسيقيه انتقل فيها بين قرابة الخمس مقامات موسيقيه ببراعة منقطعة النظير كان كل ما فيها جميل و بديع و حساس و معبر و معجز وسهل ممتنع و مسلطن للجمهور حتى يبدأ الاستماع للست و قد وصل الى النشوى الغنائيه في الأستماع ..........نبدأ التحليل
النغمه التي لحن بها عبد الوهاب كلمة دارت الأيام و مرت الأيام تصور لك و كأن انسان متقدم السن ينظر الى ما مضى بعذابه والامه ويردد و دارت الأيام وهو يهز رأسه متأسيا
وفجأه تأتي كلمة
وقابلته
لحنها كأنه رأى الحبيب فجأه ونسى كل شيئ بصدمه لحنيه
وينفجر ب مقدرش على بعد حبيبي بالصعود لأعلى السلم الموسيقي لكي يعلنها للعالم انه ليس له الا حبيبه
في الكوبليه الثاني سأركز على جملة
وهمسلي قالي الحق عليه (ينخفض بها الى ادنى درجات السلم ببراعه لكي يعبر عن الهمس)
معجزة عبد الوهاب في روعة التعبير الموسيقي عن الكلمة
ويأتي الكوبليه الثالث ( وصفولي الصبر ) مقام الكرد .... موسيقى عظيمة الجبروت.........
الموسيقى فيه شديدة الملائكية (وستستمعوا الى صوت اندهاش الجمهور من جمال اللحن) يعبر الجيتار فيها عن الايقاع و الكمنجات عن اللحن في تناغم جميل و حساس ويدخل الأكورديون بينهم ليشعل اللحن ثم يعود الجيتار منفردا
انظروا الى التمايل اللحني في جملة
أهرب من قلبي اروح على فين
ليالينا الحلوه في كل مكان
مليناها حب احنا الاتنين
وملينا الدنيا أمل
حاله من اللا وعي مصوره لحنيا
لا أعرف كيف!!!!!!!!
ممكن نستمع مع بعض؟
لنستمع.......................
الجزئين الأول والثاني لأغنية فكروني
الشاعر الرومانسي عبد الوهاب محمد
الملحن (الأويمجي تاني ) محمد عبد الوهاب
المقام راصد
العام 1966
صوت الست لم يكن قد وصل بعد للعجز النهائي
بمعنى انها كانت في نهاية حقبتها الجميله
سنجد عبد الوهاب قد اعطاها مساحات طربيه ابداعيه جميله و طويله
مقدمه ثريه اليفه خصيبه يحاول عبد الوهاب فيها بمكر أن يلفت النظر للحن أكثر من الأداء القادم
ويدخل في أول كوبليه
وركزوا على ..رجعولي الماضي بنعيمه وهناوته وبحلاوته وبعذابه وبقساوته ... كلها من نفس النغمه
ليعبر باعجاز عن ان الماضي كان جميلا بما له وما عليه!!!!
بعد ما صدقت اني قدرت انسى
بعد ما قلبي قدر يسلاك و يقسى
لحن موسيقي أخاذ بيعبر بيه عن مدى صعوبة النسيان ليتحول بعدها بمنتهى السهوله الى انهم .....جم بهمسه وغيروني و بحزن .....كانوا ليه بيفكروني؟
الكوبليه التاني
دققوا في جملة وابتدى قلبي يدوبني بآهاته وتطويله لكلمة الليييييييييييل يبقى أطول من ساعاته لاظهار طول الليل و رتابته
تحسوا انها متنفعش تتلحن غير كده
نييجي للبلوى والمصيبه اللحنيه في الأغنيه
الكوبليه الثالث
لحنه عبد الوهاب مخصوص من مقام ( النوا أثر)
مقام حزين مناسب للحرمان والتعبير عنه
عازف الطبله هنا هو مطرب السبعينات الشعبي كتكوت الأمير
بدايه منفرده طربيه حزينه لأم كلثوم تعبر عن المعنى بأخلاص
وترجع الموسيقى لمقام النهاوند ثانيا عند جرحوا الجرح اللي قرب يبقى ذكره استعدادا للانفجار الرومانسي القادم
يا حياتي انا كلي حيره و نار و غيره و شوق اليك
نفسي اهرب من عذابي نفسي ارتاح بين ايديك .... شوفوا لحن ارتااااح و بين ايديك عامل ازاي؟
والخصام والهجر وليالي القسيه كل دول ميهونوش حبك عليا.....معملوش حاجه في حبها لمحبوبها ....سلاسه لحنيه خالصه
وينقلب ببراعه غريبه الى مقام البياتي الشرقي وباحتراف عندما يصل الى
واللي جوه القلب كان في القلب جوه
رحنا واتغيرنا احنا الا هوه ( لاحظوا اندهاش الجمهور)
هوه نفس الحب واكتر
هوه نفس الشوق واكتر هو هو هو هو
ليعبر عن المعنى المقصود حرفيا
عظيم يا عبد (بضم العين)
معلم
و أسطى
واستاذ
و صنايعي
وفنان
وحساس
وأويمجي
لنستمع سويا..........
قصيدة الخطايا
كامل الشناوي
غناها و لحنها محمد عبدالوهاب في اخر افلامه لست ملاكا 28/10/1946
زعموا حبي يا قلب خطايا لم يطهرها من الأثم بكايا
حسبنا ما كان فهدأ هاهنا في ضلوعي واحتبس خلف الحنايا
ذكريات عصفت بي ذكريات لم تدع من اجلي الا بقايا
ذكريات رسخت في اضلعي و شجوني و تمشت في دمايا
كم يريني النوم منها عجبا فتنة يقظى و روحا و سجايا
و عليها من زراعيا وثاقا شده شوقي و ارخته يدايا
كلما نفضت عيني الكرى لم اجد بين زراعيا سوايا
آه من نومي و من صحوي و من ساعة تعلن أو تخفي أسايا
آه منها انا لم ادرك مداها آه مني هي لم تدرك مدايا
حطمتني مثلما حطمتها فهي مني وانا منها شظايا
الكلام يا جماعه محتاج سنتين للاعراب عن جماله
ولذلك فسأترك الوصف الجمالي للأبيات للمتخصصين و نروح نشوف عمنا عبد الوهاب عمل ايه موسيقيا
الأغنيه مقام مش شائع أوي اسمه النوا-أثر و هو خير ما يعبر عن الحزن و الغموض و الضياع كما في حالة هذه الأبيات
الأغنيه بتبدأ بآلات النفخ ( الكورنو) مما يضفي مزيد من الغموض لخلق جو شديد الخصوصيه
و يتحول الى مقام النهاوند في ذكريات عصفت بي ذكريات لم تدع من اجلي الا بقايا للتعبير عن ان كل شيئ انتهى فعلا و هو مجرد سارد لما فات
ثم يتحول الى عبد الوهاب المقرئ و المؤذن في الأسلوب التطريبي عند مقطع كلما نفضت عيني الكرى (مقام بياتي) و هو هنا القمه الهرميه في القصيدة حيث ان الجمله شديدة البلاغه
خليني اترجمها للي مش فاهمها
كل ما يفيق من نومه بعد احلامه لا يجد بين زراعيه سواه اي لا أحد
الجمله تم تلحينها و أدائها بنفس مستوى الكتابه
و انتقل بكم الى اخر بيت و بالتحديد الى آخر كلمه و هي شظايا
الراجل يخليك تحس انها شظايا فعلا من براعة اللحن فلقد عاد مره اخرى الى مقام النوا اثر و استقر عند نغمه غير رئيسيه لينهي بها الجمله الموسيقيه في حاله من التشتت
الكرنك
أوائل اربعينات القرن الماضي
احد القنابل الإنشطاريه الأربعه التي ربعت عبد الوهاب على عرش التلحين العربي
توليفه غريبه على الأذن العربيه ليرجعنا بفضل خياله الخصب لموسيقا الفراعنه
وهو جديد و مبتكر بهذه التوليفه المميزه
بالنسبه لمقام السيكا البلدي الذي إستخدمه عبدالوهاب في الأغنيه وأجاد إستخدامه في المقطع الذي يقول فيه ( أين يا أطلال جند الغالب ) وأيضاً الحبيب المجهول ... (يا حبيبي أنا وياك روحي تتمنى لقاك) ..
هذا المقام الجميل يعتقد ان عبدالوهاب هو أول من إستخدمه .. لأني لم أسمعه في الأدوار القديمه قبل عبدالوهاب .. من أين إكتسبه عبدالوهاب ؟؟ سمعت مقوله أن عبدالوهاب هو مبتكر هذا المقام .. وأستخدمه من بعده رياض السنباطي وأجاد إستخدامه . والغريب في أبعاد هذا المقام أنها تعتمد على الحس الشرقي .. وكل عازف يعزفه حسب إحساسه الخاص .. وهو يشابه روح مقام الحجاز كار لكنه يختلف عنه ببعض الدرجات
عبد الوهاب المغني لم يقل ابداعا عنه كملحن ابدا في هذا العمل
لنستمع معا
حياتي انت مليش غيرك
حياتي انت ما ليش غيرك وفايتني لمين
ظلمت روحي وحبيتك وبقى لي سنين
عمال اقاسي ليل ونهار سقم الليالي والأفكار
والشوق في قلبي تاه واحتار والوجد زود بي النار
ويهون عليك بعد ده كله أخلص في حبي واتألم
ليه الفؤاد ترضى بذله ما دام عرفت انه مسلم
لو كنت يوم هنيتني معاك ما كانش يصعب علي
وكنت لما اشتاق رؤياك طيفك يخايل عيني
لكن غرامي كان أوهام ما دامش اكتر من أحلام
وكل ما تفوت الأيام تزداد جفا وازداد آلام
حياتي انت ما ليش غيرك وفايتني لمين
ظلمت روحي وحبيتك وبقى لي سنين
كل ما يسبح خيالي يسبق الفكر الخيال
افتكر زهرة آمالي اللي دبلها الآمال
وافتكر صفو الليالي واشتكي وجدي اللي طال
واقول مسير الحب يجمع بين قلوبنا
ومسير ليالي القرب ح تكون من نصيبنا
واحب روحي إكمن روحي بتحبك
واحب نوحي إكمنه بيحنن قلبك
ويهون عليك بعد ده كله اخلص في حبي واتألم
ليه الفؤاد ترضى بذله ما دام عرفت إنه مسلم
محمد عبد الوهاب
حسين السيد
مقام حجاز
أوائل اربعينات القرن العشرين
أحد القنابل الغنائية التي القاها عبد الوهاب في بداية الاربعينات لانهاء اي محاوله من اي ملحن للمساواه به
الجندول - الكرنك - كيلوباتره - حياتي انت - الحبيب المجهول
وبالفعل لم يحاول احد ذلك بعد هذا التاريخ
عمل سبرنت سريع و طويل و سبق كل العدائين في سباق ال 100 متر بحوالي 100 كيلو متر
الكلمات للرقيق جدا حسين السيد شاعريه محطمه اختار لها عبد الوهاب مقام الحجاز الشجي للتعبير عن الترجي و التوسل للحبيب (و فايتني لمين؟)
و ينتقل لمقام الراست في جملة و يهون عليك بعد ده كله لانتقاله من التوسل للعتاب (عبقريه لحنيه)
الجمل اللحنيه متفقه بسهوله و يسر و كل جمله محتاجه شرح منفصل
يقوم بنفس الحركه اللحنيه في جملة
واقول مسير الحب يجمع بين قلوبنا
ومسير ليالي القرب ح تكون من نصيبنا
واحب روحي إكمن روحي بتحبك
واحب نوحي إكمنه بيحنن قلبك
فالكلام يدل على وجود احتماليه قائمه لعودة المحبوب و مقام الراست خير من يصهلل هذا الشعور
اداء عبد الوهاب لهذه الأغنيه كمطرب اداء مذهل خاصة في مقطع
لو كنت يوم هنيتني معاك ما كانش يصعب علي
وكنت لما اشتاق رؤياك طيفك يخايل عيني
كل ده كان ليه
لما شفت عنيه
حن قلبي اليه
وانشغلت عليه
كل ده كان ليه
قاللي كام كلمه
يشبهوا النسمه
في ليالي الصيف
فاتني وفي قلبي
شوق بيلعبي
و فخيالي طيف
غاب عني بقاله يومين
معرفش وحشني ليه
احترت اشوفه فين
وان شفته حقوله ايه
اللي حيرني
واللي سهرني
واللي فاتني في حال
نام و سهرني
ولا فاكرني
ولا مش عالبال
سهرني في هم و ويل
من طول مابفكر فيه
نساني انام الليل
خلاني ابات اناجيه
كل ده كان ليه
كلمات غايه في الرقه والعذوبه و لن يسعني الوقت للحديث عنها لأعطيها حقها
سأتكلم عن محمد عبد الوهاب
المقام بياتي الرى
و مش زي اي بياتي معرفش ليه؟
بيعبر عن كل كلمه باللحن بكل صدق
غنى عبد الوهاب هذه الأغنيه عام 54 امام مجلس قيادة الثوره و جمال عبد الناصر و كانت آخر حفله غنائيه له
عمره في ذاك الوقت قرابة الخمسه و خمسون عاما
و في مقطع نساني انام الليل يقوم بالارتجال و التلييل لمدة نصف ساعه
نصف ساعه من الارتجال المدروس
نصف ساعه من الارتجال الشجي
نصف ساعه بدون اي استعداد
نصف ساعه أمام اكبر ناس في مصر و بدون اي شبهة نشاذ (معاذالله) أو حتى حته تروح منه شمال او يمين
رايح جاي في وسط مجموعة مقامات يصول و يجول و يستحوذ آهات و اعجاب الجماهير
يصعد الى اقصى درجات السلم الموسيقي و يهبط بسلطنه و طرب غير محدود
رحم الله عبد الوهاب
لنستمع معا
إلاما الخلف بينكم إلاما؟
قصيدة أحمد بك شوقي
تلحين و غناء محمد عبد الوهاب
وتسمى ايضا قصيدة السودان
اربعينيات القرن الماضي
الاما الخلف بينكم الاما
وهذه الضجة الكبرى علاما
و فيما يكيد بعضكم ببعض
وتبدون العداوة و الخصام
واين الفوز لا مصر استقرت على حال ولا السودان دام
طبعا القصيده بهدف اطفاء نيران الصراع بين مصر و السودان وبرع شوقي فيها لأقصى حد
عبد الوهاب بقى
سيبكوا يا جماعه من كل القصيده و تعالوا عند كلمتين (اللي تحتهم خط فوق)
الأغنيه جميله من مقام الكورد التقليدي و يستمر حتى يصل لكلمة ولا السودان
يتحول العبقري من سلم الكورد الى السلم الخماسي للموسيقى الأفريقيه ليعبر عن كلمة السودان!!!!!!!!!!!!!!!!!!!!!!!
السلم الخماسي هو سلم طبيعي محذوف منه درجتين في وسطه ليكتسب طعم الموسيقى الأفريقية
شيئ معبر و شديد الحساسيه في مكانه و في وقته
رحم الله عمنا عبد الوهاب
لنستمع معا
جفنه علـــم الغـــــــــــــزل
جفنه علم الغزل و من العلم ما قتل
فحرقنا نفوسنا فى جحيم من القبل
و نشدنا و لم نزل حلم الحب و الشباب
حلم الزهر و الندى حلم اللهو و الشراب
هاتها من يدى الرضى جرعة تبعث الجنون
كيف يشكو من الظمأ من له هذه العيون
يا حبيبي أكلما ضمننا للهوى مكان
أشعلوا النار حولنا فغدونا لها دخان
قــــــل لمن لام فى الهوى هكذا الحسن قد أمر
أن عشقنا فعذرنا أن فـــى وجهنــــا نظر
محمد عبد الوهاب
أحمد بك شوقي
القاهره 1932 يعني من 74 سنه
المقام عجم
و الايقاع رومبا عليها تعديل خفيف من الموسيقار الاستاذ
أول من استخدم ايقاع الرومبا في الموسيقى الشرقية على الاطلاق
بداية
اللي يعرف يلحن اللحن ده بالايقاع ده سنة 32 يعتبر شخص لا مثيل له على كوكب الأرض العربيه بالطبع
وبسرعه كده الكلمات رشيقه ورقيقه و سريعه و يلزمها الريتم السريع و قد قام عبد الوهاب باللازم و اكتر
المقام عجم ليناسب جو الغنوه
و عندما يأتي لكلمة يا حبيبي ينتهزها فرصه و يتحول عبد الوهاب ابن باب الشعريه و تربية المشايخ الى مقام البياتي الشرقي الأصيل و يلعلع زي ماهو عايز و يستعرض موهبته الصوتيه الفريده
خلونا نستمع كده
اغنية الفن
صالح جودت (على ما أعتقد)
محمد عبد الوهاب
اوائل الأربعينات
اغنيه هدفها الأساسي مدح للملك فاروق من خلال مدح الفن و الفنانين
ملحوظه : كان هناك شبه كراهيه من الملك فاروق لعبد الوهاب لإحساسه بإنه محبوب للنساء اكثر منه شخصيا
حاول عبد الوهاب مدحه في اكثر من عمل استرضاء له من ناحيه و طمعا في الحصول على لقب البكويه من ناحيه اخرى... الا ان كل المحاولات ذهبت هباء
عبد الوهاب في اغنية الفن يحاول ان يستخدم كل حيله و الاعيبه الموسيقيه للخروج بأغنيه متميزه تنول رضاء الملك فاروق (اللي مش راضي عنه اصلا)
ابدع عبد الوهاب في مقدمه موسيقيه غير مسبوقه ولا ملحوقه في تاريخ الغناء العربي
المقدمه البديعه من مقام النهاوند وتبدأ بمقدمه ماهره على الكمان و يبدع فيها عازف الكمان الأسطوره انور منسي (احد ازواج المطربه صباح و ابو ابنتها هويدا)
و بعض المشاركات على القانون للجبار عبد الفتاح منسي والذي يؤدي القطعه الشهيره ووراؤه الإيقاع المنتظم
و يدخل عبد الوهاب بعد تمهيده ايقاعيه جميله كأنها بتقوله اتفضل غني يا استاذ
الكوبليه التاني
الفن مين يعرفه الا اللي عاش في حماه
والفن مين يوصفه الا اللي هام في سماه
والفن مين انصفه غير كلمه من مولاه
والفن مين شرفه غير الفاروق و رعاه
الأستاذ عبد الوهاب يتحول من مقام النهاوند لمقام الراست التطريبي لزيادة جرعة التأثير المطلوبه
ويرتد ثانية الى النهاوند في مقطع انت اللي اكرمت الفنان و رعيت فنه لعمل كونتراست لحني واعي
و خدوا بالكم من عبد الوهاب في حتة :رديتله عزه بعد ماكان محروم منه (معلم غنائي كبير )
الكوبليه الأخير تحول الأستاذ لمقام الحجاز استعدادا لوصف البلاد بالجنه ووصف فاروق بأنه حارسها و رضوانها