عرض مشاركة واحدة
  #7  
قديم 20/09/2006, 16h41
الصورة الرمزية د أنس البن
د أنس البن د أنس البن غير متصل  
نهـر العطاء
رقم العضوية:688
 
تاريخ التسجيل: mars 2006
الجنسية: مصرية
الإقامة: مصر
المشاركات: 8,297
افتراضي مشاركة: سعد عبد الوهاب

اقتباس:
المشاركة الأصلية كتبت بواسطة aabadry مشاهدة المشاركة
صباحك ظريف د / راضي بك
و حشتني و الله
عجبتني فكرة التجميع اللي انت بتسويها دي و حقيقي دي بتوفر علي الواحد وقت كتير
الله يطول عمرك يا د / راضي يا عسل دقهلاوي
و تكون دق اهلاوي
مع الاعتذار لحبيبي د / اسامة بك
حضرة الحكيمباشى وعمدتنا بدرى بك
أحييك على كلامك الجميل وبمناسبة حكاية دق اهلاوي
ححكى لك حكايه من أواخر الخمسينيات وانا فى الحقيقه ماكنش لى اهتمامات كرويه تذكر بخلاف اخوتى الأصغر منى جميعا ولهذا الأمر قصة أخرى . المهم اتذكر يوم كان الأهلى بيلعب مع المنصوره أيام العظماء فى الفريقين من جيل صالح وطارق سليم والفناجيلى والسايس وعادل هيكل وغيرهم
وكان المنصوره على ضعفه فى ذلك الوقت الا انه كان البعبع بتاع الأهلى وفى هذه المباره لاأزال أذكر أخويا الصغير عاطف وكان أهلاوى متعصب قاعد ودنه للراديو وعمال يبكى بكا مر
قلت له فيه ايه ياولا قال لى وهو لايزال يبكى ولاتؤاخذنى فى اللفظ ولاد الكلب مش عارفين يلعبوا
قلت له مين قال حيكون مين بتوع الأهلى
قلت له غريبه دا انت حقك تفرح ان فريق بلدك المنصوره هو اللى غالب
لم يرد وأشاح بوجهه عنى وهو يشير بيده كأنه يقول لى ياعم ابعد انت مالك ومال الكلام ده خليك فى حالك
آه نسيت أقول ان الكابتن محمد لطيف كان بيذيع المباراه وطبعا كان بيولع فيها والسبب طبعا معروف
الله يرحم العباد ويرحم زمان وليالى زمان وكفايه أحسن الدكتور أسامه يزعل منى
__________________
إذا ما الطائر الصداح قد هدهده اللحن
ورفت نسمة الفجر على أشجانه تحنو
هناك السحر والأحلام والألحان والفن
نجيب سرور
رد مع اقتباس