رد: كلمات اغاني محمد فوزي
عيد الميلآد
يا نور جديد .. ف يوم سعيد
ده عيد ميلادك أحلي عيد
يوم ما اتولدتي .. البدر قال يا حسنها
أغيب أنا وهي تنور مطرحي
والشمس مالت م الخجل في برجها
قالت يا دنيا .. بنورها غني وافرحي
الطير صبح .. سبح بقدرة ربنا
ومن الفرح .. غني وقال يا سعدنا
الورد فتح .. ف عيد ميلادك
ع الحسن صبح .. ف عيد ميلادك
يا نور جديد .. ف يوم سعيد
ده عيد ميلادك أحلي عيد
***
فين سحر بابل .. جنب سحرك يا عيون ؟
وفين سهام الحب جنبك يا جفون ؟
ياللي بقوامك انتي .. أخجلتي الغصون
لو تطلبي روحي فدا .. آه .. روحي تهون
قولي انت ايه ؟
أنا عبد خضع للجمال
وجاي ليه ؟
جيت لما قلبي إليكي مال
أطلب رضاكي ..في عيد ميلادك
وأقطف بهاكي ..في عيد ميلادك
يا نور جديد .. ف يوم سعيد
ده عيد ميلادك أحلي عيد
عبدالعزيز سلام
التعديل الأخير تم بواسطة : غواص النغم بتاريخ 10/12/2009 الساعة 18h03
|