[أحمد شوبكى]

المشاركة الأصلية كتبت بواسطة حسن كشك

سؤال للاخوه مواطنى سماعى

هل تتابعون راديو كشك ؟
هل الاذاعة مطلوب استمرارها ام انها ليست مطلوبه ؟
ماهى مقترحاتكم بخصوص
1- المواضيع المذاعه
2- مواقيت الاذاعة
3- هل تريدون فقرات ثابته
4 - فتره مع السهرانين - هل تريدونها فتره حره ( اى تذاع فيها اغان اجنبيه وعربيه حديثه ام مسلسلات وصور غنائية )

مع امنياتى بالاستمتاع بالراديو

أبو على - عميد عباقرة عائلة كشك -

سلامى ليك ولكل العائلة يا دراويشى

أنا هأرد على أسئلتك بس بشكل شخصى ( يعنى تاخد رأيى وتسمعه وبس ،،، مش تتخانق معايا بعد ما تقراه - زى ما بتعمل كل مرة )
1 - المواضيع المذاعة

واضح يا أبو على إنك بتنوع فى المواضيع ودى حاجة كويسة للإرضاء جميع الأذواق

2 - مواقيت الإذاعة

طبعا إنت عارف إختلاف وفروق التوقيت ،، والمنتدى فيه ناس وأعضاء من كل أنحاء العالم ،،،- بس بيتهيألى إنك لما بدأت تعلن عن البرنامج اليومى باليوم والتاريخ والساعة - المشكلة بدأت تتحل لأن كل واحد بقى عارف الأغنية أو الموضوع اللى هوة عايز يسمعه هيتذاع الساعة كام وهوة وطارته بقى إنكان يظبط أموره ووقته علشان يعرف يسمعه.

3 - هل تريدون فقرات ثابتة؟

بصراحة أنا مع الإقتراح بتثبيت فقرة لأم كلثوم

4 - فقرة مع السهرانين

دى بقى فقرتى المفضلة ويا ريت تضم أى عمل لأى فنان شعبى أو فنانة شعبية ( مش لازم الشوبكى يعنى )

*** هل تتابعون راديو كشك ؟
أنا قلت أنا بأتكلم عن نفسى وبس ، ( وأنا طوال الفترة اللى قاعدها قدام الكمبيوتر فى البيت مشغل راديو كشك )

*** سؤال غريب كدة وما لوش معنى : هل الإذاعة مطلوب استمرارها أم إنها ليس مطلوبة؟

الإذاعة ( بالنسبالى أنا على الأقل ) مطلوبة مطلوبة مطلوبة بالتلاتة ( ولا إنت تعبت أو زهقت يا مدير الإذاعة ؟ ) ...