عرض مشاركة واحدة
  #1  
قديم 22/09/2008, 07h40
بريكسي فريد بريكسي فريد غير متصل  
مواطن من سماعي
رقم العضوية:112594
 
تاريخ التسجيل: novembre 2007
الجنسية: فرنسية
الإقامة: فرنسا
المشاركات: 398
افتراضي من ديوان بطبجي(شعر الملحون الجزائري)

السلام على الجميع
من لم يسمع في الجزائر و لو مرة واحدة أغنية عبد القادر يا بوعلام؟
أضن ان الاغلبية ان لم نقل الكل, تضن انها من اغاني الراي كزن خالد , الزهوانية و غيرهم غنوها في مشوارهم الفني.
هذه الاغنية كلامها من الثراث الجزائري و بالخصوص من الشعر الملحون . صاحبها من مستغانم المرحوم عبد القادر بطبجي و الذي سوف نخصص له هذا الركن ببعض قصائده الرائعة.
اذن اليوم مع قسم اول لقصيدته عبدالقادر يا بو علام

عبد القادر يا بو علام

عبد القادر يا بو علام ضاق الحال علي
داوي حالي يا بو علام لله روف علي

ضاق الحال علي فنيت خلخل عقلي و رشيت
يا العرج راك سهيت جفيتني غير بلا سية

بلا سية حفيت راك نسيتني و إلا جفيت
أنت مذكور تغيث من حصل في ذيك و ذي

ينده بك المغبون يا قويدر قرة العيون
في البادية و المدون طاعت لك كل ثنية

طاعت لك كل بلاد ملوك و وزرا و قياد
أنت رايس الاعقاد يا الفحل ولد السنية

يا سلطان الصلاح يا قويدر ممو الالماح
أنا جيتك نواح لا تخيب دعاء ليا

في هذا التوسل نقصد البغدادي جلول
مول السر المكمول لفحل سلطان الأولياء

أول ما نقصد الفحل جلول الواكد
من بحره نورد كيف ما شربوا أهل النية

بمقامته نبدأ نحشم رواحن الوكدة
هما ساس العمدة أهل الأسرار الخفية

وين مول الصفاح فيه قلب الشايق يرتاح
يبرا من كل الجراح و الهموم و كل بلية

وين مول الناضور المقام اللي هو مشهور
تما توجد قدور فيه كل الصباح و عشية

وين مول الدومة فيه حويطة معلومة
دايم فيه مقيمة الخديم و الروحانية

وين مول المعزة قاصده ما ينظر لزة
عمره ما يستهزا يدير للمغبون مزية

وين مول العودة رواحنه دايم مجتهدة
من راح ليهم ادا اللي طلب نال الكمية

وين مول التراس دايم روحاني عساس
ما دفعوا كي قياس ما يدوروا عنده عديا

المقام الكروشة تما ما تبقى لك وحشة
فيها القوة باشا اللي سعدهم عالي العليا

هذي غير مقامات بوعلام رفيع الدرجات
فيهم روحانيات يرتجاوا أصحاب السعية

وين عقيد القوم بوعلام ظريف الخرطوم
راه خديمك مظيوم نرغبك تنيف علي

وين رجال بلادي وين سعيد البوزيدي
و الأربعين سيادي المسمية ربعين شاشية

وين سيدي عبد الله المخمر مول الدولة
وين أصحابه جملة أهل المطمر الكلية

يا سيد أحمد بالحلوش و المزعزع سيدي حمادوش
وين سيدي خرشوش وين أولاد العجمية

وين سيدي السايح صاحب البرهان الناصح
يرفد من هو طايح قبته تزار خفية

وين سيدي بوعجاج المخمر رايس الانتاج
بحره دافق بأمواج من الأسرار الإلهية

وين يحيى الوكاد من فنى عمره في الجهاد
عجامي من الجواد من اسطنبول حقيقية
ناس العرصة نقصد في أولاد جماعة نسعد
القايد محمد ثمة نحكي له ما بيا

نقصد سيدي عثمان الفحل غياث اللهفان
مول السر و البرهان صاحب الحكمة الألفية

الرجال الصيادة أهل المغاير و العبادة
قاصدكم في شدة دخيل لكم حنوا فيا

وين أهل المنور و الجبل و الكاف الأصفر
وين أهل القناطر كلهم والي و ولية

وين رجال يناره سهاوا راهم ما يفتكروا
وين الشايع خبره بو قبرين حرير الأولياء

أهل الشلف و الظهرة كل منهم رجل و أمرة
وين أهل البصيرة و الخصلة الربانية

وين لخلوفي لكحل وين ربيع البطل الكامل
عفيف المتأصل من أولاد الهاشمية

وين رجال الواد كلهم سياح و عباد
سيد اعمر الوكاد المزعزع بن مغنية

وين مخبل الشعور المسلك منه ميسور
مول السر المشهور المخنت حمو خويا

وين سيدي الزواوي و أهل جبل الديس القاوي
للعبادة مروي فيه صلاح الجمعية
رد مع اقتباس