[أبوإلياس]

ماله الحلو ماله
كلمات: فتحي قورة
مقام: راست
من الألحان الشعبية الخفيفة التي دأب على تلحينها من كلمات فارس الأغنية الشعبية فتحي قورة ، لحنها في مرحلة إستقراره بلبنان ، ورفضت لجنة الاستماع بالإذاعة اللبنانية إعتمادها مخافة أن تتخدها المعارضة اللبنانية نشيدا للتعريض بالرئيس اللبناني آنذاك شارل الحلو ، فوت حقوق استغلالها لشركة أسطوانات التي أصدرتها مع أغنية لو تسمعني لآخر مرة في أسطوانة من فئة 45 لفة ، كما رخص للصوت الأسمهاني فدوى عبيد بترديدها في الحفلات العامة.


ماله الحلو ماله مش زي عوايده ليه
دا حبيبي مهما قالوا مش ممكن اهون عليه
ماله الحلو ماله ماله يابا ماله

كان لما يفوت عليّ بالعين يبعت سلام
وترد عليه عيني بكلام من غير كلام
ولا كانش يطيق بعادي ولا يخلف يوم ميعادي
وغالي عليه ودادي زي غلاوة عينيه
ايه غيّر بس حاله يا مين يقول لي ايه
دا حبيبي ...
ماله الحلو ...

بقى لنا سنين طويلة نتقابل كل يوم
وف ليالينا الجميلة ما تفكر عين في نوم
وياما الشوق غلبنا ودانا بعيد وجابنا
لا رحمنا ولا سابنا حتى وايدي ف أيديه
واحترت اوصف جماله واقول على حسنه إيه
دا حبيبي ...
ماله الحلو ...

دي عشرة عمر غالي مش يوم ولا يومين
ح يروح فين من خيالي وأروح من حبه فين
وإن كان يبعد شويه بيكون تقلان علي
علشان دموع عيني تزيد م الشوق اليه
ونا عافه ان ساق دلاله اخرة دلاله إيه
دا حبيبي ...
ماله الحلو ...