[محمود العيادى]

العزيز الغالي احمد باشا الشوبكي .. انت ابن فنان عظيم حقيقي و انا لي شرف اللقاء به في مناسبات فنيه كثيره و لذلك قصه و هي ان انا من فناني الاسماعيليه و ارتبطت بصداقات و لقاءات فنيه مع فناني الزقازيق و خصوصا الاستاذ صابر حامد عازف الناي و اكيد انت عارفه و ايضا العفريت سيد ابو سبع و ابراهيم حسنيه و الشيخ محمد و جمال قزز و صفوت الشريف و العسل كله صلاح مكاوي و عزت علي و كنا نلتقي في سهرات فنيه او جلسات فنيه و في بعض الاحيان كنا نذهب الي منزل الوالد و نلتقيفي جلسات فنيه جميله و ايضا شاركنا الوالد في حفل زفاف ضابط شرطه عندنا في الاسماعيليهاصر ان يكون نجم الفرح عمنا الاستاذ محمد الشوبكي و تصدق ان العريس ساب الكوشه و قعد تحت رجلين الاستاذ اعجابا و كلنا انبهرنا بروع اداء الوالد لدرجه الغينا نمر ( فقرات فنيه ) علشان نستمتع به و الفرح كان في نادي الشرطه و كان الاتفاق ان الوالد يفتتح و لمده ربع ساعه و بعدين نكمل الفقرات تصدقني ياابوحميد محدش اشتغل في الفرح غير الوالد و يمكن انت عارف الضابط ده لانه من البلد عندكم اسمه هشام الشافعي ... نعم الوالد و الفنان و ربنا يطول في عمره و يخليك له و اتعشم ابلاغه تحياتي .