برنامج نيت ووركس من افضل برامج حساب استهلاك ومراقبة الانترنتو البرنامج سهل الاستخدام للغاية وهو يقوم بعرض الاستهلاك اليومى للانترنت وأيضا الاستهلاك الاسبوعى و الاستهلاك الشهرى و يمكنك تحديد تواريخ مدة الاستهلاك من يوم معين الى يوم اخر محدد و كمية الاستهلاك عن تلك الفترة والبرنامج يقدم ميزة فصل الانترنت او تبليغك فى حالة الوصول الى كمية محددةمن استهلاك الانترنت محددة مسبقا.برنامج يساعد على تقييم حركة الباندويدث على الشبكة وقياس سرعة الانترنت لديك بشكل عام أو أي اتصال شبكة اخر.
اخى العزيز عمرو
الف شكر بس عايزين شرح اكتر ( لأن الموضوع ده هو موضوع الساعة لكل المصريين ) بعد تحديد نسبة الاستهلاك انا سطبت البرنامج نزل لى ايقونة فيها 3 اوان لما بقف بالماورس جنبها بتدينى نسبة السحب DL & UL بس ده بيبقى على السحب اللى انا سحبته دلوقتى اقصد المرة دى لما فتحت الكمبيوتر لحد ما اقفل .. ازاى يدينى نسبة السحب الاسبوعى او الشهرى لأن ده الاهم يعنى هو المقياس الحقيقى للسحب كمان سؤال مهم لو انا فتحت الواى فاى للعيال ده بيبقى عدد سحب لوحده لأن خارج الكمبيوتر ولا ممن البرنامج يحسبه ايضا ؟ انا اشتراكى مع شركة تى اى داتا بيبقى من يوم 27 فى الشهر وانا بدفع الاشتراك قبلها بكذا يوم انا طبعا خلاص دفعت الاشتراك الجديد بس طبعا لما يبتدوا يطبقوا النظام الجديد لازم اروح الفرع عشان احدد الباقة انا بدفع 140 جنيه ... مش عايز ادفع لا اقل ولا اكتر يعنى عايز احسن خدمة ممكنة ب ال 140 جنيه وده اللى حايحدده كمية السحب بتاعتى فى الشهور اللى فاتوا يعنى لو اقل من الليميت اللى هم حايحددوه بشكل ملحوظ يبقى خير وبركة ابقى كسبت السرعة انى بدل واحد ميجا ابقا 2 ميجا لكن لو معدل السحب كان اكتر كتير هنا حاتبقى المشكلة
والف شكر ع البرنامج وماتنساش الشرح ( انت هنا قلت المميزات ) عايزين الشرح بالتفصيل مع اطيب تحياتى عادل صموئيل