رد: الشعر الشعبي الأهوازي
--------------------------------------------
--->>> النعي <<<---
هذا النمط الشعري يُقرأ في الرثاء أو في الشكوي عادة و الوزن و تعداد الأبيات و القوافي متغيّرة و هذه نماذج قديمة الله يعرف شاعر/ة ها :
ايينا و گعدنا بعتبة الباب
او لگينا اكبار البيت غيّاب
اخذنا الوكت و احنا اتعاب
يمّه شفت الهوا حرّك الباب
حسبالي يمّه جيّة احباب
ثاري الهوا و الباب چذّاب
او منهم بعد بطّلنا العتاب
ايينا : جئنا
حسبالي : ظننت
جيّة : مصدر الفعل جاء - يجيء
ثاري : تبيّن أنّ ...
1)
بيني و بينك ثلث گطعات
وحدة خطر و اثنين كلفات
تري فرگه العدل زوّد علي المات
امگابل طلع جرحك يا گلبي
كلفات : صعبات
فرگه : فرگي : فراق
العدل : الحيّ
المات : الّذي مات
2)
الينازة رادت ثلث صبيان
واحد ولد و اثنين خوّان
يوصلون حرمتهم للاوطان
شمسوية من عوية و نفوني
الينازة : الجنازة
خوّان : أخوان
حرمة : المرأة المهضومة في عيشها
للاوطان : القصد من الأوطان هو المقابر
شمسوية من عوية (عوجة) و نفوني ؟ : ماذا فعلت من السوء فهم نكروني ؟ ...
3)
عفية ولدي شيّال همّي
يا نفل يا مهتلف يا نشمي
يا بعد ابوي و بعد عمّي
غذّيتك ابروحي و دمّي
ردتك اگلوب اعداك تدمي
عفية : بارك الله فيك
مهتلف : تعبان جدّاً
نشمي : ذو صفات الرجال في الحسن
4)
گلبي مثل هرشك يا نعناع
يا ريحتك طرّت الگاع
عشرة اسنين ابساع تنباع
صارت الخوّة بالاطماع
هرش : غصن
ابساع : بسرعة
الخوّة : الأخوّة
5)
اخوي ولد امّي شجيجي
اشعازل طريجه من طريجي
اريدهم لو نشف ريجي
شجيجي : شقيقي
طريج : طريق
ريج : ريق
6)
اگعدونا بسدّ المحلّة
و تصنّطوا لبچاي كلّه
تالي الدلال انشوف ذلّة
تري الغالية شبعت مذلّة
سدّ : بكسر السين يعني الظلّ
تصنّطوا : إستمعوا
لبچاي : لبكائي
7)
يا حسين خويه جبل كرحوت
اليصعد يمتحن و الينزل ايموت
بحر اتگالب بيك كل حوت
عگلك جسر يا هو اليجي ايفوت
كرحوت : جبل بين محافظتي خوزستان (الأهواز) و البصرة
اليصعد ... و الينزل : من يصعد ... و من ينزل
يمتحن : يتورّط
8)
يا بو ماطور اجدم و آنا ابنها
و ثار الصوچ منّي موش منها
تسعة اشهر نگلب اببطنها
و تسع اسنين ربّتني ابحضنها
او بعد ريحة المضغة ابردنها
هاي الوالدة شوف اشمحنها
ماطور : من الزوارق
اجدم : تقدّم
ثار : ثأر ، إنتقام
الصوچ : الذنب ، التقصير
المضغة : نبات مرّ يضعونه علي حلمة ثدئ الأم لكي يكره الرضيع شرب اللبن و هكذا يفطمونه
و هذه أبوذيّة سمعتها من أحد في رثاء أبيه يوم وفاته :
+++
سار النعش و اعيوني ترابه ( تنظر إليه )
الهضم و الضيم انا بگلبي ترابه ( فيه حقّاً )
يا دفّان الأبو خفّف ترابه ( التراب )
و حط خدّه ابرفج فوگ الوطيّة
الهضم : الحزن و الأسي
الضيم : الهمّ
حط : ضع
ابرفج : برفق
فوگ الوطيّة : علي الأرض
و هاتان أبوذيّتان منقولتان من إخواني العراقيّين في رثاء الموتی :
+++
غرامك گصّة بدلّالي وفاتك ( فاتك أي مهلك )
فتت حال الهوي يا اشگر وفاتك
يوم البيه گالولي وفاتك
دم سال الدمع و سگي الوطيّة
بدلّالي : في قلبي
+++
موت و لا يجف روضك وناحي ( و أنا حيّ )
و طول الليل ما انامه وناحي ( أسهر )
چذب من گال اون ونّة وناحي ( و أنوح )
للتارة و اگول اتعود اليّه
أون ونّة : أئنّ أنّة
التارة : إشارة إلي قول الله تعالي و القصد منه يوم القيامة
--------------------------------------------
يتبع إن شاء الله تعالی
|