[منذر44]

استاذ عادل
عندما طلبت من حضرتك أغنية أحلى طريق في دنيتي كنت أتصور هذا حلم بعيد المنال
ولكن بسرعة لم أكن أتصورها أصبح الحلم حقيقة أسعدتني كما اسعدت كل عشاق الفن الأصيل
فكلمة شكرا قليلة عليك يا أصيل يا حاتم طائي النوت الموسيقية
مع حبي وتقديري
منذر علي
الاخ العزيز كلامك اسعدنى جدا جدا لأن اللى بيطلب اغنية رائعة زى دى انا اكيد بحترمه جدا.. وانا بالذات لأنى عزفت فيها الاغنية دى غالية عليا اوى .. والمشكلة ان الاغانى دى بتتعرض للإنقراض لأن الشباب اللى طالع بيسمع الحاجات اللى بتطلع دلوقتى وانا لما بدونها ببعث ليها الحياة من جديد يعنى ممكن واحد يعزفها وآخر يسمعها منو يعزفها وهكذا تنتشر لأن فيه حاجة الشباب اللى عايزن يعزفوا هم مش فاهمينها انت لما تسمع اغنية قول لتامر حسنى مثلا ... انت بتسمع كام صوت متداخل وحتى لو تعبت نفسك وحاولت استخراج اللحن الاساسى وجيت عزفتو على العود او الجيتار مثلا او اى آلأة بتلاقى نفسك بتعزف حاجة مش مغهومة لأن اللى حايسمعك سامع الاغنية من تامر حسنى لكن اللى انت بتعزفه هو ماسمعوش فى الاغنية لنو مش واضح والأخطر ان الجملة كمان جملة زفت واتعزفت فى خمسين اغنية من قبل والتوزيع والايقاعات بتغطى عليها عشان ماتحسش انها مسروقة او مستهلكة 100 مرة من قبل
لكن تعالى امسك عود واعزف اى جزء من احلى طريق فى دنيتى لو عزفتو مظبوط اى حد حايسمع حايقول لك الله عليك قول كمان وافضل اعزف للصبح ... واشىء الاهم والاخطر ان كل اغنية من زمن الفن الجميل عبارة عن مدرسة
وان شاء الله اعزف لكم باقى روائع فايزة احمد الطويلة زى نقطة الضعف وغيرها
مع اطيب تحياتى عادل صموئيل